للكبـــار فقط


حصل فى يوم و قررت انزل اتفرج ع فيلم ف السينما وزى كل مره بنزل فيها عادى جدا خالص
روحت اشوف السينمات و الافيشات للافلام المعروضه فيها و لقيت حاجه موحده فى معظم الافلام
و هى كلمه للكبار فقط
.
و معرفتش ادخل اى حاجه لاول مره فى حياتى معرفتش اتفرج ع فيلم و رجعت للبيت تانى
ايه الفكره انا مش عارف
يعنى ايه لزوم ان كل الافلام دلوقتى للكبار فقط
.
افرض يا جدع انا مش عايز ادخل الافلام دى و عايز فيلم محترم استمتع منه و اخرج
يعنى مثلا هى بقت عافيه
يعنى كل الافلام اللى نزلت ف اجازه نص السنه بقت للكبار فقط
بالعافيه يعنى ادخل اللى على كيفكم
.
ولا يعنى مثلا اقطع تذكره طياره و اروح شومبونجو اتفرج ع فيلم و اجى
انا عايز اعرف يعنى ف الصيف اللى جاى بعد كده الافلام حتبقى كلها كده
انا مش عارف رقابه ايه دى اللى موجوده دى رقابه عايزه قطع رقابتها
يعنى مثلا من 5 سنين تلاقى 4 افلام كويسه و واحد للكبار فقط
دلوقتى بقى ال 5 للكبار فقط
.
يعنى انا ادخل اتفرج ع احاسيس ولا كلمنى شكرا ازاى
باى وش اروح اقول للبنت اللى قاعده ف شباك التذاكر اقول عايز تذكره احاسيس
.
حتى الفيلم الوحيد اللى كان موجود كان فيلم الصيف اللى فات
يعنى حتى لا بقى فيه مسرح زى زمان الواحد يستمتع بيه
.
طيب عندى فكره ينتجوا افلام كارتون للصغار فقط علشان اعرف ادخل اتفرج ع حاجه
طالما كل الافلام بعد كده حتكون للكبار فقط
.
احنا حنفضل طول عمرنا نقلد
كانت فيه فتره كلها افلام كوميدى
و اللى وراها كلها اكشن
و اللى وراها كلها رومانسى
و اللى وراها كلها للكبار فقط
.
يعنى مثلا انا اقوم من النوم اقرر انزل بوست للكبار فقط من غير انى اكون مقدر
لمشاعر الناس اللى حتقراه
ماينفعش
.
مفيش تنوع مفيش فكر مفيش تناسق بين شركات الانتاج
ع العموم انا خلاص قررت اقطع تذكره و اروح شومبونجو عرفت ان فيها فيلم محترم حد عايز يجى معايا
.
.
.
واحد مخه لاسع شويه
  • Digg
  • Del.icio.us
  • StumbleUpon
  • Reddit
  • Twitter
  • RSS

30 Response to "للكبـــار فقط"

  1. جمهورية شومبونجو العربية says:
    21‏/2‏/2010 11:53 م

    اولا حمدله على السلامه من تانى

    ثانيا هى دى الموضه بتاعه اليومن دول عندوكم

    اى واحد قبل مايدخل الفلم بيسأل الاول
    الفلم دة قصه؟؟؟ولاة مناظر؟؟؟

    بقا عااااااادى

    هو دة اللى ماشى والى بيجيب فلوس
    والانتاج والرقابه مش عيزين غير كدة

    ومابقتش تفرق من كبار او ضغار

    ريح دماغك وتعالى اتفرج عندنا
    على الاقل هتتفرج انت واللى معاك من غير ماتزعل ومخك يلسع

  2. جمهورية شومبونجو العربية says:
    21‏/2‏/2010 11:54 م

    كمان اول تعليق

    خلاص انا هحجزلك بلكون

    علاشان متقولش نسيك ولا حاجه

    تحياتى ليكو



    رئيس الجمهوريه

  3. شبــ اون لاين ـــاب says:
    22‏/2‏/2010 12:02 ص

    جمهورية شومبونجو العربية
    **************************

    اولا شكرا ليك ع الزياره الجميله دى

    ثانيا شكرا ع تذكره البلكون

  4. Pink Dreams says:
    22‏/2‏/2010 4:43 م

    ههههههههههههههههه

    رقابه

    الكلمه دى بقت تضحكنى

    هى فين الرقابه دى

    تصدق كنت بردو لسه بفكر فى الموضوع دا حتى ناقشته على الفيس بوك من فتره كدا

    تحس ان الافلام اللى للكبار فقط دى بقت شوطه بعيد عنك

    يلا ربنا يهدى

    حمدلله على السلامه

  5. شبــ اون لاين ـــاب says:
    22‏/2‏/2010 5:41 م

    Pink Dreams
    ************


    عندك حق والله بقت كلمه بتضحك

    هى شكلها كده بقى كله للكبار فقط

    شكرا لزيارتك

  6. silent girl says:
    22‏/2‏/2010 8:28 م

    ههههههههههههههههه فكرتنى بحاجة بس سؤالى ليك هو انت لسه مبقتش من الكبار؟؟؟
    ثانيا:انت لو شفت اللى داخلين الافلام دى كلهم سنهم لا يقل 17 سنة وطبعا العائلات لا يمكن انها هتدخل افلام شبهه دى يبقى احنا نقعد نتفرج فى بيتنا على ديزنى وmbc 3 كدا يعنى

  7. انا ودماغي says:
    22‏/2‏/2010 9:32 م

    و الله انت معاك حق تماما
    بجد حاجة بقت تفقع..مش قادرة أفهم إيه القرف ده مخرجين على ممثلين كلهم بقوا زفت لا بيراعوا اخلاق عامة و لا ذوق عام و لا حتى مشاعر الناس..انا كمان عملت زيك كدة..رحت وقفت قدام السينما و مشيت..مش فاهمة إيه اللى حيحصل لو كل واحد وصل فكرته من غير مشاهد تخدش الحياء..فى مليون الف طريقة للتعبير ولا يبقى فين الإبداع اللى بيتكلموا عليه..و يجى المخرج و لا الممثل يقولك أصلها ضرورة درامية..اصل السيناريو حيختل لو شلنا المشهد..و النبى إيه..طب و القنوات اللى بتقطع من الأفلام أحنا كدة مش بنفهم أفلامها عشان المشاهد اتشالت...ما أحنا ياما شوفنا افلام مقطوعة و اتفهمت عادى الحمد لله..بجد حسبى الله و نعم الوكيل

  8. ameen says:
    23‏/2‏/2010 2:55 م

    سلامو عليكو الاول

    وبعدين نتكلم

    ولو انها افلام حلوه وكويسه

    تريقه طبعا
    الا انى قرفان بجد
    تعرفو ليه يا جماعه


    كنت ف سوريا مع ناس زمايلى
    والله الناس واخدين عن مصر فكره زى الزفت
    عشان خاطر الافلام

    وبيعتقدو ان الفيلم ده واااااااااقع
    ولكم ان تتخيلو فيلم زى حين ميسره ولا كباريه
    ولا الجديد بقى فيه ايه

    دا احنا هينقام علينا الحد قريب
    الطف يارب

  9. شفـقــة و إحســــان says:
    23‏/2‏/2010 5:11 م

    لا بجد انت عندك حق فين الرقابة
    لا بقى فيه رقابة ولا زفت
    والمصيبة انه بقى فى ناس كتير من نوعية افلام للكبار فقط لو الكلمة دى متحطتتش ما يدخلوش ويقوله ان الفيلم وحش
    دلوقتى الكلمة دى بتخلى الناس تدخل والفيلم يبيع اكتر
    ربنا يرحمنا من الافلام دى واللى بيعملوها
    تحياتى

  10. شبــ اون لاين ـــاب says:
    23‏/2‏/2010 10:40 م

    silent girl
    **************

    انا انا خلاص بقيت من الكبار بس هو لازم علشان اكون من الكبار اتفرج على ده


    شكلها كده ديزنى و ام بى سى 3

    شكلها كده

  11. شبــ اون لاين ـــاب says:
    23‏/2‏/2010 10:42 م

    انا ودماغي
    **************

    الحال ده مش حالك و حالتى بس ده حال كل الشباب المحترمه اللى مش قابلين على نفسهم و على اخواتهم انهم يتفرجوا على كده


    هو الطرق كتير بس هما بيستسهلوا


    الله معانا

  12. شبــ اون لاين ـــاب says:
    23‏/2‏/2010 10:45 م

    ameen
    ********

    وعليكم السلام و رحمه الله و بركاته


    ع فكره مش سوريا بس دى معظم الدول العربيه اللى متعرفش مصر كويس
    عندهم الاعتقاد ده

    بس بصراحه يا بختك يا اخى انك روحت سوريا انا نفسى اروح سوريا


    شكرا لزيارتك

  13. شبــ اون لاين ـــاب says:
    23‏/2‏/2010 10:46 م

    شفـقــة و إحســــان
    **********************


    رقابه مين بقى الله يرحمها

    طبعا ما هو الفضول اللى عند بعض الناس

    اللى بيخليهم يدخلوه و ينجحوا الفيلم الفاشل ده اساسا

  14. miroooo says:
    24‏/2‏/2010 1:10 م

    اولا انا زعلانه منكم جدا كلكم لانكم مش بتزرونى خالص بس كل واحد بيعمل باصله باردو هههههههههه مش تزعلوا منى انا باهزر معاكم بس الواحد مش بيزعل غير من الناس اللى بيحبهم ويتمنى التواصل معاهم
    اتمنى تزورونى ونبقى على تواصل
    يا اما مش هاجى عندكم تانى يا وحشين

  15. miroooo says:
    24‏/2‏/2010 1:13 م

    بالنسبه للبوست بقى انت ايه اللى مزعلك ؟
    مفروض دى حاجه خلاص اتعودنا عليها وعلى فكره فى شباب وبنات كتيره مبسوطين بالافلام دى والله الواحد قاطع السينما خالص بقت شىء غير محترم ومحرم علينا
    قلما تجد فيلم محترم ينفع انت وكل اسرتك تتفرجوا عليه من غير خجل او احراج
    فى النهايه ليس عندى اى كلمه غير حسبى الله ونعم الوكيل فى اللى بيقدموا افلام زى دى
    تحياتى ليك

  16. شبــ اون لاين ـــاب says:
    24‏/2‏/2010 5:39 م

    miroooo
    *********

    متزعليش يا ميروووو اننا مش بنزورك لاننا بجد ساعات كتير بنتشغل


    لكن حنجيلك ع طول نزورك علشان متزعليش



    بالنسبه للموضوع المشكله بجد ان ناس كتير اتعودت على الانواع دى من الافلام

    هو مفيش كلام يتقال غير
    حسبى الله ونعم الوكيل

  17. شفـقــة و إحســــان says:
    25‏/2‏/2010 7:15 م

    عندي سؤال لاسع حبتين

    هوا مين التيت إبن التيت اللي قال إن الأفلام اللي مليانة شتايم وألفاظ أبيحة وتلميحات سافلة وتشبيهات جنسية ومشاهد عارية دي تبقى للكبار ؟؟؟؟؟؟

    هوا الكبير برضو (لو كبير بعقله مش بسنه بس) يسمح لنفسه يتفرج على كل ده ؟؟؟

    وهوا الكبير بجد هيقدر مخرج فاشل يجرجره على ملا وشه لحد باب السيما ويقطع تذكره علشان يتفرج على البلاوي دي ؟؟؟

    وأي منطق ده اللي يقول اننا نمنع الشباب اللي كتير منه بيلهث ورا غرايزه وماندخلهوش يتفرج .. وفي نفس الوقت نسمح للسيدات والأمهات الفاضلات والزوجات المحترمات والآنسات أيضا طالما ان السن يسمح !!!!!!!

    ده إيه الهبل ده ؟؟؟
    هيا الرقابة شغلتها تمنع الكلام في السياسة وبس ؟؟؟
    وأي حاجة تانية عااااادي ؟؟؟
    أوك
    أنا ماعنديش مانع تكون الأفلام كلها كده
    بس بلاش تستخفوا بعقلنا وتكتبوا عليها إنها مصنوعة للكبار
    انتوا كده بتهينوا الكبار
    أقولكوا
    إكتبوا عليها "للتافهين فقط"
    كده هتكون أظبط



    تحياتي/ إحســان

    ملحوظة : آسف على الإطالة
    بس الموضوع غايظني بقاله فترة
    وانت جيت على الوجيعة

  18. شبــ اون لاين ـــاب says:
    26‏/2‏/2010 12:07 ص

    شفـقــة و إحســــان
    **********************

    سؤالك ف محله

    اى واحد كبير حيروح يتفرج ده لو هو كبير


    دى اصلا رقابه ع ما تفرج

    صح عندك حق دى تكون للتافهين فقط


    ولا يهمط طولى زى ما انتى عايزه البيت بيتك

  19. mahasen saber says:
    26‏/2‏/2010 1:21 ص

    ده لا فكر ولاا دراسه للسوق ومتطلباته قبل العرض ولاا تقسيم لنوعية واعمار الجمهور
    وفى الاخر يحطوا الكلمتيين دول عشان بتالى الكبار فقط نفسهم يستموتواويستحفزوا على مشاهدة الفيلم

    شفت بئا الكلمتيين دول وراهم ايه

  20. حـــلـــم كــــان says:
    26‏/2‏/2010 6:28 م

    طب انا عندى سوال

    التعليقات لاى حد ولا للكبار فقط

  21. دينا حامد says:
    26‏/2‏/2010 9:56 م

    والله انا عانيت نفس المعاناه
    واتصدمت بالافلام الحقيرة دي
    اول مرة رحت فيها سينما قعدت الف ساعتين وفي الاخر قررت ادخل فيلم اجنبي لاني مالقتش للعربي لزوم
    وتاني مرة رحت سينما كنت مقررة فيها اجنبي من غير تفكير
    وبجد السنة دي اكبر عدد من الناس كانوا بيدخلوا اجنبي وبالاخص الافاتار

    الله يهدهم

    تحياتي

  22. طالبة مقهورة ..درجة أولى says:
    27‏/2‏/2010 12:18 ص

    اه والله بجد

    بداية يا استاذ لاسع اسمك فكرني بجملة قريتها بتقول
    مشكلتك ملهاش حل
    جنونك عاقل
    بس عقل اللي حواليك
    هوا اللي مختل!!

    مش موضوعنا..بس اعتقد الكومينتس قبلي زمانها قالت كل الكلام ومعنديش غير كلمتين..مهزلة سينمائية في الافلام المصرية..فعلا وضع مخزي

    تحياتي
    واحد مقهورة بقى هه محدش احسن من حد p:

  23. شبــ اون لاين ـــاب says:
    27‏/2‏/2010 12:24 ص

    mahasen saber
    **************

    فكر ايه ودراسه ايه لا لا لا
    مفيش وقت للكلام ده عندهم
    انتج اعرض ع طول


    شفت اكيد

  24. شبــ اون لاين ـــاب says:
    27‏/2‏/2010 12:25 ص

    حـــلـــم كــــان
    *******************

    التعليق هنا لاى حد ماعدا الكبار فقط

    ههههههههه
    :)

  25. شبــ اون لاين ـــاب says:
    27‏/2‏/2010 12:27 ص

    دينا حامد
    ************

    والله يا دينا معظم الشباب و الكبار اللى هما بيقولوا عليهم دول بيعانوا كده بالظبط


    احنا خلينا ف افاتار هو فيلم بجد

    احنا منقدرش ننتج زييه

    لاننا بنستسهل

  26. شبــ اون لاين ـــاب says:
    27‏/2‏/2010 12:28 ص

    طالبة مقهورة ..درجة أولى
    *************************


    حلوين الكلمتين دول بجد
    مكنتش اعرفهم قبل كده

    هى فعلا مهزله

  27. إبتسامة ملاك says:
    27‏/2‏/2010 9:28 م

    إزيكم إزيكم ياللى اللى انا جايا أعلق عندكم
    بخخخخخخخخخخ

    ازيكم ياللى مخكم لاسع
    ههههههههههههه

    حمدالله على السلامه نورتو الدنيا من تانى ويارب منورين على طول
    وكل عام وانتم الى الله اقرب ويارب موجودين منورين الدنيا كلها
    تعالو زورونى مسنين ايه تعليق صغير يمنع بلاوى كتيره
    هههههههههههههه

    ربنا يسعدكم
    اختكم
    ايناس

  28. مي says:
    28‏/2‏/2010 2:47 ص

    اول مرة ازوركم ومش الاخيرة طبعا ده احنا طلعنا اسكندرانية زى بعض يعنى اوعى وشك ههههههههههههه
    الافلام دى معمولة عشان الايرادات بيطبقوا ان الممنوع مرغوب والكبت والتحرشات وده بيعمل دعاية وايرادات وشغل هجص وكلام اهبل عالفيلم دول بيبعوا مشاهد مش فن ابدا
    وبيتفننوا فى عرض الافيشات تلاقى الفيلم قصته عادية ومن الافيشات تفهم حاجة تانية خالص
    بوست لذيذ
    تقبل مرورى واسفة على الرغى معلش بقى

  29. شبــ اون لاين ـــاب says:
    28‏/2‏/2010 11:14 م

    إبتسامة ملاك
    ************


    انا تمام كويس كويس


    طلاباتك حتكون مجابه

    و كل سنه و انتى طيبه

  30. شبــ اون لاين ـــاب says:
    28‏/2‏/2010 11:17 م

    مي
    ***

    اهلا بيكى يا مى

    ده احنا فعلا اسكندرانيه زى بعض
    يعنى اوعى وشك برضه :)

    فعلا ساعات الافيشات بتبقى غير مضمون الفيلم

    لا انتى مش رغايا خالص تعالى كل يوم بس انتى واحنا نستحمل