تاج و من زمان

التاج ده جالنا من ميرو
و احنا بنتأسف اننا بقالنا مش قادرين نجاوب عليه
لكن الحمد لله ادينا حنجاوب عليه
.
السؤال الاول : اذكرستة أسرار قد لا يكتشفها من يقابلك لأول مرة ؟
.
واحد مخه لاسع شويه :
1) الغموض و ده ناس كتير قاليتلى انى مكناش نعرف انك غامض اوى
2) صاحب صاحبى و ده محدش يعرفه من اول مقابله طبعا
.
باربـــى :
1) ان انا طيبة اللى بيشوفنى اول مرة ممكن يقول عليا ان انا مش طيبه او خبيثه لان اول مقابله ليا مع اى شخص بتكون مقابله مش ظريفه لان طبعى مش باخد على حد بسرعة وعندى عيب خطير كل النااااس وحشه فى اول مقابله الا ان يثبت العكس
2) هو بيقولوا ان دمى خفيف فااول مرة حد يشوفنى يقول عليا دمى تقيل ومتكبرة معأنى والله مش كده خالص مالص
.
الجوكــــر :
1) مش مغرور ولا متكبر احب الضحك جدا والهزار
2)ممكن ابيع اى حد اول لم احس انه هيغدر بيا او يعمل حاجه
.
السؤال الثانى : اذكر سبعة حاجات نفسك تعملهم ؟
.
واحد مخه لاسع شويه :
1) نفسى اتعلم العب جيتار
2) عايز اعمل اى حاجه انا مش قادر اعملها دلوقتى
.
باربــــى :
1) ازور قبر الرسول صلى الله عليه وسلم
2) اخلص تعليمى واكون انسانه ناجحة فى حياتى
.

الجوكـــــر :
1) طبعا انى اطلع مع العائله نحج كلنا بس هيكون فى مشكله هسيب القطط لمين
2) انى اسافر فى كل مكان
.
السؤال التالت : اذكر سبعة حاجات موش عرف تعملهم ؟
.
واحد مخه لاسع شويه :
1) انا الحمد لله اى حاجه ببقى عايز اعملها بعملها و مفيش حاجه بتقف قصادى انا فكرت كتير ف السؤال ده لكن ملقتش اجابه ليه
الحمد لله قادر انى اعمل كل اللى عاوزه
.
باربــــــــى :
1) ادخل الكليه اللى كنت اتمناها لان فى حاجة لعنه فى بلدنا اسمها مجموع
2) احافظ على ناس معينه فى حياتى معرفتش احافظ على ناس كانت مهمه فى حياتى
.

الجوكــــر :
1) انى استخدم دماغى كويس
2) والتحكم فى المشاعر
.
السؤال الرابع : أذكر سبعة حاجات بتقوليهم ؟
.
واحد مخه لاسع شويه :
1) ياله ياله مش مهم
2) الحمد لله
.
باربـــــى :
1) ههههههههه لا هما كتير بقول صفيق
2) كده كتير
.
الجوكـــر :
1) اى بنوته بعرفها اقولها يا وزه
2) تومام و سلامؤه
.
السؤال الخامس : أذكر سبعة مشكلات في حياتك ممكن أن تحلها الفلوس ؟
.
واحد مخه لاسع شويه :
1) بما ان الفلوس بتهدى النفوس يبقى انت لو معاك فلوس حتبقى مطمن ع مستقبلك و حياتك من اى مشاكل اقتصاديه جايه ف السكه
و انا اعتقد ان دى اكبر مشكله تخوف الواحد دلوقتى انه حيقدر يعيش حياته بعيد عن المشاكل الاقتصاديه ولا لا
.
باربـــى :
1) اممممممممم انا منكرش ان الفلوس شىء مهم فى حياتنا بس مش كل حاجة ممكن تحلها الفلوس زى مثلا الحب مع أن الحب مشكله ومشكله كبيرة المهم ممكن الفلوس تحل مثلا ان انا اعمل مشروع بعد مااتخرج
2) ممكن تحلى مشكله ان انا اعمل مشروع كبيييييييييير واشغل فيه شباب كتيييييييييير واهو نحل شويه من ازمه البطاله بس قولوا يارب
.

الجوكــــر :
1) ليه الاحراج ده اولا العربيه علشان اتخنقت من الميكروباص
2) بس كفايه عليا كده انا مش مادى والحمد لله على اللى انا فيه
.
السؤال السادس : أذكر سبع أماكن بتحبيها ؟
.
واحد مخه لاسع شويه :
1) انا بحب ال كورنيش من اول ابو قير لحد راس التين و حافظه حته حته تحبى اسمع
2) و بحب اليابان جدا و نفسى فى يوم من الايام اروح اعيش هناك كزيارات يعنى مش دايما
.
باربــى :
1) بحب دبى ونفسى ازورها
2) بحب اروح المساجد اللى مبنيه من زمااااااااااان بحس جوها بأحساس غريب كأنى نفسى بيروح وبيرجع تانى الله اعلم السبب ايه
.

الجوكـــر :
1) طبعا مدنتى اسكندريه والبحر
2) واى مكان ليا فيه ذكره حلوه
.
السؤال اللى بعده : أذكر سبع أشخاص بتحبيهم غير ماما و بابا و أخواتك ؟
.
واحد مخه لاسع شويه :
1) صحابى كلهم لانهم هما عيلتى و اصحاب بجد مش تايوانى يعنى
2) no more
.
باربــــى :
اممممممممممممممممم هما كتير بس للاختصار
1) مخ لاسه و الجوكر لانهم بجد اخواتى و اكتر
2) شخصية ما فى حياتى
.

الجوكـــر :
1) طبعا مخ لاسع وباربى + اصدقاء الدراسه القدام واصدقاء الشغل
2) ميرو اللى اهدتنا التاج ده بعزها جدا وشيمو برضو هى مودونه معانا التنين دول بحبهم جدا
.
السؤال الاخير تقريبا : أذكر سبع حاجات بتحبيهم أوي ؟
.
واحد مخه لاسع شويه :
1) البيتزا و المكرونه
2) الحياه اللى لونها بمبى
.
باربــــى :
1) المصاصه بمووت فيها اصلا
2) الشوكولاته حياااااااتى و المستيكه
.
الجوكـــر:
1) الخوخ بجميع اشكاله
2) تنزيل الصور من ع النت
.
ده بقى السؤال الاخير : أذكر سبع مدونات تحبي تقرالهم ؟
.
واحد مخه لاسع شويه :
1) اى حد حصل بينى و بينه تواصل و اتكلمنا و و علقت عنده و هو علق عندى يبقى بحب اقره ليه لانه اكيد فكره عجبنى طالما علقت عنده
.
باربـــــــى :
1) ماء تشرين
2) و مدونه ميرو
سبحانك ياربى فاالحب من صنعك والكرة من صنع البشر وكتير كتير

.
الجوكـــر :
1) كيارا و شيمو و روفى و ضد التيار
.
و بكده نكون خلصنا التاج اللى بعتته لينا ميرو
و انا كواحد مخه لاسع شويه عايز ادبس حد بس قبل ما امشى
هــــاجر زعبـــل
ايمــــى اتش ار
Shemo
ياله يا ناس شيلوا التدبيسه
لان هاجر دبسيتنى فى تاج و بقولها انا مش ناسيه و حجاوب عليه قريب
  • Digg
  • Del.icio.us
  • StumbleUpon
  • Reddit
  • Twitter
  • RSS

34 Response to "تاج و من زمان"

  1. شبــ اون لاين ـــاب says:
    ٢٠‏/٢‏/٢٠٠٩، ١٢:٣٩ ص

    السلام عليكم ورحمة الله وبركاته

    توضيح بسيط

    الخوخ بجميع انواعه يعنى طبيعى

    او مربه او رانى او معلب

    علشان محدش يفكر انهم اخترعو انواع

    تانيه منه ههههههههه

    joker

  2. Sweet Violet says:
    ٢٠‏/٢‏/٢٠٠٩، ١:١٤ ص

    انا اسمى مكتووووووووووووب

    ينهار ابيض طيب ليه كده بس و انا كنت ناوية ابلغ عن المدونة دى )):

    اجابتكم جميلة بجد رغم انى اتلغبط

    و رحت اقراها كذا مرة بس مع تحديد الشخصية D:

    ربنا يحقق لكم احلامكم يارب

    اما بقى الققط ياجوكر مش مشكله انا اتكفل بيهم ياسيدى لحد ماترجع (و ابقى قبلنى لو عرفت طريقهم تانى ((: )

  3. mohamed ghalia says:
    ٢٠‏/٢‏/٢٠٠٩، ١:٣٥ ص

    ههههههههههههههههه
    حمدا لله على السلامة ياشباب
    وإجاباتكم لذيذة فعلا
    دمتم بكل الود

  4. shoshta_ joker says:
    ٢٠‏/٢‏/٢٠٠٩، ١:٤١ ص

    السلام عليكم........
    جامد اوىىىىىىى التاج واجبتكم حلوه اوى بجد........اه ونفسى اوى اتعرف على واحد مخ لاسع علشان انا اتعرف على الجوكر وباربى .......... باربى سنانك حتسوس اغسليهم كويس علشان الحجات الى بتحبيها ههههههههه....... يا جوكر لو على القطط جيبهملى وانا حخلى بالى منهم .......هههههههههه كل الناس طمعانه فى قططك يا جوكر....مرسى اوى يا جوكر على انك ذكرت اسمى فى التاج وانا كمان والله غلوتك عندى كبيره اوى وزى اخويا واكتر ......... ربنا يوفقكم وتحققوا كل احلامكم .

  5. شبــ اون لاين ـــاب says:
    ٢٠‏/٢‏/٢٠٠٩، ٢:٢٦ ص

    sweet violet

    ايزه تبلغى علينا ليه بس هو احنا عملنا ليكى حاجه

    ان شاء الله متتلغبطيش تانى بجد انا سعيد بوجودك

    ----------------------
    واحد مخه لاسع شويه

  6. شبــ اون لاين ـــاب says:
    ٢٠‏/٢‏/٢٠٠٩، ٢:٢٨ ص

    mohamed ghalia


    بجد انا سعيد بوجودك معانا دايما مع ان احنا مقصريين شويه معاك لكن معلش اعذرنا


    ----------------------
    واحد مخه لاسع شويه

  7. شبــ اون لاين ـــاب says:
    ٢٠‏/٢‏/٢٠٠٩، ٢:٣٠ ص

    shemo

    انا يمكن ده يكون اول كومنت ببعته ليكى

    بس انا بجد عايز اتعرف عليكى زى ما انتى عايزه تتعرفى عليا بالظبط


    و انا بسمع عنك كلام كتيير اوى كويس من الجوكر و باربى

    و ان شاء الله تيجى الفرصه و نتعرف


    ---------------------
    واحد مخه لاسع شويه

  8. EMMY BABY says:
    ٢٠‏/٢‏/٢٠٠٩، ١٢:٣٠ م

    هههههههههههههههههههههههه والله بيعجبنى اوى طريقة حلكم للتيجان

    واجمل حاجة انكم انتم التالتة فى سؤال الحاجات اللى بتحبها كتبتم اكل ههههههههههههههه

    ربنا يوفقكم انتم التلاتة يارب وسعدكم وتفضلوا اخوات علطول ويحققلكم كل اللى بتتمنوه

    تحياتى

    ايمى

  9. وردشان smilyrose says:
    ٢٠‏/٢‏/٢٠٠٩، ٢:١٢ م

    ازيكو يا شباب

    اخباركم ايه

    بجد طريقتكم جميلة فى الاجابات

    وواضح انكم شلة جميلة جدا

    ربنا يديم عليكم الصداقة

    وردشان

    smilyrose

    روح الحب الصادق

  10. شبــ اون لاين ـــاب says:
    ٢٠‏/٢‏/٢٠٠٩، ٤:٢٥ م

    EMMY BABY


    ازززززززززززززيك


    طيب الحمد لله ان الطريقه عجبتك

    ع فكره انا عايزك تحليه التاج ده

    علشان نعرفك اكتر

    ------------------------
    واحد مخه لاسع شويه

  11. شبــ اون لاين ـــاب says:
    ٢٠‏/٢‏/٢٠٠٩، ٤:٢٧ م

    smilyrose

    عامله ايه

    كويس ان اجابات التاج عجبتك

    و حقيقى اننا شله جامده صح

    اتفضلى معانا يا وردشان


    ----------------------
    واحد مخه لاسع شويه

  12. غير معرف Says:
    ٢٠‏/٢‏/٢٠٠٩، ٩:٣٢ م

    قعدت تقولي ليكي عندنا حاجه
    واتاريها تدبيسه ( وش شرير )
    عاااااااااااااا

    بس احلي تدبيسه من اجمل شباب..;)

    بس ايه الاجابات الجميله دي
    اجمل حاجه ان انتم الثلاثه بتجاوبوها.. بجد حاجه حلوه اوي

    بس ايه دا يا شباب
    مفيش حاجه بتحبوها غير الاكل :)) :))

  13. dr.Roufy says:
    ٢٠‏/٢‏/٢٠٠٩، ١٠:٣٨ م

    تاج حلو باجابتكم عليه اكيد
    كمان الصورة جامدة
    :)

  14. شبــ اون لاين ـــاب says:
    ٢٠‏/٢‏/٢٠٠٩، ١٠:٤٠ م

    Sweet Violet

    اه مكتوب ليه لا

    ويا رب تحقيقى كل احلامك

    ما بالنسبه للقطط لو تقدرى تستحمليهم

    ياله على البركه

    اوعى تصدقى انى اقدر استغنى عنهم

    فى رعايه الله

    joker

  15. شبــ اون لاين ـــاب says:
    ٢٠‏/٢‏/٢٠٠٩، ١٠:٥٨ م

    shemo

    الحمد لله ان التاج عجبك

    اما عن القطط انا هريحكم وهتجوز مخصوص

    وهخلى العروسه تعقد هى معاهم وانا

    هسافر

    ايه رايك فى الحل ده

    ومتشكرنيش انى قولت اسمك

    علشان دى حقيقه وانتى فعلا غاليه عندى

    ويا رب تحقيقى كل احلامك ونتفشخر بيكى

    هههههههه

    فى رعايه الله

    joker

  16. شبــ اون لاين ـــاب says:
    ٢١‏/٢‏/٢٠٠٩، ٤:٥٦ ص

    هاجر

    انتى اتدبستى خلاص

    و ياله همتك بقى عايزك تتألقى فى اجابه التاج ده



    اه طبعا بنحب الاكل اوووومال

    ------------------------
    واحد مخه لاسع شويه

  17. شبــ اون لاين ـــاب says:
    ٢١‏/٢‏/٢٠٠٩، ٤:٥٧ ص

    د/ روفى

    عايز اقولك البوست اللى انتى مش بتعلقى عليه مش ميبقى له طعم

    لازم انتى تسيبى بصمتك ع البوست

    شكرا لتواجدك الدائم

    ------------------------
    واحد مخه لاسع شويه

  18. زى الهوا says:
    ٢١‏/٢‏/٢٠٠٩، ١١:٤٣ م

    طبعا ماليكم حق تبقى احلى اماكن عندم البحر والبلاج , بحسدكم ع البحر بجد

    اجاباتكم عسولة

  19. Kiara says:
    ٢٢‏/٢‏/٢٠٠٩، ١٢:٠٧ ص

    حثل حثل حثل

    لا بجد اجابتكم جميله

    باربي انتي عامله ذي في اول مقابله :)

  20. شبــ اون لاين ـــاب says:
    ٢٢‏/٢‏/٢٠٠٩، ٧:٥٢ ص

    زى الهواااا


    مش عايزين حسد اللى عايز بحر يقول و احنا نبعتله حبه و معاهم الرمل بتاعهم و الشمسيه و الكراسى و 2 كيلو سمك كمان


    و نبعتله صوره المنشيه و محطه الرمل و القلعه اكتر من كده مفيش

    بجد انتى بس تعالى عندنا و قوليلنا و شوفى حنعمل معاكى ايه

    -----------------------
    واحد مخه لاسع شويه

  21. شبــ اون لاين ـــاب says:
    ٢٢‏/٢‏/٢٠٠٩، ٧:٥٤ ص

    كيارا

    ليكى شوقه والله

    احنا دايما بنتشرف بوجدك
    و ع فكره مش عزومه مركبيه لا ده حقيقى


    -----------------------
    واحد مخه لاسع شويه

  22. bastokka طهقانة says:
    ٢٤‏/٢‏/٢٠٠٩، ٨:٠٣ ص

    على موقع اليو تيوب تلاقي دروس لتعليم الجيتار


    تحياتي
    اوروفوار

  23. شبــ اون لاين ـــاب says:
    ٢٤‏/٢‏/٢٠٠٩، ٤:١٨ م

    طهقانه


    حبقى ادور و اشوف

    و احاول استفيد و اتعلم


    ------------------------
    واحد مخه لاسع شويه

  24. ماء تشرين says:
    ٢٧‏/٢‏/٢٠٠٩، ١١:٤٢ ص

    ايه ده
    لالالالالالالالالالالالا
    وانا مش بتحبو تقرو لى اوك ماشي
    انا مش هكلم غير باربى بس
    مرسي ياقمر
    لا بجد اجابتكم جميله اوى
    ويارب بجد تحقق احلمكم
    وعربيه بس ياجوكر لا مش مادى خالص
    مع انى زعلانه منكم لانكم مش بقيتو بتيجو عندى
    بجد وحشتونى
    وحسه انكم زعلانين منى
    مش عارفه ليه بس عموما انا جايه اقولكم وحشتونى
    بس
    مش حاجه تانيه

  25. شبــ اون لاين ـــاب says:
    ٢٧‏/٢‏/٢٠٠٩، ٤:٣٤ م

    ارفعى ايديك لفوق
    يا ماء تشرين


    انتى مطلوب القبض عليكى

    بتهمه الاختفاء عن هذا العالم الافتراضى بدون اذن


    و باقى الكومنت حتلاقيه عندك
    ------------------------------
    واحد مخه لاسع شويه

  26. حـــــ الــجــنــة ـــــور says:
    ٢٨‏/٢‏/٢٠٠٩، ١٢:٥٠ ص

    السلام عليكم

    بجد بوست جميل وإجابات لذيذة من ناس طيبة زيكم ربنا ما يحرمكمش من بعض ولا يحرمنا من تواجدكم الرائع

    بجد بتفائل لما بكون في مدونتكم الجميلة وبين أسطركم الرائقة

    دمتم على تواصل وبكل خير وسعادة

  27. EMMY BABY says:
    ٢٨‏/٢‏/٢٠٠٩، ٧:٥٦ م

    واحد مخه لاسع

    انا على فكرة حليت تيجاااان كتير جدا

    وده انا حليته من زمان اوى

    26 سبتمبر 2008

    بعنوان تاج جالى على الباب

    وده اللينك

    http://smartawy.blogspot.com/2008/09/00000-7-blue-wave-mregypt-some-times.html

    معرفتش تدبسنى برضه ههههههههه

  28. شبــ اون لاين ـــاب says:
    ١‏/٣‏/٢٠٠٩، ٢:١٨ ص

    حــــ الجنه ــــور


    ازيك عامله ايه

    كويس ان عجبتك فكره البوست

    و الحمد لله اننا بنكون مصدر تفائل ليكى

    ------------------
    واحد مخه لاسع شويه

  29. شبــ اون لاين ـــاب says:
    ١‏/٣‏/٢٠٠٩، ٢:٢٠ ص

    ايمى اتش اتر


    ماشى ماشى
    تعنى قدرتى تهربى من التاج ده

    طيب يا ايمى الايام بيننا

    و احذرى بقى لانك حتصحى فى يوم حتلاقيى نفسك عندك تاج حلوه

    ---------------------
    واحد مخه لاسع شويه

  30. Heba Sayed says:
    ٢‏/٣‏/٢٠٠٩، ٩:٥٠ م

    السلام عليكم ورحمة الله

    الاجابات جميلة جدا


    دمنم بخير

  31. Unknown says:
    ٥‏/٣‏/٢٠٠٩، ٣:٢٠ ص

    انا بردة ياجوكر فكرت كدا وقولت هو الخوخ اية انواعة هههههههههههه
    شكرا للتوضيح

    تاج جميل انتو التلاتة اجابتكم حلوة
    بس محدش قال سبع حاجات
    كلة اتنين اتنين
    يلا بتخمو كمان
    هههههههه
    اسكندرية احلي مكان مينفعش نقول مكان غيرة طبعا

    وحشتوني كلكم
    والحمدلله انا رجعت تاني
    والكمبيوتر بتاعي اتصلح
    واسفة علي التاخير واني ماكنتش بدخل ازركم
    سلاممممممم

  32. king_somya says:
    ١٣‏/٣‏/٢٠٠٩، ٣:٢٤ ص

    لواحد مخه لاسع شويه
    كل سنه وانت طيب

  33. دعاء مواجهات says:
    ١٤‏/٣‏/٢٠٠٩، ١٢:٤٧ ص

    اية الكوكتيل الجامد من الافكار والامنيات والصفات دى

    بجد مسيبتووش

    ربنا يحقق كل امانيكم

    بيس

  34. غير معرف Says:
    ١٤‏/٣‏/٢٠٠٩، ٩:٤٩ م

    كللللللللللللل سنة وانت طيب يااحلى اخ فى الدنيا يالاسع يااخويا وعقبال ال10000000000000000سنة زتحقق كل احلامك كلها ونكون مع بعض العمر كله يارب انا وانت وجور يااااااااارب