No Comment
نحن العرب
----------
متى نستطيع ان نفعل شئ اخر غير البكاء والنواح
-------
******
واحد مخه لاسع شويه
Read Users' Comments (97)
الفيل في الغرفة
قبل عام واحد
No love No cry
اول حاله :
الشاب يحب البنت
الواد يشوف البنت فا يعجب بيها فا يمين شمال يعرف انها مش مخطوبه ولا حاجه يقول الحمد لله
يجى بقى يكلمها ؟؟؟؟؟؟؟؟؟؟؟؟؟؟؟؟
تلقيها مفكره انه بيعاكس وتلاقى وش جبس وتروح عامله زى كل البنات ما بتعمل
التقل والواد يعنى يفضل يحط ويشيل فى نفسه
طب ليه كل ده
طالما انتى شيفه كويس او ممكن تسألى صحابه عن اخلاقه وتختصرى كل الحورات دى
تانى حاله :
البنت تحب الشاب
ودى كانت بتحصل زمان بس البنت مكنتش بتروح
تقول للواد المهم البنت تعجب بالواد وتروح تصرح بما فى قلبها الواد بقى قمه الفرح ومعاها شويه غرور انا هرون الرشيد يا ابويه البنات بتترمى عليا
المهم ضحكه وكده يروح وانا كمان والكلام ده
يقول البنت ميته عليا بقى والبنت يا قلبى مش عارفه ايه اللى هيحصل يجى الكابتن يتقل وميردش
عليها يومين ولم يرد يقول كنت مشغول فى الشغل
وهو اصلا صايع ومفيش غير القهوه هى اللى بتلمه
والبنت يا عينى قلبها خفيف تفضل تقول هو مش بيرد ليه ودماغها تروح هنا وهناك وتجلها حالت اكتئاب ومش بالسهل ان حد يطلع من الحال دى
طب طالما انت مش بتحبها كدبت عليها ليه لم تجرح انسانه هتتبسط كان من الاول قولها وصرحها
سلف ودين
ثالث حاله :
الشاب يحب بنوته بتحب واحد تانى
الواد يتعرف على بنوته ويعجبوا تفكرها وشخصيتها
ويقربها منه على اساس تحس بيه لكن لا حياه لمن
تنادى البنت بتحب واحد شخصيه مش كويسه وتقول وخداها تحدى انها لازم تغيره وتخليه انسان كويس
ويحبها زى ما بتحبوا المهم البنت متيمه والواد مكبر وعايش حياته والبنت تغيب الضحكه عن وشها وطبعا حالت الاكتئاب يجى بقى الشاب اللى بيحبها يمين فى شمال يخرجها من الحاله دى ويضحكها كمان مع انه من جوه بيتعذب علشانها
والواد قدمها كويس وكل حاجه بس تقولوا ايه
الانسان بيدور على الشئ اللى يتعبه ويروحله
رابع حاله :
البنت بتحب واد بيحب واحده تانيه
البنت تشوف ولد زى القمر تعجب بيه وتعيش معاه فى احلامه وتحاول تلفت نظره باكتر من طريقه
لكن تيجى الصدمه انه طالع بيحب واحده تانيه
كل احلامه تطير وتبقى سراب
وهى كده تبقى جرحت نفسها بايديها
الظاهره الجديده
او ممكن تكون من نسبالى انا جديده
دلوقتى فى بنات ربنا بيكرمها وبتتخطب بس فى مشكله هى مش بتحب العريس والمشكله التانيه
انها بتحب واحد وبتبقى مكمله معاه وهى مخطوبه
طب كنتى ترفضيه من الاول بدل ما تظلميه معاكى
انا الصراحه مش عارف احنا ( البشر ) بنفكر ازاى؟؟؟؟؟؟؟؟؟
.jpg)
.jpg)
>>>>>> joker
خروف العيد و اسمى ابو فروه
بســـــــــــ الله الرحمن الرحيم ــــــــم
ازيكم يا مسلمين
انا زى ما انتم شايفين خروف واسمى ابو فروه
اللى جابنى هنا واحد مخه لاسع شويه علشان اقولكم
كل سنه وانتم طيبين مااااااااااااااااء و ضرورى ولازم تضحوا السنه دى مااااااااااء علشان دى فيها اجر وثواب كبير عند ربنا
بس علشان خاطرى شوفوا خروف غيرى ممممااااااااء تضحوا بيه
علشان واحد مخه لاسع مش راضى يعتقنى و يسيبنى وحالف لازمأ و لابد يضحى بيا انا مااااااااء
كل سنه وانتم طيبين بقى و صيتكم الخرفان عيالى ممممااااااااااااااااااااااا
كلمات مؤثره فى حياتى
1-السير نحو النجاح لا نهايه لها توقف قليلا عن السير وراجع ماقطعتة فى رحلتك وصحح اخطائك وطور مهاراتك وانظر الى الحياه بتفائل وسعادة ثم اكمل السير
2-لاتبكى على من لايبكى عليك
3-اصعب على النفس ان ترى من تحب يقع فى حب شخص اخر
4-من السهل ان يحترمك الناس ولكن من الصعب ان تحترم نفسك
5- لاتتكلم وانت غاضب فستقول اعظم حديث تندم عليه طوال حياتك ولا تجادل بليغا ولا سفيها فالبليغ يغلبك والسفيه يؤذيك
6-الانسان لا لحمه يؤكل ولا جلده يلبس فماذا فيه غير حلاوة اللسان
7-عندما يؤلمك النظر الى الماضى وتخاف مما سيحدث للمستقبل فأنظر بجانبك
8-يبدأ الحب بابتسامة وينمو بكلمة وينتهى بدمعة
9-مااصعب ان يكون القلب الوحيد القادر على مسح دموعك هو من يجعلك تبكى
10-إذا سمعت الرجل يقول فيك من الخير ما ليس فيك فلا تأمن أن يقول فيك من الشر ما ليس في
11-أعلمه الرماية كل يوم فلما أشتد ساعِدُهُ رماني
12-صاحب الحق عينه قوية
13-اضحك يضحك العالم معك وابك تبك وحدك
14-رب أخ لي لم تلده أمي ينفي الأذى عني ويجلو همي
>>>>باربـــى
We Need Change
الشعب الامريكى كان محتاج التغيير وقدر يغير و يختار الحاكم اللى هما عايزينه
و الشعب الامريكى لما بيكون محتاج التغيير بيقدر يغير و برضه بيختار الحاكم اللى هما عايزينه
الولايات المتحده الامريكيه فيها ديمقراطيه و جمهوريه مصر العربيه فيها كمان ديمقراطيه
هما عملوا انتخابات و اختاروا اللى هما عايزينه
احنا عملنا انتخابات و مش عارفين نختار اللى احنا عايزينه
انا عايز اقولكم ع احصائيه بسيطه خالص تعالوا نشوفها
*****
من فتره 1977 لحد 1981 حكم جيمى كارتر امريكا
و رئيسنا جاء عام 1981 حكم جمهوريه مصر العربيه
و من فتره 1981 لحد 1989 حكم رونالد ريجان امريكا
و رئيسنا فى حكم مصر
و من فتره 1989 لحد 1993 حكم جورج بوش الاب امريكا
و رئيسنا لسه فى حكم مصر
و من فتره 1993 لحد 2001 حكم ويليام كلينتون امريكا
و رئيسنا برضه فى حكم مصر
و رئيسنا برضه فى حكم مصر
و من فتره 2001 لحد 2008 حكم جورج دبليو بوش امريكا
و رئيسنا لسه بيحكم فى مصر
و دلوقتى امريكا اختارت اوباما رئيس لامريكا
و احنا لسه مش عارفين نطلع حد مننا يحكم مصر
مش عارفيين نطلع اوباما تانى بس من الارض المصريه
مش عارفين حتى نقول ده حيبقى رئيسنا
و حتى الانتخابات كانت على اعلى مستوى اوباما كان وسط الشعب
من غير حراسه ولا اى حاجه لانهم هما اللى اختاروه
ده مش معناه ان رئيسنا معملش انجازات و تطورات بس احنا محتاجين للتغيير
*****
We Need Change
............... واحد مخه لاسع شويه
الوسطه ونــار الوسطه
بســـــ الله الرحمن الرحيم ـــــــــم
كنت قاعد انا اللى هو واحد مخه لاسع شويه و باربـــــى ع الايميل
و اتكلمنا فى موضوع كده ياريت تقروا
و عرفونا رايكم
wa7ed lase3: الصوره دى بقينا بنشوفها فى كتير من المصالح الحكوميه الموجوده فى بلدنا و بقت حاجه عادى خالص اتعودنا عليها
wa7ed lase3: و لا ايه رايك يا باربى
barbi: عندك حق ياواحد مخه لاسه بقت موجوده فى بلدك كتير
barbi: لما بتروح تقدم على شغل يقولك فين وسطك
barbi: معاك كارت من البيه فلان
barbi: لو معاك كارت من البيه فلان يبقى هتشتغل مفيش يبقى روح يانور عينى واللى بعده
wa7ed lase3: و الله عندك حق يا باربى انا حصل معايا موقف كان لازم يكون معايا واسطه تحبيى تعرفيه
wa7ed lase3: ؟؟؟
barbi: اه قول ياواحد مخه لاسع
wa7ed lase3: بصى ,,, كنت رايح علشان اطلع الرخصه بتاعت العربيه قالولى حاتمتحن عادى ولا معاك وسطه قولت مش فاهم قاموا رد عليا الراجل اللى كان واقف وقالى عادى يعنى ممكن تنجح او لا لكن لو معاك واسطه اكيد ناجح حتى من غير ما تمتحن طبعا غير الفلوس اللى حدفعها ,,, شوفتى يا باربى وصلت لحد فين
barbi: مممممم انت لو معاك واسطة يالاسع كنت اقعدت زى الباشا وبعد شويه الرخصة اهيه يااستاذ وابقى سلملنا على الباشا
wa7ed lase3: بس حعمل ايه مش معايا واسطه ,,, وانتى يا باربى احتجتى للوسطه فى حاجه ؟؟؟
barbi: يااااااااااااااه حصل كتير ومنها:اخويا يوم مافكر يدخل شرطة كان لازم يبقى معاه واسطة علشان يعدى من الاختبارات بسلام طبعا حتى الحربية والطيران كل الكليات دى بتتكلم بالواسطة
barbi: بس كل مجهوده راااااح علشان مفيش واسطة
wa7ed lase3: انتى عارفه المعييد اللى عندنا بتاع ماده المحاسبه
wa7ed lase3: فى الكليه
barbi: ماله ده كمان؟؟؟
wa7ed lase3: ده المفروض مايكنش المعييد بس علشان ابوه دكتور هما خللوه معييد
wa7ed lase3: شوفتى الواسطه لحد فين كمان
barbi: علشان كده فاشل ومحدش بيفهم منه حاجة هو ده اللى انا بتكلم فيه كل واحد بياخد مكان مش من حقه بيفشل فيه
wa7ed lase3: انتى شايفه يا باربى ان فيه حل للواسطه اللى ماشيه فى البلد دى ؟؟؟
barbi: والله يالاسع انا تعبت خلااااااااص ومش لاقيه حل بس عندى امل يمكن نلاقى حل فى الكومنتات اللى هتوصلنا يمكن تدلنا على حل.
wa7ed lase3: عندك حق يا باربى احنا نستنى لما نشوف التعليقات يمكن نلاقى الحل زى ما انتى قولى
barbi: طيب يالاسع انا هقفل بقى علشان الحق اروح الكليه مش عايز منى حاجة؟؟؟
wa7ed lase3: طيب ماشى وانا كمان حقوم و نتقابل هناك
barbi: سلام.
barbi: مؤقت
wa7ed lase3: سلام مؤقت
بطاقه شخصيه
بســـــــ الله الرحمن الرحيم ـــــــــــــم
سبب ان البوست ده نزل اننا فى عالم التدوين بقالنا اكتر من سنه و محدش يعرفنا حتى التاج اللى وصلنا جتلنا متأخر شويه فاحبيت ارفع الستار عن واحد من الفريق
دى مش صورة واحد تايهه ...مش عاوز معاكسات علشان قطتى بتغير عليا موت
*****
تعالوا بقى نشوف الجوكر ده مين
*****
تعالوا بقى نشوف الجوكر ده مين
الاسم : محمد السيد إسماعيل
تاريخ الميلاد: 5\5\1989
برج : الثور
محل الميلاد: الاسكندريه
المؤهل الدراسى : طالب فى سنه 3 فى معهد ابو قير للحاسب الالى
شعبه نظم معلومات ( يعنى محدش يستهان بالشهاده بتعتنا )
الحاله الاجتماعيه : مش متزوج ولا خاطب ولا مرطبت
(وبحمد ربنا على النعمه اللى انا فيها دى )
*****
تعالو بقى نشوف الجوكر اصحابه مسمينه ايه
الاسم العام : سمعه
الاسم الخاص: joker
اسم تالته ثانوى: المجنون
ونادر جدا اللى يعرفو اسمى الحقيقى اللى هو مكتوب فوق حتى صحابى ناس بسيطه اوى اللى تعرفه
اصحابى : انا مقسمه مجموعات
1: الشله القديمه اربع ولاد وانا من ضمنهم بقالنا مع بعض 9 سنين
2:شلة الثانوى اربعه برضو ومن ضمنهم مخ لاسع
3:شله القهوه اللى انا نادر لم بنزلها دلواتى وغير كده كل اللى فيها يعرفوا بعض فا تخيلو لو حد قام واتعارك
مع ناس غريبه ايه اللى هيحصل
4:شله الكليه يعنى بدايت تعرفى بـــــ باربى اول مره اكلمها فيها كانت مفكرانى انا وواحد صحبى تؤم
وهو فعلا فى شبه بينى وبين الواد ده
والصراحه تعتبر احسن حاجه حصلتلى فى الكليه انى لقيت اخت ليا بصو خليكو شهدين باربى زمنها بتقول
بيحور
5: شله الشغل دول عيال جدعان اوووووووووووى يعنى فى تلات اسبيع بقينا اكتر من الاخوات
6: شله التدوين ودول اللى بحبهم جدا
كفايه كلام عن اصحابى اصلى بخاف من الحسد
الاسم العام : سمعه
الاسم الخاص: joker
اسم تالته ثانوى: المجنون
ونادر جدا اللى يعرفو اسمى الحقيقى اللى هو مكتوب فوق حتى صحابى ناس بسيطه اوى اللى تعرفه
اصحابى : انا مقسمه مجموعات
1: الشله القديمه اربع ولاد وانا من ضمنهم بقالنا مع بعض 9 سنين
2:شلة الثانوى اربعه برضو ومن ضمنهم مخ لاسع
3:شله القهوه اللى انا نادر لم بنزلها دلواتى وغير كده كل اللى فيها يعرفوا بعض فا تخيلو لو حد قام واتعارك
مع ناس غريبه ايه اللى هيحصل
4:شله الكليه يعنى بدايت تعرفى بـــــ باربى اول مره اكلمها فيها كانت مفكرانى انا وواحد صحبى تؤم
وهو فعلا فى شبه بينى وبين الواد ده
والصراحه تعتبر احسن حاجه حصلتلى فى الكليه انى لقيت اخت ليا بصو خليكو شهدين باربى زمنها بتقول
بيحور
5: شله الشغل دول عيال جدعان اوووووووووووى يعنى فى تلات اسبيع بقينا اكتر من الاخوات
6: شله التدوين ودول اللى بحبهم جدا
كفايه كلام عن اصحابى اصلى بخاف من الحسد
تيابتن نا تنسيابتماك نماتستا 8968970 اتنانا باغخ اح-ج =- خ ختصث اتار
اده الكيبورد باظ ولا ايه ايه اللى بيكتبه ده
-------------------------------------------------------------
انا رجعت تانى غيرت الكيبورد وجيت
هنقول ايه تانى عن الواد الجوكر اه افتكرت
مميزاته: جدع اووووى كفايه الميزه دى علشان محدش يقول ايه الواد المغرور ده
عيوب : ياااااااااااااه عندى هدوء اعصاب فظيع بس لما بتعصب بتعمى بمعنى تانى ( جبل تلج وتحتيه بركان )
ممكن اقلب بسرعه جدا
واخر عيوبى انى مش بسامح حد عملى حاجه ولازم اخد حقى منه وبردو مش بسمحو
*****
اصدقاء افخر انى اعرفهم من التدوين
معلش يا جماعه هبدا من القديم
---------------
اصدقاء افخر انى اعرفهم من التدوين
معلش يا جماعه هبدا من القديم
---------------
dr.Roufy
من اول مابدا التدوين واحنا نعرفها ويا رب نفضل اصحاب على طول
----------------
من اول مابدا التدوين واحنا نعرفها ويا رب نفضل اصحاب على طول
----------------
ماء تشرين
بنت اسكندريه وبجد اعتز انى اعرف حد فى التعليم بجد عمرى ما كنت متخيل انى هيكون ليا حد اعرفه بيدرس
ربنا يحققليك كل احلامك ( واى طالب بيشاغب فى الفصل قوليلى )
-------------
بنت اسكندريه وبجد اعتز انى اعرف حد فى التعليم بجد عمرى ما كنت متخيل انى هيكون ليا حد اعرفه بيدرس
ربنا يحققليك كل احلامك ( واى طالب بيشاغب فى الفصل قوليلى )
-------------
كيـــــــــــارا
كنتى فين من زمان ده انا كنت بتزل زول فى درس التاريخ ياله مش مهم تتعوض كانت باربى قرفانى بالمصاصه بقو اتنين دلواتى بجد انا سعيد جدا بمعرفتنا بيكى ويارب نفضل صحاب واخوه ليكى على طول
وتكملى مشوار حياتك بنجاح قوله معايا امين
---------
كنتى فين من زمان ده انا كنت بتزل زول فى درس التاريخ ياله مش مهم تتعوض كانت باربى قرفانى بالمصاصه بقو اتنين دلواتى بجد انا سعيد جدا بمعرفتنا بيكى ويارب نفضل صحاب واخوه ليكى على طول
وتكملى مشوار حياتك بنجاح قوله معايا امين
---------
mero-moory
او maryam
الاول اقولك السلام عليكم ورحمة الله وبركاته
اول مره فى حياتى اتعرف على حد بالسرعه دى ونبقى اخوات وكمان احمد ربنا انى لقيت حد زى بيحب القطط
وزى ما وعتك هتلاقى صور قطتى فى البوست ده ولو عجبوكى واختيهم خلى باللك منهم
ربنا يحققليك كل اللى تتمنيه
فى رعايه الله
او maryam
الاول اقولك السلام عليكم ورحمة الله وبركاته
اول مره فى حياتى اتعرف على حد بالسرعه دى ونبقى اخوات وكمان احمد ربنا انى لقيت حد زى بيحب القطط
وزى ما وعتك هتلاقى صور قطتى فى البوست ده ولو عجبوكى واختيهم خلى باللك منهم
ربنا يحققليك كل اللى تتمنيه
فى رعايه الله
*****
و دى بقى يا ستى عائلتى المعظمه المكونه من ::::
دى بقى كيتى
اما دى شوشو
و ده الدكر بتاعهم محدش يخاف منه مش بيعض ده اسمه بوبو
اما دى الام الحنينه بنوته ده اسمها مش صفه
*****
اهو دلواتى عرفتكم واحد من تيم شبـــ اون لاين ـــاب
وعرفتكم على شخصيه من شخصياتى
ملوحظه : هذا البوست لن يتكرر مره ثانيه مع احد افراد شبـــ اون لاين ـــــاب
joker
-------------------------------------------------------------------------------------------------
تانى تـــــــاج مع الاعتذار
بســــــ الله الرحمن الرحيم ـــــــم
التاج ده وصل لينا من يوم 19 من الشهر اللى فات ده انا مش فاكر اسمه دلوقتى
وصل لينا من صديقه البرنامج ماء تشرين
صاحبه مدونه
و التاج هو عباره عن شويه اكمنه حطاهم لينا ماء تشرين علشان توقعنا لكن مش حتنفع محاولاتها
و ياله بقى نبدا التاج علشان محدش ينام
*** *** ***
الكمين الاول : الحالة الجسمانية بمعنى هل سيادتك تتمتع بصحة جيدة ولا الاخ صاحب مرض؟
باربى : الحمد لله الصحه تمام
الجوكر : الحمد لله على كل شئ
واحد مخه لاسع شويه : بسم الله الرحمن الرحيم الاجابه الاولى اتمتع بصحه 100 فل والحمد لله و اللى يقول غير كده حيضرب
-------------------------------------------------
الكمين التانى : الحاله العقلية بمعنى هل تشعر ان عقلك يعمل ولا حضرتك مفسى دماغك ؟
باربى : الحقيقة عقلى الايام دى فى اجازة من بعد الامتحانات وهو فى اجازة
الجوكر : أوقات وأوقات على حسب الموقف بتعامل
واحد مخه لاسع شويه : متهيألى هو باين من الاسم بس ع العموم انا لسه مخرج عقلى من عَمره و الحمد لله هو شغال متخفيش
-------------------------------------------------
الكمين التالت : الحاله الاجتماعية بمعنى هل علاقتك بمن حولك جيدة ولا عامل مشاكل مع طوب الارض ؟
باربى : مش اوى انا خسرت ناس كتير الفترة اللى فاتت
الجوكر : لا كل اللي حوليا بيشكرو فيا وغير كده أنا مش بصاحب غير اللي زى مش بتاع مشاكل
واحد مخه لاسع شويه : انا علاقاتى كويسه منيحه بس برضه بحب اوقع صحابى فى بعض ع سبيل الهزار يعنى بس ساعات بتقلب بجد بس بلحقها فى الوقت المناسب و ربنا بيستر و بعدين تقلب عليا و تبقى مصيبه لكن فى النهايه بيبقى الوضع مستقر و كول
-------------------------------------------------
الكمين الرابع : الحاله العاطفية مش محتاجة تفسير ومش عايز استعباط ؟
باربى : انا حاليا قلبى غير متاح
الجوكر : اهو ربنا يسهل المنطقة الشماليه محدش دخلها قبل كده
واحد مخه لاسع شويه : انتى بتكلمينى انا , طب ثوانى حروح اعمل شاى و جاى علشان البراد بيغلى ع النار وحيولع ف البيت وبعدين اعيش فالشارع تبقى مصيبه ، ثواااااااااااااااااااانى
-------------------------------------------------
الكمين الخامس : الحاله الروحية بمعنى هل علاقتك بربنا كويسة ولا الكلام على ابو لهب ؟
باربى : يعنى الحمد لله اتقربت لربنا اكتر من الاول
الجوكر : الحمد لله بحاول وربنا كبير وكريم وغفور
واحد مخه لاسع شويه : ها عايزه ايه لحقت الشاى ,,, اه الحمد لله علاقتى بربنا كويسه و اهو ادينا بنجتهد و ربنا كبير و يارب يتقبل منا
-------------------------------------------------
الكمين السادس : اكتر عيب فيك ونفسك تتخلص منه؟
باربى : العصبية ونفسى ابطلها
الجوكر : لم بتعصب مبشفش ادامى ممكن ازعل ناس غليه عليا اوووى
واحد مخه لاسع شويه : ساعات ساعات بكون متردد و دى مشكله كبيره بكون عايز اعمل حاجه و اقول لا بلاش و بعد كده لا حروح اعملها و بعد خمس دقايق ارجع ف رايى ،،، بس مش واقع فى مشاكل بسببها لا الحياه ماشيه زى الفل
-------------------------------------------------
الكمين السابع : ايه الحاجة اللى عملتها وندمت انك عملتها قوى؟
باربى : لا انا الحمد لله مش بندم على حاجة لان اى حاجة بعملها بتكون من اختيارى
الجوكر : مش بندم على حاجه علشان كل الظروف اللى مريت بيها وصلتنى للى انا فيه دلواتى
واحد مخه لاسع شويه : الحاجه اللى ندمت عليها بجد انى عرفت باربى و الجوكر لانهم نقطه ضعفى اللذيذه ههههههههههه ، و بجد الحياه كلها ماشيه بايد ربنا ف انا حندم ليه مفيش حاجه تستاهل
-------------------------------------------------
الكمين التامن : ايه الحاجة اللى لسة معملتهاش وهتموت وتعملها ؟
باربى : ارضى كل اللى بحبهم
الجوكر : انزل البحر
واحد مخه لاسع شويه : انا حموت واسافر اليابان لانها بجد بلد جميله و انا بحبها اوى , و كمان عايز اتعلم انى اسوق عربيه او حتى توك توك بس محاولاتى بأت بالفشل بس لسه وراها وراها
-------------------------------------------------
الكمين التاسع : اكتر دعاء بتقوله وبتردده دائما ؟
باربى : اللهى ماعصيتك جراءة منى عليك لكنه من ضعف قوتى وقله حيلتى فاغفر لى فأنه لايغفر الذنوب الا انت الجوكر : اللهم انى اعوذ بك من شر الناس
واحد مخه لاسع شويه : لا اله الا الله , وحده لاشريك له , له الملك و له الحمد و هو على كل شئ قدير
-------------------------------------------------
الكمين العاشر : لو عرفت انك هتموت دلوقتى وقالولك اخر حاجة نفسك فيها ايه ؟
باربى : نفسى يكون والدى ووالدتى يكونوا رضين عليا واموت وانا بصلى
الجوكر : ان اللى يربى بنتى *** قطتى يعنى *** يبقى انسان كويس ويهتم بها
واحد مخه لاسع شويه : كلمه * لا اله الا الله محمد رسول الله * و بس
-------------------------------------------------
و الحمد لله نكون عرفنا ننفد بجلدنا من الكمين اللى عملها فينا ماء تشرين
و معلش بقى اننا اتأخرنا الكسل وحش برضه ياله بالا باى
اه قبل ما نمشى صحيح لازم ندبس حد ف التاج ده حندبس مين مين
و نحب نقولها الدنيا صغيره و ربنا كبير
*** *** ***
اللبانه و الدلو
كانت فلاحه تسير من المزرعه الى البيت وهى تحمل على رأسها دلو فيه لبن
و بينما كانت تسير , جعلت تفكر فى نفسها
و تقول:ان النقود التى سيباع بها هذا اللبن تكفى لشراء ثلاثمائه بيضه على الاقل
و اذا فقس البيض , خرج منه مائتان و خمسون فرخآ على اقل تقدير
و عندما تكبر الفراخ , يكون سعر الدجاج قد ارتفع او كاد , فيكون عندى من النقود فى نهايه العام
مع ما يتوافر لدى من الاجور الاضافيه ما يكفى لشراء ثوب جديد
وفى هذا الثوب اشهد حفلات الاعياد فى المدينه, حيث يتنافس الشبان على خطبتى , ولكن سأهز لهم راسى
و ارفضهم جميعا فى اباء.
و هزت راسها عند ذلك , فسقطت دلو اللبن على الارض , و اريق ما فيها , و ذهبت احلام الفتاه فى طرفه عين
------------------------------------------
العاقل لا يتكلم بما لا يدرى ايكون او لايكون ...... تذكروا هذا دائما
واحد مخه لاسع شويه..........
العيد جانا
كل سنه و انتوا طيبين ده طبعا علشان العيد جيه
و طبعا احنا مش حنتنازل عن العيديه
كل واحد حيلاقى صندوق انت وداخل المدونه ابقى حط فيها العيديه
و محدش يضحك علينا و يجيب بسكوت و كحك العيد
و اللى يدخل عندنا لازم يدخل بهدوم العيدعلشان نشوفها عليه و نقوله راينا
واحد مخه لاسع شويه...........
وصلنا اول تاج
بســــــــــــ الله الرحمن الرحيم ــــــــــــــــم
وصلنا التاج ده من صديقه لينا و هى
mero-moory وهى
صاحبه مدونه سبحانك يا ربي فالحب من صنعك والكره من صنع البشر
و احنا بنشكرها ع التاج ده
و معلش بقى اتأخرنا عليكى بس معلش سامحينا وياله علشان نبتدى
اولا : بدات تدوين من امتى ؟ و ازاى دخلت العالم ده ؟
باربى : انا بدات التدوين تقريبا فى صيف 2007 اول ما واحد قالى تشتركى معايا و الشخص ده هو واحد مخه لاسع شويه
-----------------------------
ثانيآ : كان ايه انطباعك من البدايه ؟
الجوكر : كنت خايف طبعا علشان دى كانت اول مره اكتب اللى جوايه او اللى عاوز الناس تعرفه كنت متعود اكتب موضوع الانشاء اللى بيطلب مننا وخلاص
-----------------------------
ثالثآ : مين اكتر واحد بتهتم بتعليقه ع البوست الجديد ؟
واحد مخه لاسع شويه : اهم حد هو مش واحد يعنى باربى و الجوكر بحب اسمع رايهم لانهم حيقولوه بصراحه و الاهم فى نظرى المدونين اللى اتعودوا يدخلوه عندنا لان هما بيبقى اكتر ناس فهما شبــ اون لاين ـــاب و عارفه هما مين و بيفكروا ازاى
-----------------------------
رابعآ : ايه اهم حاجه اتعلمتها من عالم التدوين ؟
باربى : اول حاجة ترتيب افكارى علشان اعرف اكتب موضوع والاهم ان عرفت ناس كتير اوووى بسبب المدونه
-----------------------------
خامسآ : ايه اكتر حاجه كرهتها فى التدوين ؟
واحد مخه لاسع شويه : اكتر حاجه كرهتها امممممم ,,, مثلا لما مش بلاقى تعليقات ع البوست ده ممكن بيحسسنى انى مجهودى راح ع الفاضى لان اهم حاجه التواصل ,,, و ممكن كمان لما بتأخر ع انى انزل موضوع بحس انى مهييبر و مش عارف اعمل ايه و ان دماغى فيها عناكب,,, و كمان ببقى زعلان لما اجى ادخل البلوج و اجى اكتب اليوزر و الباسورد و الاقى البلوج من فاكرنى بضايق اوى ههههههه
-----------------------------
سادسآ : حاسس ان التدوين له تأثير ؟
الجوكر : اكيد والا مكنش واحد من المدونين اتسجن قبل كده , بس تأثيره محدود
-----------------------------
و احنا بعد ما جاوبنا ع التاج الجميل ده بنشكر
mero-moory لتانى مره لانها صبرت معانا كتير
و زى ما هى دبستنا فى تاج احنا كمان حندبس صديقه تانيه لينا التاج ده
و هى ماء تشرين صاحبه مدونه
و yehia
صاحب مدونه ياء
الهجره غير الشرعيه
بسم الله الرحمن الرحيم
اولا كل سنة وانتم طيبين ربنا يعود علينا وعليكم الايام بخير
ثانيا انا هكلمكم فى موضوع انتشر اوووى الايام دى هو الهجرة الغير شرعية
انا والله بحزن لما بشوف فى نشرة الاخبار الشباب اللى راجعين فى صندوق خشب ميتين
انا عايزة اسأل سؤال هو انتوا خلاص مفيش امل انكم تشتغلوا فى بلدكم
ماشى انا عارفة ان مفيش فرص شغل داانت لو هتفتح محل سجاير احسن من انك تسافر لبلد متعرفش فيها حد ومفيش فيها شغل
ولو وصلت اساسا الاغلب بيروح فى البحر
انت عارف انت بتعمل ايه؟
انت بتبع اهلك كل حاجة عندهم دهب والدتك ومراتك وارض والدك بتيتم اولادك وبترمل مراتك ووالدك ووالدتك بيحزنوا العمر كله
وبعد كده بيحصلوك ليه تعمل فى نفسك وفى اللى حوليك كده
على فكرة انا مش ضد السفرلا سافر بس طريقة صح وشرعية روح على شغل يعنى متسفرش من بلدك الا وانت معاك عقد عمل
وياسلام على اللى يقولك هات بس الباسبور والفلوس وانا هسفرك انت بتدفع كام 30 الف مثلا
طيب ياابن الناس متفتح بيهم مشروع فى بلدك بين اهلك والله مش كلام
بس فعلا لو حصلك حاجة 1000 جنبك لكن برة بتروح على وهم وده اساسا لو وصلت لهناك انت بتسافر بيقولولك هتسافر فى باخرة وتروح تلاقيها مركب صيدعليها 1000 واحد وهى بتشيل 3 او4 او حتى 10 وفى الاخر تغرق المركب
وانت تروح وتروح حياتك وتروح كل احلامك واحلام اللى تعرفهم
بيصعب عليا الاهل وهما بيبكواعلى اولادهم بجد الله يكون فى عونهم فكروا وسافروا بس على شغل اكيد مش وهم
انت لما بتوصل وده نادرا مش بتلاقى شغل ومش بتلاقى حتى تمن التذكره علشان ترجع بلدك تروح السفارة الحقونى سفرونى بتترحل وبترجع بخيبه امل اكبرمن اللى سفرت بيها
ياريت كل واحد يخلى باله من النصابين اللى هما هات بسبورك ومالكش دعوة حكم عقلك وشوف انت رايح على فين احسن يجى وقت تندم فى وقت مش هينفع فيه ندم
اخيرا ياريت ياحكومه تفوقوا بقى وتوفروا فرص عمل للشباب
شباب بكرة اللى هيبنوا لبكرة اتمنى يجى اليوم اللى اشوف فيه شبابنا احسن شباب يارب يجى اليوم ده قبل مااموت.
..........باربــــــــــــــــــــى
قصص مشهوره بس ليها ريمكس
قصة الأميرة والشرير
بعد أن خطف الشرير الأميرة وأخذها إلى قصره في أعلى الجبل
ذهب البطل لإنقاذها ووصل إلى الشرير وبدأ بقتاله وفجأة
قالت الأميرة : توقفوا
وسألت البطل: هل لديك قصر لأسكن فيه؟؟
قال البطل: لا.
قالت: هل لديك أموال لتصرف علي؟
قالت: هل لديك أموال لتصرف علي؟
قال: لا.
قالت: إذاَ لماذا أتيت ؟؟؟
قالت: إذاَ لماذا أتيت ؟؟؟
قال: لأنقذك و أصبح أميرا.
قالت: إذا أنت داخل على طمع يا روح خالتك.
ثم هجمت الأميرة على البطل وأنقذت الشرير من بين يديه وعاشت هي والشرير في سعادة وهناء
____________________________
قصة ذات الرداء الأحمر والذئب
عندما شاهدت ذات الرداء الأحمر الذئب في الغابة دلته على بيت جدتها
واتفقت معه على تسليك جدتها كي ترثها.
وتعطيه نسبته من العملية.
____________________________
قصة علي بابا والأربعين حرامي
بعد نقاش طويل واجتماعات ومباحثات بين علي بابا والأربعين حرامي
اقتنع علي بابا بهم وصارت قصة الواحد والأربعين حرامى
____________________________
الأميرة والأقزام السبعة
بعد أن أرسلت خالتها زوجة أبيها الصياد ليقتل سنو وايت ولم يقتلها.
سألت المرآة: من أجمل إمرأة في البلاد ؟؟
قالت المرآة: سنو وايت.
فذهبت إلى أخصائي تجميل وبعد عدة عمليات تجميل ونفخ عادت خالتها زوجة أبيها إلى المرآة
وسألتها: من أجمل إمرأة في البلاد؟؟
فقالت المرآة: أنت يا سيدتي.
ففرحت بنفسها ونسيت أمر سنو وايت.
أما سنو وايت فقد عاشت بسعادة وهناء وتزوجت السبع أقزام
____________________________
علاء الدين و المصباح السحري
بعد أن رأى علاء الدين الأميرة, طلب من جني المصباح أن يبني له قصراَ أكبر من قصر الملك فبناه له.
و لكن في اليوم التالي جاءت المحافظة وأغلقت القصر بالشمع الأحمر
وفرضت على علاء الدين غرامات مالية كبيرة لأنه بنى القصر بدون ترخيص
فرك علاء المصباح بيديه وخرج الجني من المصباح
فقال له علاء الدين: أريد مبلغاَ يكفي لدفع غرامة المحافظة والرشاوى.
فقال الجني: يا سيدي المبلغ كبير جداَ وحتى أنا لا أستطيع دفعه.
فقال علاءالدين : إذاَ احمل القصر واهرب به إلى بلاد بعيدة.
ولكن علاء الدين لم يستطع التخلص من دفع غرامة المحافظة رغم إخفاء القصر إلا أن الغرامة تم تسجيلها وعليه أن يدفعها ثم يعترض بعد ذلك .
وأضيفت إلى علاء الدين تهمة جديدة وهي تخريب الاقتصاد الوطني بتهريب القصور إلى خارج البلاد
ودخل علاء الدين السجن ومات هناك من السقعه
____________________________
قصة سندريلا
انتظرت سندريلا طويلاَ ولم تظهر الساحرة, فخطر ببالها خاطر فقامت
وقصت تنورتها لتصبح قصيرة
وقصت أكمام قميصها وقصت قميصها
ثم صعدت إلى غرفة أختيها
وملأت وجهها بالماكياج
وذهبت إلى الحفلة وعندما وصلت إلى الحفلة
وهي تظن بأنها ستأسر قلب الأمير بلباسها
فوجئت بأن كل الفتيات يلبسن مثلها وأنها ليست إلا واحدة منهن.
أما الأمير فكان ينتظر صديقته التي في الجامعة كي يعرفها على أهله ويعلن خطبتهما.
وعادت سندريلا بخيبة الأمل
و لكن رجل من مرافقي الأمير أعجب بها وعرض عليها الزواج فوافقت على الفور
ولكن تبين فيما بعد أنه يريد أن يضحك عليها ولا يريد الزواج منها فعادت إلى بيتها بكرامتها.
وعاشت سندريلا في بيت خالتها
إلى أن خطبها عبد المنصف بتاع الخضار
...........joker
رمضان كريم
بسم الله الرحمن الرحيم
شهر رمضان الذى انزل فيه القرأن هدى للناس وبينات من الهدى والفرقان
الاول احب اقولكم كل سنه وانتم طيبين ورمضان كريم
ويارب نستفاد من رمضان وغير كده عاوزكم تبقو زى طماعين عاوزكم تطماعو وتجمعو اكبر كم حسنات
وبقولكم من اولها بلاش امور العيال اللى بتحصل وتصومه صيام الحجه اللى هو لحد الظهر
عاوزين صيام مع قرأن وطاعه واهم حاجه استقامه فى رمضان وبعده
يعنى اللى بيدخن يحاول يقلل يوم بعد يوم هيبطل باذن الله
والصلاه نحاول ننتظم فيها فى رمضان ونكمل بعديه اكن السنه كلها شهر واحد
ويا ريت كل واحد يختار مسلسل واحد او اتنين بس ويكبر دماغه من الباقى كله القنوات هدعدهم تانى بعد رمضان يعنى معاك سنه تتفرج برحتك
ورجاء خاص من شباب مصر كلها نناشد به انسات مصر بالله عليكم بلاش اللبس اللى على الموضه
اما اللى بيحصل لليله العيد فانا الصراحه بزعل اوى من اللى بيجره فيه
قال ايه الشباب فرحانه علشان رمضان خلص ويبدوا بقى الغلط
انا عن نفسى ببقى فرحان لم رمضان بيخلص علشان هشرب مايه
خلى بالكم محدش يكترمن الاكل
اللى هيمشى كويس رمضان ده ليه عندنا فسحاه وهنزلوه البحر بس الكلام ده فى الشتا
كان معكم
joker
من امام شارع 45
الاسكندريه
اليكم اخر الاخبار
السلام عليكم جميعاً
المره دى مش حكتب موضوع جديد لا المره دى جاى علشان اقولكم ليه احنا اتاخرنا اوى كده فى الرجوع للكتابه تانى
طول الفتره اللى فاتت دى
انا و واحد مخه لاسع شويه اشتغلنا و قررنا اننا نبدا حياه العمل و انا و هو نزلنا اشتغلنا فى مكان واحد
اما باربـــــــــى بقا فشكلها كده بتتعلم الطبخ و عايزه تودينا و توديكم فى داهيه بطبخها اللى اكيد حيطلع عك فى عك.....يااااااااااااااع.
و عندنا خبر حلو تانى اننا نجحنا و الحمد لله خلاص عدينا سنه تانيه دى بكل خير عقبال باقى السنين
و بما اننا ف اسكندريه ف احب اقولكم اننا مخنوقين جدا من اللى بيحصل هنا و مش عارفين نتفسح زى ايام الشتا.
مش حطول المره دى كتير ف الموضوع ده بس احب اقولكم ادعولنا ان ربنا يطلع البشر المحتله دى و قصدى (المصيفين)من هنا ع خير و بسرعه
و سلام دلوقتى علشان انا نازل الشغل و اتأخرت انا شكلى حطرد من الشغل بسببكم....................................................صحيح رمضان كريم
joker..........
اعتذار يجب ان يقدم
--------------------------
شبـــ اون لاين ــــاب
---------------------------
لقد عادت الافكار اليها بعد انقطاع لظروف خارجه عن ارادتنا
و حتى يعود النور الى عقولنا و الهواء الى رئتنا
نحن لانرى ولا نسمع ولا نتكلم
حتى يتم الاعداد الى رجوعنا مره اخرى
رباعيات - صلاح چاهين
خرج ابن آدم من العدم قلت : ياه
رجع ابن آدم للعدم قلت : ياه
تراب بيحيا ... وحي بيصير تراب
الأصل هو الموت و الا الحياه ؟
عجبي !!!
رجع ابن آدم للعدم قلت : ياه
تراب بيحيا ... وحي بيصير تراب
الأصل هو الموت و الا الحياه ؟
عجبي !!!
ـــــــــــــــــــــــــــــــــــــــــــــــــ
ضريح رخام فيه السعيد اندفن
و حفره فيها الشريد من غير كفن
مريت عليهم .. قلت يا للعجب
لاتنين ريحتهم لها نفس العفن
عجبي !!!
ضريح رخام فيه السعيد اندفن
و حفره فيها الشريد من غير كفن
مريت عليهم .. قلت يا للعجب
لاتنين ريحتهم لها نفس العفن
عجبي !!!
ــــــــــــــــــــــــــــــــــــــــــــــ
أنا شاب لكن عمري ألف عام
وحيد لكن بين ضلوعي زحام
خايف و لكن خوفي مني أنا
أخرس و لكن قلبي مليان كلام
عجبي !!!!
..........باربـــــى
.........
الضمير العربى
بســــــــــــــ الله الرحمن الرحيم ـــــــــــــــــــــم
دى اغنية جديد بتتكلم على اللى بيحصل فى فلسطين والعراق وغيره وغيره
.....
او بمعنى تانى اللى بيحصل فى العرب من مزله واهانه موضوعى من جزئين
.....
الجزء الاول هو كليب الضمير العربى ممكن تشوفوه وهتعرفو ايه شعورى دلوقتى وهو بجد هزنى وخلانى بقيت قرفان من نفسى
.....
من اللى شفته بيحصل فى اخوانا العرب الجزء التانى هو عن سبب اللى بيحصل فينا
الرؤساء العرب
الرؤساء العرب
.....
يعنى لحد امتى حيفضلوه يجتمعوا على طاوله المفاوضات
.....
يعنى لحد امتى حيفضلوه يجتمعوا على طاوله المفاوضات
.....
وبعد كده مش بنشوف حاجه
.....
اول امبارح كان فلسطين ... و امبارح العراق ...ياترى بكره الدور ع مين ؟؟؟
.....
متهيالى اننا نستنى لحد الدور ما يجى لينا بعد كده نتحرك
.....
و الايام بينا انهم حيخدوا المنطقه العربيه واحده واحده
.....
ايران , سوريا , لبنان
.....
و يمكن دول هما اللى فى الصوره اكتر من باقى الدول
.....
ربنا يستر
..
تعالوه نشوف الصوره دى انا جمعتها يمكن تبين اللى انا فيه
كان مربيهم و معلمهم الادب ..... راحت ايامك خلاص
ده حالنا الانتظار حتى ياتى المصير المحتوم...هذا من فضل ربى
يعنى الجبن اللى الاسرائيليين فيه
مسكيين سلاح فى وش اطفال
لا تعليق...... لان لو اى حد مكانها ربنا وحده هو اللى يعلم كان اللى اللى حيحصل
يا مظبطنا بطربيشك و ربنا انت ما فاهم حاجه ...... ربنا يجعل كلامى خفيف عليك ياريسنا
هو ده سلاحهم علشان يدمروه الامه العربيه
الفتنه هى طريقهم للدخول للعرب و تقسييمهم
والنبى قمر ... ياسلام على لمتكم الحلوه دى بعد المغربيه على كورنيش شرم الشيخ
ورده فله شمعه منوره
........
.....Joker
الفلوس شئ ملعون
عندنا موضوع جديد بس المره دى لا الجوكر هو اللى حيكتبه و لاباربى ولا حتى انا
اللى حيكتبه واحد حب يعبر عن نفسه من خلال
شبــــ اون لاين ــــــاب
الشخص ده هو
اسكندرانى
و احنا عطناله الفرصه لكى يعبر عن نفسه تعالوه نشوف هو عايز يقول ايه
الفلوس شئ معلون ................... نعم الفلوس شئ معلون
كل حاجه فى الدنيا بالفلوس
لو عايز تاكل يبقى بالفلوس
لو عايز تتعلم يبقى بالفلوس
لو عايز شقه يبقى بالفلوس
لو عايز ....... يبقى بالفلوس
و الغريب فى الكلام ده كله ان احنا اللى عملنا الفلوس ... لكن فى فلوس هى اللى بتعمل الناس
و الاسعار الايام دى بقت نااااااار و الشعب بقى هو الرماد
مثلا لما يبقى الرغيف بربع جنيه و كيلو اللحمه بخمسين جنيه لحد دلوقتى و الزيت بقى بعشره جنيه وكيلو السكر بقى بخمسه جنيه
و اصلا مرتب واحد غلبان ميجبش200 جنيه ... ده لو بس هى دى المصاريف اللى بيدفعها يبقى بقى حياكل منين
ولو بتحب و عايز تتجوز يقولك معاك كام ... الحياه صعبه يابنى و لازم يكون معاك فلوس
كانها بيعه واللى يدفع اكتر يشيل
ويقولو عايزين شبكه ومهر و مؤخر و شقه و الذى منه...طب منين
لو عايز تتعلم يقولو التعليم بالمجان ... ومعاك شهاده من المرستان
و لو عايز وظيفه اما يكون معاك فلوس او معاك نفوذ
معاك وسطه تنجح مش معاك حتروح وترجع تقعد ع القهاوى
و نرجع نقول معدل البطاله زاد و معدل الجريمه زاد ... نعمل ايه بس يا ناس
اختم و اقول ارحموا من ف الارض يرحمهم من ف السماء
يا جماعه عايزين حلول علشان الناس دى تقدر انها تعيش
يارب اكون ضيف خفيف عليكم
نحن
نحن نعيش غرباء ... حتى فى بيوتنا
***
نحن اوفياء لمن نحب ... ولا نجد من يحبنا
***
نحن نصنع البسمه... و الحزن دائما على وجوهنا
***
نحن نريد الحياه ... و الحياه لاتريدنا
***
نحن اصدقاء مخلصين ... و الاخلاص لايعرف اصدقاءنا
***
نحن نشعر بالام الاخرين ... ومن يشعر بالامنا
***
نحن نتحدث عن مستقبلنا ... ومستقبلنا يتهرب منا
********
هذه كلمات اطلقتها فى سماء الصمت
.........
واحد مخه لاسع شويه...........
الاشتراك في:
الرسائل (Atom)
