حدوتــــــه

بسم الله الرحمن الرحيم

كنت مره مع ماما بزور بنت خالتى
وهى عندها ولد زى القمر مكملش سنه لسه فا المهم عده الوقت وهو اكل وشويه ولقيته عمال يزن
فا مامته عاوزه تخليه ينام فا قالتلى ما تطلع جدع وتساعدنى قولتلها اعمل ايه يعنى ارقصله
قالتلى تعالى احكيله حكايه علشان ينام قولت ماشى اهو كله بثوابه
.
فا من باب الفضول قالتلى هتحكيله ايه الشاطر حسن قولتله بلا شاطر بلا هبابه و كان شاطر وحكايته اتحكت علشان ضحك على البنت الغنيه واتجوزها وخلينى ساكت بقى
ياله نسمع الحدوده بقى .....
.
كان يا ماكان
.
كان فى ولد جه الدنيا وكان باباه ومامته مدلعينه ومش حرمينه من اى حاجه
كان احسن اكل وعلى طول هدوم جديده بس طبعا كانوا حرمينه من جزء
وهو انهم يتكلمواا معاه ويفهموا مشاكله
.
كبر الولد على الحال ده وحيد بيدور على حد يطلعه من الوحده دى
وكان فى طريقه اتعرف على ناس كتير جدعان بس بردو كان حاسس ان فى حاجه ناقصه
.
مع الايام فهم ان اللى نقصه حديحس بيه بردو ومن يوميها وهو بيدور على اللى يسكن قلبه ويخرجه من وحدته دى
فا مره لاحظ واحده مياله وبتضحلك وكده وشغل الابتسامات اللى انتوا هرشينه ده
بس حصل مشاكل ومحصلش نصيب وعلى رائ الجوكر (اللى بيجى بسهوله بيروح بسهوله)المهم عده الوقت وقلبه قسى من الدنيا
ونسى هدفه اللى هو يدور على اللى يخرجه من وحدته وبعد سنتين كده بالصدفه اتعرف بنت بسبب ظروف الدراسه وكده فا لاحظ انها كانت مميزه فى كل حاجه حس بيها من اول يوم
.
ومع الايام بقو قريبين اوووى من بعض بس هو كان كاتم شعور ليها جواه على اساس انها حاسه بيه وعدت الايام ايام كتير وهما على نفس النظام وهو عايش على امل انها تحس بيه بس بردو مجاتش الفرصه اللى يسئلها وبعد فتره بعد ما كان خلاص تعب نفسينا وعاوز يرتاح فا قرر يقولها وكلمها وقالها طبعا
فا كانت صدمه ليها وقالتله انتى فاجئتنى والحورات دى
اخ ياااااااانى من الافلام العربى
.
فا بعد فتره وصله الرد انت صديقى وينفعش افكر فيك غير كده طبعا كل اللى ادامه انه يحترم رغبتها وبس وكل شئ نصيب بس طبعا دخل فى حالت كئابه لمده طويله بس اللى لاحظه انه كان غلطان علشان فى رحلته دى كلها كان معاه ناس كتير حبوا هو وقفوا جمبه طول الوقت وبكده فهم معنى الحب
ونيجى للى قالو الجوكر تانى
.
من لم يحب فاليبحث عن اقرب شخص له وسوف يجد الحنان المطلوب
.
هى دى الحدوته بتاعت الزمن ده
.
هووووووووووش علشان الولد نام
.
ملحوظه : هذه قصه خياليه
joker....................
  • Digg
  • Del.icio.us
  • StumbleUpon
  • Reddit
  • Twitter
  • RSS

29 Response to "حدوتــــــه"

  1. Kiara says:
    ٢٩‏/٣‏/٢٠٠٩، ٣:١٨ م

    اول تعليق :)

  2. Kiara says:
    ٢٩‏/٣‏/٢٠٠٩، ٣:١٩ م

    من لم يحب فاليبحث عن اقرب شخص له وسوف يجد الحنان المطلوب

    *********

    تفتكر :((

  3. shoshta_ joker says:
    ٢٩‏/٣‏/٢٠٠٩، ٤:٠٥ م

    السلام عليكم.........
    الاول عوزة احسدكم شوية علشان اول مرة اخش وملقيش تعليقات كتير طبعا دا علشان لسه البوست جديد ههههههههههههههه......بهزر طبعا ........نبجى للبوست باه بجد الحدوته حلوه اوى وكنت مستنيه البوست من فترة كبيرة وزمان الولد طبعا نام من اول الحكاية لانه اكيد مش حيفهم الى انت بتقوله دا هههههههههه...... المهم المفروض كان يقولها من الاول علشان مكنش يعذب نفسه بالشكل دا ربنا يوفقه ويلاقى حد يحس بيه ويفهمه واكيد هو مش لوحده علشان ليه صحاب بيحبوه اوى زى ما انت قولت فى الحكاية ......حستنى البوست الجاى على النار يا رب يبقى جامد كده زى دا ......سلامى للتيم كله .......سلاموووووز.

  4. moory-mero says:
    ٢٩‏/٣‏/٢٠٠٩، ٤:٤٢ م

    السلام عليكم ورحمة الله وبركاته

    اولا بداية ممتازة لكتابة قصة او حدوته يا محمد وحقيقي تسلم ايديك بس في حاجه عايزة اقولهالك الطفل اللي عاش طول عمره مدلع ونفسه كان حد يفهمه ويحس بيه ويتكلم معاه من اهله ده حال ناس كتير كبار وصغار موش حاله لوحده وبالنسبة للجملتين الاخرنيين عن البحث عن الحنان او الحب فانا ضد المقولتين دول لان دول بيجوا بالاحساس وليس بالبحث وعشان كده بتلاقي اللي يحب بيبقى في حالة استغراب وزي ما يكون تايه وعايز يعيش جوه الاحساس اللي لقاه لانه موش مصدق انه موجود في الدنيا وياريت كلنا نفهم كده اي حاجه ليها علاقة بالمشاعر ونفسنا نلاقيها في حد موش بتيجي بالبحث لكن بتيجي بالاحساس والعشرة بتبين كل اللي محتاجينه في الانسان .. وحقيقي يا قطتي انا اتمتعت بيها جداااااااااااااا وسلملي على احمد وباربي كتييييييييييييييييييير والبت كيتي كمان عثان وحثاني خالث وحايزة مثاثه منها ومنك انت كمان
    ... في رعاية الله

  5. Batoooot_soso says:
    ٢٩‏/٣‏/٢٠٠٩، ٧:٤٤ م

    السلام عليكم
    الاول صعبان عليه الولد اوى ليه كده تعقده فى الدنيا من دلوقتى :):)

    بس بجد تسلم ادسك على اساس انها خيال
    اما لو حقيقه
    يبقى طبعا غلاطان ومش غلاطان
    غلطان علشان مقلهاش
    ومش غلطان علشان مكنش عاوز يخصرها
    حاجتا فى نفس يعقوب قضاها بقى
    علعموم تسلم على بدايه الحكايه
    وانشاء الله تلقى اللى انت بتضور عليه ويبقى بتاعك مش لحد تانى
    تحياتى بطوووط

  6. ماء تشرين says:
    ٢٩‏/٣‏/٢٠٠٩، ٨:١٢ م

    ياسلام ياسي روميو نام ايه بقه هى دى حدوته تتحكى للولاد الصغيرين عايز تبوظ اخلاقو حراااااااااام عليك ياجوكر يامفترى
    عارف لو مكنتش بس قولت انها خياليه
    ياله المهم هى حكايه الولد دى مش غريبه دى بتحصل كل يوم وفعلا اكتر حد حنين عيك جنبنا دايما بس احنا بندور دايما على اليتعبنا تفتكر ليه


    تحياتى

  7. حـــــ الــجــنــة ـــــور says:
    ٢٩‏/٣‏/٢٠٠٩، ٨:٤٥ م

    السلام عليكم

    إزيك يا جوكر وكل شبابنا الحلوين عساكم بخير؟؟

    ماشي يا عم دي حدوتة للأطفال طاايب إعتبر الولد إيه؟؟ هاا العبرة إنو حيبتدي يدور عن أقرب شخص علشان يلاقي الحنان وأكيد إنت أقرب شخص للسرير هههه

    بجد حدوتة جميلة ومتداولة ربنا يسعد أوقاتك

    دمت بخير

  8. صوت من مصر says:
    ٢٩‏/٣‏/٢٠٠٩، ١١:٥٣ م

    قصه الى مش شاطر حسن
    وقصه الى مش شاطر نعمان
    وقصه الى مش شاطر سعفان
    للاسف كلها قصص وحواديت
    شكرا

  9. بنت البلد says:
    ٣٠‏/٣‏/٢٠٠٩، ٢:١٣ م

    ان شاء الله ربنا هيعوض بطل الحدوته دى باجمل حاجه فى الدنيا لانه يستاهل كل شيى جميل ومش ذنبه انه حب حد مش حاسس بيه .........لا الانسان بيتعلم من حياته بكل مافيها الكويس والوحش وفى يوم من الايام هيلاقى اللى يقدره بجد لان جواه كويس و بيحب الخير للناس .......... وادعو معايا للبطل انه يلاقى سندريلا .. بس اجمل سندريلا

  10. dalia says:
    ٢‏/٤‏/٢٠٠٩، ١٢:٥٨ م

    أهلا يا جوكر عودُ أحمد

    أسلوبك مضحك لغاية بس فيه احساس بالقهر والاكتئاب طيب ايه ذنب الطفل الصغير تعقده معاك:)

    تحياتي
    داليا

  11. وردشان smilyrose says:
    ٣‏/٤‏/٢٠٠٩، ٦:٣٩ م

    بتفكرنى بنفسى بس انا مش دورت

    فضلت قافلة حياتى لحد ما جه

    اللى لقى المفتاح وفتح الباب

    وياريته ما فتحه

    اهو مجننى ومغلبنى معاه


    ههههههههههههههههه


    اسلوب حلو وجميل


    تدريب للمستقبل



    smilyrose

    وردشان

    روح الحب الصادق

  12. زى الهوا says:
    ٥‏/٤‏/٢٠٠٩، ٩:٥٠ م

    انا بشفق على العيل الصغير اللى اتحكتله الحدوتة دى , لأ وكمان بينام , ولادك هيعانوا على فكرة دى حدوتة لحد كبير وعينه مبرقة لكن حرام الصغير اللى شيلته الهم دا

    بالنسبة بقى للقصة فاللى انا متأكدة منه انه مش هيعرف يعامل بشكل غير انها حبيبته وبالتالى مع الوقت هيه هتلاحظ انه مش بيعاملها زى اخوات فهتضايق وتسيبه وهوه مش هيطولها لا حبيبة ولا اخت ولا صديقة ., شفت كتير قصص من دى كانت دى نهايتها

  13. بحب الصراحة والوضوح أوي يا جدعان says:
    ٦‏/٤‏/٢٠٠٩، ١١:٥٨ م

    السلام عليكم و رحمة الله وبركاته

    هههههههههههههههههههههههههه ايه الحلاوه والشقاوة دي يا جدعان انا افتكر اخر حكاية سمعتها كانت البطة اللي سابت ولادها والديب يا عيني اكلهم

    هو في ايه الحواديت كمان عجزت في الدنيا

    بس والله قصة حلوة اوي اكتر حاجه عجبتني فيها انها واقعيه

    بس على فكرة مفيش حد بيدور على حب وبيلقاه لازم يحسه الاول من غير ما يعرف وبعدين هيلاقي نفسه فيه وهو موش عارف

    فخمت حاجه هههههههههه

    معلش بقى اتحمل ردي اصل لسه جديده

    وبجد حدوته حلوة

  14. عاشقه الرومانسيه says:
    ٧‏/٤‏/٢٠٠٩، ٢:١٩ ص

    دى حدوته تتحكى لفل برضه؟
    ياشيخ حرام عليك
    (:

  15. شبــ اون لاين ـــاب says:
    ٩‏/٤‏/٢٠٠٩، ٤:٢٩ م

    كيــــــــــــارا

    يا اهلا يا اهلا بست كيتى عندنا

    اه من الحب وقرفه

    تقدرى تقولى ان الجمله صح بنسبه 70%

    وربنا يستر علينا

    فى رعايه الله

    joker

  16. شبــ اون لاين ـــاب says:
    ٩‏/٤‏/٢٠٠٩، ٤:٤٥ م

    shemo

    وعليكم السلام

    احسدى احسدى محنا محسودين خلقه

    هههههههه فعلا وانا كنت قايل لناس

    وكنت مشوقهم على البوست

    وهو اه مش هيفهم بس بحضره للمستقبل

    وفعلا ممكن الحب ميدومش بس الصديق

    الوفى بيدوم

    اما بخصوص البوست اللى جاى ربنا يسهل

    ويستر كمان ههههههههه

    فى رعايه الله

    joker

  17. شبــ اون لاين ـــاب says:
    ٩‏/٤‏/٢٠٠٩، ٤:٥٢ م

    mero-moory

    وعليكم السلام ورحمة الله وبركاته

    انفراااااااااااااااد يا عالم التدوين

    ميرو رجعتلنا واخيرا هيبقى للتدوين طعم

    تانى ليكى وحشه كبيره اووووى انتى ومنه

    الحمد لله انها عجبتك

    وهو فعلا فى ناس كتير بتمر بده

    وانا معاكى فى ان الحب مش بالبحث

    انا كان قصدى على اكتر حد قريب منك

    وبيحبك من القريبين علشان ده هيكون

    فهمك كويس

    وانا هوصل السلام ان شاء الله

    وهحوشلك المصاصه لحد لم تجى اسكندريه

    فى رعايه الله

    joker

  18. شبــ اون لاين ـــاب says:
    ٩‏/٤‏/٢٠٠٩، ٤:٥٦ م

    Batoooot

    وعليكم السلام ورحمة الله وبركاته

    هو الولد صعبان عليكى

    ومش صعبان عليكى اللى ايده وجعته من

    من الكتابه ههههههههههه

    وبعدين بديله خبره من هو صغير

    والحمد لله انها عجبتك

    ولم انام واقابل البطل فى الحلم هبقى

    اوصله رسالتك ههههههههه

    فى رعايه الله

    joker

  19. شبــ اون لاين ـــاب says:
    ٩‏/٤‏/٢٠٠٩، ٥:٥٧ م

    ماء تشرين

    ههههههههه ايه كل ده براحه عليا شويه

    عاوز ادى للواد خبره من هو صغير

    والحمد لله انها خياليه

    وهى فعلا بتحصل كتير ده حال الدنيا

    ابقى طمنينا عليكى

    فى رعايه الله

    joker

  20. شبــ اون لاين ـــاب says:
    ٩‏/٤‏/٢٠٠٩، ٦:٠٠ م

    حـــــ الــجــنــة ـــــور

    وعليكم السلام ورحمة الله وبركاته

    انا الحمد لله تمام وبقيت الفريق كمان

    الحمد لله كويسين

    هههههههههه فعلا انا قريب من السرير

    علشان اول لم تخلص الحدوته اخخخخخخخ

    على طول

    والحمد لله انها عجبتك

    فى رعايه الله

    joker

  21. شبــ اون لاين ـــاب says:
    ٩‏/٤‏/٢٠٠٩، ٦:٠٩ م

    بنت البلد

    يا اهلا يا اهلا

    معلش ده حال الدنيا ولازم نشوف الحلو

    ونشوف الوحش

    ويا مسهل على سندريلا هههههههههه

    ويا رب تيجى قبل الساعه 12

    ى رعايه الله

    joker

  22. شبــ اون لاين ـــاب says:
    ٩‏/٤‏/٢٠٠٩، ٦:٢٢ م

    dalia

    يا اهلا بالناس الغاليه

    انا على اد مقدرت حولت اخلى البوست

    حفيف وفى حبه ضحك علشان ميكونش كئيب

    وحزين

    اما ذنب الطفل بقى انه قريبى هههههههه

    فى رعايه الله

    joker

  23. شبــ اون لاين ـــاب says:
    ٩‏/٤‏/٢٠٠٩، ٦:٢٩ م

    smilyrose

    معلش بقى يا قمر

    ده مكتوب علينا ان نلاقى اللى يغلبنه

    معاه ههههههههه

    والحمد لله انه عجبك

    فى رعايه الله

    joker

  24. شبــ اون لاين ـــاب says:
    ٩‏/٤‏/٢٠٠٩، ٦:٤٨ م

    زى الهوا

    والله دى كانت مجرد مقدمه علشان احكى

    الحكايه دى مش اكتر

    وربنا يطمنك على الكلام اللى قولتيه

    ده هههههههههه

    فى رعايه الله

    joker

  25. mahasen saber says:
    ١٠‏/٤‏/٢٠٠٩، ٢:١٤ ص

    اممممممممم اعلق وابعد عن اطفل
    حاضر انا بعدت عنه اهه



    البنت عاملت الصح لان مش شرط كل معرفه بين واحد وواحده تبقى حب ولاا ايه يا جوك

  26. شبــ اون لاين ـــاب says:
    ١٠‏/٤‏/٢٠٠٩، ٣:١٢ م

    بحب الصراحة والوضوح

    وعليكم السلام ورحمة الله وبركاته

    اهلا اهلا رحبو معايا بالناس الجديده

    فى التدوين

    الحمد لله ان القصه عجبتك

    وكلامك صح بس متنسيش ان البطل

    كانت تنقصه الخبره فى الدنيا

    وبعدين ايه اتحمل ردك دى

    يا بنتى عادى لازم تقولى رايك وبحريه

    ياله مستنينك تجلنا تانى

    فى رعايه الله

    joker

  27. شبــ اون لاين ـــاب says:
    ١٠‏/٤‏/٢٠٠٩، ٣:١٥ م

    عاشقه الرومانسيه

    خلاص يا ستى متزعليش ابقى تعالى انتى

    المره اللى جايه احكيله انتى وتريحنى

    انا ومامته شويه ههههههههه

    وبعدين انا بديله خبره وبعرفه

    الحقيقه من هو صغير علشان ميقولش

    ضحكو عليا وانا صغير بالحكايات دى

    فى رعايه الله

    joker

  28. شبــ اون لاين ـــاب says:
    ١٠‏/٤‏/٢٠٠٩، ٣:١٩ م

    mahasen saber

    الحمد لله انك مقربتيش من الطفل

    وهو كلامك صح

    بس انا شايف فى انحياز كبير للبنت

    او ممكن علشان فى تفاصيل كتير انا

    مفكرتش فيا ومضفتهاش

    معلش اصل سعتها الطفل نام فا خلصت

    الحدوته بسرعه هههههههههههههههه

    فى رعايه الله

    joker

  29. moory-mero says:
    ١٩‏/٤‏/٢٠٠٩، ٤:٢٥ م

    السلام عليكم و رحمة الله و بركاته

    ههههههههههههههههه انفلااد حته واحده ليه ده كله ميلثي يا قطتي ربنا يخليك
    وموث تنثى المثاثات والثوكولا تمان ماثي

    في رعاية الله