تانى تـــــــاج مع الاعتذار

بســــــ الله الرحمن الرحيم ـــــــم

التاج ده وصل لينا من يوم 19 من الشهر اللى فات ده انا مش فاكر اسمه دلوقتى

وصل لينا من صديقه البرنامج ماء تشرين
صاحبه مدونه
و التاج هو عباره عن شويه اكمنه حطاهم لينا ماء تشرين علشان توقعنا لكن مش حتنفع محاولاتها
و ياله بقى نبدا التاج علشان محدش ينام

*** *** ***


الكمين الاول : الحالة الجسمانية بمعنى هل سيادتك تتمتع بصحة جيدة ولا الاخ صاحب مرض؟

باربى : الحمد لله الصحه تمام
الجوكر : الحمد لله على كل شئ
واحد مخه لاسع شويه : بسم الله الرحمن الرحيم الاجابه الاولى اتمتع بصحه 100 فل والحمد لله و اللى يقول غير كده حيضرب
-------------------------------------------------

الكمين التانى : الحاله العقلية بمعنى هل تشعر ان عقلك يعمل ولا حضرتك مفسى دماغك ؟

باربى : الحقيقة عقلى الايام دى فى اجازة من بعد الامتحانات وهو فى اجازة
الجوكر : أوقات وأوقات على حسب الموقف بتعامل
واحد مخه لاسع شويه : متهيألى هو باين من الاسم بس ع العموم انا لسه مخرج عقلى من عَمره و الحمد لله هو شغال متخفيش
-------------------------------------------------

الكمين التالت : الحاله الاجتماعية بمعنى هل علاقتك بمن حولك جيدة ولا عامل مشاكل مع طوب الارض ؟

باربى : مش اوى انا خسرت ناس كتير الفترة اللى فاتت
الجوكر : لا كل اللي حوليا بيشكرو فيا وغير كده أنا مش بصاحب غير اللي زى مش بتاع مشاكل
واحد مخه لاسع شويه : انا علاقاتى كويسه منيحه بس برضه بحب اوقع صحابى فى بعض ع سبيل الهزار يعنى بس ساعات بتقلب بجد بس بلحقها فى الوقت المناسب و ربنا بيستر و بعدين تقلب عليا و تبقى مصيبه لكن فى النهايه بيبقى الوضع مستقر و كول
-------------------------------------------------

الكمين الرابع : الحاله العاطفية مش محتاجة تفسير ومش عايز استعباط ؟

باربى : انا حاليا قلبى غير متاح
الجوكر : اهو ربنا يسهل المنطقة الشماليه محدش دخلها قبل كده
واحد مخه لاسع شويه : انتى بتكلمينى انا , طب ثوانى حروح اعمل شاى و جاى علشان البراد بيغلى ع النار وحيولع ف البيت وبعدين اعيش فالشارع تبقى مصيبه ، ثواااااااااااااااااااانى

-------------------------------------------------

الكمين الخامس : الحاله الروحية بمعنى هل علاقتك بربنا كويسة ولا الكلام على ابو لهب ؟

باربى : يعنى الحمد لله اتقربت لربنا اكتر من الاول
الجوكر : الحمد لله بحاول وربنا كبير وكريم وغفور
واحد مخه لاسع شويه : ها عايزه ايه لحقت الشاى ,,, اه الحمد لله علاقتى بربنا كويسه و اهو ادينا بنجتهد و ربنا كبير و يارب يتقبل منا
-------------------------------------------------

الكمين السادس : اكتر عيب فيك ونفسك تتخلص منه؟

باربى : العصبية ونفسى ابطلها
الجوكر : لم بتعصب مبشفش ادامى ممكن ازعل ناس غليه عليا اوووى
واحد مخه لاسع شويه : ساعات ساعات بكون متردد و دى مشكله كبيره بكون عايز اعمل حاجه و اقول لا بلاش و بعد كده لا حروح اعملها و بعد خمس دقايق ارجع ف رايى ،،، بس مش واقع فى مشاكل بسببها لا الحياه ماشيه زى الفل

-------------------------------------------------

الكمين السابع : ايه الحاجة اللى عملتها وندمت انك عملتها قوى؟

باربى : لا انا الحمد لله مش بندم على حاجة لان اى حاجة بعملها بتكون من اختيارى
الجوكر : مش بندم على حاجه علشان كل الظروف اللى مريت بيها وصلتنى للى انا فيه دلواتى
واحد مخه لاسع شويه : الحاجه اللى ندمت عليها بجد انى عرفت باربى و الجوكر لانهم نقطه ضعفى اللذيذه ههههههههههه ، و بجد الحياه كلها ماشيه بايد ربنا ف انا حندم ليه مفيش حاجه تستاهل

-------------------------------------------------

الكمين التامن : ايه الحاجة اللى لسة معملتهاش وهتموت وتعملها ؟

باربى : ارضى كل اللى بحبهم
الجوكر : انزل البحر
واحد مخه لاسع شويه : انا حموت واسافر اليابان لانها بجد بلد جميله و انا بحبها اوى , و كمان عايز اتعلم انى اسوق عربيه او حتى توك توك بس محاولاتى بأت بالفشل بس لسه وراها وراها

-------------------------------------------------

الكمين التاسع : اكتر دعاء بتقوله وبتردده دائما ؟

باربى : اللهى ماعصيتك جراءة منى عليك لكنه من ضعف قوتى وقله حيلتى فاغفر لى فأنه لايغفر الذنوب الا انت الجوكر : اللهم انى اعوذ بك من شر الناس
واحد مخه لاسع شويه : لا اله الا الله , وحده لاشريك له , له الملك و له الحمد و هو على كل شئ قدير
-------------------------------------------------

الكمين العاشر : لو عرفت انك هتموت دلوقتى وقالولك اخر حاجة نفسك فيها ايه ؟

باربى : نفسى يكون والدى ووالدتى يكونوا رضين عليا واموت وانا بصلى
الجوكر : ان اللى يربى بنتى *** قطتى يعنى *** يبقى انسان كويس ويهتم بها
واحد مخه لاسع شويه : كلمه * لا اله الا الله محمد رسول الله * و بس

-------------------------------------------------

و الحمد لله نكون عرفنا ننفد بجلدنا من الكمين اللى عملها فينا ماء تشرين
و معلش بقى اننا اتأخرنا الكسل وحش برضه ياله بالا باى

اه قبل ما نمشى صحيح لازم ندبس حد ف التاج ده حندبس مين مين

اه اه عرفنا mero-moory لانها دبستنا قبل كده
و نحب نقولها الدنيا صغيره و ربنا كبير
*** *** ***
  • Digg
  • Del.icio.us
  • StumbleUpon
  • Reddit
  • Twitter
  • RSS

46 Response to "تانى تـــــــاج مع الاعتذار"

  1. كيارا says:
    16‏/10‏/2008 3:34 م

    اوووووووووول تعليق

  2. كيارا says:
    16‏/10‏/2008 4:01 م

    والله انتوا التلاته عسل

    خاصه في الحاله العاطفيه مت من الضحك علي البراد والحته الشمال

    ربنا يباركلكم في حياتكم

  3. شبــ اون لاين ـــاب says:
    16‏/10‏/2008 5:23 م

    كياارااااااااااا


    ازيك شحوالك شخبارك ايش لونك

    احنا بنفرح لما نشوفك عندنا

    بس بعد كده انتى وطلعه خللى بالك من السلمه المكسوره

  4. ماء تشرين says:
    17‏/10‏/2008 2:10 م

    لا لا انا هبلغ عنك السلكات ياواحد مخو لاسع ولا اتنازل ابدا في ن ايجابت الكامين الرابع ده تهرب ضريبي قصدى تهرب ايجابي قصدى يييييه اهو تهرب والسلام يعاقب عليه القانون
    بسب بجد اجابتكو جميله ولذيذه وخلتنى اشوف كل واحد منكم واحس انو اخوي واختى باربي بجد انت عسل يارب يارب تحقوقوا كل التتمنوه يارب
    دمتم بكل الحب والود
    ماء تشرين

  5. نيرة و منةالله says:
    17‏/10‏/2008 2:18 م

    هاى
    اجابتكوا حلوة اوى بجد
    على فكرة دى اول زيارة ليكو
    :)

  6. شبــ اون لاين ـــاب says:
    17‏/10‏/2008 3:04 م

    ماء تشرين

    اهوه حبينا نلعب عليكى شويه ف السؤال الرابع ده


    و بجد احنا بنعتبرك اخت لينا كلنا

    و معلش بقى تهرب ضريبى تهرب ايجابى سامحينا بقى

  7. شبــ اون لاين ـــاب says:
    17‏/10‏/2008 3:05 م

    نيره ومنه الله

    احنا مبسوطين احنا فرحانين

    ههههههههه


    انتوا تتفضلوا فى اى وقت و فى اى ساعه

    البيت بيتكم

  8. dr.Roufy says:
    17‏/10‏/2008 3:08 م

    ههههههههههه
    ايه التاج المفخخ دا

    بقى ياجوكر مانزلتش البحر ولا مرررررة
    وانت اسكندراني, ياراجل؟

    بس بجد اجبابكم كلها جميلة..وروحها أجمل, تحية ثلاثية ليكم ياولاد
    :)

  9. شبــ اون لاين ـــاب says:
    17‏/10‏/2008 3:41 م

    dr.Roufy
    عامله ايه
    اه والله نفسى انزل البحر
    بقالى 7 سنين منزلتش تخيلى بقى
    ده ولا اكنى عايش فى اسكندريه
    بس هو كده طالم الشئ ادامك يبقى ملهوش اهميه لم تبعدى عنه تحسى بيه

    تحياتى ليكى

    JOKER

  10. mero-moory says:
    17‏/10‏/2008 3:43 م

    السلام عليكم و رحمة الله و بركاته

    ههههههههههههههههه هو اللي بنعمله في الناس بيطلع علينا ولا ايه

    هههههههههه بقى تعملوها فيا انا فاضلي تاج لسه عليا وتاجكم التاني طويب اصبروا عليا ثوية

    وجايه لكم تاني عشان اقرا الاجابات تانى على رواقه لان عندي ظروف ما يعلم بيها موش خنيانى اقعد ع الجهاز

    سي يو لاتي يا احلى اخوات

    في رعاية الله

  11. شبــ اون لاين ـــاب says:
    17‏/10‏/2008 4:11 م

    mero-moory
    وعليكم السلام ورحمة الله وبركاته
    معلش بقى هو تاج حلو وقلنا لازم تجوبى عليه
    احنا مستنينيك تقرى التاج على مهلك
    ويا رب تعدى من الظروف دى وتبقى مبسوطه على طول

    اخواتك بعتلك تحيه كبيره اوووووووووى

    JOKER

  12. ANGHAM ALLAM says:
    17‏/10‏/2008 5:06 م

    انتوا زي العسل كلكو
    بس هموت و اعرف مين اللي بيعلق عندي
    انطقو قولووووولييييييييي

  13. شبــ اون لاين ـــاب says:
    17‏/10‏/2008 5:17 م

    انغام علام

    انا هو المذكور

    واحد مخه لاسع شويه

    اللى عملت العمل الشنيع هذا وعلقت عندك
    ههههههههههههههههههههه

    انا بهزر معاكى

    اهلا بيكى عندنا فى اى وقت

  14. زى الهوا says:
    17‏/10‏/2008 6:35 م

    تاج تاج , كل لما ادخل مدونة الاقى تاج , بس حلو التاج دا ماشفتوش لسة فى مدونات تانية , وحلو الهروب الكبير من الحالة العاطفية , وعجبنى اوى موضوع القطة كمان , شكلكم كدة عسولين وشكلى هدخل عندكم كتير

  15. شبــ اون لاين ـــاب says:
    17‏/10‏/2008 7:57 م

    زى الهوا
    اهلا بيكى عندنا ويا رب نكون صحاب
    وعاوزين نشوفك تانى عندنا
    وانا اللى مربى القطه وموصفش حبى ليها

    تحياتى ليكى

    JOKER

  16. ahmed_k says:
    20‏/10‏/2008 12:44 ص

    جميله إجابتكم بجد
    أنا أول مره أشوف تاج له تلات إجابات دفعه واحده
    بس تجمعكم بيضيف للتاج ويجعله 3تاج
    وإجاباتكم جميله قربتنا لشخصياتكم
    وعرفتنا اكثر بكم

    تقبلوا خالص تحياتي

  17. باربى Says:
    20‏/10‏/2008 1:05 ص

    احمد اهلا بيك نورتنا فى المدونه ويارب متنكنش اخر زيارة ليك وتعالى زورنا كتيييييييير

  18. mamato2010 says:
    20‏/10‏/2008 10:13 ص

    السلام عليكم
    وحشتونى يا جماعة والله ليكم وحشة.
    وكمان مش واحد اللى مخه لاسع شوية.
    انتم التلاته لاسعين بس زى العسل.
    عايزين نوطد العلاقات من تانى بين مدوناتنا و مدونتكم.
    و مستنى زيارتكم لمدونتى وقراءة أخر بوست.
    سلام.

  19. Zanooba (Zeinab sab9n) says:
    20‏/10‏/2008 12:04 م

    ههههههههههههه
    بجد أنتوا التلاته عساسيييييييييل أكتر من بعض :))) ...حلوة الحتة الشمال و حلو الدعاء اللي بتقوليه يا باربي عشان أنا كمان بقولوا زيك :)) .... و يا دماغه لاسعه إيه حوار البراد ده المرة اللي جاية جيب معاك براد يا بابا :))
    مستنية جديدكوا

    زينب

  20. شبــ اون لاين ـــاب says:
    20‏/10‏/2008 8:04 م

    mamato2010
    وعليكم السلام ورحمة الله وبركاته
    وانت كمان وحشنى
    وهو فعلا احنا التلاته لسعين
    وانشاء الله هنكون عندك فى المدونه على طول

    فى رعايه الله

    JOKER

  21. شبــ اون لاين ـــاب says:
    20‏/10‏/2008 8:19 م

    Zanooba (Zeinab sab9n)

    شكرا ليكى وبجد وحشتينه ايه الغابه دى
    وانشاء الله الجديد يعجبك
    تحياتى ليكى
    يا زينب
    فى رعايه الله

    JOKER

  22. mero-moory says:
    21‏/10‏/2008 6:45 م

    السلام عليكم و رحمة الله و بركاته

    أنا قرأت التاج وإجابتكم عليه تحفه بجد ربنا يحميكم يارب ويبارك فيكم

    عجبتني إجابتكم جداااااا وخصوصا موضوع القطة اللي قاله جوكر بموت في القطط ما تخليك جدع بقى وصورها وقولي نوعها ايه شيرازي ولا ايه

    والدعاء اللي باربي قالته رائع ربنا يكرمك يا قمر

    اما بقى واحد فده عثل في هروبه من الجزء العاطفي بس انتظرني بقى في اجابتي عليك عشان هقولك اني جايه اشرب شاي معاك في اليكس ههههههههههههه دبلوماسيه بدبلوماسية وهروب بهروب ههههههههه

    موش ناوي تقول اسمك ايه بقى :((

    ربنا يهون بالتاج اللي عليا عشان ادخل على التاج بتاعكم

    ربنا يوفقكم جميعا
    جوكر منتظرة صورة القطة اثوفها بلييييز لو امكن
    في رعاية الله

  23. شبــ اون لاين ـــاب says:
    21‏/10‏/2008 8:37 م

    mero-moory
    وعليكم السلام ورحمة الله وبركاته
    الحمد لله لقيت حد بيحب القطط زى
    وانتى تامرى انشاء الله فى البوست الجديد
    بتاعى هنزلك صور لقطتى كلها هما 4 قطط
    وهكتبلك اسميهم وكل حاجه
    ومستنين جديدك

    ملحوظه البوست الجديد بتاعى هيكون حاجه مميزه

    فى رعايه الله

    JOKER

  24. أختكم فى الله says:
    22‏/10‏/2008 10:23 م

    دى اول زيارة ليا فى مدونتكم الجميلة دى

    ما شاء الله جميلة خالص

    اجابات هايلة والله

    ربنا يحققلكم احلامكم كلها يا رب

  25. شبــ اون لاين ـــاب says:
    23‏/10‏/2008 12:32 ص

    اختنا فى الله

    فعلا اسم جميل
    تحياتنا ليكى


    و انتى تشرفينا فى اوى وقت و اى زمان

  26. غير معرف Says:
    23‏/10‏/2008 8:08 م

    اجابتكم كلها حلوة بدون استثناء ماشاء الله عليكم تيم جامد اخر حاجة انا خايف احسن احسدكم وتتخنقوا تقولوا كريم عينه وحشه ربنا يحميكم ويخليكم لبعض وقريب اعمل مدونة وتكونوا اول ناس عندى ان شاء الله مخه لاسع,باربى,جوكر اراكم قريبا

  27. شبــ اون لاين ـــاب says:
    23‏/10‏/2008 10:42 م

    كريم
    شكرا لزيارتك لينا وترحب فى اى وقت
    اما عن الحسد متخفش احنا محسودين من زمان
    هههههههه
    ياله اتجدعن واعمل مدونه علشان نجى نقرفك كل شويه
    اده انت لسه معملتهاش بسرعه ياله

    JOKER

  28. غير معرف Says:
    24‏/10‏/2008 3:22 ص

    لاء ياعم انا ماليش دعوة انا عينى باردة لاء بس خلى بالكم من بعض وعايزين مواضيع جامدة قوى

  29. mero-moory says:
    24‏/10‏/2008 4:51 ص

    السلام عليكم و رحمة الله و بركاته

    اوك يا جوكر وانا بانتظار البوست والصور عثان العب بيهم واضيفهم بمدونتي زي ما انا ضايفة كودو وبودو و شمس

    يلا بقى نزل البوست الجديد والصور ايه هستنى كتيييييير :((

    انا نزلت واحد عندي دلوقتي وانت لاءه هههههههه

    اسيك يا باربي و اسيك يا واحد موث هتقولي اسمك بقى بدل اليوزر نيم بتاعك :(( انا موش اقدر اقول كده خالث :((

    يلا في انتظار جديدكم يا قطاقيط ويارب تكونوا بخير

    في رعاية الله

  30. شبــ اون لاين ـــاب says:
    24‏/10‏/2008 11:11 ص

    mero-moory
    وعليكم السلام ورحمة الله وبركاته
    معلش هتستنى اسبوع هو بوست جاهز بقاله شهر بس هعمل ايه هنزله بعد بوست باربى على طول
    انتظريه
    هيكون بوست مختلف وهنزلك صور قطتى
    التلاته
    فى رعايه الله

    JOKER

  31. شبــ اون لاين ـــاب says:
    24‏/10‏/2008 11:19 ص

    كريم
    ههههههه
    ماشى ياعم هنلبس كلنا ازرق ونتبخر
    ونعلق خمسه وخميسه ايه رايك
    اما عن المواضيع ربنا يسهل علشان الدراسه حد يعرف يفكر وهو بيدرس اوركال واحصاء
    وفى كام بوست فى السكه حلوين مستنين رايك فيهم
    فى رعايه الله

    joker

  32. mero-moory says:
    24‏/10‏/2008 1:55 م

    السلام عليكم و رحمة الله و بركاته

    منتظراك يا جوكر انت والقطط القطاقيط

    وربنا يوفقك انت وباربي وواحد

    في رعاية الله

  33. كلام على بلاطة says:
    25‏/10‏/2008 1:01 م

    سلام
    تحياتى

  34. شبــ اون لاين ـــاب says:
    25‏/10‏/2008 3:23 م

    كلام على بلاطة
    وعليكم السلام ورحمه الله وبركاته
    شرفتنا بزيارتك





    JOKER

  35. الآنسة حنفي says:
    27‏/10‏/2008 1:16 ص

    اجابات ظريفة خالص اتمنى تنورني في مدونتي

    تحياتي

    نوفا

  36. شبــ اون لاين ـــاب says:
    27‏/10‏/2008 1:34 ص

    الآنسة حنفي
    او
    نوفا
    اهلا بيكى عندنا وشكرا على زيارتك الكريمه دى ويارب تنورينا كده على طول
    وانشاء الله هنكون عندك فى المدونه بس انتى حضرى الشاى
    تحياتى ليكى

    joker

  37. عازفة الأوتار says:
    28‏/10‏/2008 12:11 م

    هههههه
    ردودكوا جميلة بجد
    و واضح انكو جروب كوووول
    ربنا يوفقكوا و يخليكو لبعض :)

  38. غير معرف Says:
    28‏/10‏/2008 3:11 م

    عازفة الاوتار نورتينا و شرفتينا ابقى تعالى زورينا واحنا الحمد لله جروب جامد وكووووووووول اخر حاجة(باربى)

  39. smilyrose says:
    29‏/10‏/2008 12:46 م

    اول تعليق ومش الأخير

    وبجد سعيدة جدا بمعرفتكم

    وخصوصا الأخ لاسع شوية

    هههههههههههههههه

    وبجد عجبتنى ايجابتكم البسيطة

    واتمنى فعلا التوفيق لكم انتم الثلاثة

    اه مش اخر زيارة

    دى البداية

    smilyrose

    روح الحب الصادق

  40. شبــ اون لاين ـــاب says:
    29‏/10‏/2008 4:03 م

    smily rose

    اهلا اهلا بيكى فى بيتنا الصغير


    وع العموم انتى خلاص بقيتى صديقه لينا

    اكتبى انتى بس وشوفوا حنعمل معاكى ايه


    ابقى تعالى كتير كتير
    حتى لو مش كتبين حاجه بس ابقى تعالى انتى

  41. العراف says:
    29‏/10‏/2008 9:15 م

    حلو قوى الترابط ده يا شباب وحلوه كمان المدونه انا اول زياره ليا فى مدونتكم وباذن الله مش هتكون الاخيره ويارب نتواصل على طول وعلى انا اسكندريه جدا واهلها عشانهم جدعان ويشرفنى زيارتكم

  42. شبــ اون لاين ـــاب says:
    29‏/10‏/2008 10:34 م

    العراف
    اهلا بيك عندنا وانت تشرف فى اى وقت
    وانشاء الله نكون صحاب واكيد هنتواصل
    مع بعض وهنكون عندك على طول


    joker

  43. Beram ElMasry says:
    30‏/10‏/2008 11:22 ص

    عـــين الشــــمس عيانـــــة ومعصوبــــه بشـــال الليـــل
    وفــــــــاس الحـــــزن منكـــودة ومرفوعـــة تهـد الحيـل
    هجمـــت علينـــــــا عصابــــة زى الطوفــــان والســـيل
    خلــــــــوا شبابنــــــا منكســــــر راضــــى يكـون الذيـل
    باعـــــــــوا علينـــــــــا وهمهــم ووفـوا من دمانا الكيل
    ولا خلـــوا فى البلـــد فــــارس ولا حتــى حداهــا خيــل

  44. شبــ اون لاين ـــاب says:
    30‏/10‏/2008 2:05 م

    خلــــــــوا شبابنــــــا منكســــــر راضــــى يكـون الذيـل


    Beram ElMasry

    اه والله خلونا منكسرين و راضيين بالديل

    بس لا انا عمرى ما حكون ديل

    مش مشكله موضوع الديل دلوقتى
    اهلا بيك عندنا و ان شاء الله تشرفنا بالزياره تانى

  45. يوميات نائمة في الأرياف says:
    30‏/10‏/2008 10:18 م

    اية يا جماعة بقالكو كتير مش موجودين انتو فين؟
    حبيت بس اتطمن؟

  46. شبــ اون لاين ـــاب says:
    31‏/10‏/2008 12:23 ص

    يوميات نائمة في الأرياف

    شكرا على سؤالك واحنا موجودين وبخير
    والبوست الجديد اللى هيكسر النت هينزل انهرده او بكره بالكتير