اليكم اخر الاخبار



السلام عليكم جميعاً


المره دى مش حكتب موضوع جديد لا المره دى جاى علشان اقولكم ليه احنا اتاخرنا اوى كده فى الرجوع للكتابه تانى


طول الفتره اللى فاتت دى


انا و واحد مخه لاسع شويه اشتغلنا و قررنا اننا نبدا حياه العمل و انا و هو نزلنا اشتغلنا فى مكان واحد


اما باربـــــــــى بقا فشكلها كده بتتعلم الطبخ و عايزه تودينا و توديكم فى داهيه بطبخها اللى اكيد حيطلع عك فى عك.....يااااااااااااااع.


و عندنا خبر حلو تانى اننا نجحنا و الحمد لله خلاص عدينا سنه تانيه دى بكل خير عقبال باقى السنين


و بما اننا ف اسكندريه ف احب اقولكم اننا مخنوقين جدا من اللى بيحصل هنا و مش عارفين نتفسح زى ايام الشتا.


مش حطول المره دى كتير ف الموضوع ده بس احب اقولكم ادعولنا ان ربنا يطلع البشر المحتله دى و قصدى (المصيفين)من هنا ع خير و بسرعه


و سلام دلوقتى علشان انا نازل الشغل و اتأخرت انا شكلى حطرد من الشغل بسببكم....................................................صحيح رمضان كريم


joker..........
  • Digg
  • Del.icio.us
  • StumbleUpon
  • Reddit
  • Twitter
  • RSS

16 Response to "اليكم اخر الاخبار"

  1. Zanooba (Zeinab sab9n) says:
    17‏/8‏/2008 3:04 ص

    أولاً و بدون أي مجاملة أنا سعيدة أوي أوي إني لاقيت مدونتكوا ..لأنكوا بجد شباب أي حد يفتخر أنه يعرفه ..و ليه يا جوكر سيب باربي في حالها يعني الطبخ ده فن مش أي كلام و لو سمحت متتكلمش على المصيفين كده يعني أنا واحدة منهم فبلاش تجرحوا مشاعري و مبروك عليكم الشغل :) ...على فكرة أنا بعتلكوا السلام مع واحد دماغه لاسعة شوية ليك أنت و باربي وصل و لا لأ ؟ ....و يشرفني أني أضمكم للمدونات تحبها زنوبة و مستنية جديدكم ... و رمضان كريم عليكم كلكم
    كان معكم من أمام كوشك عم أحمد
    محدثتكم زنوبة
    و السلام عليكم و رحمة الله و بركاته

  2. ماء تشرين says:
    17‏/8‏/2008 11:19 ص

    ايووو عليكم اخير رجعتو وبعدين كل الناس بتشتغل وبتكتب في المدونه ايه الكسل ده ياله ماعلينا مبرووووك على النجاح وعقبال كل سنه ومبروك على الشغل عايزة بقه اعرف موقف وطرائف المصييفين الخنقونا بجد انا مش عارفه لما بيطولو اوى كده ليه يسبون شويه نصيف احنا كمان الحمد لله انو الصيف هيخلص يالله ربنا يكرمكو كده عايزين اخباركو على طول ....... ورمضان كريم عليكم انتو كمان
    تحياتى

  3. شبــ اون لاين ـــاب says:
    17‏/8‏/2008 11:56 ص

    zanooba

    احنا والله مش قصدنا اننا نجرح مشاعرك بما انك من المصييفين

    انتى تنورى اسكندريه ف اى وقت

    بس عايز اقولك ان باربى بتطبخ حلو انا كنت بهزر

    و رمضان كريم

  4. شبــ اون لاين ـــاب says:
    17‏/8‏/2008 11:58 ص

    ماء تشرين

    بصراحه احنا شكلنا مكسلين اوى فعلا

    بس خلاص مش حنتأخر تانى
    و علشان خاطرك انتى
    حنكتب موضوع عن المصيفيين و اللى بيحصل هنا

    و متخفيش حنبقى نكتب انه من فكرتك

  5. fire bird says:
    17‏/8‏/2008 12:36 م

    ايه يا جماعة الكلام ده

    ما كنتش اعرف ان اهل اسكندرية بخلاء كده

    بيزهقوا من ضيوفهم

    وبعدين احنا قاعدين بفلوسنا

    واللى مش عاجبه يرحل

    -------------------------------
    بجد فرصة سعيدة جدا

    انى عرفت مدونكوا الجميلة دى

    وبتمنى دوام التواصل بينا

    أيوووووووووووه

    كنت هنسى

    انا مستنية اعرف ايه اللى بيحصل فى المصيف عنكوا

    اصل عمرى ما رحت اسكندرية آه والله

    مستنية البوست

  6. شبــ اون لاين ـــاب says:
    17‏/8‏/2008 4:04 م

    fire bird


    احنا مش بخلاء ولا حاجه بس انتى اكيد حاسه الاحساس ده عندك لما تلاقى راجل صعيدى مثلا قاعد و اكنه فى بيته قاعد ف الشارع كده ولا حد همه و بيرمى زبالته عادى كده فى الشارع
    اكيد بتحسى ان المكان مش مكانك و نفسك تمسكيه تضربيه لانه بيعمل كده فى بلدك

    المهم بجد احنا مبسوطين اننا رجعنا من تانى و لقينا حد مستنينا
    ويا ستى احنا عازمينك على رحله لاسكندريه علشان تعرفى ان احنا مش بخلا
    بس لازم تشوفى الاسكندريه ف ايام الشتا حاجه تانيه خالص
    ببساطه بتبقى بلادنا اللى حبناها

  7. باربى Says:
    17‏/8‏/2008 6:54 م

    انا طبيخى وحش ياجوكر الله يسامحك دا انا طبيخى 100% انا عزمه كل المدونين على الغدا علشان تتأكدوا ان انا بطبخ حلو وسلامى لكل الناس والمدونين السكر

  8. ماء تشرين says:
    18‏/8‏/2008 7:09 م

    انا جايه يابربى متقلقيش ومتزعليش هما كلهم كده عامللنا ايه بقه
    وبالنسبه للمصيفين والله بجد احنا مش بنزعل من وجدهم احنا بنحب البيجي ويرجع بدون ميعمل ازعاج مش بالصوت على فكره هو للاسف ازعاج بصري بلبس الغريب والبلطجه وكأنو قاعد في البيت بتاعو ويرمى بقايا الاكل بجد منتهى السوقيه انا رحت مطروح السنادى ايه الجمال ده وايه النظافه بجد تخاف وتكسف ترمى حاجه في الارض ولا تلبس بشكل غير لائق الصراحه روقان وانا ولانى مغرمه بالبحر وقعت في حب مرسي مطروح
    سوري طولت بس موضوع المصيفين ده بيزعجنى
    تحياتى

  9. باربى Says:
    18‏/8‏/2008 9:23 م

    ماء تشرين
    ربنا يخليكى ليا يارب اللى انتى عايزاه انا اعملهولك وبالنسبة للمصيفين دا قدرنا ولاااااااازم نستحملهم هنعمل ايه انا عن نفسى بطلت اخرج من بيتى علشان الزحمة واللى الواحد بيشوفة يلا كل سنة وانتوا طيبين الصيف بح خلاص

  10. fire bird says:
    20‏/8‏/2008 12:45 م

    طيب ايه رايك بقى

    انا قبلت العزومة

    تدبيسة صح

    هههههههههههههه

    بس فى الشتا ان شاء الله

    ----------------------

    ياعم ما تقلقش

    انت اتخضيت كدا ليه

    انا كنت بهزر

  11. شبــ اون لاين ـــاب says:
    20‏/8‏/2008 4:32 م

    fire bird

    انتى كنتى بتهزرى بس احنا مش بنهزر
    احنا بجد كنا عازميين بجد و احنا كلمتنا واحده

    و بعدين انتى تشرفى فى اى وقت

    ________________

    حتلاقى الايميل بتاعنا مكتوب خديه وكلمينا عليه علشان تنسقى معانا
    ____________________

  12. باربى Says:
    21‏/8‏/2008 3:09 ص

    احنا ناس كلمتنا واحده دى حقيقة هما بيعزموا بقلب جامد علشان مش هما اللى هيطبخوا مااشى ياجوكر ومخه لاسع كلكم تشرفوا اسكندرية واللى من اسكندرية يشرف اكتر وكل سنة وانتوا طيبين ورمضااان كريييييم.

  13. Gemy says:
    23‏/8‏/2008 3:34 ص

    السلام عليكم
    انا اخوكم محمد جمال
    ومدونتكم بصراحه هايله...
    وانا كنت لسه عامل مدونه جديده...
    اتمنى تنورنى بزيارتكم ليا
    http://3eeshayamak.blogspot.com/

  14. dr.Roufy says:
    26‏/8‏/2008 5:55 م

    عودٌ أحمد يا شباب
    ليكوا وحشة
    شدوا حيلكوا في الشغل ..بقى..وباربي كمان تشد حيلها في المطبخ
    اهو رمضان جاي وفرصة تطلع المواهب
    :)
    رمضان كريم يا ولاد

  15. شبــ اون لاين ـــاب says:
    27‏/8‏/2008 6:39 ص

    dr.roufy

    بجد وحشتينا ومش حنقطع الجوابات تانى

    و زيارتك لينا اسعدتنا
    ورمضان كريم عليكى و على كل المسلمين

  16. mero-moory says:
    19‏/9‏/2008 1:38 ص

    السلام عليكم ورحمة الله وبركاته

    حابة اعرفكم اكتر بجد من كل توبيكاتكم وبالنسبة للاسكندرية كمصيف رائعه بجد لكن انا بحبها اكتر في الشتاء لذيذة موووووت

    يابختكم موش حقد ده حثد ههههههههههه
    ربنا يوفقكم يارب

    في رعاية الله