وسطة + محسوبية = رشوة

بسم الله الرحمن الرحيم


انا لازم اكلمكم النهاردة عن حاجة بقت زيادة اوى فى بلادنا

الرشوة ياجماعة بجد زادت اوى مفيش حاجة بتتحل من غير رشوة

ادفع مصلحتك هتمشى مش هتدفع استنى بقى كام سنة او متحصلش اصلا

.

انتوا عارفين كام قضية رشوة فى السنة 75 الف قضية فى سنة واحده عارفين كانت زمان كام لحد لما قامت الثورة تقريبا 20الف قضية فى السنة

.

شوفتوا الفرق طبعا فرق كبير عارفين اكتر محافظات فيها رشوة هى:الجيزة,القاهرة,اسكندرية

دى المحافظات اللى اكبر عدد سكان موجودين

.

لما تيجى تقول لحد ليه بتقبل الرشوة يقولك انا مرتبى 300جنية وعندى 4 اولاد دروس بقى ومصاريف ولبس واييييية يشيلك الهم الخوف

.

بقى من حاجة بكرة تتطلع فتوة تقولك ان موظف الحكومة لو اخد رشوة مش حرام مراعاة لظروفة دلوقتى دورج الموظف مفتووووووووح طول اليوم ياخد هو اكيد عارف ان الفلوس دى حرام

.

نيجى بقى للناس الكبيرة انا كنت بتكلم عن اللى بياخد رشوة 1000جنية حاجات كدة صغيرة

.

هقولكم بقى على حاجة انا سمعتها بودانى دلوقتى عايز تشتغل اى حاجة فيها بترول يعنى مثلا شركة بترول او اى حاجة زى كده لازم تدفع 30,40 الف جنية علشان تشتغل ولما تقوله ليه يقولك والله دول مش كلهم ليا انا لا فيه الاكبر منى بياخد علشان يشغلك

.

يعنى دلوقتى بقت عصابة وبيقسموا الفلوس انا مش متخيلة بلد ممكن تتطور بالفلوس الحرام

.

نيجى بقى للهم الاكبر رشوة المبانى طبعا مقاول بنى عمارة 14 دور وهو اخرة يبنى 8 راح الحى ظبط المهندس طبعا فاهمين قصدى ومبقاش فى مخالفه استنى شهر تقع العمارة باللى فيها انا طبعا مش بقول ان كل الناس بتقبل على نفسها كدة فى ناس طبعا كويسة هى الناس ضميرها مات خلاص ناسى ان الفلوس دى حراام بينام على المخدة وهو راضى مأظنش انه بيكون مرتاح والله الفلوس الحرام عمرها ماتدوم

.

ربنا يهدى ونشوف بلدنا من غير رشوة وكل حاجة بتمشى فيها بما يرضى الله
.


.

.

.......... باربـــــــى
  • Digg
  • Del.icio.us
  • StumbleUpon
  • Reddit
  • Twitter
  • RSS

13 Response to "وسطة + محسوبية = رشوة"

  1. ماء تشرين says:
    ٩‏/٤‏/٢٠٠٩ ٥:٤٣ م

    عارفه ياباربي هما مش فاهمين انو 300 جنيه دول ربنا بيبارك فيهم لو جايين بالحلال وانو المليون الهتخدها رشوة هيصرفها ابن عاق او مرض ربنا يرحمنا بجد الماده عمت قلوب الناس وعشان كده مصر تسير الى الهاويه ده اذا مكنتش وقعت بجد فيها ياعنى مش عارفه الناس دى بتقبل تحط في بقها او بق عيلها حرام ازاى
    ربنا يرحمنا بجد


    بوست جميل وموضوع جامد

  2. ماء تشرين says:
    ٩‏/٤‏/٢٠٠٩ ٥:٤٣ م

    اى ده انا اول تعليق
    عايز جايزة

  3. mohamed ghalia says:
    ٩‏/٤‏/٢٠٠٩ ٦:١٤ م

    ربنا يهدى ونشوف بلدنا من غير رشوة وكل حاجة بتمشى فيها بما يرضى الله
    إن شاء الله قريب

  4. زى الهوا says:
    ٩‏/٤‏/٢٠٠٩ ٨:١٨ م

    كل حاجة برشوة

    الرخصة برشوة

    الشغل ف المطار برشوة

    الشغل فى اى حاجة عسكرية لو مافيش واسطة يبقى رشوة


    ربنا يهدى بجدددددددددددد

  5. كيــــــــــــارا says:
    ٩‏/٤‏/٢٠٠٩ ٩:٠١ م

    للاسف دا حال لبلد

    انتي عارفه ان انا في شغلي اتعرض عليا رشوه

    مال الناس كناس

    مش فاكره كانت بتتقال ايه

    المهم وحشاني اممممممممممموه

  6. باربى Says:
    ١٠‏/٤‏/٢٠٠٩ ١٢:٠٢ ص

    ماء تشرين
    وحشتينا جداااااااااااااااااا صدقينى لو كل واحد فهم اللى انتى بتقولى عليه كانت بلدنا بقت احسن بلد بس الناس بعدت عن دينها شوية مع الضغوط بردو مش بنبرر ان الضغوط تؤدى الى رشوة لا ولو ازاى بيقبل بيقولك لو انا مقبلتش عيالى هتموت من الجوع وجايزتك ياستى موجودة فى الحفظ والصوووووووووون

  7. باربى Says:
    ١٠‏/٤‏/٢٠٠٩ ١٢:٠٤ ص

    mohamed ghalia
    محمد شرفتنا بتعليقك دة وربنا يهدى ونشوف بلدنا احسن بلد من غير رشوة

  8. باربى Says:
    ١٠‏/٤‏/٢٠٠٩ ١٢:٠٥ ص

    زى الهوا
    ياحبيبتى كللللل حاجة فى بلدك برشوة دة انتى لو هتخلصى حاجة صغيرة مش متحتاجة بردو رشوة انتى حاليا لما تيجى تعملى حاجة لازم تعملى حسابك بردو على الرشوة ربنا يهدىىىىىىى الجميع

  9. باربى Says:
    ١٠‏/٤‏/٢٠٠٩ ١٢:٠٦ ص

    كيارا
    انا عارفة ان فى زيك مش بيقبلوا بس حاليا دة بقى قليل جدااااااااا وحلوة منك مال الناس كناس انتى كمان وحشانى جدااااااااا نلتقى قريبا

  10. mahasen saber says:
    ١٠‏/٤‏/٢٠٠٩ ٢:١٠ ص

    انتا بتتكلم فى اساسيات ومنهج الناس بقت عايشه بيه


    ولو مشيت عكس السير ابتسم فمصالحك لن تقضى
    بس الواحد بيحاول يمشى عكس السير على قد ما يقدر

  11. ماء تشرين says:
    ١٠‏/٤‏/٢٠٠٩ ١٢:٣٣ م

    الحفظ والصون !!!!
    اول مره اسمع اسم البنك ده

  12. ايمان مجدى says:
    ١١‏/٤‏/٢٠٠٩ ٨:٠٤ م

    ياه بجد فعلا الرشوة فى البلد كتير جدا والرشوة مش بس بالفلوس الرشوة كمان بقت بالخدمات يعنى اخدمنى اخدمك
    ودى بقت عينى عينك ولو واصل يبقى خدماتك علطول تتنفذ
    ربنا يرحمنا من الرشوة ويارب البلد تبقى احسن

  13. غير معرف Says:
    ١٠‏/٥‏/٢٠٠٩ ١٢:٤٩ م

    بوست جميل اوي يا باربي
    تسلم ايديكي عليه

    وطبعا انا بعد ما قريت تعليق ماء تشرين مش هعرف اقول بعده حاجه :)