ليس كل ما يتمناه المرء يدركه
ليس كل ما يتمناه المرء يدركهالجمله دى بتلعب دور مهم وكبير فى حياتى
تقريبا كل اللى بتمناه مش بيتحقق
يعنى كان نفسى اعمل حاجات كتير كنت عايزه ادخل كليه معينه ومدخلتهاش
كان فى حاجات كتير نفسى تحصل ومبتكلمش
وكنت بحب حد وكان نفسى اكمل معاه لكن مفيش نصيب
كل اختياراتى كانت غلط معرفش العيب فيا ولا لأ؟؟
اعرف ناس كتير كان نفسهم يحققوا حاجات ومكنتش بتتحقق
ياترى العيب فينا احنا ولا فى الحاجات اللى احنا بنخترها؟؟؟
بس ممكن يكون الناس كلها بتغلط اكيد مش معقول
كتبت لكم / باربى
٣/٧/٢٠٠٧، ٩:٤٦ م
المشكله ان ممكن يكون فى اختيارات صح فى الوقت الغلط وممكن يكون فى اختيارت غلط فى الوقت الصح العيب مش فينا العيب فى الظروف اللى وضعتنا فيها
٤/٧/٢٠٠٧، ١٠:٤٧ م
هاي باربي انا احمد بكري بس احب افهمك حاجة انتي بتقولي ليس كل ما يتمناه المرء يدركه بس ليه علشان معندهوش عزيمة انتي لو صح كنتي عايزة تتدخلي الكليه كنتي هتجدهتي اكتر و هتزاكري علشان توصلي للحاجة الي انتي عيزاها يعني انتي ممكن تتحكمي في مستقبلك لكن مينفعش تغيري ماضيكي وارجوا اني مكنش ضيقتك بكلامي
صديقك:احمد بكري
0106505488/0111677212
٥/٧/٢٠٠٧، ١:١٦ ص
فى الغالب الغلط فى الطريقه اللى بتستخدميها للوصول للهدف لان مش معقول كل حاجه ضدك وفرضا ان كل حاجه حوليكى بتهدمك لازم تكون ارادتك واقفه جنبك وتقويكى
٦/٧/٢٠٠٧، ١:٢٤ ص
صديقى احمد
مش معنى انى مدخلتش الكلية المفضلة ليا انى معديش عزيمة لا انا عندى ودخلت كليه تانية وان شاء الله هكون كويسة فيها
شكرا لتعليقك
٢/٨/٢٠٠٧، ١٠:١٩ ص
علي فكره مش انتي لوحدك الي كده ولا انا ولا انتي في ناس كتير اوي كده و المشكله ان الواحد مش عارف العيب في مين هل فين ولا ايه و انا عن نفسي كان نفسي ادخل كليه معينه ومش نفسي دي كانت امنيتي بس مش معني كده اني مش كنت بذاكر لا طبعا بس احنا مش بادينا حاجه غير اننا نقول الحمد لله ونفكر في الي جاي
٢٤/٣/٢٠٠٩، ٣:٠٧ م
وانا نفس الحاجه
٢٤/٣/٢٠٠٩، ٣:٠٩ م
انا كان نفسي في التعليم بس ما في نصيب