شبــــ اون لاين ــــاب: 2007.06

عرفت معنى الكراهية

Posted in ٦/٢٧/٢٠٠٧ ٠٦:١٢:٠٠ م

عمرك حسيت انا فى حد بيكرهك اوى اوى لدرجه انه مش عايزك تبقى احسن منه فى اى حاجه

انا حسيت الحكايه دى بس لما قريت الحكايه دى (روى ان الحجاج بن يوسف الثقفى كان يسبح يوما فى النهر فبلغ به الجهد مبلغه واشرف ع الغرق فرأه احد الناس فقفز الى النهر وامسك به وانقذه فقال الحجاج للرجل اتعرف من انقذت يا هذا فقال نعم اعرف فقال له لكن يقال انك تكرهنى فقال الرجل نعم اكرهك فسأله الحجاج ولماذا لم تدعنى اغرق فرد عليه الرجل والله ما انقذتك رغبه فى نجاتك ولكن خشيت انا تموت شهيد فتدخل الجنه)عرفت بقى معنى الكراهيه واكيد انت وقعت فى احساس زى ده

كتب لكم / واحد مخه لاسع شويه

Read Users' Comments (5)

حبه كوره

Posted in ٦/٢٤/٢٠٠٧ ٠٤:٣٧:٠٠ م

بسم الله الرحمن الرحيم

انا النهاردة هتلكم عن الكورة وخصوصا النادى الاهلى اللى مستواه الايام دى مش عجبنى مع انى اهلاويه جداجداجدا بس حاسة ان النادى الاهلى اتغر بالبطولات بتاعته ووثق فى نفسه اكتر من الازم اللعيبه بقت مغرورة مبقتش حاسة بالمسئوليه زى ايام اليابان مش عارفة ايه اللى جرالهم ومانويل جوزيه ايه اللى جراله مش عارفة ومتعب اللى بقالة كتير قوى مش بيجيب اجوان فكرنى بفلافيو زمان ايام ماكان نحس كورة هدخل جون بس للاسف متدخلش انا بقول لمتعب سيبك من الاحتراف وركز فى اللى انت فيه خليك فى الكأس وبطولة افريقيا والبطولات اللى لازم انكم تكسبوا فيها حتى ابو تريكة مبقاش زى الاول ايه اللى جرا للنادى الاهلى انا احساسى بيقولى ان الكاس السنة دى مش للاهلى ممكن يكون الزمالك او الاسماعيلى انا بتمنى انى اكون غلط والاهلى ياخد الكاس بتمنى والله ربنا يوفقهم ويرجعوا زى الاول واكتر ويستاهل لقب (الاهلى فوق الجميع) او(عفوا هذا زمن الاهلى)اتمنى ذلك

كتبت لكم / باربى

Read Users' Comments (1)comments

الصداقه المزيفه

Posted in ٦/٢٣/٢٠٠٧ ٠٣:١٢:٠٠ ص

بسم الله الرحمن الرحيم

اعزائى زوار هذه المدونه

انا هتكلم عن مشكلة هى مش مشكلتى لوحدى لكن مشكلة جيل باكملة هو جيل الشباب الذى انتمى انا لها المشكلة هى مشكلة الصداقة انا شايفة ان مفيش دلوقتى صداقة حقيقية يعنى مفيش اصحاب بجد تقدر انك تعتمد عليهم انا للاسف للمرة التانية فى حياتى افشل فى اختيار اصدقائى كل اللى عرفتهم عرفونى علشان مصلحتهم كانت مصلحتهم فوق صدقتى.
نادرا لما تلاقى اتنين اصحاب بجد ممكن اكون غلطانة بس دة راى الشخصى مش بفرضة على حد.
انا هكلمكم عن التجربة التانية اللى فشلت فيها انى اختار صحبتى.
انا كنت فى اول سنه ليا فى الكليه مكنش عندى اصدقاء كنت لوحدى اتعرفت على واحدة اتصحبنا مع الوقت اعتبرتها زى اختى واكتر اروح معاها الكيه واروح معاها اى مكان ,كنا مع بعض الحاجة اللى انا بحبها لنفسى لازم اجيب ليها هى كمان علشان اعتبرتها اختى كنت بسمع كلامها فى كل حاجة ولما جيت اقول لا على حاجات لازم يتقال فيها لا بقيت انا وحشة بالنسبة ليها كانت بتعملنى بطريقة وحشة جدا انا كبرت دماغى وعملتها بنفس معملتها ليا ايام الامتحانات رجعت تحسن علاقتها بيا ليه؟؟؟؟؟
علشان الورق والمذكرات انا قولت يمكن تكون عقلت وعرفت مين صاحبتها ومين لا.
بس للاسف رجعت لمصلحتها بعد ماخلصنا امتحانات رجعت المعاملة اسوء من الاول اتغيرت تانى ليه علشان مصلحتها خلصت ولا بتسأل عليا ولا اى حاجة انا كنت بسأل قولت اكون احسن منها واسأل عليها سألت مرة واتنين وتلاتة لقيت انها حتى مبتتصلش بيا تسأل عليا قولت انا مش هتصل تانى.
بعد كل دة تتكلم عليا وتقول عليا انى مش بسأل عليها وانى متغيرة وبعملها وحش مع انى انا اللى كنت بسأل وبتكلم وهى لا.
قولولى اعمل ايه معاها اعتبها على الكلام دة ولا اسيبها ومكلمهاش تانى.
هى دى الصداقة ان الصديقة تتكلم على صديقتها ماظنش انها تكون صداقة دى صداقة مزيفة علشان كدة انا قولت ان مفيش حاجة اسمها صداقة

كتبت لكم / باربى