3friends

بسم الله الرحمن الرحيم


جهة الوقت اللى لازم اتكلم فيه عن اكتر اتنين مأثرين فيا وفى حياتى
عموما كان المفروض اتكلم عنهم من زمااااااان بس معلش الوقت عدى بسرعة
هما لاسع وجوكر على فكرة الكلام اللى هقوله مش هيعبر عن جزء صغير من اللى جوايا ليهم الاتنين دول
هما اللى لما اخلص الكلية اقول انا طلعت بيهم فعلا
نبتدى من الاول وحاولوا تستحملونى
اول واحد عرفته هو جوكر على فكرة انا اللى روحت واتعرفت على الجوكر
ودى كانت اول مرة واخر مرة كان معانا واحد زميلنا اسمه محمود كنت كل لما اشوفهم اقولهم انتم توأم
المهم اتعرفنا انا وجوكر كانت علاقتنا ببعض تمام اووووووووى
بس جهة وقت والجوكر مبقاش هو الجوكر اللى عرفتة لان كانت دخلت فى حياتة حاجة فاغيرته شوية
بس انا والله كنت بشوف الويل من كلامة معايا طريقته اتغيرت 360 درجة عن يوم ماعرفته
جهة عليا الوقت اللى حسيت ان جوكر بيكرهنى وده احساس ميتوصفش
نسيت اقولكم ان لاسع وجوكر صاحب من زمان
واللى عرفنى بالاسع هو جوكر
بس لاسع هو لاسع عمره ما اتغير معايا
نرجع للجوكر يوم بعد يوم بدانا نرجع زى الاول خلصنا من سنة اولى
بدأت العلاقات تكون احسن فى تانية وتالتة هو شخص طيب اوى على فكرة بيخاف عليا جدااااا
وانا عارفة ده كويس بس عيبة انه بيحب يعصبنى تحس انه بيكون فرحان ومش علشان انا بعزة
واحب انه يكون فرحان اسيبة يعصبنى عملت فيه مقالب كتييييييييييير وبجد هو طلع راجل جدا واستحمل اخر مرة
قولت للاسع مش علشان جوكر مش بيحب يزعلنى افضل اعمل فيه مقالب وهو يسكت
لا اخدت عهد على نفسى مش هعمل فيه مقالب اتخنقنا كتير وزعلنا كتير واتصالحنا بسرعة بسرعة
لان مبنقدرش نزعل اصلا لما بنكون زعلانين بنشوف بعض نضحك
وخلصت خلاص مفيش زعل
بس انا بعزة اوى ولما بكون لوحدى افتكر اكتر كلامنا مع بعض لينا كام حاجة مع بعض بتفكرنا ببعض
بس طبعا مش هقولها لانها سر بينا احنا التلاته
جوكر الوحيد اللى بيجبلى مصاصة ومستيكة
.
.
نيجى بقى للكبير الكبير
لاسع زى ماقولتلكم لاسع هو لاسع من يوم ماعرفته
بالعكس علاقتى بية بتتحسن كل يوم اكتر من الاول وبتكون اشد
لاسع ساعات كتير بيفهمنى لما ببصلة من غير مابتكلم يعرف اللى بحبه وبيعملة مش بيحاول يضيقنى
بالعكس الوقت اللى بكون فى الكلية بيحاول انه يكون يوم جميل وكلة ضحك وهزار ذوقنا واحد حتى فى الاغانى
طباعه حلوه اوووووووووى اووووووووووى هو زى اخويا فعلا
و هو صريح جدا معايا لما بكون غلطانة بيقولى ومش بيتكسف
وانا مش بزعل من صرحتة لان انا عارفة انه خايف عليا
مش اكتر برضو زى جوكر مش بنعرف نزعل يحصل اللى يحصل نتعاتب وخلصت الحكايه
ومنفكرش بعض تانى بالحاجة دى بحب اوى احكى كل اللى جوايا ليه هو لانه فعلا بيفهمنى
وعنده حل لكل مشكلة ممكن اكون فيها بحس كتير اوى انه نفسه يساعدنى فى اى حاجة
حتى لو مضيقه لازم يطلعنى من اللى انا فيه مش بحب اشوفه زعلان
لان لو هو زعل يبقى خلاص الدنيا رخمة ومش حلوة
بجد بحس ان ليا دهر فى الكليه
يعنى يوم ما يحصلى حاجة هلاقى حد ورايا هو جوكر ولاسع
ويوم ماحد هيفكر انه يتكلم من ورا دهرى
هلاقى اتنين يردوا غيبتى الاتنين
دول مش ممكن استغنى عنهم او انساهم
لانهم بقوا شىء منى
.
.
نسيت اقولكم انهم مدلعنى جدااااااا اللى بطلبة بيجيلى
ربنا يخليكم ليا وميحرمنيش منكم ابدا
ونفضل كدة اصحاب لحد لما نتجوز ونجيب اطفال
ويبقوا برضو اصحاب
ونقولهم احنا كنا ايه وبقينا ايه
.
طولت عليكم معلش بس كان لازم اتكلم عن اكتر اتنين ليهم تأثير فى حياتى.
نراكم مره اخرى حتى تنتهى الامتحانات
......................... بـاربـــــــــــــــــى
  • Digg
  • Del.icio.us
  • StumbleUpon
  • Reddit
  • Twitter
  • RSS

13 Response to "3friends"

  1. انت تسال والكمبيوتر يجيب says:
    20‏/5‏/2009 6:14 ص

    يا جماعه المدونه جميله ...ورائع ببساطته وصدقه موضوع الخوف ...احنا عاوزينكم معانا بتعليقاتكم ...وايه رايكم لو عملنا خلقه من برنامجنا الأذاعى عن تدوينة الخوف؟
    عموما نوجه لكم هذه الدعوه
    دعوه
    الأخت العزيزه/الأخ العزيز
    تحيه طيبه
    برنامجنا الأذاعى عن النت والمدونات من الأذاعه الرئيسيه لمصر اى اذاعة البرنامج العام يذاع يوميا التاسعه وعشر دقائق صباحا عدا الجمعه
    ندعوك لزيارة مدونتنا والتعليق على ما نطرحه من موضوعات وهذه التعليقات تذاع باسماء اصحابها فى حلقات برنامجنا

    وبموقعنا رابط بالضغط عليه والأتنتظار قليلا وقت أذاعة البرنامج يمكنك الأستماع الينا
    المدونه
    http://netonradio.blogspot.com
    الموقع
    http://stop.to/cairo

  2. princess says:
    20‏/5‏/2009 1:59 م

    انتى عارفة المشكلة ايه بجد
    انكم تحافظوا على الصداقة
    مش قصدى انكم ممكن تبطلوا تعرفوا بعض او تزعلوا من بعض
    انا قصدى فكرة صداقة الولد والبنت للاسف بيجى عليها وقت ولازم تقف بحكم حاجات كتيرة اوى وساعتها بتبقى الدنيا مش لطيفة...
    بس عموما امسكى فيهم بايديكى واسنانك ويا ستى لو جه الوقت اللى بقولك عليه ده يبقى ربنا عايز كده
    اقولك انسى كل اللى انا قلته ده وربنا يخليم لبعض:))))

  3. كيــــــــــــارا says:
    20‏/5‏/2009 3:09 م

    مش هضيف عن اللي قولتيه لكن انا واثقه وحسه باللي قولتيه

    وبرده جوكر كابلي مثاثات كتييييييييييييييير

    هو عصبي مووووووووووووووووووووت بس قلبه ابيض

    واحمد برده طيب جدا وعاقل جدا جدابس مش كابلي مثاثه عاااااا مخمثاه

    ربنا مش يحرمكم من بعض

  4. باربى Says:
    20‏/5‏/2009 3:52 م

    princess
    انا فاهمة اللى انتى تقصديه بس احنا فى كلامنا مع بعض بنحاول نلاقى حل لحاجة زى دى وانا قولت ان اولادنا لازم يكونوا زينا اصحاب واصحاب اوى كمان وميرسى على كومنتك الجميل دة وربنا يخليهم ليا

  5. باربى Says:
    20‏/5‏/2009 3:54 م

    كيارا
    اولا انتى عاملة ايه وايه اخبارك يارب تكون تمام
    ثانيا معلش يعنى معلش جوكر مجبش لحد مصاصة قد ماجبلى متغظنيش بقى وخلينا صحاب احسن:P:Pوبعدين لاسع مش هيجبلك هو بيجيب لباربى بس هو وجوكر وعلى الله حد فيكم يجيب لحد غيرى وهشوف بقى ميرسى ياقمر على كومنتك وابقى طمنينا عليكى

  6. كيــــــــــــارا says:
    20‏/5‏/2009 3:56 م

    هههههههههههههههههههههههههههههههه

    ماشي

  7. انت تسال والكمبيوتر يجيب says:
    24‏/5‏/2009 12:44 ص

    الأخ العزيز
    فى مدونتنا نتحدث عن كلمة لاسع ولاسعه ...وانت بتقدم نفسك على انك واحد مخه لاسع شويه
    ننتظر تعليقك على معنى كلمة لاسع فى مدونتنا
    دعوه
    /الأخ العزيز
    تحيه طيبه
    برنامجنا الأذاعى عن النت والمدونات من الأذاعه الرئيسيه لمصر اى اذاعة البرنامج العام يذاع يوميا التاسعه وعشر دقائق صباحا عدا الجمعه
    ندعوك لزيارة مدونتنا والتعليق على ما نطرحه من موضوعات وهذه التعليقات تذاع باسماء اصحابها فى حلقات برنامجنا

    وبموقعنا رابط بالضغط عليه والأتنتظار قليلا وقت أذاعة البرنامج يمكنك الأستماع الينا
    المدونه
    http://netonradio.blogspot.com
    الموقع
    http://stop.to/cairo

  8. زى الهوا says:
    27‏/5‏/2009 6:54 م

    ربنا يخليكوا لبعض , وبعدين انتى طلباتك كتير اوى كدة ليه؟؟؟؟ ( وش حاقد) هههه

  9. mero-moory says:
    29‏/5‏/2009 1:05 ص

    السلام عليكم و رحمة الله وبركاته

    اسيك يا باربي عامله ايه شد حيلكم انتم التلاته امتحانكم السبت المفروض
    ربنا يوفقكم يارب
    وبلاث ثيلة المثاثه هير عثان نفثي فيها :( وكيتي اتبعتلها وانا لاء عاااااااا

    وبحدين انتم وحثتوني خالث ربنا يخليكم لبعض وليا وللبت كيتي

    وانا عارفه كل اللي حكتيه ده واكتر كمان ربنا يخليكم لبعض طول العمر يا قمر
    سلمي على احمد ومحمد كتير
    وبوثه كبيلة خالث ليكي يا حبيبتي
    وهستنى منك انتي مثاثات بعد نتيجة امتحانك بنجاح ان شاء الله
    في رعاية الله

  10. ابو صهيب ( الجمعاوي الاصيل)سابقاً says:
    2‏/6‏/2009 11:09 ص

    السلام عليكم ورحمة الله وبركاته

    بارك الله فيكم ياشباب

    وادام هذا الود بينكم ورزقكم

    الصداقة الدائمة الخالصة لوجهه الكريم

    ودمتم بخير

  11. رومانسى مشاكس says:
    6‏/6‏/2009 10:35 م

    مساء الخير على اجمل شباب


    بجد مدونتكم رووعة


    بجد انا سعيد جدا انى عرفت المدونة الجميلة دى

    وبعدين احنا طلعنا اسكندرنية زى بعض



    وان شاء الله يكون فيه تواصل ما بينا


    وبشكر شيمو انها عرفتنى على المدونة الجميلة دى



    كل التقدير والاحترام


    رومانسى مشاكس

  12. Israa El-sakka says:
    10‏/6‏/2009 9:32 م

    ربنا يخليكوا البعض يا باربي و تدوم المحبة بينكم و مش كتير الناس بتلاقي أصحاب ...خاصة بنت مع ولد عادة بتقلب غم في الآخر ...لكن بجد ربنا يخليكوا لبعض بس إيه الطلبات الكتير دي يا باربي ;)
    سلااام إسراء

  13. Israa El-sakka says:
    10‏/6‏/2009 9:32 م

    ربنا يخليكوا البعض يا باربي و تدوم المحبة بينكم و مش كتير الناس بتلاقي أصحاب ...خاصة بنت مع ولد عادة بتقلب غم في الآخر ...لكن بجد ربنا يخليكوا لبعض بس إيه الطلبات الكتير دي يا باربي ;)
    سلااام
    إسراء