الصداقه المزيفه

بسم الله الرحمن الرحيم
اعزائى زوار هذه المدونه
انا هتكلم عن مشكلة هى مش مشكلتى لوحدى لكن مشكلة جيل باكملة هو جيل الشباب الذى انتمى انا لها المشكلة هى مشكلة الصداقة انا شايفة ان مفيش دلوقتى صداقة حقيقية يعنى مفيش اصحاب بجد تقدر انك تعتمد عليهم انا للاسف للمرة التانية فى حياتى افشل فى اختيار اصدقائى كل اللى عرفتهم عرفونى علشان مصلحتهم كانت مصلحتهم فوق صدقتى.
نادرا لما تلاقى اتنين اصحاب بجد ممكن اكون غلطانة بس دة راى الشخصى مش بفرضة على حد.
انا هكلمكم عن التجربة التانية اللى فشلت فيها انى اختار صحبتى.
انا كنت فى اول سنه ليا فى الكليه مكنش عندى اصدقاء كنت لوحدى اتعرفت على واحدة اتصحبنا مع الوقت اعتبرتها زى اختى واكتر اروح معاها الكيه واروح معاها اى مكان ,كنا مع بعض الحاجة اللى انا بحبها لنفسى لازم اجيب ليها هى كمان علشان اعتبرتها اختى كنت بسمع كلامها فى كل حاجة ولما جيت اقول لا على حاجات لازم يتقال فيها لا بقيت انا وحشة بالنسبة ليها كانت بتعملنى بطريقة وحشة جدا انا كبرت دماغى وعملتها بنفس معملتها ليا ايام الامتحانات رجعت تحسن علاقتها بيا ليه؟؟؟؟؟
علشان الورق والمذكرات انا قولت يمكن تكون عقلت وعرفت مين صاحبتها ومين لا.
بس للاسف رجعت لمصلحتها بعد ماخلصنا امتحانات رجعت المعاملة اسوء من الاول اتغيرت تانى ليه علشان مصلحتها خلصت ولا بتسأل عليا ولا اى حاجة انا كنت بسأل قولت اكون احسن منها واسأل عليها سألت مرة واتنين وتلاتة لقيت انها حتى مبتتصلش بيا تسأل عليا قولت انا مش هتصل تانى.
بعد كل دة تتكلم عليا وتقول عليا انى مش بسأل عليها وانى متغيرة وبعملها وحش مع انى انا اللى كنت بسأل وبتكلم وهى لا.
قولولى اعمل ايه معاها اعتبها على الكلام دة ولا اسيبها ومكلمهاش تانى.
هى دى الصداقة ان الصديقة تتكلم على صديقتها ماظنش انها تكون صداقة دى صداقة مزيفة علشان كدة انا قولت ان مفيش حاجة اسمها صداقة



كتبت لكم / باربى
  • Digg
  • Del.icio.us
  • StumbleUpon
  • Reddit
  • Twitter
  • RSS

7 Response to "الصداقه المزيفه"

  1. واحد قرفان من حياته says:
    ٢٣‏/٦‏/٢٠٠٧، ٧:١٣ م

    والله يا باربي عندك حق ما بقاش في صداقة اليومين دول وبيني وبينك ما بقاش في حب كمان
    كل حاجه بتنهار قدام المصالح
    للأسف بقينا عايشين في غابة
    الله يعين الجميع

  2. غير معرف Says:
    ٥‏/٧‏/٢٠٠٧، ١:٢٤ ص

    انتى لسه فى البدايه الايام حتوريكى اللى اصعب من كده بس لازم تتأقلمى مع الوضع وتتوقعى اسوء الاشياء من احسن الشخاص وأقربهم والتوقع احلى علاج للصدمات اللى من النوع ده

  3. غير معرف Says:
    ١٠‏/٧‏/٢٠٠٧، ٧:١٩ م
    أزال أحد مشرفي المدونة هذا التعليق.
  4. غير معرف Says:
    ١١‏/٧‏/٢٠٠٧، ١٢:٠٢ ص
    أزال أحد مشرفي المدونة هذا التعليق.
  5. غير معرف Says:
    ١١‏/٧‏/٢٠٠٧، ٣:٠٢ ص
    أزال أحد مشرفي المدونة هذا التعليق.
  6. غير معرف Says:
    ٢‏/٨‏/٢٠٠٧، ١٠:٢٥ ص

    بصي انتي ممكن يكون حق بس مش معقول مافيش ولو حتي واحده علي الاقل اكيد في بس انتي مش واخده بالك منها حاولي تفهمي الي حوليكي علشان مش تتخدعي تاني في حد

  7. غير معرف Says:
    ٢٨‏/١‏/٢٠١١، ٧:١٥ م

    sa7ii7 ma 9oltih bas law ti3rafé 9issasé ana mota3adéda wa katirà 9issas sada9a layssat mozayafa wa 9at bal aktar min dalika