رباعيات - صلاح چاهين


خرج ابن آدم من العدم قلت : ياه
رجع ابن آدم للعدم قلت : ياه
تراب بيحيا ... وحي بيصير تراب
الأصل هو الموت و الا الحياه ؟
عجبي !!!

ـــــــــــــــــــــــــــــــــــــــــــــــــ
ضريح رخام فيه السعيد اندفن
و حفره فيها الشريد من غير كفن
مريت عليهم .. قلت يا للعجب
لاتنين ريحتهم لها نفس العفن
عجبي !!!

ــــــــــــــــــــــــــــــــــــــــــــــ


أنا شاب لكن عمري ألف عام
وحيد لكن بين ضلوعي زحام
خايف و لكن خوفي مني أنا
أخرس و لكن قلبي مليان كلام
عجبي !!!!



..........باربـــــى

.........

  • Digg
  • Del.icio.us
  • StumbleUpon
  • Reddit
  • Twitter
  • RSS

1 Response to "رباعيات - صلاح چاهين"

  1. غير معرف Says:
    ٢٦‏/٤‏/٢٠٠٨، ٤:٥٧ م

    men a7la roba3yat salah jaheen mawdu3 gamel we modawana agmel