We Need Change



الشعب الامريكى كان محتاج التغيير وقدر يغير و يختار الحاكم اللى هما عايزينه

و الشعب الامريكى لما بيكون محتاج التغيير بيقدر يغير و برضه بيختار الحاكم اللى هما عايزينه

الولايات المتحده الامريكيه فيها ديمقراطيه و جمهوريه مصر العربيه فيها كمان ديمقراطيه

هما عملوا انتخابات و اختاروا اللى هما عايزينه

احنا عملنا انتخابات و مش عارفين نختار اللى احنا عايزينه

انا عايز اقولكم ع احصائيه بسيطه خالص تعالوا نشوفها

*****

من فتره 1977 لحد 1981 حكم جيمى كارتر امريكا

و رئيسنا جاء عام 1981 حكم جمهوريه مصر العربيه


و من فتره 1981 لحد 1989 حكم رونالد ريجان امريكا
و رئيسنا فى حكم مصر

و من فتره 1989 لحد 1993 حكم جورج بوش الاب امريكا
و رئيسنا لسه فى حكم مصر

و من فتره 1993 لحد 2001 حكم ويليام كلينتون امريكا
و رئيسنا برضه فى حكم مصر

و من فتره 2001 لحد 2008 حكم جورج دبليو بوش امريكا
و رئيسنا لسه بيحكم فى مصر

و دلوقتى امريكا اختارت اوباما رئيس لامريكا
و احنا لسه مش عارفين نطلع حد مننا يحكم مصر
مش عارفيين نطلع اوباما تانى بس من الارض المصريه
مش عارفين حتى نقول ده حيبقى رئيسنا
و حتى الانتخابات كانت على اعلى مستوى اوباما كان وسط الشعب
من غير حراسه ولا اى حاجه لانهم هما اللى اختاروه
ده مش معناه ان رئيسنا معملش انجازات و تطورات بس احنا محتاجين للتغيير

*****


We Need Change



............... واحد مخه لاسع شويه

  • Digg
  • Del.icio.us
  • StumbleUpon
  • Reddit
  • Twitter
  • RSS

75 Response to "We Need Change"

  1. moory-mero says:
    ١١‏/١١‏/٢٠٠٨، ٢:٢٥ ص

    السلام عليكم و رحمة الله و بركاته

    لولولولولولي أول تعليق يا اخوتي عمرها ما حصلت

    في رعاية الله

  2. moory-mero says:
    ١١‏/١١‏/٢٠٠٨، ٢:٤١ ص

    السلام عليكم و رحمة الله و بركاته

    نيجي بقى للرد على الموضوع

    شوف يا أحمد إنت بتقول إن في ديمقراطيه في أمريكا وفي ديمقراطيه في مصر

    أنا هقولك رأيي اللي مقتنعه بيه عشان المعظم فاكر إن أمريكا فيها ديمقراطيه أنا شايفه إن ديمقراطية أمريكا عكس مصر وكمان عندهم حدود موش يقدروا يتعدوها كانت نفعتهم ديمقراطيتهم لما عملوا كده في العراق كان موجود مظاهرات تعترض على أفعال الحاكم كانت نفعتهم ديمقراطيتهم لما سندو البلد الزبالة اللي اسمها اسرائيل عشان يعملوا اللي بيعملوه في فلسطين ولا قالوا عندكم خطوط حمرا اتكلموا زي ما انتم عايزين لكن اللي عايزينه عازيزينه ومين قالك إنهم موش فكروا يكسروا كلمة امريكا تتعصب عنصريا ويدخلوا لون جديد عليهم ويقولوا أهو تغيير والاسم إن أمريكا أًصبحت بلد ديمقراطي من كله في شفافيه في الانتخابات أوك بس في ديكتاتوريه عندهم في حاجات كتير ويكفي إنها بلد السطو دوما يعني بحس دايما إنها زي عود الكبريت يدوب ترمي شرارتها وتتفرج و عينها على إنها عايزة تملك العالم لو في ديمقراطية فيها هتبان لما اوباما نشوفه هيعمل ايه هو كمان في الشرق الاوسط وكمان أنا عرفت ان ديانته مسلم افريقي لقيته قايل في حوار أنا موش مسلم أنا مسيحي وكأن الاسلام عار الله أعلم ولو إني قرأت كتير إنه مسلم

    نيجي بقى لمصر مين قال موش في ديمقراطيه عندنا لاء في وفي كتير كمان لو موش كان في موش كان أيمن نور دخل واتقدم للانتخابات الرئاسية ومصيره دلوقتي الله أعلم حصله ايه موش كان طلعت السادات عمل اللي عمله وقال وهاجم مصر ديكتاتوريتها حكامها واصحاب السلطة فيها لكن اهلها شعب طيب ومغلوب على أمره لو اتكلم فرد هيروح ورا الشمس اتكلم عشره هيحسوا الصوت هيكتر يعملوا ايه مشكلتك ايه ابنك عايز يسافر هنسفره علاج هنعالجه وبكده اخترناه اخترناه
    انا بقول ده لو حد بيراعي ربنا بجد وزي ما بتقول عمل انجازات كان يسيب الاختيار لفكر جديد شبابي
    لما عبد الناصر تنحى عن الحكم وكنا دولة مستعمره الشعب كان بيبكي عشان يقعد ليه موش حاول يعمل زيه ويشوف رد فعل الناس بحب لو عايزينه يقعد موش بخوف انتخبوا زي ماانتم عايزين والصناديق تتملي باللي احنا عايزينه

    أنا بكره الظلم والطغيان وبتقول انجازات عملها لمصر ايه الانجازات دي جوز 10 أو 15 الف شاب في عنوسه في مصر أد كده شغل 20 ألف شاب في بطالة بمصر بتزيد كل سنه أكتر من اللي قبلها

    عمل كام كوبري عشان يوسع المرور

    ياسلام بجد ع الانجازات

    أقولك بقى الانجازات اللي عملها بجد وبقوله عليها بجد ضربة معلم

    بنوك اوروبا وسويسرا بتدخل لحساباتها مليارات
    أراضي وعقارات ومشاريع من الباطن واجباري لأجيب عاليها واطيها

    ولسه ايه بقى الشعب عايزين تاكلوا ياعيني طويب خلاص غلي الأسعار عشان تعرفوا تاكلوا كويس غشوا الدوا عشان تعرفوا تتعالجو غشوا الأكل ودخلوا اشعاعات عشان تعرفوا تعيشوا شجعوا على الانحراف والتحرش والاغتصاب عشان نقول في قانون
    شفت الانجازات اللي قدمها
    لا ومصر بتاخد معونه من البلد الديمقراطيه دي ومن قبل ما هو يمسك الحكم والمعونه بتتحول على حسابات بنوك اروروبا ومن كتر ديمقراطيته بعد ما زرع ابنه في الحزب الوطني ياسلام اجباري على دماغنا ريس

    لا ديمقراطيه ميه ميه

    بس جملة واحده بقولها دايما حسبنا الله ونعم الوكيل و ربنا ع الظالم

    وزي ما بيقولوا لابد من يوم معلوم تترد فيه المظالم ابيض على كل مظلوم واسود على كل ظالم

    بلغ عني بقى يااحمد ههههههههههههه ويدتك في داهيه ثح (وش بيضحك) هههههههههه

    سوري للتطويل بس اصلا لما بتيجي سيرة مصر في ديمقراطيتها دمي بيتحرق أوي

    في رعاية الله

  3. شبــ اون لاين ـــاب says:
    ١١‏/١١‏/٢٠٠٨، ٢:٤٢ ص

    و عليكم السلام ورحمه الله و بركاته

    ياله علشان تبقى عارفه
    احنا كنا حاجزين اول مكان ليكى علشان تعرفى تشوفى


    و بعدين خدى هنا هو ده اللى شد انتباهك انك اول تعليق

    هو انتى مش مصريه ولا ايه
    شكلك حزب وطنى

    -----------------
    واحد مخه لاسع شويه

  4. moory-mero says:
    ١١‏/١١‏/٢٠٠٨، ٢:٤٣ ص

    السلام عليكم و رحمة الله و بركاته

    يالهوووووووووووي أنا كتبت كل ده إزااااااااااااااااااااااااي

    زمانك كرهتني دلوقتي ههههههههههه

    امن دوله ياعم الحاج على طول ههههههههههههه

    ربنا يستر بقى


    في رعاية الله

  5. moory-mero says:
    ١١‏/١١‏/٢٠٠٨، ٢:٤٤ ص

    السلام عليكم و رحمة الله و بركاته

    ههههههههههههههههههه ماهو لا اول تعليق كانت زغروطة وتاني تعليق امن دوله وتحقيقات

    تالت تعليق حكم بالاعدام

    الرابع هتزورني وتقرالي الفاتحه ههههههههه

    كانت معكم المرحومة ميرو هههههههههه

    في رعاية الله

  6. شبــ اون لاين ـــاب says:
    ١١‏/١١‏/٢٠٠٨، ٢:٤٨ ص

    بسم الله الرحمن الرحيم

    تنبيه هام للسلطات انا اى الجوكر وباربى ليس لنا يد فى هذا البوست ونعلن
    عدم تورطنا فيه وعدم مسؤليتنا فى خطف
    وتعذيب الرهائن
    هو يا باشا مخ لاسع اللى خطط لكل حاجه

    الله الوطن التدوين

    joker

  7. moory-mero says:
    ١١‏/١١‏/٢٠٠٨، ٢:٥٦ ص

    السلام عليكم و رحمة الله و بركاته

    هههههههههههههههههههههههههههههههههههههههههههههههههههههههههههههه

    هموت م الضحك يا محمد يخرب عقلك عثثثثثثثثثل

    أحمد لا تقلق وراك رجاله تاكل الزلط صحيح بنوته بث وقت اللزوم ولا أعرفك هههههههههههه لا والله وقت اللزوم جدهخ جدا وضرب بقى وايه

    معاك يا عم الحاج مطرح ما تروح

    بس انت خليك جامد باعك محمد في لحظة

    على فكرة يا سعادة الباشا محمد هو اللي كان بيحدد الميعاد ويرسم الخطط وانا واحمد بننفذ هههههههههه(وش بيطلع لسانه)

    حتى دوروا في البنوك هتلاقوا عنده حساب باسم باربي وبيقسموا في النص بياخد معونه م الخارج هههههههههههههه

    موش سيبتوه لوحده معاك يا أحمد اطمن
    ههههههههههههههه
    في رعاية الله

  8. غير معرف Says:
    ١١‏/١١‏/٢٠٠٨، ٢:٥٦ ص

    عجبتنى اوى أخر جملة فى البوست

    حتى لو رئيسنا كويس ... احنا برده محتاجين تغيير

    يعنى مش لازم نغير عشان الحكم وحش

    كل انسان ليه وجهة نظر مختلفة عن التانى.. ليه منجربش ناس جديدة

    التعلياقت ديه كلها امتى !!!

    ده لسه البوست سخن :(

  9. شبــ اون لاين ـــاب says:
    ١١‏/١١‏/٢٠٠٨، ٣:٠٤ ص

    لا والله يا ميرو طلعتى مصريه ومحروق دمك كمان


    بصى يا ستى

    انا اصلا مش مع امريكا فى سياستها فى اداره البلاد

    انا كل اللى كنت عايز اوصله
    انى متعاطف مع الشعب الامريكى وعايز احنا كمان نقول اننا محتاجيين التغيير
    و ده حقنا

    انا لابحب بوش ولا حتى بحب اوباما و لا حتى مع مبارك
    انا بس مع فكره اننا نختار اللى احنا عايزينه يكون رئيسنا

    ولا انتى شايفه ايه

    هما بيقولوا انهم عندهم ديمقراطيه
    وبرضه الحكومه عندنا بتقول اننا عندنا ديمقراطيه

    و انا شايف انها مش بتتحقق هنا خالص
    بس هناك بتتحقق ولو حتى بنسبه واحد فى الميه
    انا مش معاكى انهم نجحوا اوباما علشان
    يظهروا انهم عندهم ديقراطيه

    هناك الانتخابات بتبقى على امانه تامه بين الشعب و الحكومه بتاعتهم
    طبعا ع عكس ما بيحصل عندنا

    و انا مش بقول انا العالم حيتغيير ع ايد اوباما انا شايف انه حيبقى مركز فى امريكا بس
    و اللى يقول كده يبقى متفائل زياده ع اللزوم

    و لتصحيح معلوماتك يا ميرو
    اوباما مسيحى والده هو اللى مسلم
    انا اللى اعرفه انه بيبقى على ديانه ابوه
    لكن هو مسيحى و انا شايف انه مش متعاطف مع الشرق الاوسط من الاساس

    و انتى بتتكلمى ان ايمن نور دخل السجن
    انا بس عايزك تدورى على المرشحين اللى كانوا منافسين للرئيس فى الانتخابات اللى فاتت
    2 ماتوا و 1 فى السجن و الباقى اتشالوا من رئاسه احزابهم

    و من حيث انجازات الرئيس اللى انا قولت انه عملها
    انا شايف ان الفساد فى الرئيس لا الفساد ف اللى تحت منه
    لو قولنا الرئيس ايه الانجازات اللى عملها يبقى عايزيين بوست تانى
    بس مشاكل مصر بقت اكبر من انها تتحل
    و بعدين مصر مبقاش فيها قوميه

    مصر بقت عن عباره عن حاجه واحده بس
    هى حزب وطنى

    و انا كمان معاكى بقول حسبنا الله ونعم الوكيل فى الحكومه اللى وصلت مصر لكده

    و بعدين انا اقدر ابلغ عنك ينفع برضه

    و ياريت تكونى فهمتى انا قصدى ايه بالديقراطيه اللى فى نظرى
    فى موضوع انهم بيقدروا يختاروا اللى هما عايزينه

    -----------------
    واحد مخه لاسع شويه

  10. شبــ اون لاين ـــاب says:
    ١١‏/١١‏/٢٠٠٨، ٣:٠٥ ص

    انا برضه اتخضيت من الكومنت الطويل ده


    بس الموضوع يستاهل

    و انا سبتيلك رد اده بالظبط

    العيين بالعين و السن بالسن والبادى اظلم
    هههههههههههههههههههههههه

    ------------------------
    واحد مخه لاسع شويه

  11. شبــ اون لاين ـــاب says:
    ١١‏/١١‏/٢٠٠٨، ٣:٠٦ ص

    اقروا الفاتحه ع روح المرحومه ميرو


    انا فهمت خلاص
    شكلك فعلا حيتكم عليكى بالاعدام

    بس حكون انا معاكى


    -------------------
    واحد مخه لاسع شويه

  12. غير معرف Says:
    ١١‏/١١‏/٢٠٠٨، ٣:٠٧ ص

    انا هقولكم راى انا محتاجة اشوف حد فاهمنا فاهم الشباب عارف احنا عايزين ايه اه فى ديمقراطية كفاية فى الصحافة بيقولوا اللى يقولوا ومحدش بيقولهم احنا محتاجين التغير اوى عايزين دم جديد يحكمنا يفكر معانا بصوت عالى واحد يكون شايف اللى احنا فيه من برة مش من جوة مش واحد يسأل ايه اخبار الشعب تمام ياريس وبيدعولك وهما بيدعوا ........ امشى فى الشوارع الناس كل يوم بتكرهه حياتها اكتر من اليوم اللى قبلة هنفضل كدة لامتى انزل شوف رغيف العيش اللى استغفر الله العظيم ميتبصلهوش شوف الحاجة اللى غليت قعد مع الوزرة وقولهم ازاى تعملوا كدة بلاش الامضة اللى من غي ماتعرف انت بتمضى على ايه ربنا يعدى الايام دى على خير ويرحمنا برحمتة علشان عبيدة مش بيرحموا يبقى هو يرحمنا


    باربى.....

  13. شبــ اون لاين ـــاب says:
    ١١‏/١١‏/٢٠٠٨، ٣:٠٩ ص

    جوكر

    واضح ان فى حد دفعلك علشان تبعنى

    و انا حعرف مين الجهه اللى دفعتلك علشان تبعنى وترشد عليا الحكومه

    جايلك يوم يا ظالم

    ----------------------
    واحد مخه لاسع شويه

  14. شبــ اون لاين ـــاب says:
    ١١‏/١١‏/٢٠٠٨، ٣:١٢ ص

    ميرو

    الحمد لله يارب لقيت حد واقف معايا

    بس انا شايف انكم ودتونى النيابه و المحكمه

    و انا قاعد

    بس لا الناس تصدق وتلاقى مظاهرات بكره بقى و ليله
    و بعدين هو انا اتكلم ولا قولت حاجه

    ماشى يا جوكر انت و باربى

    لقيت اللى يقف جانبى اهوه

    -----------------------
    كان معكم واحد مخه لاسع شويه
    و ميروووووووووووووووووووو
    من النيابه العامه

  15. شبــ اون لاين ـــاب says:
    ١١‏/١١‏/٢٠٠٨، ٣:١٥ ص

    riri


    طبعا يا ريري لادم يكون فيه ناس جديده
    و دم جديد

    علشان نتقدم و ما نبقاش محلك سر
    زى ما احنا


    و علشان التعليقات
    اصل الست ميرووووووووو
    دايما عندنا و بتحب تحكى شويه
    ده لسه الموضوع مكملش 5 دقايق

    ----------------------
    واحد مخه لاسع شويه

  16. غير معرف Says:
    ١١‏/١١‏/٢٠٠٨، ٣:١٦ ص

    لا يالاسع انا اقدر ابيعك يخونى الاكل واللبان والعصاير لا لا لا و100000000 مبيعكش ابدااااااا الجوكر اه انا تؤ



    باربى....

  17. شبــ اون لاين ـــاب says:
    ١١‏/١١‏/٢٠٠٨، ٣:١٨ ص

    باربـــــى


    انتى عندك حق بس انا مش معاكى ان الصحافه بتقول اللى هى عايزه

    يا باربى الصحافه بتقول اللى الحزب الوطنى عايزه

    تحبى اقولك دليل

    معظم صحف مصر القوميه و المستقله
    رؤساها حزب وطنى حتى دورى بنفسك

    و يارب نغيير بقى

    -----------------
    واحد مخه لاسع شويه

  18. moory-mero says:
    ١١‏/١١‏/٢٠٠٨، ٣:١٩ ص

    السلام عليكم و رحمة الله و بركاته

    أحمد فاهمه قاصدك والله لكن قصدت أقولك إن العظم فاهم غن أميكا ديمقراطيه وده موش صح أمريكا اكتر بلد بحتقر ديكتاتوريتها يمكن زي ما قلت نسبه ولو 1% موجود عشان اختاروا اوباما بارادتهم طويب انت موش معايا ان بوش اصلا كان خرب الدنيا وخلاص جاب أخره بقى مكروه أصلا من كتر المجاز اللي عمله منه لله
    وبعدين أنا موش متفائله لأوباما من ساعه ما عرفت انه صرح علانيه انه مسيحي اينعم زي ماقلت عارفه ان ابوه مسلم والولد على ديانة ابوه الا اذا كان متجوز من اسرائيليه يهوديه بتبقى الديانه للطفل تبع الام وموش أظن ابوه متجوز يهوديه اللي اعرفه انه افريقي متزوج امريكيه بيضاء
    وعارفه انه موش متفق مع الشرق الاوسط في عمل خير له بس سمعت انه هيهدي اللعب في العراق ويدخل على سوريا أكتر يعني من دوله عربية لدوله عربيه تانيه ومن ده لده ياقلبي لا تحزن خراااااااب خراب عايشين على الدم
    وبالنسبة للي حصل وقت انتخابات الرئاسة عندنا عرفت اللي قلته ده بس حبيت اقول مثال كأيمن نور لانه اكتر حد اتثار اعلاميا وبجد موش فاهمه ليه الريس متبت في الحكم كده هو يعني هيطلع كده يوم الحساب العظيم هيتحاسب على جنب عشان ريس
    ما يدي فرصه لغيره او ينجح تاني لو الشعب عايزه لكن بطريقته دي
    انت شايف ان الفساد في اللي تحت الرئيس طيب تيجي ازاي
    قانون اللعبه بيقول حراميه وشيوخ منسر يعني لازم الفساد يصدر من فوق الاول موش من تحت والا موش كان عايز يورث الحكم لابنه اقتدااااار

    وبعدين هقولك حاجه مرة كنت هتعصب وأطلع زرابيني على حد بيتكلم وانا راجعه م الجامعه بيقول على فكرة الريس شكله موش عارف باللي بيحصل في بلده وكل ده بيحصل من اللي تحت عصبيتي موش كان عشان المعظم فاهم كده

    لا عشان عارفين انه ممكن يكون تافه وموش عارف حاجه وهو قاعد في مكانه وعادي خالث يعني الكارثة اكبر
    فاهمني

    وبجد حسبنا الله ونعم الوكيل

    انا نفسي في صاروخ ارض جو ياخد الفساد والمفسدين دول يارييييييت بجد ربنا قادر عليهم

    انا لو فتحت في السياسة موش هقفل وماما بتقعد تحذرني خايفه عليا وتقولي موش ليكي دعوة واحتفظي برأيك لنفسك وبرده موش بعرف أقول اسكت يا لساني ههههههههه

    بس برده موش تقلق وراك رجاله

    في رعاية الله

  19. شبــ اون لاين ـــاب says:
    ١١‏/١١‏/٢٠٠٨، ٣:٢١ ص

    باربــــى

    عارف انك متقدريش تبعينى انا عارف ان الجوكر ندل ويعملها


    بس معلش ميرو سبقتك


    ------------------
    واحد مخه لاسع شويه

  20. moory-mero says:
    ١١‏/١١‏/٢٠٠٨، ٣:٢٣ ص

    السلام عليكم و رحمة الله و بركاته

    عندك حق يا أحمد من حكاية الصحافه فعلا
    معظمها قوميه وبحس انها بتتكلم بلسان الحكام

    عموما هما معاهم السلطة وبيعملهوها على الناس واحنا معانا ربنا وان شاء الله هنرتاح

    ما قلتلك موش تقلق انا معاك وبعدين في ايه بقى عماله اسمع عصاير كمان مع اللبان واكل احنا فينا من كده بقى (وش زحلان خالث)

    في رعاية الله

  21. شبــ اون لاين ـــاب says:
    ١١‏/١١‏/٢٠٠٨، ٣:٣٣ ص

    ميروووووو


    انا قصدك وصلنى و كويس انك فهمتينى


    انتى شايفه ان بوش كان خارب الدنيا علشان كده شالوه
    طيب ما هو برضه عندنا خاربين الدنيا و لازم يتشالوه لازم تغيير


    و علشان تبقى عارفه
    امركيا اللى فى العراق انتهت خلاص
    هما اصلا ماضيين اتفاقيه من ايام بوش انهم طالعين طالعين

    و مقدرش افيدك ان اوباما حيدخل ع سوريا و الدول العربيه بالدور يعنى
    انا معرفش سياسه اوباما
    لسه

    انا شايف ان فساد الحكومه اكبر من فساد السلطه

    تعليم فاشله صحه فاشله مواصلات فاشله سياحه فاشله


    يعنى الدنيا خربانه

    و احنا كلنا محتاجيين للصارخ اللى انتى قولتى عليه علشان يغيرنا

    بس يا ميرو مش حنستنى الصاروخ علشان هو اللى يقدر يغيرنا

    ---

    و اسكتى بقى كفايه كلام ف السياسه
    لاننا شكلنا حنبات فى زنزانه واحده فى النيابه


    ----------------------
    واحد مخه لاسع شويه

  22. moory-mero says:
    ١١‏/١١‏/٢٠٠٨، ٣:٣٨ ص

    السلام عليكم و رحمة الله و بركاته

    hhhhhhhhhhhh

    tayeb 5alas haskot aho
    rabena ya5od el 7akem w el solta

    katba b el franco 3shan mosh y3foony hhhhhhhhh

    haskot :(
    fe r3ayet allah

  23. شبــ اون لاين ـــاب says:
    ١١‏/١١‏/٢٠٠٨، ٣:٥٤ ص

    ميروووووووو بالفرنكو

    كويس انك حتسكوتى علشان ما يتقبضش علينا

    بالفرنكو


    و بعدين حتكتبى بالفرنكو حتكتبى بالفرعونى حتكتبى يابانى

    حيجبوكى حيجبوكى

    بالفرنكو برضه

    فى رعايه الله

    بالفرنكو


    ---------------------
    واحد مخه لاسع شويه
    بالفرنكو

  24. mohamed ghalia says:
    ١١‏/١١‏/٢٠٠٨، ٧:٢٠ ص

    نعم نحتاج للتغيير

  25. شبــ اون لاين ـــاب says:
    ١١‏/١١‏/٢٠٠٨، ١:٤٧ م

    mohamed ghalia


    شكرا لوجودك فى بيتنا

    نعم نحتاج للتغيير


    ---------------------
    واحد مخه لاسع شويه

  26. منه مرتجى - عازفة الأوتار says:
    ١١‏/١١‏/٢٠٠٨، ٢:٥٠ م

    بجد اااه
    فعلا محتاجين تغيير
    كدة كتير اوى اوفر اوفر

    يا جماعة عايزين نجرب حكاية تغيير كرسى الرئاسة و نجيبه تيفال و نزود الزيت شوية

  27. شبــ اون لاين ـــاب says:
    ١١‏/١١‏/٢٠٠٨، ٢:٥٨ م

    عازفه الاوتار



    هههههههههههههه
    تعليق جامد اوى

    يا بنتى احنا بنقلى بيض
    زيت و تيفال ههههههههه


    و لا تصدقى عندك حق يمكن ينفع
    يبقى نغير كرسى الرئاسه نخليه تيفال



    ---------------------
    واحد مخه لاسع شويه

  28. Beram ElMasry says:
    ١١‏/١١‏/٢٠٠٨، ٣:٥٥ م

    ابنى الكريم . شبــ اون لاين ـــاب
    سلام عليك وبركة من الله
    قرات احصائيك وادهشنى انك وفى سنك تستوعب هذه المقارنة وحمدت الله انك مكبرتش الجمجمة ورييحت العضمتين ، واعلم ايها الابن الطيب اننى لم اكتب ما اكتبة الا لايقاظ الشباب من غفوتهم ، ولا ينخدعوا بالتصريحات الكاذبة ، وكم تمنيت ان الشباب يطلعو على ما اكتب لعله يوقظهم
    اعلن الحزب ان افراده 3 مليون ويسددون اشتراكات ، وهذا كذب ، ربما يكون العدد صحيح ولكن لا يوجد فرد يسدد ولا مليم ، اما العدد فذلك بسبب اجبار المواطن على طلب العصوية ، فمن اراد ان يكون بقال تموين ولو فى قرية لابد ان يحصل على عضوية الحزب ، ومن يرغب ان يكون شيخ ناحية علية ان يكون عضو فى الحزب ، وهل تعرف ما هى وظيفة الشيخ ؟ الوظيفة ان يقدم تقرير شهرى عن اى نشاط مخالف للحزب
    (واحد مخه لاسع شويه ) لو كان المخ اللاسع بهذه الفطنه ، لتمنيت ان نكون لاسعين
    اسعدنى مشاركتك وسعادتى اكثر فى ان اكون من بين الاصدقاء
    تحياتى

  29. كـــيــــــــارا says:
    ١١‏/١١‏/٢٠٠٨، ٤:٤٣ م

    مش هقول غير وما خفي كان اعظم .

    في الانتخابات اللي فاتت كان في برنامج واحد اتصل وقال

    نفسي الاقي رئيس سابق

    وتقولي لاسع

  30. شبــ اون لاين ـــاب says:
    ١١‏/١١‏/٢٠٠٨، ٤:٥٧ م

    Beram ElMasry

    بجد تعليقك عندى شرف كبير ليا و لفريف شبــ اون لاين ــاب جميعا


    انا لو كنت ناوى اكبر الجمجمه و اريح العضمتين مكنتش
    بدات ادون من اساسه


    و بخصوص الحزب الوطنى
    ف احنا لو بصينا ع رؤساء التحرير الجرايد القوميه او بعض المستقله

    حنلا قيهم حزب وطنى
    لو بصينا كمان لرجال الاعمال حنلاقيهم حزب وطنى

    حتى لو روحنا لاتحاد الكوريه المصريه حنلاقيهم برضه حزب وطنى

    مصر يا استاذ بيرم المصرى بلد الحزب الواحد

    مين قال ان مصر فيها تعدد حزبيه
    اكيد حد بيخرف

    اشكرك ع كلاماتك الرائعه و تقديرك لى
    و بالطبع نحن اصدقاء طالما دخلت بيتنا المتواضع


    ---------------------------
    واحد مخه لاسع شويه

  31. شبــ اون لاين ـــاب says:
    ١١‏/١١‏/٢٠٠٨، ٥:٠٠ م

    كيارا

    ممكن لو قدرنا نغيير
    نلاقيه رئيس سابق

    بس بجد انا مش فاهم
    قصدقك ايه بتقولى لاسع

    ها قولى و اعترفى بدل ما اقوملك ههههههههههههه

    ---------------------
    واحد مخه لاسع شويه

  32. كـــيــــــــارا says:
    ١١‏/١١‏/٢٠٠٨، ٥:٤٠ م

    ههههههههههههههههههه

    لالالا

    انا اقصد ان اللي يكتب كده مش لاسع ابدا

    برئ يابيه

  33. شبــ اون لاين ـــاب says:
    ١١‏/١١‏/٢٠٠٨، ٦:٢٦ م

    كيارا


    حكمت المحكمه حضوريا ببراءه المتهمه كيارا
    من التهم المنسوب اليها


    رفعت الجلسه

    ------------------------
    واحد مخه لاسع شويه

  34. كـــيــــــــارا says:
    ١١‏/١١‏/٢٠٠٨، ٦:٣٠ م

    هييييييييييييييييييييييييييييييييييه

    لولولولولولولي

    واخدنا براءه واخدنا براءه زغرطوووووووولي

    كيكيكييكيكيكيكيك

    كيارا تشكل عداله المحكمه الموقرررررررررره

  35. شبــ اون لاين ـــاب says:
    ١١‏/١١‏/٢٠٠٨، ٦:٤١ م

    دى بتعمل زغروطه فى قاعه المحكمه


    طيب ادوها 4 ايام علشان متعملش كده تانى


    ------------------------
    واحد مخه لاسع شويه

  36. كـــيــــــــارا says:
    ١١‏/١١‏/٢٠٠٨، ٦:٤٣ م

    عاااااااااااااااااااااا

    طب مخمصاك بقي هه بس

    ولولولولولوبي تاني هه بس

  37. Sweet Violet says:
    ١١‏/١١‏/٢٠٠٨، ٧:٠٥ م

    رغم اعتراضى على سياسه امريكا

    و عدم فرحتى برضه باوباما

    لكن انا فعلا شايفها خطوة حلو ليهم للتغيير و كفايه انهم قدروا يعملوا حاجه

    و نفسنا فعلا احنا كمان نقدر نعمل حاجه

    لكن هل نقدر بالفعل نعمل حاجه ولا خلاص اصبحنا شعب يتملكه اليأس لابعد الحدود؟؟؟

  38. moory-mero says:
    ١١‏/١١‏/٢٠٠٨، ٩:٥٢ م

    السلام عليكم و رحمة الله و بركاته

    ههههههههههههههههههههه
    مبارك عليكي البراءه والسجن تاني يا كيارا
    أيوه يا أحمد ماشيه معاك ياعم الجمجمه كله معجب بيها
    أيوه ياسيدي الله يسهله هههههههههه

    أحقد بقى (وش بيضحك)

    في رعاية الله

  39. شبــ اون لاين ـــاب says:
    ١٢‏/١١‏/٢٠٠٨، ٣:١٧ م

    ضد التيار


    طبعا نقدر نعمل حاجه و نقدر نطلع مننا اوباما تانى


    احنا اللى طالعنا فرنسا و بريطانيا من مصر

    مش حنعرف نغيير رئيسنا

    شكرا لمرورك

    ---------------------
    واحد مخه لاسع شويه

  40. شبــ اون لاين ـــاب says:
    ١٢‏/١١‏/٢٠٠٨، ٣:١٩ م

    ميرررررررررررررو


    بتفرحى انتى لما تشوفى حد بيتاذى
    ما بتصدقى

    طب ايه رايك حادى كيارا براءه
    و انتى حديكى مؤبد مع الاشغال الشاقه


    هههههههههههههههه

    ---------------------------
    واحد مخه لاسع شويه

  41. Unknown says:
    ١٢‏/١١‏/٢٠٠٨، ٤:٤٩ م

    صح

    والله

    we need change

    والا مش هيحصل طيب

    بقي
    ههههههه

    يارب يسمع مننا
    ويشيل عنا الابتلاء دة

    بص اانا مش هعمل زي ميرو واوديك في دايهة
    كفاية واحدة صحبتي
    دخلت كتبت عندها احلي كلام
    وانا وهي منتظرين التهديد والوعيد
    وهعترف عليهاوعلي كلة وقتها
    ههههههه
    فخليك في السيف سيد

    سلام

  42. شبــ اون لاين ـــاب says:
    ١٢‏/١١‏/٢٠٠٨، ٥:١٧ م

    My Hope$

    صحيح احنا محتاجين التغيير

    و بخصوص ميرو فهى شكلها فعلا تودينى فى داهيه

    بس هى دلوقتى بقت فى العصابه معايا
    يعنى لو حد قربلى هى حتضربه وانا حجرى


    و متخافيش ربنا اللى بيحمى

    -----------------------
    واحد مخه لاسع شويه

  43. زى الهوا says:
    ١٢‏/١١‏/٢٠٠٨، ١٠:٢٠ م

    السلبية بقت بتجرى فى دمنا , بس علشان انا محروقة من السلبية دى ومش عايزة اتفتح بجد , انهاردة فى شغلى قولنا هنعمل اضراب وننزل نقول مطالبنا للراجل المدير , كنا بتاع مية فى الدور الرابع وف الثالث بقينا نصهم وهكذا لغاية لما وصلنا لباب المدير لقيت حواليا اربعة هههههههههه , سلبية

  44. شبــ اون لاين ـــاب says:
    ١٢‏/١١‏/٢٠٠٨، ١١:٤٨ م

    زى الهواااااااااااااااا


    حلوه اوى الحكايه اللى انتى قولتيها

    بجد ده انا بعتبره نموذج صغير للشعب المصرى اللى بقى بيخاف يقول كلمته


    الحكايه بتبتدى كبيره و تخلص صغيره


    ----------------
    واحد مخه لاسع شويه

  45. moory-mero says:
    ١٣‏/١١‏/٢٠٠٨، ١:٤٠ ص

    السلام عليكم و رحمة الله و بركاته

    أحمد أنا زحلانه منك ومخامثاك ها بقى ها

    أنا تديني أشغال شاقه مؤبدة وبعدين تقول ميو هتضرب اللي يتعرضلك طويب محبوثه تضربهم إزاي فك أثري ينوبك ثواب وحسنه قليله تمنع روماتيزم ولومباجو من الزنزانه وسندوتث بورجر ينوبك ثواب و علبة ثوكولا ومثاثه وانا اضربلك كرسي في الكلوب لكله كله هههههههههههههه

    أنا تحبثني ماثي بث لو ثوفتك هخليك تجيبلي مثاثه بكل الفلوث اللي محاك اجبارررررررررري

    وتروح موتوريجل ( وش بيطلع لثانه)


    وبعدين نسيت أقولك حاجه مهمه

    طول ما معاك ميرو اعرف غن بعد ربنا وراك ضهر جامد إن شاء الله وبت بمية راجل والله وقت اللزوم .. احم احم

    ابقى احبثني يا وحث اوي مخامثااااااك

    في رعاية الله

  46. شبــ اون لاين ـــاب says:
    ١٣‏/١١‏/٢٠٠٨، ٢:٤٤ ص

    ميرو

    انا اقدر احبسك برضه انا كنت بقول كلام كده وكده


    و لو شوفتك حجيبلك مصاصه بكل الفلوس اللى معايا و حنام ف الشارع


    و طبعا انتى ظهرى لو حد اتقربلى انا بقولكم اهوه ميرو حتضربه اه ماليش دعوه


    ------------------------
    واحد مخه لاسع شويه

  47. moory-mero says:
    ١٣‏/١١‏/٢٠٠٨، ٤:٠١ ص

    السلام عليكم و رحمة الله و بركاته

    وانا موث يهون عليا يا احمد تنام في الثالع خالث
    هقولك جيبلي بنث الفلوث بث عشان تعرف إني قلبي رهيف وحثاثه خالث ههههههههههههههههه

    وبرده جدعه وموث تقلق أي حاكه تحثل أيام هيييير وراك رجاله تاكل البورجر والتشيكن كرثبي هههههههههههههههه

    بلاث حكاية هتضربه دي بالجامد لانضرب انا ههههههههههههه

    سلم على باربي ومحمد

    في رعاية الله

  48. وردشان smilyrose says:
    ١٣‏/١١‏/٢٠٠٨، ١٠:١٠ ص

    اولا بعد القاء السلام على احلى شباب

    هههههههههههههههههههههه

    حلوة البداية دى

    يا صغيرى احنا شعب عشرى

    ومش بنحب التعب الراجل قاعد فى مكانه

    ومش مشكلة احنا تعبانين المهم

    انه بخير وبصحة جيده

    وبعدين بجد احنا ممكن نكون زى امريكا

    بس حتى امريكا مش بالدرجة اللى احنا

    متصورينها فيه ايد خفية هى اللى

    بتحرك القيادات الشعب يختار زى ما هو

    عايز بس برده لازم يكون تحت سيطرة

    الايد دى المهم احنا اكييد هيجى يوم

    ونغير ونحس اننا من حقنا نختار

    بس امتى الله اعلم

    يدينا ويديك العمر الطويل يابنى

    ههههههههههههههههههههههههه

    الامل موجود

    smilyrose

    روح الحب الصادق

  49. شبــ اون لاين ـــاب says:
    ١٣‏/١١‏/٢٠٠٨، ١٢:٤٥ م

    smilyrose

    حلوه البدايه دى هههههههههه

    بس حتى لو اميريكا فى ايد خفيه هى اللى بتحرك الشعب

    ياريت الايد الخفيه دى تيجى مصر طالما هما بيقدورا يغييروا و يختاروه اللى هما عايزينه


    ------------------
    واحد مخه لاسع شويه

  50. شبــ اون لاين ـــاب says:
    ١٣‏/١١‏/٢٠٠٨، ١٢:٤٨ م

    ميرو

    البورجر والتشيكن كرثب

    بدايه مبشره انك تقدرى تقفى ورايا


    لازم الشرط الاساسى
    ان تكونى بتتعاطى فول و فلافل بجميع انواعهم

    خلاص اتفقنا

    ----------------------
    واحد مخه لاسع شويه

  51. moory-mero says:
    ١٣‏/١١‏/٢٠٠٨، ٢:١١ م

    السلام عليكم و رحمة الله و بركاته

    بحبه يا أحمد بس معدتي موش بتتحمله عشان القولون هضرب بايد وايد التانيه امسك جنبي هههههههههههههههه

    أعمل ايه طويب

    ؟؟

    في رعاية الله

  52. dalia says:
    ١٣‏/١١‏/٢٠٠٨، ٦:٠٦ م

    آه جيتوا على الجرح يا شباب انا اتفق معكم في حاجتنا للتغيير ، وديه شجاعه منكم انكم تعبروا عن ذلك في مدونتكوا برافو يا شباب يا رب بس يكون التغيير للافضل مش للاسوء قولوا آمين

  53. شبــ اون لاين ـــاب says:
    ١٤‏/١١‏/٢٠٠٨، ٢:٣٨ م

    dalia

    محدش بيختلف ان لازم التغيير و للافضل


    و احنا عملنا المدونه علشام نعبر بالى احنا عايزين نقوله


    ---------------------
    واحد مخه لاسع شويه

  54. Beram ElMasry says:
    ١٤‏/١١‏/٢٠٠٨، ٥:٣٤ م

    هذا الرد ارسلته للمغالط المزعوم باسم امل فتحى عزت
    اخى او اختى امل فتحى
    ماهى العقيدة ، فعقيدتك غير واضحة وفى المجمل انت بلا هوية ، واين الرد اللذى ادعيته على مهاترات هذا القمص الموتور وتطاوله على رسول الله صلى الله عليه وسلم ، واين دفاعك المزعوم عن كتاب الله لا كتاب مرقص او متى او يوحنا ولماذا تنشر هذة الوقاحات هنا ولم تنشرها عنده ارجو الرد واضح ومحددلا لف ولا دوران باستعراض مغالطات ساذجة كرؤيتك للجفان والقدور، والرجاء ارشادى للمكان اللذى ينشر فيه زكريا بطرس هذه المغالطات ، للردعلية من واقع مؤلفات متى اويوحنا او حتى برنابا ، ام انت مجرد بوق مروج لهذا المريض المغالط

  55. شبــ اون لاين ـــاب says:
    ١٥‏/١١‏/٢٠٠٨، ١٢:٤٥ ص

    استاذ بيرم المصرى

    انا عرفت انك بتوصل الكومنت ده لجميع المدونين اللى خضرتك تعرفهم


    بس ردى على الكومنت ده
    ؟؟؟؟؟؟؟؟؟؟؟؟؟؟؟؟؟؟؟؟؟؟؟

    ----------------------
    واحد مخه لاسع شويه

  56. Mahdi Mahdi says:
    ١٥‏/١١‏/٢٠٠٨، ٤:٥٦ م

    اناجديد ومن يؤمن بهدفى فليساعدنى على الانتشاربين الاصدقاء فى المدونات

  57. حاجــ عيال ــات says:
    ١٥‏/١١‏/٢٠٠٨، ٨:٤٨ م

    الديمقراطية عندنا في مصر
    قل ماتريد ونحن سنفعل مانريد
    قل ماتريد ونحن سنعتقلك وقتما نريد

    أجدع ناس تتطبق الديمقراطية

  58. شبــ اون لاين ـــاب says:
    ١٥‏/١١‏/٢٠٠٨، ١٠:٠٩ م

    حاجات عيال




    سأقول ما اريد
    و افعلوا ما تريدون

    شكرا لمرورك


    ---------------------
    واحد مخه لاسع شويه

  59. ((..همـ قلب واحد يجمعنا ـسات..)) says:
    ١٧‏/١١‏/٢٠٠٨، ٦:٥٧ ص

    .
    .
    .

    المدونون الافاضل : :
    ..نتمني لكم مزيدا من التقدم والنجاح
    وان تكون مدونتكم معبرة عن صوتكم في كل مكـــــان
    .. .. .. ... ..
    سعيا منا بأن نجعل للفتيات المدونات صوتاً أكثر قوة وانتشارا
    وتأثيراً وبان نرتقي بفكرنا وثقافتنا وعلمنا وخلقنا

    كان اقدامنا علي تأسيس رابطة واحده تضم جميع الفتيات المدونات
    لتكون همســات هي من تجمعنا في قلب واحد

    فندعوكم للمشاركة معنا بأفكاركم ومقترحاتكم ....
    كونكم معاصرين لثقافة التدوين وناظرين الي ما تحتاج اليه
    الفتاه المدونة .. .. .. لترتقي اكثر فأكثر

    شاركونا .... لأنكم جزء منا . . . .

    همــ قلب واحد يجمعنا ــسات


    تحياتنا :::
    (( فريق العمل بهمسات ))

  60. moory-mero says:
    ١٨‏/١١‏/٢٠٠٨، ٧:٥١ م

    السلام عليكم و رحمة الله و بركاته
    احمد , محمد , باربي

    جيت أقولكم وحشتوني أوووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووي

    وأخباركم ايه طمنوني عليكم وسوري عن فترة غيابي دي غصب عني والله

    المهم طمنوني عليكم
    وايه موث في بوثت جديد ولا إيه

    يلا أنا عايزة أٌقرا كلام أجدع اسكندرانية

    أشوفكم بخير دايما يارب

    في رعاية الله

  61. غير معرف Says:
    ١٩‏/١١‏/٢٠٠٨، ٢:٤٨ م

    ميرووووووووووو انتى كمان وحشتينا اووووووووووى معلش البوست هينزل قريب بس كسل منى انا





    باربى.....

  62. حياتي كلها لله says:
    ٢٠‏/١١‏/٢٠٠٨، ١:١٧ ص

    السلام عليكم
    thy wanted change and they had >>>but what about us ???
    ملناش نفس يعني

    تحياتي
    د"سلمي

  63. المـــفـــــــقــــــــوعـــــة مــرارتـهــا says:
    ٢٠‏/١١‏/٢٠٠٨، ٣:٠٥ ص

    طيب قوليلي هاييجي التغيير اذاي ان كان اللي بيدخل الانتخابات قصاده واحد كل جدوله الانتخابي بيتمثل في عودة الطربوش الي عصره الذهبي او واحد كان شعاره انتخبوني ولو فشلت حاسبوني واول مااختلف معاه اعضاء حزبه وصلت خلافاتهم للمحاكم وخرب الحزب وقعد علي قلبه ولا التالت اللي عاوز امريكا تتدخل في شؤوننا ولا ممكن يجيلنا واحد من رجال الاعمال اللي من برة هالله هالله ومن جوة يعلم الله واللي بيبقوا اعضاء في مجلس الشوري اللي اسمه مجلس حكماء مصر ومع ذلك لا يتورع عن الوقوع في الخطيئة مع غانية لبنانية
    احنا نتمني التغيير بس ييجي قدامنا حد يستحق انه يحل محل اللي موجود دلوقتي
    الحالة ماتطمنش
    تحياتي

  64. شبــ اون لاين ـــاب says:
    ٢٠‏/١١‏/٢٠٠٨، ٤:٤٨ م

    حياتى كلها لله



    اسم جميل اوى

    طبعا لينا نفس هما الامريكان احسن مننا ولا ايه


    ----------------------
    واحد مخه لاسع شويه

  65. شبــ اون لاين ـــاب says:
    ٢٠‏/١١‏/٢٠٠٨، ٤:٥٠ م

    المفقوعه مرارتها


    عندك حق الانتخابات اللى فاتت كانت كلها مهازل و بلاوى


    بس انا نفسى نقدر نطلع مننا حد يقدر يغير البلد و يطور تعليمها و صحتها و مواصلاتها كل حاجه

    بس يطور الحزب الوطنى بس

    بتمنى اشوف اوباما مصرى

    -----------------
    واحد مخه لاسع شويه

  66. طـائر الليــل الحـزين says:
    ٢٢‏/١١‏/٢٠٠٨، ٩:٣٧ ص

    يااااااااااااااااه
    تفتكر ممكن نحلم اننا نشوف رئيس تانى
    بصراحة من قبل ما اتولد واللى موجود موجود . الناس مش عارفة ليه راضية بكل التجاوزات والمخلفات والسرقة اللى فى دمهم ومش عايزة تتكلم ولا تحاول تعمل حاجة . لغايط ما الحكومة اتعودت انها مهما تعمل لا هيكون فى تغيير ولا اعتراض بأى شكل
    -------
    موضوعك جاااااااااااااامد جدااااا
    حتى ولو اختلفت معاك على طبيعة السياسة الامريكية . بس ارجع واقول عقبالنا لما نشوف حاجة عايزينها نحققها
    بس ياترى المرة اللى جاية هيعملوا ايه فى الانتخابات
    والا هما هيغيروا الكلمة نفسها
    اهوا نوع من التغيير
    دمت بكل ود
    دى اول زيارة ومش هتكون الاخيرة
    تحياااااااتى

  67. kh says:
    ٢٥‏/١١‏/٢٠٠٨، ١:٢٣ م

    يا سيدى ما مصر فيها ديمقراطيه صحيح يمكن القول بأنها مطبقه بنسبه 50 فى الميه بس أسمها ديمقراطيه ولازم الواحد يتمسك بيها علشان يحقق ما يريد

    وأمريكا على فكره لا تتمتع بالديمقراطيه التامه


    يمكن مراسلتى على مدونتى


    http://successka.blogspot.com/

  68. غير معرف Says:
    ٢٥‏/١١‏/٢٠٠٨، ٨:٤٩ م

    احنا فعلا محتاجين للتغيير يا واحد مخه لاسع

    اممممممممممممم

    طاب اقولك حاجه

    ونحن الان علي مشارف عام 2074 ومازال رئيسنا الحالي ميدو جمال حسني مبارك يحكم مصر.. لابد الا نصمد لهذا الحكم الطاغي وهذه الحكومه الفاسده.. نحتاج للتغيير

    تقرير عام 2073::

    من فتره 1981 لحد 1989 حكم رونالد ريجان امريكا

    و الرئيس الاسبق حسني مبارك حكم مصر


    و من فتره 1989 لحد 1993 حكم جورج بوش الاب امريكا
    و الرئيس الاسبق حسني مبارك لسه في حكم مصر


    و من فتره 1993 لحد 2001 حكم ويليام كلينتون امريكا
    و الرئيس الاسبق حسني مبارك برضه في حكم مصر

    و من فتره 2001 لحد 2008 حكم جورج دبليو بوش امريكا
    و الرئيس الاسبق حسني مبارك مازال يحكم مصر

    ومن فترة 2008 لحد 2016 حكم اوباما امريكا ولا يزال الرئيس الاسبق يحكم مصر

    وفي عام 2017 توفي الرئيس الاسبق حسني مبارك وتولي الحكم نجله الرئيس السابق جمال مبارك

    ومن فترة 2017 لحد 2024 حكم جونسون كوكي امريكا ولسه الرئيس السابق جمال مبارك يحكم مصر

    ومن فترة 2024 لحد2030 حكم لونو توتي امريكا وبرضو الرئيس الاسبق جمال مبارك بيجكم مصر

    ومن فترة 2030 لحد 2036 حكم براد هونو امريكا ولا يزال الرئيس الاسبق جمال مبارك يحكم مصر

    ومن فترة 2036 لحد 2043 حكم توم لرومرا امريكا ولسسسسسسسه الرئيس الاسبق جمال مبارك يحكم مصر

    وتوفي الرئيس الاسبق جمال مبارك في اواخر عام 2043 عن عمر يناهز ال 500 عام وبعدها تولي الحكم نجله الرئيس الحالي ميدو مبارك الذي يتف علي الشعب مثلما وصاه جده الرئيس الاسبق حسني مبارك

    ومن الفتره 2043 وحتي الان يحكم ميدو مبارك مصر وقد مر علي امريكا الكثير والكثير من الحكام ك فرونو بيتو و لولو سوسو و منوللي ترولي و فروو و بيتو سكم و بريد نولي وغيرهم - لا استطيع التذكر الان-

    حقا.. نحتاج للتغيير.. نحن في حاجه الي وقفه مصريه.. هات ايدك يا مصري في ايدي نقضي علي ميدو وامثاله :D :D :D


    تحياتي

    هاجر زعبل

  69. Mahdi Mahdi says:
    ٢٦‏/١١‏/٢٠٠٨، ٦:٤٩ م

    شبــ اون لاين ـــاب
    السلام عليكم و رحمة الله و بركاته
    لا تنسى اننا اسبق فى كل ميادين الحياة لولا الاستعمار بكل اشكاله ، هل نسيت قول رسولنا الهادى " لا فضل لعريى على اعجمى الا بالتقوى "
    جزاك الله خيرا ، وحفظك الله من الذلل
    والسلام عيكم

  70. شبــ اون لاين ـــاب says:
    ٢٧‏/١١‏/٢٠٠٨، ٦:٠٣ ص

    طائر الليل الحزين

    اكيد الانتخابات اللى جايه حتبقى زى الانتخابات اللى فاتت

    و انا مبسوط ان الموضوع عجبك
    و شكرا لمرورك

    ------------------
    واحد مخه لاسع شويه

  71. شبــ اون لاين ـــاب says:
    ٢٧‏/١١‏/٢٠٠٨، ٦:٠٦ ص

    kh

    انا عارف ان امريكا مفيهاش ديمقراطيه
    ميه فى الميه


    بس انا مع فكره انهم قدروا يغيروا الرئيس و يختاروا اللى هما عايزينه

    -----------------
    واحد مخه لاسع شويه

  72. شبــ اون لاين ـــاب says:
    ٢٧‏/١١‏/٢٠٠٨، ٦:٠٨ ص

    هاجر زعبل

    حرد فى المدونه عندك

  73. شبــ اون لاين ـــاب says:
    ٢٧‏/١١‏/٢٠٠٨، ٦:١١ ص

    mahdi mahdi

    لا مش ناسى حقول الرسول

    و انا نفسى نكون احسن حاجه ف الدنيا
    و يكون عندنا يعرفوا انهم بيحكموا بنأدمين

    ----------------------
    واحد مخه لاسع شويه

  74. نيرة و منةالله says:
    ٢٧‏/١١‏/٢٠٠٨، ٦:٠١ م

    السلام عليكم
    هههههههههههههههههه
    موضوع جامد بجد
    ولسسسسسسسسسسسسسسسسسسسسة
    استنى انت شوية وهتلاقى نسل العيلة كلة فى الحكم
    والعالم بيتغير واحنا لسة
    يمكن نتغير
    الله اعلم بكرة فى ايه
    سلام

  75. شبــ اون لاين ـــاب says:
    ٢٧‏/١١‏/٢٠٠٨، ٦:١٧ م

    نيره ومنه الله

    ايه الغيبه الطويله دى

    ادينى قاعد مستنى لما اشوف نسل العيله الكريمه
    زى اللى كتباه عنهم هاجر زعبل

    شرفتونا و متتأخروش تانى