شبــــ اون لاين ــــاب

رائحه الحريه تغزو انفى

2012-01-04T02:05:00.004+02:00

استطيع الان ان اشم رائحه الحريه تغزو انفى

سأعود

لا اعلم سأعود ام لا لكن ان عدت سأعود لاجلى فقط

لا اعلم لا اعلم

مطلوب زعيم !

2011-08-07T09:38:00.001+02:00

DOWNLOAD

معادلات فى الحياة

2010-08-15T20:23:00.003+02:00

رياضة + سياسة = تضارب
حكومة * الشعب = شعب مظلوم
طالب * ثانوية عامة = مظلوم
طالب * جامعة = مقهور
غلبان * الشغل = مطحون
آدمى + فكرة = مجنون
نفوذ + فلوس = محدش يقدر يكلمك
مسؤل / الشعب = مسؤل هيعمل اللى هو عاوزه

JOKER

كل سنه وانتم طيبين

2010-08-10T23:10:00.003+02:00

رمضان كريم

وكل سنه والجميع بخير

بمناسة الشهر الجميل ده حابب اقولكم

اننا الحمد لله نجحنا او بمعنى تانى انتهى مشوار التعليم الحكومى

وياريت محدش يكون زعلان مننا بسبب الغياب الطويل

JOKER

اعتقــاد خاطئ

2010-04-07T20:15:00.003+02:00

منذ سنوات ليست بعيده جائت لى فكره انشاء بلوج

لكى يكون المتنفس الوحيد لدى لكى اعبر عن ما بداخلى

و كانت ايضا فكره من معى

لكن بعد كل هذه السنين اكتشفت

اننى اعتمدت على شئ لن يفيدنى على الاطلاق فى الهدف المرجوه منه

هل يستطيع البلوج الان اخراجى من همومى ... الاجابه لا لانها همومى وليس هموم البلوج ولا الاصدقاء المتابعين له

اكتشفت ايضا لايوجد سوى شخص واحد هو من يستطيع اخراجى من هذه الحاله

الشخص هذا هو الذى يريد ان يعيش معك حتى الموت دون مقابل ... دون مقابل حتى الموت

هل هذا طريق لعدم الاعتماد على البلوج مره اخرى ... لا اعلم

كان هذا حلمى فقط و اصبح بعد ذلك حلم اثنين اخرين

كل ما اعلمه الان اننى لن اعتمد على هذا فى اخراج ما بداخلى

واحد مخه لاسع شويه

قالو لى

2010-03-20T23:26:00.003+02:00

قالو لى : من علمك الكره والخيانه

قولت : اقرب ناس لى

قالو:من علمك الحزن

قولت :كلام الناس لى

قالو :من علمك الضحك

قولت :كثره حزنى

قالو :من علمك الحب

قولت : لم اتعلمه لانى لا اعرف معناه

joker

حوار مع النفس

2010-03-05T20:28:00.005+02:00

الحوار ده نفسى عملته معايا يلا نشوف نفسى سألتنى ايه وانا قولت ايه.

1-انتى مين؟

انا بنت عايشة فى الدنيا اللى كلنا عايشين فيها ،ساعات كتير بحس ان معرفش نفسى ومش عارفة انا عايزة ايه وساعات كتير بيحصل العكس،مزاجيه جداااا بس مزاجى مش هو اللى بيحركنى.

2-عايزة تعملى ايه فى حياتك؟

عايزة اكون مبسوطة وسعيدة،واحقق كل اللى انا عايزاة وان ربنا يكون راضى عنى واحاول ان ارضية دايما.

3-انتى حزينة ولا سعيدة ولا وحيدة؟

انا ساعات حزينة وساعات سعيدة بس الايام دى والحمد لله سعيدة،وبالنسبة للوحده بحسها فى وقت الحزن بس.

4-ايه اللى ممكن يضايقك من الناس؟

اكتر حاجة ممكن تضايقنى ان اللى قدامى بيتصغر عقلى ويفكر انه ممكن يضحك عليا او من السهل انه يكون اذكى منى لان طبيعتى بيبان عليا ان انا طيبه،اه انا طيبة بس فاهمة اللى قدامى كويس.

5-حياتك فيها ايه لازم تتغير؟

امممم سؤالك حلو يانفسى

1-محتاجة ان افكر اكتر من كدا لان حاسه ان دماغى كتير بتوقف.

2-لازم اكون هادية شوية لان عندى شوية عصبيه وناس كتير بتزعل والناس دى انا بعزها جدا.

3-اتقرب للناس اللى بتحبنى ومش شرط اكون انا بحبهم لان المحبة كدا كدا هتيجى.

6-كلمة تحبى تقوليها لنفسك؟

اقولها "لا تبكى يانفس على شىء قد ذهب ونفسى التى تملك كل شىء ذاهبة"

كتبتة لكم/باربى

للكبـــار فقط

2010-02-21T22:54:00.003+02:00

حصل فى يوم و قررت انزل اتفرج ع فيلم ف السينما وزى كل مره بنزل فيها عادى جدا خالص

روحت اشوف السينمات و الافيشات للافلام المعروضه فيها و لقيت حاجه موحده فى معظم الافلام

و هى كلمه للكبار فقط

و معرفتش ادخل اى حاجه لاول مره فى حياتى معرفتش اتفرج ع فيلم و رجعت للبيت تانى

ايه الفكره انا مش عارف

يعنى ايه لزوم ان كل الافلام دلوقتى للكبار فقط

افرض يا جدع انا مش عايز ادخل الافلام دى و عايز فيلم محترم استمتع منه و اخرج

يعنى مثلا هى بقت عافيه

يعنى كل الافلام اللى نزلت ف اجازه نص السنه بقت للكبار فقط

بالعافيه يعنى ادخل اللى على كيفكم

ولا يعنى مثلا اقطع تذكره طياره و اروح شومبونجو اتفرج ع فيلم و اجى

انا عايز اعرف يعنى ف الصيف اللى جاى بعد كده الافلام حتبقى كلها كده

انا مش عارف رقابه ايه دى اللى موجوده دى رقابه عايزه قطع رقابتها

يعنى مثلا من 5 سنين تلاقى 4 افلام كويسه و واحد للكبار فقط

دلوقتى بقى ال 5 للكبار فقط

يعنى انا ادخل اتفرج ع احاسيس ولا كلمنى شكرا ازاى

باى وش اروح اقول للبنت اللى قاعده ف شباك التذاكر اقول عايز تذكره احاسيس

حتى الفيلم الوحيد اللى كان موجود كان فيلم الصيف اللى فات

يعنى حتى لا بقى فيه مسرح زى زمان الواحد يستمتع بيه

طيب عندى فكره ينتجوا افلام كارتون للصغار فقط علشان اعرف ادخل اتفرج ع حاجه

طالما كل الافلام بعد كده حتكون للكبار فقط

احنا حنفضل طول عمرنا نقلد

كانت فيه فتره كلها افلام كوميدى

و اللى وراها كلها اكشن

و اللى وراها كلها رومانسى

و اللى وراها كلها للكبار فقط

يعنى مثلا انا اقوم من النوم اقرر انزل بوست للكبار فقط من غير انى اكون مقدر

لمشاعر الناس اللى حتقراه

ماينفعش

مفيش تنوع مفيش فكر مفيش تناسق بين شركات الانتاج

ع العموم انا خلاص قررت اقطع تذكره و اروح شومبونجو عرفت ان فيها فيلم محترم حد عايز يجى معايا

واحد مخه لاسع شويه

happy valentines day

2010-02-13T14:21:00.003+02:00

عيد الحب مش لازم يكون بين حبيبين

بيكون بين اى حد بيحب شئ ويكون عزيز عليه

مثلا اصدقاء اقارب اخوه

كل سنه وانتم طيبين: بـــــاربى

مخ لاسع شويه

joker

ورجعنا تانى

2010-02-06T16:55:00.006+02:00

ورجعنا تانى بعد طوووول غياب.

اول حاجة وحشتونا جدااا جدااااا جدااا،احنا الحمد لله خلصنا امتحانات وعدت على خير وربنا يكملها والنتيجة تظهر على خير،وبجد فى وقت الامتحانات الواحد عدت عليه مواقف كتير جدااا واتعلم منها اكتر.

انا عن نفسى عرفت مين اصحابى ومين لا،بجد الصحاب مش بالوقت اللى عشناه مع بعض ساعات كتير بنفتكر ان صحابنا هما اللى معانا من سنين،غلط انا اكتشفت ان الصاحب ممكن يكون اللى لسه عارفاه النهاردة.

عموما هنتكلم فى ده اكيد فى بوست لوحده انا حبيت بس اطمنكم علينا اننا تمام الحمد لله وصحيح مبرووووك للمنتخب رفعوا راسنا ربنا يزيد من فرحنا اسيبكم دلوقتى واستنونا فى البوست الجاى قريب جدااااا.

كتبته/باربى

البقاء لله

2009-12-29T23:30:00.003+02:00

ابن خالى كان عزيز عليا جدا بس مش هنعزه على اللى خلقه

طلب صغير منكم دعوه ليه بالرحمه

جوكر

اطفال وبس 4

2009-12-16T17:24:00.007+02:00

.
.
.

ناسف على غيابنا بسبب الامتحانات وكده يا رب ميكونش حد زعلان مننا

JOKER

هابى خروف

2009-11-26T13:14:00.004+02:00

كل سنه وانتم طيبين

والعيد فرحه مااااااااء هههههه

وباذن الله كل واحد يحقق احلامه

جـــــــــــــــوكر

انا مصرى .. ام الجزائر

2009-11-21T17:39:00.005+02:00

من غير اى مقدمات ولا شرح للى حصل لان كلنا عارفين ايه اللى حصل

لاشرف ناس موجوده على الكره الارضيه

مين الجزائر دى من الاساس علشان تحرق علم مصر ولا علشان تتضرب جمهورنا

اللى كان رايح يتفرج على ماتش كوره

لازم كل المدونات تاخد موقف من اللى حصل لازم كل واحد يعبر عن رايه من حنفضل ساكتيين كده

و نقول كلام حب وخلاص

فين الوحده الوطنيه اللى كانوا بيتكلموا عليها

و هى مصر بس اللى دوله عربيه

قالوا اننا يهود لاننا بنقفل المعابر فى وش اخوانا فى فلسطين

انا اقول لاى حد جزائرى شعبكم عمل ايه لفلسطين

ولا قاعدين تتكلموا وخلاص

لا شفناكم بعتوا اكل ولا شرب ولا حتى عملتوا مظاهرات سلميه ولا غير سلميه

لازم الكل يعرف ان اللى انتم غلطوا فيها دى مصر البلد الوحيده اللى مذكوره ف القرأن الكريم

و انا اسف اننا كنا بنعتبركم دوله عربيه وانتوا اصلا مش عارفيين تنطقوا كلمه عربى على بعض

و انكم شعب مش عارفيين تتخلصوا من الاحتلال الثقافى لحد دلوقتى اللى واكل دماغكم

شويه همج عايشيين و خلاص

لازم يا جماعه اى حد يقرا الكلام ده و مصريته بتحرقه ياخد موقف بالكلام

او حتى ينشر الصورتين دول على البلوج بتاعه

دى امانه ولا زم كل مصرى و عنده فرصه يقول اللى فى نفسه و يعبر عن غضبه

بالتحضر من زى شويه المتخلفين البربر

فى كلام كتير عايز اطلعه لكن ماينفعش يطلع بطريقه محترمه ... لكن لازم كل واحد عربى او غير عربى قبل ما يفكر يغلط فى مصر يعرف انى دى بلد الرجاله مش زى البلد اللى منعرفهاش غير من نسوانها

مصر اكبر من كاس العالم

مصر اللى موقفا كل الدول العربيه على رجليها
و لازم كله الدنيا تعرف ده

لازم كلنا ناخد موقف زى ما ناس كتير عملت ده من النقابات الفنيه و الشركات الحكوميه المصريه.

واحد مخه لاسع شويه

الزمـــــــن

2009-11-17T04:18:00.002+02:00

ذات مره كانت هناك جزيره تعيش عليها جميع المشاعر

* السعاده*الحزن*الحكمه* .......... كل المشاعر حتى الحب

وذات يوم اكتشفوا ان الجزيره تغرق , فحاولت جميع المشاعر الهرب من الجزيره للنجاه

حاول *الحب* الهرب لكنه لم يكن يملك شيئا ليهرب فيه , فقرر ان يسال غيره ليهرب معه

فوجد *الثراء* يهرب فى مركب فخم جدا ... فقال *الحب* للثراء هل استطيع ان اركب معك

فرد *الثراء* : بالطبع لا ... ان مركبى تحتوى على الكثير من الذهب و الفضه ولا مكان لك معى

بعد قليل كان *الغرور* مارأ بمركبه فقرر *الحب * سؤاله ؟

هل تستطيع ان تاخدنى معك ؟؟؟

فرد *الغرور* : للاسف لا استطيع مساعدتك ... انت مبتل تماما و مركبى نظيفه و جميله انا اخشى عليها من التلف بسببك

حدث نفس الامر مع *الحزن* فرد قائل : انا حزين للغايه و افضل البقاء وحدى

وعندما مرت *السعاده* بجوار *الحب* كانت سعيده للغايه ولم تلاحظ وجوده من الاساس

و فجأه ظهر عجوز من بعيد و نادى على *الحب* لينقذه ويركب معه

فشعر *الحب* بالامان و الطمانينه ولكن فرحته انسته ان يسال هذا العجوز عن اسمه , حتى وصلوه الى بر الامان و نجوا جميعا من الغرق

فذهب العجوز بعيدا قبل ان يساله *الحب* عن اسمه

شعر *الحب* انه مدين للعجوز بحياته , لكنه لم يعرف من هو هذا العجوز

ولكنه راى *الحكمه* يجلس بعيدا فذهب اليه ليساله عن هذا العجوز ...فقال له انه *الزمن* فاستغرب الحب لكلام الحكمه

فقال له ولماذا ينقذ *الزمن* حياتى ... قاله له العجوز لان الزمن الوحيد الذى يعلم اهميه الحب

نعم فالزمن الوحيد الذى يعرف معنى الحب و قيمته

باربــــــــى

من يفهمنى !!!

2009-11-07T16:03:00.003+02:00

اتنين يقول احدهم للاخر

أبى يجلس معى لنتحدث سوياً عن مشاكلى .............. لكنه لم يستطع تأمين مستقبلى

يرد الاخر عليه

أبى امن لى مستقبل جيدا و عيشه كريمه ............... لكنه لا يعرف عنى سوى اننى ابنه

واحد مخه لاسع شويه

الا يوجد حل وسط

سبق صحفى

2009-10-25T16:54:00.005+02:00

الاول قبل ما ابدا احب اعتذر عن غيابى علشان الدراسه والكورسات

.
مش مخلين عندى وقت ودلواتى انا راجع بسبق صحفى محصلش

.
وصلت معلومات من مصدر موثوق ان رجل اعمال مصرى سوف

.
يقوم بشئ فى منتهى الخطوره حتى يجعل الشعب سعيد

.
وكان لازم اعرف القصه ايه وكانت كالاتى

.
رجل اعمال مصرى استعانه بامهر المدربين للياقه واكثرهم خبره فى الرياضه

.
ووضع قائمه بمواصفات عاليه الجوده من حيث المهاره والذكاء واهم شئ الطاعه

.
وسوف يسافر بيها الى الصين حتى يتم انتاج هذا الفريق الذى سوف يمثل

.
المنتخب الوطنى المصرى وبحمد الله تم التعاقد مع احدى الشركات الكبرى

.
ونص العقد على 24 لاعب ولو اخدنا 6 كمان هيعملو خصم محصلش

.
وسوف يكون من ضمنهم 5 بيلعبو بالرجل الشمال و3 بالاتنين والباقى باليمين

.
وطبعا سوف يكون شعر كل العيبه ناعم علشان ميتعبوش نفسهم

.
ولا مشط ولا جيل ولا حلاقه حتى

.
وفى القريب العاجل سوف تكون الشحنه جاهزه فى الجمارك المصريه

.
ملحوظه : سوف يتم تغير الراعى الرسمى من المشروبات الغازيه سورى فى الفظ اللى( نفخت الناس)

.
الى ادويه الاعصاب والضغط وفى ناس بتقول فى اسلحه هتنزل بسعر رخيص لو حبيت تنتحر

.
سؤال يطرح نفسه هل للوصول لكاس العالم نحتاج لكل هذا ؟؟؟

.
كان معكم جوكــــــــر من امام كشك عم مصطفى

joker

حلم اعلم انــــه لن يتحقق

2009-10-10T03:31:00.003+02:00

اولا كل سنة وانتوا طيبين طبعااااااااا متأخرة جدا

بس حقكم عليا والله غصب عنى نبتدى الموضوع.

.
وانا قاعدة كده سرحت شوية بخيالى بعيييييييييد وحلمت بمدينة حلوة اوى

مفيهاش اى نوع من انواع التكنولوجيا ولا موبايل ولا تليفزيون ولا حتى تليفون عادى ولا نت ولا كمبيوتر

ولا اى حاجة هى مدينة خضراااااااااا البيوت فيها عبارة عن دور من خشب وفوق شكل مثلث بالخشب بردو

مش ناطحات سحاب زى دلوقتى فيها وسيلة المواصلات الحصان بس ولا عربية بقى ولا عوادم سيارات

فيها راجل عجوز قاعد على كرسى قدام دفايه وبيقرا كتاب والنظارة فى وسط عنية

وكتابه عبارة عن السلاطين والامراء وسرح لحد ماشاف نفسه سلطان

وفيها ست عجوزة ماسكه زهور الفل والياسمين وبتعملهم عقد لحفيدتها

فيها اطفال لابسين جونلات مخططة وبلوزات بيضة

والاولاد بنطلونات زيهم وبيلعبوا وبيرشوا بعض بالمايه

ولما تعبوا راحوا يرتاحوا جوة الحديقة الخضرا اللى كلها زرع وفيها مكان يقعدوا يرتاحوا فيه

وفى السيدات بيبتسموا لبعض حتى لو ميعرفوش بعض وكل واحدة بتشتغل مع جوزها

وهى بتضحك ومبسوطة

مدينتى مدينة خالية من الدماااار والدم اللى بسببة كرهت اللون الاحمر

مدينتى كل الناس اللى فيها بيبحبوا بعض مش بيكرهوا بعض وبيتمنوا لبعض كل حاجة وحشه

مدينتى مفيهاش حسد ولا حقد ولا غل فيها حب واحترام

مدينتى مدينة فاضلة احب ان اعيش فيها كل عمرى

حلم اعلم انـــــــــــــــــــــــــــــــه لن يتحقق

باربــــــــى

اتجهوا الى جمهوريه شومبونجو الصديقه

2009-10-08T18:25:00.003+02:00

المتجه الى جمهوريه شومبونجو العربيه

http://shombongo.blogspot.com/

موضوع جديد لواحد مخه لاسع مع رئيس الجمهوريه

احنا اللى بنعمل فى نفسنا كده

2009-10-01T04:39:00.003+02:00

فى يوم عادى جدا زى بقيت الايام

كنت فى ابو العباس عند واحد صحابى و خلصنا اليوم و مروحيين

ف قررنا نغيير وسيله المواصلات المعتاده و نركب حاجه تانيه نوصل بيها نوع من التغيير

و فعلا اخترنا اننا نركب اكتر حاجه هدوء و مريحه و فى نفس الوقت مش اى حد ممكن يركبه

نظرأ لثمن الاجره المرتفع نسبيا اللى مش بيتيح لاى حد انه يركبه ....... يعنى اريح شويه من الدوشه و ووجع

الدماغ بتاعت السواقيين و الركاب نفسهم

ركبنا الاتوبيس الاحمر اللى هو دوريين و يعتبر الوسيله المميزه فى الاسكندريه دلوقتى

روحت ركبته انا و صاحبى و طبعا هدوووووء فعلا و راحه و الحياه حلوه بس نفهمها و كل الكلام الجميل ده

و فجــــــــــــــــــــــــــــــــــأه

سيد يا سيد سيد يا سيد

و العنب العنب العنب

و انا مش عارفنى انا مش شايفنى و كده

فبصيت لصاحبى حاجه كده زى بصه عادل امام المشهوره

لقينا عيله طالعه من الدور اللى تحت و معاهم عيال بالهبل

قولنا عادى ناس بتصييف و فرحانه و عادى يعنى شويه و يتكتمواااا

بعد شويه لقينا العيال واقفه فى نص الاتوبيس و بترقص و ابتدوا فى وصلات غنائيه راقصه

و دوشه ايه من اللى قلبك يحبها

قولنا عادى عيله متخلفه عقليا فكره نفسها فى بيتهم و ربنا يسهل و الوقت يمر بسرعه

شويه لقينا لب و سوادنى و نكت من الباااايخه بيقولوها لبعض ... تقريبا كان حيجييلى شلل رباعى بسببهم

و كل ده فى الاتوبيس عادى ولا فى دماغهم ... مفيش احترام ولا الهواااا

شويه و كانت الحاجه اللى خلاص كنت حمسك فى واحد فيهم

و هى انهم بيتخانقوا مين اللى يقعد تحت التكييف

انا اللى اقعد تحت التكييف ... لا انا اللى اقعد تحت التكييف مليش دعوه انت قعد امبارح

و كأنهم خلاص اشتروا طبعا الزرار بتاع التكييف اتكسر بسببهم

ده موقف حصل فى مكان المفروض انه لازم نحافظ عليه علشان هو ملكنا فى الاخر

مش نتعامل معاه بجهل و بداءيه و ف الاخر نقول المواصلات بايظه و غاليه و مش عارف ايه

اكيد مش كل الناس بتعمل كده لكن اللى متأكد منه ان 60% من شعبنا بيعمل كده ولا على باله اى حاجه

وكاله من غير بواب

واحد مخه لاسع شويه

لحظه تفكير

2009-09-26T00:34:00.005+02:00

كل هم الناس دلواتى انها تفكر فى مشكله او شئ يخصها وده بيستهلك كل امكانيات العقل

.
يعنى زى ما بسمع ان الانسان بيستخدم 10% من قوة العقل فا تخيلو لو استخدمنا40%منه
.
ده مش بعيد نطير ههههه

.
لا مش للدرجه دى بس مش هيكون ده حالنا كان زمنا احسن من اليابان ومش طلعنا القمر

.
لا كان زمنا اخدنا حته من الشمس

.
اكيد فى سبب للى احنا فى ده وانا بتفرج على فيلم اسمه

sicko

شد انتباهى جزء مهم تعالو نشوف بيقول ايه

.
أعتقد أن الديمقراطية هي أكثر الأشياء ثورية في العالم

.
أكثر ثورية من الأفكار الشيوعية أو أفكار أي شخص آخر

.
فإذا ملكت السلطة تستخدمها لملاقاة احتياجات مجتمعك

.
أما فكرة الخيار التي ترددهاالرأسمالية طيلة الوقت يجب أن يكون لديك خيار

.
الخيار يعتمد على الحريه و إذا كنت مقيدا بالديون فليس لديك حرية في الاختيار

.
يبدو أن هذا يفيد النظام إذا كان الشخص العامل العادي مقيدا و مديونا ؟

.
نعم , لان الأشخاص المديونين يصابون باليأس و اليائسون لا يصوتون

.
أترى دائما ما يقال لابد للجميع من التصويت لكن اعتقد لو أن الفقراء

.
في بريطانيا أو الولايات المتحدة خرجوا و صوتوا لأشخاص يمثلون مصالحهم

.
ستكون ثورة ديمقراطية حقيقية لذا فهم لا يريدون ذلك حقا لذا يبقون الناس يائسين و متشائمين

.
أترى , انني أعتقد أن هناك طريقتان لإخضاع الشعوب الأولى تخويف الناس و الثانية إفسادهم

.
الشعب المتعلم الصحي و الواثق أصعب في التحكم و أعتقد أنه هناك هذا العامل في تفكير بعض البشر

.
إننا لا نريد أن يكون الشعب متعلما صحي و واثق لأنهم سيخرجون عن السيطرة

.
امممممممم عرفتو ليه احنا مش بنفكر والبوست ده يعتبر عادى

.
علشان محدش يقول ان الجوكر اتجن وبيتكلم كلام كبير

joker

فتره للتجديد

2009-09-05T21:04:00.003+02:00

فتره للتجديد و الاستقرار

غياب لفتره قصيره حتى نعود بافكار جديده و شكل جديد للبلوج

الى كل المدونين اصدقــــــــــــــــاءنا

و هما عارفين نفسهم كويس

خللوه بالكم من نفسكم

شبـــ اون لاين ــــاب

شئ لم تأت به

2009-09-01T15:36:00.004+02:00

يحكى أن رجلاً تكالبت عليه المشاكل، وأصبح مهموماً مغموماً، ولم يجد حلاً لما هو فيه ...

فقرر أن يذهب إلى أحد (الحكماء) لعله يدله على سبيلٍ للخروج من الهم الذي هو فيه ..

.
وعندما ذهب إلى الحكيم ..

سأله قائلاً: أيها الحكيم لقد أتيتك وما لي حيله مما أنا فيه من الهم فأرشدني ؟

فقال الحكيم بعد أن نظر في وجه ذلك الرجل: أيها الرجل سأسألك سؤالين وأُريد منك إجابتهما.

فقال الرجل: أسأل؟

فقال الحكيم: أجئت إلى هذه الدنيا ومعك تلك المشاكل؟

قال الرجل: اللهم لا ...

فقال الحكيم: هل ستترك هذه الدنيا وتأخذ معك تلك المشاكل؟

قال الرجل: اللهم لا

.
فقال الحكيم: أمرِ لم تأتِ به، ولن يذهب معك ... الاجدر ألا يأخذ منك كل هذا الهم .

فكن صبوراً على أمر الدنيا، وليكن نظرك إلى السماء

أطول من نظرك إلى الأرض .. يكن لك ما أردت .

فخرج الرجل منشرح الصدر مسرور الخاطر مردداً:

( أمر لم تأت به ولن يذهب معك حقيق إلا يأخذ منك كل هذا الهم

منقول / واحد مخه لاسع شويه

رمضان كريم

2009-08-17T08:23:00.004+03:00

كووووووووول سنه وانتو طيبين

.
ورمضان كريم علينا وعليكم

.
وان شاء الله يكون رمضان ده احسن

.
من اللى فات ونستفيد منه اكتر

.
انا خلاص رجعت من الاجازه بتاعتى

.
والجوكر هو اللى هيبدا الاجازه

.
وهو اللى جيبلكم الصور دى

.
صحيح احنا مش مسؤلين عن ضياع اى فانوس

.
فى المدونه

واحد مخه لاسع شويه

joker

هذه حياتى

2009-08-02T13:42:00.003+03:00

هذه حياتى هذا مصيرى

.
هذه دنيتى هذا قدرى

.
كوابيس الماضى تهدد احلام المستقبل

.
وها انا تائه فى حاضرى

Joker

خبر هااااااااااااام

2009-07-29T15:35:00.005+03:00

تم بحمد الله انتقال
.

مخ لاسع

.
باربى

.
جوكر

.
من المرحله الثالثه الى المرحله الرابعه

.
احنا نجحنا يااااااااااااااااا بشر

joker

اطفال وبس 3

2009-07-22T15:11:00.010+03:00

و رجعنا بالجزء التالت من صور الاطفال

joker

لقـــاء صحفي مع الحـــب

2009-07-11T23:32:00.014+03:00

الصحفي :أهلا وسهلا باجمل وانقى والطف احساس فى الدنيا

الحب: أهلا وسهلا

الصحفي: تسمح لنا ندخل معاك فى حوار بسيط لنتعرف على ادق الاسرار منك ؟؟

الحب:بكل سرور طبعا واعدك بذلك
.

الصحفي:حسنآآ دعنا نطرح عليك الاسئله وعليك انت الاجابه بكل صدق

لماذا أبتعدت عنا يا حب ؟

أنتم من جعلتموني أبتعد عنكم

معنى ذلك أننا في زمن ليس فيه حب ؟

أنا موجود داخل كل قلب ينبض ويعرف معنى الحب الحقيقي ولكنها تندر هذه الايام وتقل

مــــــــن أنت أذن ؟

أنا مشاعر متأججة تحرك قلوب البشر دون أن تدري , أغلفها بالحنان والرقة والعطف وانا من حول الحلم حقيقه انا من جمل الحياه

متى نعرف أنك ولدت بداخلنا ؟

عندما يخفق قلبك سريعاً , وترتجف عندما ترى إنسانه بعينها وتتوه كل الكلمات من على شفتيها وتنسى كل من حولك إلا من أحببت تتخيلها في مكان أنت فيه هنا تعرف أنني ولدت بداخلك

من يبحث عن الآخر أنت أم الإنسان ؟

الإنسان دوماً يبحث عني

ولماذا لا تبحث انت عنه ؟

لأنني موجود بالفعل داخله لكني أختار الوقت المناسب لأظهر

لماذا الإنسان يتلاعب باسمك ؟

لأن الدنيا حالياً تغلب عليها المصالح و الأهواء الشخصية والرغبات فأصبحت كلمة الحب نادرة بين البشر وتم أستغلالها بينهم حتى يصلون إلى ما يريدون

لماذا لا تأت في الوقت الذي يكون الإنسان محتاجاً إليك فيه ؟

إذا حصلت على شيء بصعوبة ستحافظ عليه و أنا كذلك إذا وصل الإنسان إلي بصعوبة سيعرف كيف يحافظ علي ولا أضيع منه أبدا

لماذا تؤلم من أحبك ؟

كي يعرف مقدار حبـــــه عند من أحب ومقدار من أحب عنده وهذا هو معيار الحب الحقيقى

لماذا تجعلنا نحب من لا يستحقك ؟

الإنسان الذي لا يستحق الحب هو من أستغلني ولم يكن هدفه الحب لذا أستطاع أن يتلاعب بالكلمات ومن أحب بصدق يفعل كل شيء لإثبات حبه , ولكي تحافظ وتقدر معنى الحب يجب أن تمر بتجارب تجعلك تعرف متى تقابل الحب الحقيقي وكيف تحافظ عليه

متى تقرر الإنسحاب ؟

عندما أجد من لا يريد الأحتفاظ بي ويحملني ذنباً ليس لي شأن به

لماذا لم تكتمل قصصك في بعض الأحيان ؟

لأن القدر والنصيب أقوى منى

هل تستطيع أن تتغلب على الفقر ؟

أنا و الإرادة جبهة ضد الفقر

انت حقيقة ام خيال ؟

أنا حقيقة وأنتم من جعلتموني خيالا

هل ستتركنا بعد ذلك ؟

لا أستطيع أن أترككم لكني أختار أوقاتا أبتعد فيها حتى تعرفون معنى الحب بينكم وتقدرون قيمته عندما تشعرون بفقده

إلى أين انت ذاهب ؟

سأنتشر داخل القلوب و اتحدى كل الضغوط , وسأقف أمام الصعاب كي يصبح الحب إنساناً

باربـــــــــــــى ........

الجيل الصاعد

2009-06-28T23:49:00.007+03:00

كتير منا بيكون قاعد مع باباه او مامته ومره واحده يسرح ويرجع بالزمن
ويفضل يحكى لابنه على الزمن بتاعه او بمعنى اصح الجيل اللى هو منه
وعلى شكل البلد كان ايه والمميزات والدنيا كانت مش زحمه زى دلواتى
وبالشكل ده انت تحس بالذنب ما انا بقى من الجيل الجديد اللى زحم البلد
ياله نرجع بالزمن كده شويه نشوف شويت حجات
بما ان كان عدد الناس صغير فا كان الاكل طبيعى
وطبعا الشوارع فاضيه او بمعنى تانى صحراء
نيجى شويه للفن
الممثلين محدودين ومعروفين
والفنانين العمالقه كمان
نيجى نشوف التكنولوجيا وقتها
الراديو
ثم المعجزه

التلفزيون
واهم شئ بعد كده اللى عمل طفره فى العالم الفيديو
اه كنت هنسى الكومبيوتر اول اصدار ليه اللى هو كان صغير اوووى نص ملعب كوره قدم بس
كانت الحياه وقتها اسهل بكتير فى وقتنا ده
فى حاجه عاوزكم تاخدو بالكم منها قبل ما اتكلم على جيلى
فى فيلم صغيره على الحب لم السندريلا راحت البيت عندى رشدى اباظه وقابلت جدته
وعرفت انها بتغنى وكانت عاوزه تغنلها حاجه لعبدو
من نظر الجده عبدو = عبد الحمولى

من نظر السندريلا عبدو = عبد الحليم
ياريت تشوفو رده الفعل ايه
نرجع بقى لارض الواقع والزمن اللى احنا فيه
كلنا متعليمين بنفهم فى التكنولوجيا يا ترى ده عامل فرق ابدا دى حاجه عاديه
لاكن زمان المتعلم ده كان بيكون حااااااااجه كبيره اوووى
طبعا مش هكلم فى الاكل بتاع اليومين دول ولا فى اى حاجه تانيه
احنا جيل مظلوم تم تسليم الرايه له وهى على الارض ومطلوب يرفعها
فى وسط الضغط ده كله احنا مش طالبين كتير
احترام رأينا واختيارتان وافكارنا اسمعونا
مش بالسهل اننا نوصل للهدف المنشود لينا بسبب قلة الفرص المتاحه
مش زى زمان
احم احم
ايه الكلام الكبير ده كله كل اللى عاوز اقوله واوصله
محدش يقوووووووووووول جيل فاشل
وان كل جيل يحترم تفكير الجيل الاخر

..... JOKER

لابد ان تكون هكذا

2009-06-13T21:56:00.003+03:00

قصه سمعتها يمكن ما تهمش كتير لكن انا حسيت بيها و اللى ناوى يقراها لازم يستفيد منها اسيبكم معاها

في أحد المستشفيات كان هناك مريضان هرمين في غرفة واحدة.

كلاهما معه مرض عضام.

أحدهما كان مسموحاً له بالجلوس في سريره لمدة ساعة يوميا بعد العصر ولحسن حظه فقد كان سريره بجانب النافذة الوحيدة في الغرفة.

أما الآخر فكان عليه أن يبقى مستلقياً على ظهره طوال الوقت كان المريضان يقضيان وقتهما في الكلام، دون أن يرى أحدهما الآخر، لأن كلاً منهما كان مستلقياً على ظهره ناظراً إلى السقف.

تحدثا عن أهليهما، وعن بيتيهما، وعن حياتهما، وعن كل شيء وفي كل يوم بعد العصر، كان الأول يجلس في سريره حسب أوامر الطبيب، وينظر في النافذة، ويصف لصاحبه العالم الخارجي.

وكان الآخر ينتظر هذه الساعة كما ينتظرها الأول، لأنها تجعل حياته مفعمة بالحيوية وهو يستمع لوصف صاحبه للحياة في الخارج: ففي الحديقة كان هناك بحيرة كبيرة يسبح فيها البط.

والأولاد صنعوا زوارق من مواد مختلفة وأخذوا يلعبون فيها داخل الماء.

وهناك رجل يؤجِّر المراكب الصغيرة للناس يبحرون بها في البحيرة.

والنساء قد أدخلت كل منهن ذراعها في ذراع زوجها، والجميع يتمشى حول حافة البحيرة.

وهناك آخرون جلسوا في ظلال الأشجار أو بجانب الزهور ذات الألوان الجذابة.

ومنظر السماء كان بديعاً يسر الناظرين فيما يقوم الأول بعملية الوصف هذه ينصت الآخر في ذهول لهذا الوصف الدقيق الرائع.

ثم يغمض عينيه ويبدأ في تصور ذلك المنظر البديع للحياة خارج المستشفى.

وفي أحد الأيام وصف له عرضاً عسكرياً.

ورغم أنه لم يسمع عزف الفرقة الموسيقية إلا أنه كان يراها بعيني عقله من خلال وصف صاحبه لها.

ومرت الأيام والأسابيع وكل منهما سعيد بصاحبه.

وفي أحد الأيام جاءت الممرضة صباحاً لخدمتهما كعادتها، فوجدت المريض الذي بجانب النافذة قد قضى نحبه خلال الليل.

ولم يعلم الآخر بوفاته إلا من خلال حديث الممرضة عبر الهاتف وهي تطلب المساعدة لإخراجه من الغرفة.

فحزن على صاحبه أشد الحزن.

وعندما وجد الفرصة مناسبة طلب من الممرضة أن تنقل سريره إلى جانب النافذة.

ولما لم يكن هناك مانع فقد أجابت طلبه.

ولما حانت ساعة بعد العصر وتذكر الحديث الشيق الذي كان يتحفه به صاحبه انتحب لفقده.

ولكنه قرر أن يحاول الجلوس ليعوض ما فاته في هذه الساعة.

وتحامل على نفسه وهو يتألم، ورفع رأسه رويداً رويداً مستعيناً بذراعيه، ثم اتكأ على أحد مرفقيه وأدار !

وجهه ببطء شديد تجاه النافذة لينظر العالم الخارجي.

وهنا كانت المفاجأة!!.

لم ير أمامه إلا جداراً أصم من جدران المستشفى، فقد كانت النافذة على ساحة داخلية.

نادى الممرضة وسألها إن كانت هذه هي النافذة التي كان صاحبه ينظر من خلالها، فأجابت إنها هي!!

فالغرفة ليس فيها سوى نافذة واحدة.

ثم سألته عن سبب تعجبه، فقص عليها ما كان يرى صاحبه عبر النافذة وما كان يصفه له.

كان تعجب الممرضة أكبر،

إذ قالت له: ولكن المتوفى كان أعمى، ولم يكن يرى حتى هذا الجدار الأصم، ولعله أراد أن يجعل حياتك سعيدة حتى لا تُصاب باليأس فتتمنى الموت.

واحد مخه لاسع شويه

3friends

2009-05-20T02:19:00.002+03:00

بسم الله الرحمن الرحيم

جهة الوقت اللى لازم اتكلم فيه عن اكتر اتنين مأثرين فيا وفى حياتى

عموما كان المفروض اتكلم عنهم من زمااااااان بس معلش الوقت عدى بسرعة

هما لاسع وجوكر على فكرة الكلام اللى هقوله مش هيعبر عن جزء صغير من اللى جوايا ليهم الاتنين دول

هما اللى لما اخلص الكلية اقول انا طلعت بيهم فعلا

نبتدى من الاول وحاولوا تستحملونى

اول واحد عرفته هو جوكر على فكرة انا اللى روحت واتعرفت على الجوكر

ودى كانت اول مرة واخر مرة كان معانا واحد زميلنا اسمه محمود كنت كل لما اشوفهم اقولهم انتم توأم

المهم اتعرفنا انا وجوكر كانت علاقتنا ببعض تمام اووووووووى

بس جهة وقت والجوكر مبقاش هو الجوكر اللى عرفتة لان كانت دخلت فى حياتة حاجة فاغيرته شوية

بس انا والله كنت بشوف الويل من كلامة معايا طريقته اتغيرت 360 درجة عن يوم ماعرفته

جهة عليا الوقت اللى حسيت ان جوكر بيكرهنى وده احساس ميتوصفش

نسيت اقولكم ان لاسع وجوكر صاحب من زمان

واللى عرفنى بالاسع هو جوكر

بس لاسع هو لاسع عمره ما اتغير معايا

نرجع للجوكر يوم بعد يوم بدانا نرجع زى الاول خلصنا من سنة اولى

بدأت العلاقات تكون احسن فى تانية وتالتة هو شخص طيب اوى على فكرة بيخاف عليا جدااااا

وانا عارفة ده كويس بس عيبة انه بيحب يعصبنى تحس انه بيكون فرحان ومش علشان انا بعزة

واحب انه يكون فرحان اسيبة يعصبنى عملت فيه مقالب كتييييييييييير وبجد هو طلع راجل جدا واستحمل اخر مرة

قولت للاسع مش علشان جوكر مش بيحب يزعلنى افضل اعمل فيه مقالب وهو يسكت

لا اخدت عهد على نفسى مش هعمل فيه مقالب اتخنقنا كتير وزعلنا كتير واتصالحنا بسرعة بسرعة

لان مبنقدرش نزعل اصلا لما بنكون زعلانين بنشوف بعض نضحك

وخلصت خلاص مفيش زعل

بس انا بعزة اوى ولما بكون لوحدى افتكر اكتر كلامنا مع بعض لينا كام حاجة مع بعض بتفكرنا ببعض

بس طبعا مش هقولها لانها سر بينا احنا التلاته

جوكر الوحيد اللى بيجبلى مصاصة ومستيكة

نيجى بقى للكبير الكبير

لاسع زى ماقولتلكم لاسع هو لاسع من يوم ماعرفته

بالعكس علاقتى بية بتتحسن كل يوم اكتر من الاول وبتكون اشد

لاسع ساعات كتير بيفهمنى لما ببصلة من غير مابتكلم يعرف اللى بحبه وبيعملة مش بيحاول يضيقنى

بالعكس الوقت اللى بكون فى الكلية بيحاول انه يكون يوم جميل وكلة ضحك وهزار ذوقنا واحد حتى فى الاغانى

طباعه حلوه اوووووووووى اووووووووووى هو زى اخويا فعلا

و هو صريح جدا معايا لما بكون غلطانة بيقولى ومش بيتكسف

وانا مش بزعل من صرحتة لان انا عارفة انه خايف عليا

مش اكتر برضو زى جوكر مش بنعرف نزعل يحصل اللى يحصل نتعاتب وخلصت الحكايه

ومنفكرش بعض تانى بالحاجة دى بحب اوى احكى كل اللى جوايا ليه هو لانه فعلا بيفهمنى

وعنده حل لكل مشكلة ممكن اكون فيها بحس كتير اوى انه نفسه يساعدنى فى اى حاجة

حتى لو مضيقه لازم يطلعنى من اللى انا فيه مش بحب اشوفه زعلان

لان لو هو زعل يبقى خلاص الدنيا رخمة ومش حلوة

بجد بحس ان ليا دهر فى الكليه

يعنى يوم ما يحصلى حاجة هلاقى حد ورايا هو جوكر ولاسع

ويوم ماحد هيفكر انه يتكلم من ورا دهرى

هلاقى اتنين يردوا غيبتى الاتنين

دول مش ممكن استغنى عنهم او انساهم

لانهم بقوا شىء منى

نسيت اقولكم انهم مدلعنى جدااااااا اللى بطلبة بيجيلى

ربنا يخليكم ليا وميحرمنيش منكم ابدا

ونفضل كدة اصحاب لحد لما نتجوز ونجيب اطفال

ويبقوا برضو اصحاب

ونقولهم احنا كنا ايه وبقينا ايه

طولت عليكم معلش بس كان لازم اتكلم عن اكتر اتنين ليهم تأثير فى حياتى.

نراكم مره اخرى حتى تنتهى الامتحانات

......................... بـاربـــــــــــــــــى

معنى الخوف لديهم

2009-05-13T12:21:00.006+03:00

ده بوست غريب وعلى ما اظن محدش عمل واحد زيه قبل كده
علشان كده انا لم فكرت فيه فكرت انى اتشرف وادعوا
اكتر ناس بحبهم وقريبين منى من التدوين
وانا بعتذر ان فى ناس كتير بحبها مقدرتش ادعوها المره دى
بس فى مرات كتير جايه حضروا نفسكو انتو بس واقولكم فى رعايه الله
واسيبكم للاجابات
سؤال المره ده هو ....معنى كلمة خوف عندك
.

و اول حد معانا فكرت انى اكلمه هى محاسن صاحبه مدونه انا عايزه اتطلق و هى قالت

معنى كلمة خوف عندى انا بخاف من الوحده ولما ابنى يكبر

بخاف وجع القلب لما بحس انى نفسى احب واتحب

وبخاف كل لحظه ان اى واحده ست تتعامل وحش او تتهان

وبخـــاف ابنى لما يكبر يعـــامل مراته وحش او يفترى عليها

وبخاف على كل حد راجل او ست انه يتوجع او يبهدل

و ابتديت اتكلم مع ميرو صاحبه مدونه سبحانك يا ربي فالحب من صنعك والكره من صنع البشر و هى قالت
.

السلام عليكم ورحمة الله وبركاته معنى كلمة خوف عندي :-

انا الحمد لله موش بخاف من اي حاجه ولا اي حد الا ربنا عز وجل لكن خوفي كله بيتمحور في 3 حاجات

ألا وهي إني أكون مقصرة في حقوق ربنا والفروض فأخاف يزعل مني وربنا يرضى عني دايما ويبعد غضبه عني

والمحور الثاني أخاف يجي يوم وأفارق ناس بحبهم في بينا عشرة وحب سواء بالموت أو الهجرة وده بخاف منه بخاف الدنيا تبعدنا وتفرقنا

والمحور الثالث أحيانا بخاف من طموحي لأني دايما ببص لأبعد إمكانياتي موش غرورة بس ثقة في نفسي إن ربنا خلقلي مميزة بعقل دونا عن سائر الكائنات اللي هي الحيوانات يحني هههههه أم هند هههههههههههه

يعني بحب أسبق بطموحي اكتر من اماكنياتي الموجوده أدامي وده بيعكس جزء من شخصيتي إني بحب أبص لبعيد دايما عشان اتخيل النتيجة وأعرف لو تخطيت العواقب هتكون إيه بس ده كله بيكون بيني وبين ربنا يعني

موش بعرف أحكي طموحي لصديقة أو اهلي او اي حد بحس إن ده شيء برايفت بيني وبين ربنا وبخلي التمني بالمساعده منه وحده وهو عارف نيتي وزي ما بيقول اسعى يا عبد وانا اسعى معاك وانا بحاول ارضيه بأي شكلده الخوف عندي بس يمكن خوفي من طموحي

ده سببه لأني بعمل حساب للفشل وبخاف منه وموش بحب أقع كتير صحيح لازم نقع عشان نتعلم لكن حتى الوقوع بخاف منه فبحاول أتقن التركيز نوعا ما أو أتعلم من تجارب الآخرين عشان موش أقع في نفس فشلهم وربنا معايا إن شاء الله

تالت حد معانا هى كيارا صاحبه مدونه عالـــم مـــولان وهى قالت لنا

الخوف ...الخوف احساس فطري في اي انسان مهما كانت قوته وصلابته الا انه اكيد بيخاف
انا هتكلم عن الخوف جوايا انا
وانا صغننه مش كنت بخاف لان كان جدى موجود وكان حائط الامان بالنسبة ليا وعشان كدا لما اتوفي
حسيت اني وحيدة وبقيت معزولة عن الناس ودايما في اوضتي ومنكمشة وبترعب وبخاف من اي حاجه من الضلمه
من الناس من الغلط من اي حاجه والخوف فعلا حطني في مواقف كتير صعبه
المهم فضلت ماما تنيمني في حضنها لحد من سنتين كدا بقيت انام لوحدى لكن كانت دايما انام في حضنها ولما انام تروح اوضتها
وكان لازم الشقة كلها تكون منوره وطبعا في مواقف طريفه حصلتلي بسبب خوفي دا
وافتكر ان حد بعتلي لينك رومانسي خالث وفجاه طلع شكل بشع وصوت عالي بيصوت انا بجد اغمي عليا ساعتها
وكام يوم يوم يعني مش اي كلام
انا فعلا بتخض من اقل حاجه لو علي الميل وحد عمل تنبيه انا ممكن من الخضة اوقع كل اللي ادامي وعشان كدا لاغية صوت التنبيه انا بترعب من اقل حاجه
بجد الخوف شي اساسي في حياتي لكن بحاول ان مش في حد يحسه ودايما وانا ماشيه وخايفه اقرا قران .

و لما كلمت $ My HoPe او زى ما بتحب تطلق على نفسها و مدونتها تحمل نفس الاسم قالت

بسم الله الرحمن الرحيم
.
بخاف
كلما شعرت ان الساعة اقتربت
وانا في نفس المكان
.

بخاف
كلما تذكرت الحساب
وان الله رقيب علينا
.
بخاف
عندما اجلس في مكان مظلم
بقلب خالي
من الحب
.

بخاف
عندما اجد رب اسرة يموت
او يهاجر
.
بخاف
من المستقبل وعلم الغيب
وبعد الحبيب

.
بخاف
علي كل شئ غالي وبحبة
وحين اشعر بغياب الامان

.
واخيرا
عندما اشعر بفرحة غامرة
وتستمر لفترة
مني
my hope$

و لما اتكلمت مع صديقى واحد مخه لاسع شويه احدى فريق عمل شبــ اون لاين ـــاب هو قالى

الخوف حاجه صعبه اوى و الخوف درجات انا شايفه انه كده

انا

خايف من بكره لما ييجى و الاقى نفسى عاجز عن التصرف فى امورى

خايف لما افقد حد عزيز عليا لسبب او لاخر

خايف انا خايف من الخوف نفسه حاجه بشعه لما قلبك يدق جامد و تترعش و انت مش عارف مصيرك ايه كمان خمس دقايق

بمعنى تانى الخوف من المستقبل

الخوف دايما بيقابلنا كل يوم بيستقبلنا اول ما نصحى فينا اللى بيقدر يتغلب عليه و فينا اللى بينصاع لآؤمره و بيفضل تحت رحمته

العلاج الوحيد للكائن ده هو القرأن اسهل طريقه لقتل الخوف

و معانا كمان صديقتنا هاجر زعبل صاحبه مدونه msha3r sna3t kalemat قالت هاجر ان

.
الخوف ..
احساس صعب اوي لما تحس ان في حاجه واخداك منك،
لما تحس انك مضطرب، قلقان ومش عارف تفكر..
لما تحس ان في عائق كبير بينك وبين النجاح ويندمج الاحساس ده مع الهرووووب..
احساس دايما بيجيبنا لورا.. ساعات بيضيعنا ويدمرنا.. بس ساعات الخوف ده بيكون ايجابي فـ البني آدم من خوفه ان يحصل كذا بيتحدي نفسه عشان ميحصلش.. بس ده مش عند كل الناس..
الخوف دايما بيجيلنا من انعدام ثقتنا في نفسنا، وساعات في اللي حوالينا.. وعدم ايماننا بقدرة ربنا، او يمكن لما الاحساس دا بيجي للبني آدم بيكون البني آدم ده في لحظه ضياع.. شارد دماغه واقفه عن
التفكير ومش عارف يعمل حاجه غير انه يشك في كل حاجه حواليه..
خايف يفوق يلاقي الحقيقه الجميله دي حلم.. خايف يكون موهوم وكل حاجه ملموسه في حياته تطلع سراااب..
لو الخوف ايجابي، هيدينا دفعه لقدام.. هيخلينا نتحدي نفسنا.. ياريت كلنا نخاف
بس لو زاد عن حده هنبقي بنضيع روحنا باءيدنا وبنودعها كمان..
والمفتاح هو الثقه بالنفس

ده كان راى مجموعه انا بعتز بيها من المدونين و ليا اجزاء تانيه ان شاء الله مع مجموعه اخرى اعتز بهم

ادار الحوار مع هذه المجموعه الرائعه

الجـــــــــــوكــــــر.

زمن الفن الجميل اااااااااااااااامين

2009-04-29T01:29:00.003+03:00

انا عارف ان فيه ناس ممكن تزعل منى من موضوع النهارده لكن معلش انا لازم اقول اللى فى قلبى

احنا ليه كل ما حد يقول ام كلثوم او عبد الحليم او عبد الوهاب بقينا نقول الله زمن الفن الجميل

ليه يا جماعه تعملوه فينا كده و تحسسونا ان احنا اوحش

انا بعلنها انا مش بحب اسمع ام كلثوم و مش بحب اسمع عبد الحليم عادى يعنى بالنسبالى مجرد ناس بتغنى

انا مش بعييب فيهم ولا بقول انهم وحشيين لا هما على راسى من فوق

هما زمن الفن الجميل احنا برضه عندنا ناس بتغنى و الحان عظيمه

ليه بقينا اول ما نسمع اسميهم نقول الله ... كل حاجه فيها الحلو و الوحش

انا ساعات بسمع اغانى قديمه و دانى بتوجعنى و بزهق و بحسس بملل فظيع

يعنى ايه اقعد اسمع اغنيه 3 ساعات يعنى ايه اقعد اسمع اغنيه رتمها بطيئ و ممل

ليه اعمل فى نفسى كده ... ممكن الناس الكبيرهتعمل كده دى ايامهم و حياتهم

لكن مش حياتى انا

دول مش جيلى ... اه انا ساعات بسمع ورده و ساعات بسمع فيروز

بس مش بقعد اقول الللللللللللللله يا ست ... ولا بقعد اهز راسى

و ليه الناس الكبار القديمه بتحسسننا اننا فاشلين فى كل حاجه

جيلنا بيعمل الحان جميله و اغانى جميله

اه فيهم الوحش و زمان برضه كان فيهم الوحش

انا نفسى نبطل بقى نقدس الناس القديمه دى و نعتبرهم انهم ناس عاديه بتغنى

و نفسى نبطل الناس تبطل احباط فى جيلنا و تعرف ان دى اجيال جاييه و اجيال بتروح

بذوقهم و حياتك و اغانيهم و موسيقاهم و كل حاجه بتتغير هى دى الدنيا

اسمعوا ام كلثوم اسمعوا عبد الحليم اسمعوا عبد الوهاب

لكن اعرفوا ان زمنهم فات و انهم مغنيين عاديين مش خارقيين

انا بسمع راب احمد مكى و بسمع رومانسيه شيرين و بسمع تراث منير

و بسمع موسيقى يانى و هدوءه

و اكتر من كده و افتخر انى من الجيل ده

كان لازم اقول الكلام ده... ده مش عيب فيهم ولا حاجه ده اعتراض على فكره اننا جيل فاشل

...........واحد مخه لاسع شويه

تاج ياااااااااااااااااااااااا ناس

2009-04-16T23:45:00.001+02:00

التاج الجميل ده وصلنى انا واحد مخه لاسع شويه من هاجر زعبل من شهر واحد اللى فات

هى اكيد حتقدر الظروف اللى خلته يتأخر كل ده

1- لو كان ينفع تختار عصر تعيش فيه هيبقي انهي؟ ومين الحاكم؟

- كنت عايز اعيش عصر بدايه الاسلام علشان اكون من اول المسلمين اللى دخلوه الحكم ده

الحاكم طبعا يكون الرسول صلى الله عليه و سلم

2- أول أولويه في حياتك؟

- اكيد عندى كتير بس متهيألى مينفعش اقوله هنا و دلوقتى ... عذرأ

3- أكتر حاجه بتحبها في رمضان؟

- احلى حاجه فى رمضان يا سلام رمضان كله بيبقى فيه روح كده جميله من اول ما بتصحى لحد ما بتفطر و و تتصلى التراويح و تتسحر و تنام

الشهر كله بيبقى له احساس تانى غير كل الشهور التانيه

4- أوصف أجمل فطار ممكن تفطره؟

- لو فطار يكون على الكورنيش بتاع البحر عندنا و يكون فيه كل اصحابى والناس اللى مقبلتهاش من فتره

و ممكن اى حد يقعد عادى ياكل يعنى الدعوه مفتوحه ... بس مين اللى حيعمل الاكل ده كله؟؟؟

5- لو انت حاكم هتكون عادل؟ وهتعرف ازاي؟

- سؤال غريب شويه لان مصر مفيهاش غير حاكم واحد

بس لو انا حاكم و عادل اكيد الناس حتبقى مبسوطه و مش بتعمل اعتصامات كل شويه

و الحياه لذيذه هى دى الطريقه اللى حعرف بيها ... ياما حتصل بــ 0900 علشان اعرف

6- مين أكتر اعلامي بتحبه؟

- يا فله شمعه منوره ... عمرو اديب

- و اجمل اعلاميه فى مصر ... منى الشاذلى

بس خلاص

7- لو ممكن شغلانه تانيه تختار ايه؟

- انا كنت بحلم انى اكون قرصان ... حاجه جميله بصراحه تروح كده بفلوكه و معاك سلاح على اى حدود و تهجم على سفينه كبيره

و تستعبط الحكومه و يدولك فلوس كتير و تفك و شوف مين حيجيبك فى عرض البحر

انا اختار قرصان ... حتى اسمها يخض كده

8- تاني بلد تحب تعيش فيه بعد مصر؟

- تانى بلد تانى بلد اعيش فيه صعب متهيالى انى اعيش بره مصر

بس ممكن اسافر اليابان اقعد فتره كده هناك و ارجع ع طول

ياله ادونى التأشيره و تذاكر السفر

9- اوصف ترتيبات أجمل فرح ممكن تحضره؟

- كنت بفكر كده لو يبقى داخل فيه نظام اللعب بالنور يعنى مثلا يجى وقت العريس و العروسه يدخلوه يقوموا يطفوا النور يخلوها عاتمه

و بعد شويه ينورا النور الناس تلاقى العريس و العروسه قدامهم .... ياااااااااااااع

انا قررت لما اتجوز انا حقعد ف البيت و العروسه تروح الفرح عادى و تبقى تحصلنى ع البيت ... بلا هــم

10- بتراعي كلام الناس والقيل والقال؟ وليه؟

- متشغلش بالك سيب اللى يقول يقول

انا حقعد اسمع بقى ده قال ايه و ده قال ايه

كل واحد يقول اللى هو عايزه و انا حعمل اللى انا عايزه

11- صحيت من النوم لا موبايل ولا كمبيوتر ولا كاميرا ديجيتال ورجعنا لعصر الاحصنه والحمام الزاجل؟

- نعم ياختى ... انتى اكيد بتهزرى بس لو ده حصل

حيبقى مممممممممممممممملل ايه للصبح

بس ممكن اروح اشترى حصانين ملاكى و حمامه زاجله و سيف اكيد مش حيعتبره سلاح ابيض و يتقبض عليا

12- السعاده هي ... ؟

- رضاه الله عنك

- امتلاك ما تريد

- وجود الحب

13- عندك أمل؟ وأسبابك؟

- طبعا لازم يكون فيه امل لان لو مات الامل اسودت الحياه امام صاحبها

الاسباب

علشان ربنا موجود

و انى بحب الحياه و مقتنع ان دائما فى جديد و فى طريقه للوصول للى انا عايزه

14- لما تحب تهرب من كل حاجه بتروح فين؟

- اكيد انتوا عرفين ... البحر موجود عندنا وانتوا لآ

اروح كده انزل ع البحر واقعد كده و اتفرج عليه و اشوف الافق و اتخيل انى واصل لاخرها

كده يعنى و ساعات مع صحابى نهزر و نهييس ولا اكنى فى حاجه ف الدنيا

15- امتي أخر مره أخدت فيها نفس وقلت ياااااه أنا كبرت؟

- ببساطه كل ما تظهر مشكله او حاجه مطلوب منى انى اعملها مكنتش بعملها انا و صغير

بس دى الدنيا لابد ان تستمر فى زياده العمر

16- بتشرب سجاير ولا لا؟ وايه رأيك في الستات والرجاله اللي بيشربوا؟

- انا مش بدخن و بشيل حديد من اول يناير

- طبعا اللى بيشرب السجاير دى اكيد دماغهم فيها حاجه يعنى ايه فكره انى بدخل جوايا دخان و اطلعه ... ايه الفكره فى كده

بس اكيد فى كتير نفسهم يتخلصوه منها و مش عارفين

17- بتعرف ايدك الشمال ازاي؟

- لا ايدى الشمال هى اللى تعرفنى انا مش بعرف حد

18- أكتر آله موسيقيه بتحبها؟

- الجيتار الاسبانى

- الكمان

- الفلوت بانواعه

19- ليه الزوق والنخوه اتعدموا؟

- الفقر و الحرمان احد الاسباب بس مش عند كل الناس

كل واحد بقى بيقول ياله نفسى ... و اللى بيلحق يعمل حاجه قبل غيره بيعملها

بس لاااااااااااااااااااااااااااااااا انا زوق زوق زوق الصراحه

20- ايه الحاجات اللي لو حصلت هتبقي سعيد؟

- انى اصحى كده من النوم الاقى الدنيا وقفت و الناس مش بتتحرك

انزل انا بقى اخد العربيات اللى عايزها و الفلوس اللى عايزها و الشقه اللى عايزها

و اخدهم و ارجع البيت انام تانى لانى اكيد حبقى صاحى من الصبح و تعبان من اللف طول اليوم

21- تحب أرض زراعيه ولا اجمد عربيات ولا كام عماره ولا فلوس في البنك؟

- فلوس فى البنك اكيد ليه بقى يا زكى انت

حاخد الفلوس اشترى ارض زراعيه و عربيه اللى عايزها والكام عماره اللى انتى بتقولى عليهم دول

22- تحب البحر ولا النيل؟

- البحر لانه ملوش حدود

اما النيل له حدين زى الموس و الاسبوع فيه حد واحد بس

23- مركب ولا طياره؟

- طياره تحسى بمتعه الطياران و تتفرجى ع السحاب و لو عصفوره طايره جنبك ولا حاجه تسليها ف السكه

و بعدين دى لو وقعت ولا حاجه حتلحقى تجرى و تنطى منها

لكن المركب يعنى بوء بوء بوء بوء ع طول مفيهاش كلام

24- شخص مجنون ولا عاقل؟

- شخص عاقل طبعا متهيالى هى مش ناقصه جنان

25- تقرا كتاب ولا تتفرج علي فيلم؟

- لا بصراحه انا مليش خلق للكتب و كده

فيلم كده حلو اتفرج عليه بس ياريت يكون فيلم اجنبى مش بتوع الاكشن ده

لان الافلام العربى معظمها زى الكتب بالظبط تقيله و رخمه

اهداء التاج

king_somya

صاحبه مدونه The Girl in Wind

بنوته لاسعه

صاحبه مدونه بنوته لاسعه

و لاصحاب اول خمس تعليقات

يعنى اول خمس تعليقات حياخد التاج يا معلم

-------------------------

كان معكم من امام الكيبورد

واحد مخه لاسع شويه

شبــــ اون لاين ـــاب

الاسكندريه

--------------------------

وسطة + محسوبية = رشوة

2009-04-09T16:23:00.004+02:00

بسم الله الرحمن الرحيم

انا لازم اكلمكم النهاردة عن حاجة بقت زيادة اوى فى بلادنا

الرشوة ياجماعة بجد زادت اوى مفيش حاجة بتتحل من غير رشوة

ادفع مصلحتك هتمشى مش هتدفع استنى بقى كام سنة او متحصلش اصلا

.

انتوا عارفين كام قضية رشوة فى السنة 75 الف قضية فى سنة واحده عارفين كانت زمان كام لحد لما قامت الثورة تقريبا 20الف قضية فى السنة

.

شوفتوا الفرق طبعا فرق كبير عارفين اكتر محافظات فيها رشوة هى:الجيزة,القاهرة,اسكندرية

دى المحافظات اللى اكبر عدد سكان موجودين

.

لما تيجى تقول لحد ليه بتقبل الرشوة يقولك انا مرتبى 300جنية وعندى 4 اولاد دروس بقى ومصاريف ولبس واييييية يشيلك الهم الخوف

.

بقى من حاجة بكرة تتطلع فتوة تقولك ان موظف الحكومة لو اخد رشوة مش حرام مراعاة لظروفة دلوقتى دورج الموظف مفتووووووووح طول اليوم ياخد هو اكيد عارف ان الفلوس دى حرام

.

نيجى بقى للناس الكبيرة انا كنت بتكلم عن اللى بياخد رشوة 1000جنية حاجات كدة صغيرة

.

هقولكم بقى على حاجة انا سمعتها بودانى دلوقتى عايز تشتغل اى حاجة فيها بترول يعنى مثلا شركة بترول او اى حاجة زى كده لازم تدفع 30,40 الف جنية علشان تشتغل ولما تقوله ليه يقولك والله دول مش كلهم ليا انا لا فيه الاكبر منى بياخد علشان يشغلك

.

يعنى دلوقتى بقت عصابة وبيقسموا الفلوس انا مش متخيلة بلد ممكن تتطور بالفلوس الحرام

.

نيجى بقى للهم الاكبر رشوة المبانى طبعا مقاول بنى عمارة 14 دور وهو اخرة يبنى 8 راح الحى ظبط المهندس طبعا فاهمين قصدى ومبقاش فى مخالفه استنى شهر تقع العمارة باللى فيها انا طبعا مش بقول ان كل الناس بتقبل على نفسها كدة فى ناس طبعا كويسة هى الناس ضميرها مات خلاص ناسى ان الفلوس دى حراام بينام على المخدة وهو راضى مأظنش انه بيكون مرتاح والله الفلوس الحرام عمرها ماتدوم

.

ربنا يهدى ونشوف بلدنا من غير رشوة وكل حاجة بتمشى فيها بما يرضى الله
.

.

.

.......... باربـــــــى

حدوتــــــه

2009-03-29T13:19:00.002+02:00

بسم الله الرحمن الرحيم

كنت مره مع ماما بزور بنت خالتى

وهى عندها ولد زى القمر مكملش سنه لسه فا المهم عده الوقت وهو اكل وشويه ولقيته عمال يزن

فا مامته عاوزه تخليه ينام فا قالتلى ما تطلع جدع وتساعدنى قولتلها اعمل ايه يعنى ارقصله

قالتلى تعالى احكيله حكايه علشان ينام قولت ماشى اهو كله بثوابه

فا من باب الفضول قالتلى هتحكيله ايه الشاطر حسن قولتله بلا شاطر بلا هبابه و كان شاطر وحكايته اتحكت علشان ضحك على البنت الغنيه واتجوزها وخلينى ساكت بقى

ياله نسمع الحدوده بقى .....
.

كان يا ماكان

.
كان فى ولد جه الدنيا وكان باباه ومامته مدلعينه ومش حرمينه من اى حاجه

كان احسن اكل وعلى طول هدوم جديده بس طبعا كانوا حرمينه من جزء

وهو انهم يتكلمواا معاه ويفهموا مشاكله

كبر الولد على الحال ده وحيد بيدور على حد يطلعه من الوحده دى

وكان فى طريقه اتعرف على ناس كتير جدعان بس بردو كان حاسس ان فى حاجه ناقصه

مع الايام فهم ان اللى نقصه حديحس بيه بردو ومن يوميها وهو بيدور على اللى يسكن قلبه ويخرجه من وحدته دى

فا مره لاحظ واحده مياله وبتضحلك وكده وشغل الابتسامات اللى انتوا هرشينه ده

بس حصل مشاكل ومحصلش نصيب وعلى رائ الجوكر (اللى بيجى بسهوله بيروح بسهوله)المهم عده الوقت وقلبه قسى من الدنيا

ونسى هدفه اللى هو يدور على اللى يخرجه من وحدته وبعد سنتين كده بالصدفه اتعرف بنت بسبب ظروف الدراسه وكده فا لاحظ انها كانت مميزه فى كل حاجه حس بيها من اول يوم

ومع الايام بقو قريبين اوووى من بعض بس هو كان كاتم شعور ليها جواه على اساس انها حاسه بيه وعدت الايام ايام كتير وهما على نفس النظام وهو عايش على امل انها تحس بيه بس بردو مجاتش الفرصه اللى يسئلها وبعد فتره بعد ما كان خلاص تعب نفسينا وعاوز يرتاح فا قرر يقولها وكلمها وقالها طبعا

فا كانت صدمه ليها وقالتله انتى فاجئتنى والحورات دى

اخ ياااااااانى من الافلام العربى

فا بعد فتره وصله الرد انت صديقى وينفعش افكر فيك غير كده طبعا كل اللى ادامه انه يحترم رغبتها وبس وكل شئ نصيب بس طبعا دخل فى حالت كئابه لمده طويله بس اللى لاحظه انه كان غلطان علشان فى رحلته دى كلها كان معاه ناس كتير حبوا هو وقفوا جمبه طول الوقت وبكده فهم معنى الحب
ونيجى للى قالو الجوكر تانى

من لم يحب فاليبحث عن اقرب شخص له وسوف يجد الحنان المطلوب
.

هى دى الحدوته بتاعت الزمن ده
.

هووووووووووش علشان الولد نام
.

ملحوظه : هذه قصه خياليه

joker....................

البقاء لله وحده

2009-03-15T21:27:00.004+02:00

مات و اختفى حاجه كانت تعتبر من العمله النقديه المصريه و كانت تعتبر نوع من انواع الفلوس لحد وقت قريب ......................مش قريب اوى بس اهئ كانت فلوس وخلاص

.
حوريكم صوره لاول نوع من انواعها

ده بقى اسمه شلن يعنى خمس قروش و دلوقتى ده اختفى من السوق مع ان الحوكمه لسه مصرحه بصرفه لكن حنصرفه فين الغلبان ده و فيه منه
عمله معنديه لكن دلوقتى العمله المعدنيه دى تستخدم كرفه .....اه رفه بين الاصحاب و بعضيهم اللى هى بيقوله ملك ولا كتابه عارفنها اكيد
.
و حتى قعدت ادور ف النت ع صوره للشلن ده ملقتش شكله اختفى من هنا كمان
.
و هو مطلوب القبض عليه لاننا يا جدعااااااااااااان مش عارفين نلعب رفه من غيره بقالنا شهر و شويه و انتوا عارفين الرفه ما تحلاش من غيره

.

فيه كمان اخوه الكبير شويه و ده اكبر فى الحجم لكن قيمته زى ما هى ... ممكن تقول ملوش قيمه لان اسمه بريزه تخيلوه بريزه
..
ده بقى عشره قروش و ممكن نستعمله لو نرميه فى اى حصاله و خلاص او نجيب بيه اتنين تشكلس او اى بونبون مجهول المصدر و الهويه
.
لا وكمان ممكن نعمله زى اخوه الصغير ونلعب بيه رفه و حيبقى حلو اوى و اه ينفع برضه و ده ليه ميزه حلوه اوى ان الخط فيه اكبر شويه من اخوه الصغير بمعنى ان الملك ملك و الكتابه كتااااااابه
.
و دى صورته

.

فيه بقى حاجه اكبر شويه فى الحجم و اهوه ينفع نشترى بيه واحد قلبظ ولا خممممممممممسه تشكلس اللى قولت عنه فوق

و اسمه ربع جنيه مخرررررررررررررروم اسمأ و صفـتأ

يعنى ممكن نعمله ماديله او سلسله لانى مخروم و بصراحه انا لحد دلوقتى مش عارف لزمه الخرم ده ايه

و ده خمسه و عشرررررررررررين قرش كل قرش ينطح قرش

و ده ملوش ف الرفه لانه الملك ساب الربع جنيه المخروم ده و طفش

و اللى يكون معاه ربع جنيه يخليه تذكار لانى والله بتكسف اطلعه اصرفه لاحسن اخد شتيمه من الراجل صاحب البضاعه

و ده ليه نوعين ورق و عمله معدنيه و ده مصرى برضه

و صورته اهوه

و كل اللى فات ممكن نتعبرهم فى تعداد المفقودين و ملهومش لزمه و كل اللى بينكم و بينهم دلوقتى زكرياااااااااااااات على راى عمرو دياب

فيه بقى البرنس الكبير ابو لونين ده ده شكله حلو بصراحه و عااااااااامل مشاكل بنت لزينه

جرب انت كده تركب مشروع ولا توك ..........توك و طلعه للسواق حتلاقى قلم نزل على قفاك ايه عبااااااااسى

و يقولك ايه ده يا استاذ ..... اه استاذ بعد القفا

يكونش مثلا انا اللى مصنعه فى بيتنا و نازل اصرفه رخامه ع الناس

و ع طول مشاكل وخناقات فى المواصلات بسببه

فى بقى المحترم شويه ياخده و يكون بيبص لك بقرف و اول ما تدور و تمشى يدعى عليك و يحسبن

و العمله دى ما هى الا رزيه و رخامه من الحكومه للشعب اللى مش ناقص رخامه و اذيه

و ده يتميز كمان انه بيقع من جيبك او من الشنطه بتاعتك من غيرما تحسى و اللى يلاقيه يبقى امه داعيه عليه

و ده اسمه جنيه مصرى خالص

و شكل اهوه
.

و فيه كمان النص جنيه بس انا ملاقتش له صور خالص هو ع العموم ما يختلفش عن اخواته المعدن الللى فوق

و دول يا اخوانا قريب حيكونوا ذكرى و نمشى ف الشارع و نقول

و اهى بكره نقول كانت ذكرى و عشنا لنا يومين

و فيه بقى الجديد اللى محدش شافه اللى بسببه الواحد بدل ما يمشى بمحفظه او كيس فلوس ده بالنسبه للبنات

حتمشوا يا اخوانا بسره من الدنانير حلوه كده بالرباط منه فيه

اللى هو خمسه جنيه عمله معنديه و صوتى يا هنيه

و خالص عزائى للاخوه اللى بيتقع تحت اديها عمله معنديه من دى

و السلام ختام

واحد مخه لاسع شويه

تاج و من زمان

2009-02-19T22:29:00.005+02:00

التاج ده جالنا من ميرو

و احنا بنتأسف اننا بقالنا مش قادرين نجاوب عليه

لكن الحمد لله ادينا حنجاوب عليه

.
السؤال الاول : اذكرستة أسرار قد لا يكتشفها من يقابلك لأول مرة ؟
.
واحد مخه لاسع شويه :
1) الغموض و ده ناس كتير قاليتلى انى مكناش نعرف انك غامض اوى
2) صاحب صاحبى و ده محدش يعرفه من اول مقابله طبعا
.
باربـــى :
1) ان انا طيبة اللى بيشوفنى اول مرة ممكن يقول عليا ان انا مش طيبه او خبيثه لان اول مقابله ليا مع اى شخص بتكون مقابله مش ظريفه لان طبعى مش باخد على حد بسرعة وعندى عيب خطير كل النااااس وحشه فى اول مقابله الا ان يثبت العكس
2) هو بيقولوا ان دمى خفيف فااول مرة حد يشوفنى يقول عليا دمى تقيل ومتكبرة معأنى والله مش كده خالص مالص

الجوكــــر :

1) مش مغرور ولا متكبر احب الضحك جدا والهزار

2)ممكن ابيع اى حد اول لم احس انه هيغدر بيا او يعمل حاجه
.
السؤال الثانى : اذكر سبعة حاجات نفسك تعملهم ؟
.
واحد مخه لاسع شويه :
1) نفسى اتعلم العب جيتار
2) عايز اعمل اى حاجه انا مش قادر اعملها دلوقتى
.
باربــــى :
1) ازور قبر الرسول صلى الله عليه وسلم
2) اخلص تعليمى واكون انسانه ناجحة فى حياتى
.
الجوكـــــر :
1) طبعا انى اطلع مع العائله نحج كلنا بس هيكون فى مشكله هسيب القطط لمين
2) انى اسافر فى كل مكان
.
السؤال التالت : اذكر سبعة حاجات موش عرف تعملهم ؟
.
واحد مخه لاسع شويه :
1) انا الحمد لله اى حاجه ببقى عايز اعملها بعملها و مفيش حاجه بتقف قصادى انا فكرت كتير ف السؤال ده لكن ملقتش اجابه ليه
الحمد لله قادر انى اعمل كل اللى عاوزه
.
باربــــــــى :
1) ادخل الكليه اللى كنت اتمناها لان فى حاجة لعنه فى بلدنا اسمها مجموع
2) احافظ على ناس معينه فى حياتى معرفتش احافظ على ناس كانت مهمه فى حياتى
.
الجوكــــر :
1) انى استخدم دماغى كويس
2) والتحكم فى المشاعر
.
السؤال الرابع : أذكر سبعة حاجات بتقوليهم ؟
.
واحد مخه لاسع شويه :
1) ياله ياله مش مهم
2) الحمد لله
.
باربـــــى :
1) ههههههههه لا هما كتير بقول صفيق
2) كده كتير
.
الجوكـــر :
1) اى بنوته بعرفها اقولها يا وزه
2) تومام و سلامؤه
.
السؤال الخامس : أذكر سبعة مشكلات في حياتك ممكن أن تحلها الفلوس ؟
.
واحد مخه لاسع شويه :
1) بما ان الفلوس بتهدى النفوس يبقى انت لو معاك فلوس حتبقى مطمن ع مستقبلك و حياتك من اى مشاكل اقتصاديه جايه ف السكه
و انا اعتقد ان دى اكبر مشكله تخوف الواحد دلوقتى انه حيقدر يعيش حياته بعيد عن المشاكل الاقتصاديه ولا لا
.
باربـــى :
1) اممممممممم انا منكرش ان الفلوس شىء مهم فى حياتنا بس مش كل حاجة ممكن تحلها الفلوس زى مثلا الحب مع أن الحب مشكله ومشكله كبيرة المهم ممكن الفلوس تحل مثلا ان انا اعمل مشروع بعد مااتخرج
2) ممكن تحلى مشكله ان انا اعمل مشروع كبيييييييييير واشغل فيه شباب كتيييييييييير واهو نحل شويه من ازمه البطاله بس قولوا يارب
.
الجوكــــر :
1) ليه الاحراج ده اولا العربيه علشان اتخنقت من الميكروباص
2) بس كفايه عليا كده انا مش مادى والحمد لله على اللى انا فيه
.
السؤال السادس : أذكر سبع أماكن بتحبيها ؟
.
واحد مخه لاسع شويه :
1) انا بحب ال كورنيش من اول ابو قير لحد راس التين و حافظه حته حته تحبى اسمع
2) و بحب اليابان جدا و نفسى فى يوم من الايام اروح اعيش هناك كزيارات يعنى مش دايما
.
باربــى :
1) بحب دبى ونفسى ازورها
2) بحب اروح المساجد اللى مبنيه من زمااااااااااان بحس جوها بأحساس غريب كأنى نفسى بيروح وبيرجع تانى الله اعلم السبب ايه
.
الجوكـــر :
1) طبعا مدنتى اسكندريه والبحر
2) واى مكان ليا فيه ذكره حلوه
.
السؤال اللى بعده : أذكر سبع أشخاص بتحبيهم غير ماما و بابا و أخواتك ؟
.
واحد مخه لاسع شويه :
1) صحابى كلهم لانهم هما عيلتى و اصحاب بجد مش تايوانى يعنى
2) no more
.
باربــــى :
اممممممممممممممممم هما كتير بس للاختصار
1) مخ لاسه و الجوكر لانهم بجد اخواتى و اكتر
2) شخصية ما فى حياتى
.
الجوكـــر :
1) طبعا مخ لاسع وباربى + اصدقاء الدراسه القدام واصدقاء الشغل
2) ميرو اللى اهدتنا التاج ده بعزها جدا وشيمو برضو هى مودونه معانا التنين دول بحبهم جدا
.
السؤال الاخير تقريبا : أذكر سبع حاجات بتحبيهم أوي ؟
.
واحد مخه لاسع شويه :
1) البيتزا و المكرونه
2) الحياه اللى لونها بمبى
.
باربــــى :
1) المصاصه بمووت فيها اصلا
2) الشوكولاته حياااااااتى و المستيكه
.
الجوكـــر:
1) الخوخ بجميع اشكاله
2) تنزيل الصور من ع النت
.
ده بقى السؤال الاخير : أذكر سبع مدونات تحبي تقرالهم ؟
.
واحد مخه لاسع شويه :
1) اى حد حصل بينى و بينه تواصل و اتكلمنا و و علقت عنده و هو علق عندى يبقى بحب اقره ليه لانه اكيد فكره عجبنى طالما علقت عنده
.
باربـــــــى :
1) ماء تشرين
2) و مدونه ميرو
سبحانك ياربى فاالحب من صنعك والكرة من صنع البشر وكتير كتير
.
الجوكـــر :
1) كيارا و شيمو و روفى و ضد التيار
.

و بكده نكون خلصنا التاج اللى بعتته لينا ميرو

و انا كواحد مخه لاسع شويه عايز ادبس حد بس قبل ما امشى

هــــاجر زعبـــل

ايمــــى اتش ار

Shemo

ياله يا ناس شيلوا التدبيسه

لان هاجر دبسيتنى فى تاج و بقولها انا مش ناسيه و حجاوب عليه قريب

Valentines Day

2009-02-14T00:03:00.007+02:00

بسم الله الرحمن الرحيم

بجد وشحنى جدا

معلش انا البوست ده مش هتكلم والصراحه انا ماتلقتش كلام يوصف الحب

علشان عمر الحب مكان عباره عن كلمات وجمل
فا اخترت اكتر حاجه انا بحبها تعبرلكم عن عيد الحب

وهى الصور ويا رب تعجبكم

احنا بنعتذر على الغياب ده

بس والله ليه اسبابه وان شاء الله البوست اللى جاى هنقولكم هى ايه
وفى النهايه انا بهدى االبوست ده لــ انسانه غاليه عندى جدا ووقفت جمبى كتير

happy valentines day

joker

عيد ميلاد سعيد

2009-01-28T21:50:00.004+02:00

الحمد لله ورجعنا تانى بعد غياب الامتحانات وبنطمنكم كله تمااااااااام
المهم

احنا رجعنا ومعانا مفاجأه حلوه ليكم ولصاحبت الشأن
يوم 1/2/2009 هيبقى يوم مش عادى عندى

هيكون ان شاء الله عيد ميلاد باربى

حقولكم حاجه عن باربى هى اول واحده عرفتها فى الشله

والحمد لله الشله كلها اتفركشت الا احنا التلاته
ياله مش هطول عليكم انا مخلص امتحانات وعاوز اصيع شويه
باربى باربى باربى

كل سنة وانتى طيبه ويا رب نفضل مع بعضنا على طول كده

happybirthday

دلوقتى واحد مخه لاسع حيظبط ليكم السفره و الحاجات لزوم الحفله

دى للى بيحب الكريمه

دى بقى للى بيحب الشكولاته بس دى تبعى لو سمحت محدش يقرب منها

دى مخصصه لباربى بس و لو حد معاه عيل ممكن ييجى ياكل منها بس يستأذن الاول

الجاتوهات بقى عيشوا بس سيبولى حته المربعه دى

ده ايس كريم انا مش عارف ايه اللى جابه فى السقعه دى بس اهو ينفع

الحقوا قبل ما يسيح

اللى عايز عصائر ييجى طابور يمين و بلاش زحمه

اللى عايز حاجه سقعه ياله ابسطوا احنا مش حرمنكم من حاجه

لا دى بقى للفرجه علشان الراجل ضحك عليا و عطهالى فاضيه و نوعها قديم

ااااااااااااه مصاصات اهى انا عارفهم اللى حيهجموا عليهم

سيبوا حبه لباربى و الله ححبسكم

و النبى يا جماعه الهدايا بقى لاننا عندنا عيد ميلاد تانى و حنخدهم نروح بيهم

هههههههههه

كل سنه و انتى طيبه يا باربى

و بلاش اكل كتير بقى

برجاء ترك الهديه مع الكومنت

Warning

2009-01-17T08:05:00.002+02:00

حب اعمى يقوده الجنون

2009-01-05T15:15:00.003+02:00

بســـــــــــــــ الله الرحمن الرحيم ــــــــــم

في قديم الزمان
حيث لم يكن على الأرض بشر بعد
كانت الفضائل والرذائل.. تطوف العالم معا
وتشعر بالملل الشديد
ذات يوم... وكحل لمشكلة الملل المستعصية
اقترح الأبداع.. لعبة.. وأسماها الطميمة
أحب الجميع الفكرة
وصرخ الجنون: أريد أن أبدأ.. أريد أن أبدأ
أنا من سيغمض عينيه.. ويبدأ العدّ
وأنتم عليكم مباشرة الأختفاء
واحد... اثنين.... ثلاثة
وبدأت الفضائل والرذائل بالأختباء
وجدت الرقة مكانا لنفسها فوق القمر

وأخفت الخيانة نفسها في كومة زبالة
ومضى الشوق الى باطن الأرض
الكذب قال بصوت عالي: سأخفي نفسي تحت الحجارة.. ثم توجه لقعر البحيرة
واستمر الجنون: تسعة وسبعون... ثمانون.... واحد وثمانون
خلال ذلك أتمت كل الفضائل والرذائل تخفيها... ماعدا الحب
كعادته.. لم يكن صاحب قرار... وبالتالي لم يقرر أين يختفي
وهذا غير مفاجيء لأحد... فنحن نعلم كم هو صعب اخفاء الحب

تابع الجنون: خمسة وتسعون....... سبعة وتسعون
وعندما وصل الجنون في تعداده الى: مائة
قفز الحب وسط أجمة من الورد.. واختفى بداخلها
فتح الجنون عينيه.. وبدأ البحث صائحا": أنا آت اليكم

أنا آت اليكم
كان الكسل أول من أنكشف...لأنه لم يبذل أي جهد في إخفاء نفسه
ثم ظهرت الرقّة المختفية في القمر
وبعدها.. خرج الكذب من قاع البحيرة مقطوع النفس
واشار على الشوق ان يرجع من باطن الأرض
وجدهم الجنون جميعا".. واحدا بعد الآخر
ماعدا الحب
كاد يصاب بالأحباط والبأس.. في بحثه عن الحب... حين اقترب منه الحسد
وهمس في أذنه:
الحب مختف في شجيرة الورد
التقط الجنون شوكة خشبية أشبه بالرمح.. وبدأ في طعن شجيرة الورد بشكل طائش
ولم يتوقف الا عندما سمع صوت بكاء يمزق القلوب
ظهر الحب.. وهو يحجب عينيه بيديه.. والدم يقطر من بين أصابعه

صاح الجنون نادما": يا الهي ماذا فعلت؟
ماذا أفعل كي أصلح غلطتي بعد أن أفقدتك البصر ؟
أجابه الحب: لن تستطيع إعادة النظر لي... لكن لازال هناك ماتستطيع
فعله لأجلي... كن دليلي
وهذا ما حصل من يومها.... يمضي الحب الأعمى... يقوده الجنون

هذا منقول من احدى رسايل الجوكر على الفيس بوك

joker

No Comment

2008-12-27T14:11:00.003+02:00

نحن العرب

----------

متى نستطيع ان نفعل شئ اخر غير البكاء والنواح

-------

******

واحد مخه لاسع شويه

No love No cry

2008-12-16T18:08:00.003+02:00

اول حاله :

الشاب يحب البنت
الواد يشوف البنت فا يعجب بيها فا يمين شمال يعرف انها مش مخطوبه ولا حاجه يقول الحمد لله
يجى بقى يكلمها ؟؟؟؟؟؟؟؟؟؟؟؟؟؟؟؟
تلقيها مفكره انه بيعاكس وتلاقى وش جبس وتروح عامله زى كل البنات ما بتعمل
التقل والواد يعنى يفضل يحط ويشيل فى نفسه
طب ليه كل ده
طالما انتى شيفه كويس او ممكن تسألى صحابه عن اخلاقه وتختصرى كل الحورات دى

تانى حاله :

البنت تحب الشاب
ودى كانت بتحصل زمان بس البنت مكنتش بتروح
تقول للواد المهم البنت تعجب بالواد وتروح تصرح بما فى قلبها الواد بقى قمه الفرح ومعاها شويه غرور انا هرون الرشيد يا ابويه البنات بتترمى عليا
المهم ضحكه وكده يروح وانا كمان والكلام ده
يقول البنت ميته عليا بقى والبنت يا قلبى مش عارفه ايه اللى هيحصل يجى الكابتن يتقل وميردش
عليها يومين ولم يرد يقول كنت مشغول فى الشغل
وهو اصلا صايع ومفيش غير القهوه هى اللى بتلمه
والبنت يا عينى قلبها خفيف تفضل تقول هو مش بيرد ليه ودماغها تروح هنا وهناك وتجلها حالت اكتئاب ومش بالسهل ان حد يطلع من الحال دى
طب طالما انت مش بتحبها كدبت عليها ليه لم تجرح انسانه هتتبسط كان من الاول قولها وصرحها

سلف ودين

ثالث حاله :

الشاب يحب بنوته بتحب واحد تانى
الواد يتعرف على بنوته ويعجبوا تفكرها وشخصيتها
ويقربها منه على اساس تحس بيه لكن لا حياه لمن
تنادى البنت بتحب واحد شخصيه مش كويسه وتقول وخداها تحدى انها لازم تغيره وتخليه انسان كويس
ويحبها زى ما بتحبوا المهم البنت متيمه والواد مكبر وعايش حياته والبنت تغيب الضحكه عن وشها وطبعا حالت الاكتئاب يجى بقى الشاب اللى بيحبها يمين فى شمال يخرجها من الحاله دى ويضحكها كمان مع انه من جوه بيتعذب علشانها
والواد قدمها كويس وكل حاجه بس تقولوا ايه
الانسان بيدور على الشئ اللى يتعبه ويروحله

رابع حاله :

البنت بتحب واد بيحب واحده تانيه
البنت تشوف ولد زى القمر تعجب بيه وتعيش معاه فى احلامه وتحاول تلفت نظره باكتر من طريقه
لكن تيجى الصدمه انه طالع بيحب واحده تانيه
كل احلامه تطير وتبقى سراب
وهى كده تبقى جرحت نفسها بايديها

الظاهره الجديده

او ممكن تكون من نسبالى انا جديده

دلوقتى فى بنات ربنا بيكرمها وبتتخطب بس فى مشكله هى مش بتحب العريس والمشكله التانيه
انها بتحب واحد وبتبقى مكمله معاه وهى مخطوبه
طب كنتى ترفضيه من الاول بدل ما تظلميه معاكى

انا الصراحه مش عارف احنا ( البشر ) بنفكر ازاى؟؟؟؟؟؟؟؟؟

>>>>>> joker

خروف العيد و اسمى ابو فروه

2008-12-05T17:59:00.003+02:00

بســـــــــــ الله الرحمن الرحيم ــــــــم

ازيكم يا مسلمين

انا زى ما انتم شايفين خروف واسمى ابو فروه

اللى جابنى هنا واحد مخه لاسع شويه علشان اقولكم

كل سنه وانتم طيبين مااااااااااااااااء و ضرورى ولازم تضحوا السنه دى مااااااااااء علشان دى فيها اجر وثواب كبير عند ربنا

بس علشان خاطرى شوفوا خروف غيرى ممممااااااااء تضحوا بيه

علشان واحد مخه لاسع مش راضى يعتقنى و يسيبنى وحالف لازمأ و لابد يضحى بيا انا مااااااااء

كل سنه وانتم طيبين بقى و صيتكم الخرفان عيالى ممممااااااااااااااااااااااا

كلمات مؤثره فى حياتى

2008-11-27T19:11:00.003+02:00

1-السير نحو النجاح لا نهايه لها توقف قليلا عن السير وراجع ماقطعتة فى رحلتك وصحح اخطائك وطور مهاراتك وانظر الى الحياه بتفائل وسعادة ثم اكمل السير

2-لاتبكى على من لايبكى عليك

3-اصعب على النفس ان ترى من تحب يقع فى حب شخص اخر

4-من السهل ان يحترمك الناس ولكن من الصعب ان تحترم نفسك

5- لاتتكلم وانت غاضب فستقول اعظم حديث تندم عليه طوال حياتك ولا تجادل بليغا ولا سفيها فالبليغ يغلبك والسفيه يؤذيك

6-الانسان لا لحمه يؤكل ولا جلده يلبس فماذا فيه غير حلاوة اللسان

7-عندما يؤلمك النظر الى الماضى وتخاف مما سيحدث للمستقبل فأنظر بجانبك

8-يبدأ الحب بابتسامة وينمو بكلمة وينتهى بدمعة

9-مااصعب ان يكون القلب الوحيد القادر على مسح دموعك هو من يجعلك تبكى

10-إذا سمعت الرجل يقول فيك من الخير ما ليس فيك فلا تأمن أن يقول فيك من الشر ما ليس في

11-أعلمه الرماية كل يوم فلما أشتد ساعِدُهُ رماني

12-صاحب الحق عينه قوية

13-اضحك يضحك العالم معك وابك تبك وحدك

14-رب أخ لي لم تلده أمي ينفي الأذى عني ويجلو همي

>>>>باربـــى

We Need Change

2008-11-11T01:18:00.007+02:00

الشعب الامريكى كان محتاج التغيير وقدر يغير و يختار الحاكم اللى هما عايزينه

و الشعب الامريكى لما بيكون محتاج التغيير بيقدر يغير و برضه بيختار الحاكم اللى هما عايزينه

الولايات المتحده الامريكيه فيها ديمقراطيه و جمهوريه مصر العربيه فيها كمان ديمقراطيه

هما عملوا انتخابات و اختاروا اللى هما عايزينه

احنا عملنا انتخابات و مش عارفين نختار اللى احنا عايزينه

انا عايز اقولكم ع احصائيه بسيطه خالص تعالوا نشوفها

*****

من فتره 1977 لحد 1981 حكم جيمى كارتر امريكا

و رئيسنا جاء عام 1981 حكم جمهوريه مصر العربيه

و من فتره 1981 لحد 1989 حكم رونالد ريجان امريكا

و رئيسنا فى حكم مصر

و من فتره 1989 لحد 1993 حكم جورج بوش الاب امريكا

و رئيسنا لسه فى حكم مصر

و من فتره 1993 لحد 2001 حكم ويليام كلينتون امريكا
و رئيسنا برضه فى حكم مصر

و من فتره 2001 لحد 2008 حكم جورج دبليو بوش امريكا

و رئيسنا لسه بيحكم فى مصر

و دلوقتى امريكا اختارت اوباما رئيس لامريكا

و احنا لسه مش عارفين نطلع حد مننا يحكم مصر

مش عارفيين نطلع اوباما تانى بس من الارض المصريه

مش عارفين حتى نقول ده حيبقى رئيسنا

و حتى الانتخابات كانت على اعلى مستوى اوباما كان وسط الشعب

من غير حراسه ولا اى حاجه لانهم هما اللى اختاروه

ده مش معناه ان رئيسنا معملش انجازات و تطورات بس احنا محتاجين للتغيير

*****

We Need Change

............... واحد مخه لاسع شويه

الوسطه ونــار الوسطه

2008-11-06T02:07:00.004+02:00

بســـــ الله الرحمن الرحيم ـــــــــم

كنت قاعد انا اللى هو واحد مخه لاسع شويه و باربـــــى ع الايميل

و اتكلمنا فى موضوع كده ياريت تقروا

و عرفونا رايكم

wa7ed lase3: الصوره دى بقينا بنشوفها فى كتير من المصالح الحكوميه الموجوده فى بلدنا و بقت حاجه عادى خالص اتعودنا عليها
wa7ed lase3: و لا ايه رايك يا باربى
barbi: عندك حق ياواحد مخه لاسه بقت موجوده فى بلدك كتير
barbi: لما بتروح تقدم على شغل يقولك فين وسطك
barbi: معاك كارت من البيه فلان
barbi: لو معاك كارت من البيه فلان يبقى هتشتغل مفيش يبقى روح يانور عينى واللى بعده
wa7ed lase3: و الله عندك حق يا باربى انا حصل معايا موقف كان لازم يكون معايا واسطه تحبيى تعرفيه
wa7ed lase3: ؟؟؟
barbi: اه قول ياواحد مخه لاسع
wa7ed lase3: بصى ,,, كنت رايح علشان اطلع الرخصه بتاعت العربيه قالولى حاتمتحن عادى ولا معاك وسطه قولت مش فاهم قاموا رد عليا الراجل اللى كان واقف وقالى عادى يعنى ممكن تنجح او لا لكن لو معاك واسطه اكيد ناجح حتى من غير ما تمتحن طبعا غير الفلوس اللى حدفعها ,,, شوفتى يا باربى وصلت لحد فين
barbi: مممممم انت لو معاك واسطة يالاسع كنت اقعدت زى الباشا وبعد شويه الرخصة اهيه يااستاذ وابقى سلملنا على الباشا
wa7ed lase3: بس حعمل ايه مش معايا واسطه ,,, وانتى يا باربى احتجتى للوسطه فى حاجه ؟؟؟
barbi: يااااااااااااااه حصل كتير ومنها:اخويا يوم مافكر يدخل شرطة كان لازم يبقى معاه واسطة علشان يعدى من الاختبارات بسلام طبعا حتى الحربية والطيران كل الكليات دى بتتكلم بالواسطة
barbi: بس كل مجهوده راااااح علشان مفيش واسطة
wa7ed lase3: انتى عارفه المعييد اللى عندنا بتاع ماده المحاسبه
wa7ed lase3: فى الكليه
barbi: ماله ده كمان؟؟؟
wa7ed lase3: ده المفروض مايكنش المعييد بس علشان ابوه دكتور هما خللوه معييد
wa7ed lase3: شوفتى الواسطه لحد فين كمان
barbi: علشان كده فاشل ومحدش بيفهم منه حاجة هو ده اللى انا بتكلم فيه كل واحد بياخد مكان مش من حقه بيفشل فيه
wa7ed lase3: انتى شايفه يا باربى ان فيه حل للواسطه اللى ماشيه فى البلد دى ؟؟؟
barbi: والله يالاسع انا تعبت خلااااااااص ومش لاقيه حل بس عندى امل يمكن نلاقى حل فى الكومنتات اللى هتوصلنا يمكن تدلنا على حل.
wa7ed lase3: عندك حق يا باربى احنا نستنى لما نشوف التعليقات يمكن نلاقى الحل زى ما انتى قولى
barbi: طيب يالاسع انا هقفل بقى علشان الحق اروح الكليه مش عايز منى حاجة؟؟؟
wa7ed lase3: طيب ماشى وانا كمان حقوم و نتقابل هناك
barbi: سلام.
barbi: مؤقت
wa7ed lase3: سلام مؤقت

بطاقه شخصيه

2008-10-31T00:43:00.008+02:00

بســـــــ الله الرحمن الرحيم ـــــــــــــم

سبب ان البوست ده نزل اننا فى عالم التدوين بقالنا اكتر من سنه و محدش يعرفنا حتى التاج اللى وصلنا جتلنا متأخر شويه فاحبيت ارفع الستار عن واحد من الفريق

دى مش صورة واحد تايهه ...مش عاوز معاكسات علشان قطتى بتغير عليا موت
*****
تعالوا بقى نشوف الجوكر ده مين

الاسم : محمد السيد إسماعيل
تاريخ الميلاد: 5\5\1989
برج : الثور
محل الميلاد: الاسكندريه
المؤهل الدراسى : طالب فى سنه 3 فى معهد ابو قير للحاسب الالى
شعبه نظم معلومات ( يعنى محدش يستهان بالشهاده بتعتنا )
الحاله الاجتماعيه : مش متزوج ولا خاطب ولا مرطبت

(وبحمد ربنا على النعمه اللى انا فيها دى )

*****

تعالو بقى نشوف الجوكر اصحابه مسمينه ايه
الاسم العام : سمعه
الاسم الخاص: joker
اسم تالته ثانوى: المجنون
ونادر جدا اللى يعرفو اسمى الحقيقى اللى هو مكتوب فوق حتى صحابى ناس بسيطه اوى اللى تعرفه
اصحابى : انا مقسمه مجموعات
1: الشله القديمه اربع ولاد وانا من ضمنهم بقالنا مع بعض 9 سنين
2:شلة الثانوى اربعه برضو ومن ضمنهم مخ لاسع
3:شله القهوه اللى انا نادر لم بنزلها دلواتى وغير كده كل اللى فيها يعرفوا بعض فا تخيلو لو حد قام واتعارك
مع ناس غريبه ايه اللى هيحصل
4:شله الكليه يعنى بدايت تعرفى بـــــ باربى اول مره اكلمها فيها كانت مفكرانى انا وواحد صحبى تؤم
وهو فعلا فى شبه بينى وبين الواد ده
والصراحه تعتبر احسن حاجه حصلتلى فى الكليه انى لقيت اخت ليا بصو خليكو شهدين باربى زمنها بتقول
بيحور
5: شله الشغل دول عيال جدعان اوووووووووووى يعنى فى تلات اسبيع بقينا اكتر من الاخوات
6: شله التدوين ودول اللى بحبهم جدا
كفايه كلام عن اصحابى اصلى بخاف من الحسد

تيابتن نا تنسيابتماك نماتستا 8968970 اتنانا باغخ اح-ج =- خ ختصث اتار

اده الكيبورد باظ ولا ايه ايه اللى بيكتبه ده
-------------------------------------------------------------

انا رجعت تانى غيرت الكيبورد وجيت
هنقول ايه تانى عن الواد الجوكر اه افتكرت
مميزاته: جدع اووووى كفايه الميزه دى علشان محدش يقول ايه الواد المغرور ده
عيوب : ياااااااااااااه عندى هدوء اعصاب فظيع بس لما بتعصب بتعمى بمعنى تانى ( جبل تلج وتحتيه بركان )
ممكن اقلب بسرعه جدا
واخر عيوبى انى مش بسامح حد عملى حاجه ولازم اخد حقى منه وبردو مش بسمحو

*****
اصدقاء افخر انى اعرفهم من التدوين
معلش يا جماعه هبدا من القديم
---------------

dr.Roufy
من اول مابدا التدوين واحنا نعرفها ويا رب نفضل اصحاب على طول
----------------

ماء تشرين
بنت اسكندريه وبجد اعتز انى اعرف حد فى التعليم بجد عمرى ما كنت متخيل انى هيكون ليا حد اعرفه بيدرس
ربنا يحققليك كل احلامك ( واى طالب بيشاغب فى الفصل قوليلى )
-------------

كيـــــــــــارا
كنتى فين من زمان ده انا كنت بتزل زول فى درس التاريخ ياله مش مهم تتعوض كانت باربى قرفانى بالمصاصه بقو اتنين دلواتى بجد انا سعيد جدا بمعرفتنا بيكى ويارب نفضل صحاب واخوه ليكى على طول
وتكملى مشوار حياتك بنجاح قوله معايا امين
---------

mero-moory
او maryam
الاول اقولك السلام عليكم ورحمة الله وبركاته
اول مره فى حياتى اتعرف على حد بالسرعه دى ونبقى اخوات وكمان احمد ربنا انى لقيت حد زى بيحب القطط
وزى ما وعتك هتلاقى صور قطتى فى البوست ده ولو عجبوكى واختيهم خلى باللك منهم
ربنا يحققليك كل اللى تتمنيه
فى رعايه الله

*****

و دى بقى يا ستى عائلتى المعظمه المكونه من ::::

دى بقى كيتى

اما دى شوشو

و ده الدكر بتاعهم محدش يخاف منه مش بيعض ده اسمه بوبو

اما دى الام الحنينه بنوته ده اسمها مش صفه

*****

اهو دلواتى عرفتكم واحد من تيم شبـــ اون لاين ـــاب
وعرفتكم على شخصيه من شخصياتى

ملوحظه : هذا البوست لن يتكرر مره ثانيه مع احد افراد شبـــ اون لاين ـــــاب

joker

-------------------------------------------------------------------------------------------------

تانى تـــــــاج مع الاعتذار

2008-10-16T03:21:00.006+02:00

بســــــ الله الرحمن الرحيم ـــــــم

التاج ده وصل لينا من يوم 19 من الشهر اللى فات ده انا مش فاكر اسمه دلوقتى

وصل لينا من صديقه البرنامج ماء تشرين

صاحبه مدونه

ولقد صنعتك من هواى ومن جنونى

و التاج هو عباره عن شويه اكمنه حطاهم لينا ماء تشرين علشان توقعنا لكن مش حتنفع محاولاتها

و ياله بقى نبدا التاج علشان محدش ينام

*** *** ***

الكمين الاول : الحالة الجسمانية بمعنى هل سيادتك تتمتع بصحة جيدة ولا الاخ صاحب مرض؟

باربى : الحمد لله الصحه تمام

الجوكر : الحمد لله على كل شئ

واحد مخه لاسع شويه : بسم الله الرحمن الرحيم الاجابه الاولى اتمتع بصحه 100 فل والحمد لله و اللى يقول غير كده حيضرب

-------------------------------------------------

الكمين التانى : الحاله العقلية بمعنى هل تشعر ان عقلك يعمل ولا حضرتك مفسى دماغك ؟

باربى : الحقيقة عقلى الايام دى فى اجازة من بعد الامتحانات وهو فى اجازة

الجوكر : أوقات وأوقات على حسب الموقف بتعامل

واحد مخه لاسع شويه : متهيألى هو باين من الاسم بس ع العموم انا لسه مخرج عقلى من عَمره و الحمد لله هو شغال متخفيش

-------------------------------------------------

الكمين التالت : الحاله الاجتماعية بمعنى هل علاقتك بمن حولك جيدة ولا عامل مشاكل مع طوب الارض ؟

باربى : مش اوى انا خسرت ناس كتير الفترة اللى فاتت

الجوكر : لا كل اللي حوليا بيشكرو فيا وغير كده أنا مش بصاحب غير اللي زى مش بتاع مشاكل

واحد مخه لاسع شويه : انا علاقاتى كويسه منيحه بس برضه بحب اوقع صحابى فى بعض ع سبيل الهزار يعنى بس ساعات بتقلب بجد بس بلحقها فى الوقت المناسب و ربنا بيستر و بعدين تقلب عليا و تبقى مصيبه لكن فى النهايه بيبقى الوضع مستقر و كول

-------------------------------------------------

الكمين الرابع : الحاله العاطفية مش محتاجة تفسير ومش عايز استعباط ؟

باربى : انا حاليا قلبى غير متاح

الجوكر : اهو ربنا يسهل المنطقة الشماليه محدش دخلها قبل كده

واحد مخه لاسع شويه : انتى بتكلمينى انا , طب ثوانى حروح اعمل شاى و جاى علشان البراد بيغلى ع النار وحيولع ف البيت وبعدين اعيش فالشارع تبقى مصيبه ، ثواااااااااااااااااااانى

-------------------------------------------------

الكمين الخامس : الحاله الروحية بمعنى هل علاقتك بربنا كويسة ولا الكلام على ابو لهب ؟

باربى : يعنى الحمد لله اتقربت لربنا اكتر من الاول

الجوكر : الحمد لله بحاول وربنا كبير وكريم وغفور

واحد مخه لاسع شويه : ها عايزه ايه لحقت الشاى ,,, اه الحمد لله علاقتى بربنا كويسه و اهو ادينا بنجتهد و ربنا كبير و يارب يتقبل منا

-------------------------------------------------

الكمين السادس : اكتر عيب فيك ونفسك تتخلص منه؟

باربى : العصبية ونفسى ابطلها

الجوكر : لم بتعصب مبشفش ادامى ممكن ازعل ناس غليه عليا اوووى

واحد مخه لاسع شويه : ساعات ساعات بكون متردد و دى مشكله كبيره بكون عايز اعمل حاجه و اقول لا بلاش و بعد كده لا حروح اعملها و بعد خمس دقايق ارجع ف رايى ،،، بس مش واقع فى مشاكل بسببها لا الحياه ماشيه زى الفل

-------------------------------------------------

الكمين السابع : ايه الحاجة اللى عملتها وندمت انك عملتها قوى؟

باربى : لا انا الحمد لله مش بندم على حاجة لان اى حاجة بعملها بتكون من اختيارى

الجوكر : مش بندم على حاجه علشان كل الظروف اللى مريت بيها وصلتنى للى انا فيه دلواتى

واحد مخه لاسع شويه : الحاجه اللى ندمت عليها بجد انى عرفت باربى و الجوكر لانهم نقطه ضعفى اللذيذه ههههههههههه ، و بجد الحياه كلها ماشيه بايد ربنا ف انا حندم ليه مفيش حاجه تستاهل

-------------------------------------------------

الكمين التامن : ايه الحاجة اللى لسة معملتهاش وهتموت وتعملها ؟

باربى : ارضى كل اللى بحبهم

الجوكر : انزل البحر

واحد مخه لاسع شويه : انا حموت واسافر اليابان لانها بجد بلد جميله و انا بحبها اوى , و كمان عايز اتعلم انى اسوق عربيه او حتى توك توك بس محاولاتى بأت بالفشل بس لسه وراها وراها

-------------------------------------------------

الكمين التاسع : اكتر دعاء بتقوله وبتردده دائما ؟

باربى : اللهى ماعصيتك جراءة منى عليك لكنه من ضعف قوتى وقله حيلتى فاغفر لى فأنه لايغفر الذنوب الا انت الجوكر : اللهم انى اعوذ بك من شر الناس

واحد مخه لاسع شويه : لا اله الا الله , وحده لاشريك له , له الملك و له الحمد و هو على كل شئ قدير

-------------------------------------------------

الكمين العاشر : لو عرفت انك هتموت دلوقتى وقالولك اخر حاجة نفسك فيها ايه ؟

باربى : نفسى يكون والدى ووالدتى يكونوا رضين عليا واموت وانا بصلى

الجوكر : ان اللى يربى بنتى *** قطتى يعنى *** يبقى انسان كويس ويهتم بها

واحد مخه لاسع شويه : كلمه * لا اله الا الله محمد رسول الله * و بس

-------------------------------------------------

و الحمد لله نكون عرفنا ننفد بجلدنا من الكمين اللى عملها فينا ماء تشرين

و معلش بقى اننا اتأخرنا الكسل وحش برضه ياله بالا باى

اه قبل ما نمشى صحيح لازم ندبس حد ف التاج ده حندبس مين مين

اه اه عرفنا mero-moory لانها دبستنا قبل كده

و نحب نقولها الدنيا صغيره و ربنا كبير

*** *** ***

اللبانه و الدلو

2008-10-09T16:57:00.007+02:00

كانت فلاحه تسير من المزرعه الى البيت وهى تحمل على رأسها دلو فيه لبن

و بينما كانت تسير , جعلت تفكر فى نفسها

و تقول:ان النقود التى سيباع بها هذا اللبن تكفى لشراء ثلاثمائه بيضه على الاقل

و اذا فقس البيض , خرج منه مائتان و خمسون فرخآ على اقل تقدير

و عندما تكبر الفراخ , يكون سعر الدجاج قد ارتفع او كاد , فيكون عندى من النقود فى نهايه العام

مع ما يتوافر لدى من الاجور الاضافيه ما يكفى لشراء ثوب جديد

وفى هذا الثوب اشهد حفلات الاعياد فى المدينه, حيث يتنافس الشبان على خطبتى , ولكن سأهز لهم راسى

و ارفضهم جميعا فى اباء.

و هزت راسها عند ذلك , فسقطت دلو اللبن على الارض , و اريق ما فيها , و ذهبت احلام الفتاه فى طرفه عين

------------------------------------------

العاقل لا يتكلم بما لا يدرى ايكون او لايكون ...... تذكروا هذا دائما

واحد مخه لاسع شويه..........

العيد جانا

2008-09-29T16:39:00.002+02:00

كل سنه و انتوا طيبين ده طبعا علشان العيد جيه

و طبعا احنا مش حنتنازل عن العيديه

كل واحد حيلاقى صندوق انت وداخل المدونه ابقى حط فيها العيديه

و محدش يضحك علينا و يجيب بسكوت و كحك العيد

و اللى يدخل عندنا لازم يدخل بهدوم العيدعلشان نشوفها عليه و نقوله راينا

واحد مخه لاسع شويه...........

وصلنا اول تاج

2008-09-25T20:15:00.005+02:00

بســــــــــــ الله الرحمن الرحيم ــــــــــــــــم

وصلنا التاج ده من صديقه لينا و هى

mero-moory وهى

صاحبه مدونه سبحانك يا ربي فالحب من صنعك والكره من صنع البشر

و احنا بنشكرها ع التاج ده

و معلش بقى اتأخرنا عليكى بس معلش سامحينا وياله علشان نبتدى

اولا : بدات تدوين من امتى ؟ و ازاى دخلت العالم ده ؟

باربى : انا بدات التدوين تقريبا فى صيف 2007 اول ما واحد قالى تشتركى معايا و الشخص ده هو واحد مخه لاسع شويه

-----------------------------

ثانيآ : كان ايه انطباعك من البدايه ؟

الجوكر : كنت خايف طبعا علشان دى كانت اول مره اكتب اللى جوايه او اللى عاوز الناس تعرفه كنت متعود اكتب موضوع الانشاء اللى بيطلب مننا وخلاص

-----------------------------

ثالثآ : مين اكتر واحد بتهتم بتعليقه ع البوست الجديد ؟

واحد مخه لاسع شويه : اهم حد هو مش واحد يعنى باربى و الجوكر بحب اسمع رايهم لانهم حيقولوه بصراحه و الاهم فى نظرى المدونين اللى اتعودوا يدخلوه عندنا لان هما بيبقى اكتر ناس فهما شبــ اون لاين ـــاب و عارفه هما مين و بيفكروا ازاى

-----------------------------

رابعآ : ايه اهم حاجه اتعلمتها من عالم التدوين ؟

باربى : اول حاجة ترتيب افكارى علشان اعرف اكتب موضوع والاهم ان عرفت ناس كتير اوووى بسبب المدونه

-----------------------------

خامسآ : ايه اكتر حاجه كرهتها فى التدوين ؟

واحد مخه لاسع شويه : اكتر حاجه كرهتها امممممم ,,, مثلا لما مش بلاقى تعليقات ع البوست ده ممكن بيحسسنى انى مجهودى راح ع الفاضى لان اهم حاجه التواصل ,,, و ممكن كمان لما بتأخر ع انى انزل موضوع بحس انى مهييبر و مش عارف اعمل ايه و ان دماغى فيها عناكب,,, و كمان ببقى زعلان لما اجى ادخل البلوج و اجى اكتب اليوزر و الباسورد و الاقى البلوج من فاكرنى بضايق اوى ههههههه

-----------------------------

سادسآ : حاسس ان التدوين له تأثير ؟

الجوكر : اكيد والا مكنش واحد من المدونين اتسجن قبل كده , بس تأثيره محدود

-----------------------------
و احنا بعد ما جاوبنا ع التاج الجميل ده بنشكر

mero-moory لتانى مره لانها صبرت معانا كتير

و زى ما هى دبستنا فى تاج احنا كمان حندبس صديقه تانيه لينا التاج ده

و هى ماء تشرين صاحبه مدونه

ولقد صنعتك من هواى ومن جنونى

و yehia

صاحب مدونه ياء

الهجره غير الشرعيه

2008-09-12T03:47:00.005+02:00

بسم الله الرحمن الرحيم

اولا كل سنة وانتم طيبين ربنا يعود علينا وعليكم الايام بخير

ثانيا انا هكلمكم فى موضوع انتشر اوووى الايام دى هو الهجرة الغير شرعية

انا والله بحزن لما بشوف فى نشرة الاخبار الشباب اللى راجعين فى صندوق خشب ميتين

انا عايزة اسأل سؤال هو انتوا خلاص مفيش امل انكم تشتغلوا فى بلدكم

ماشى انا عارفة ان مفيش فرص شغل داانت لو هتفتح محل سجاير احسن من انك تسافر لبلد متعرفش فيها حد ومفيش فيها شغل

ولو وصلت اساسا الاغلب بيروح فى البحر

انت عارف انت بتعمل ايه؟

انت بتبع اهلك كل حاجة عندهم دهب والدتك ومراتك وارض والدك بتيتم اولادك وبترمل مراتك ووالدك ووالدتك بيحزنوا العمر كله

وبعد كده بيحصلوك ليه تعمل فى نفسك وفى اللى حوليك كده

على فكرة انا مش ضد السفرلا سافر بس طريقة صح وشرعية روح على شغل يعنى متسفرش من بلدك الا وانت معاك عقد عمل

وياسلام على اللى يقولك هات بس الباسبور والفلوس وانا هسفرك انت بتدفع كام 30 الف مثلا

طيب ياابن الناس متفتح بيهم مشروع فى بلدك بين اهلك والله مش كلام

بس فعلا لو حصلك حاجة 1000 جنبك لكن برة بتروح على وهم وده اساسا لو وصلت لهناك انت بتسافر بيقولولك هتسافر فى باخرة وتروح تلاقيها مركب صيدعليها 1000 واحد وهى بتشيل 3 او4 او حتى 10 وفى الاخر تغرق المركب

وانت تروح وتروح حياتك وتروح كل احلامك واحلام اللى تعرفهم

بيصعب عليا الاهل وهما بيبكواعلى اولادهم بجد الله يكون فى عونهم فكروا وسافروا بس على شغل اكيد مش وهم

انت لما بتوصل وده نادرا مش بتلاقى شغل ومش بتلاقى حتى تمن التذكره علشان ترجع بلدك تروح السفارة الحقونى سفرونى بتترحل وبترجع بخيبه امل اكبرمن اللى سفرت بيها

ياريت كل واحد يخلى باله من النصابين اللى هما هات بسبورك ومالكش دعوة حكم عقلك وشوف انت رايح على فين احسن يجى وقت تندم فى وقت مش هينفع فيه ندم

اخيرا ياريت ياحكومه تفوقوا بقى وتوفروا فرص عمل للشباب

شباب بكرة اللى هيبنوا لبكرة اتمنى يجى اليوم اللى اشوف فيه شبابنا احسن شباب يارب يجى اليوم ده قبل مااموت.

..........باربــــــــــــــــــــى