يقتلوا القتيل ويمشوا فى جنازته



انا هتكلم عن موضوع ممكن تقولوا عليا ان دمى تقيل بس لازم نتكلم فى الواقع اللى احنا فيه احنا بنضحك ونهرز بس ناسين الواقع المؤلم اللى احنا عايشين فيه رغم اننا بعيد عنه فى مصر بس عايشينوه مع العراقين والفلسطنين وكل الشعوب اللى فيها حرب ماما امريكا بتقدم مساعدات للعراق و بتجمع تبرعات وبتعمل حاجات كتير كويسه وفى نفس الوقت بيكونوا بيموتوا حد فى العراق طفل او طفله اوسيدة او رجل او شاب او عجوز انا بستغرب من اللى هما بيعملوه ليه بتجمعوا تبرعات ومساعدات ونفس الوقت بتموتوهم ليه التناقض الواضح للعالم كله ليه بتدوا اسرائيل فلوس علشان تجيب بيها سلاح وطائرات ودبابات علشان تموت الفلسطنين وفى نفس الوقت بتقدموا مساعدات ياااااااااااااااه تناقض مش طبيعى ازاى بتقولوا عايزين السلام وبتقتلوا فى البشر عايزة حد يقولى ايه السلام بالنسبة لامريكا واسرائيل انهم يقتلوا فى البشر ومحدش يجى جمب جنودهم بس لو واحد اتقتل من جنودهم يقولوا ان انتم مش عايزين السلام وهما قتلوا الملاين وعايزين السلام نفسى انام واقوم الاقى الحرب بين الشعوب انتهت نفسى افتح التليفزيون ملاقيش فى نشرة الاخبار قتل واستشهد نفسى اصحى على اخبار كويسه تفرحنى مش تديقنى ياترى انا بحلم ولا ممكن يوم حلمى يتحقق انا بدعى ربنا انه يتحقق حلمى واعيش فى سلام بمعنى الكلمه
كتبت لكم / باربى
  • Digg
  • Del.icio.us
  • StumbleUpon
  • Reddit
  • Twitter
  • RSS

6 Response to "يقتلوا القتيل ويمشوا فى جنازته"

  1. totti Says:
    28‏/8‏/2007 5:02 م

    دمك مش تقيل ولا حاجه بس المشكله اننا اتكلمنا او متكلمناش امريكا حتفضل هى امريكا و الوطن العربى حيفضل الوطن العربى فهمه قصدى طبعا يعنى كده ولا كده مش فارقه

  2. باربى Says:
    28‏/8‏/2007 10:24 م

    انا معاك بس احنا لازم نتغير مش هنفضل كده على طول وامريكا فى يوم هتتهد ان شاء الله مش هتفجر بالجبروت ده على طول

  3. مصرى اتخنق من البرود اللى عند الرؤساء Says:
    30‏/8‏/2007 6:06 م

    فكره جميله للى عايز يشوف الوطن العربى متحد و ايد واحده و احنا الدوله العظمى ........ نامووووو نامووووو

  4. virus Says:
    31‏/8‏/2007 12:17 ص

    محنا عارفين كل الكلام دة وسمعناه مليون مرة؟؟؟؟؟؟؟؟؟؟؟؟ممكن حد يقولي بنعمل ايه؟
    ولا حاجة الي بيدخل من الودن دي بيطلع من التانية؟
    سلام وخلينا نشوف البلد الي احنا فيها الي مش عارفنلها اول من اخر

  5. باربى Says:
    31‏/8‏/2007 2:30 ص

    ايه حاله التشائم اللى انتم فيها دى اكيد الدنيا هتكون احسن من دلوقتى وقريب ان شاء الله.

  6. mony says:
    22‏/9‏/2007 4:07 م

    انا عاوزة اعرف يعني مش كفاية ان الناس بتبعتلنا مساعدات
    يعني انتى عاوزاهم يبعتولنا مساعدات و كمان يبطلوا يموتونا
    ايه ده...ايه الطمع اللي انتى فيه ده
    خليكي متواضعة شوية....ماما امريكا بتعمل اللي عليها و زيادة
    و بخصوص موضوع الحلم ده بقى مش عارفة اقلك ايه
    اديكي انتى بنفسك قلتيها...مجرد حلم...ابقى شدي الغطا كويس عليكي عشان الاحلام دي بتودي في داهية