تاج ياااااااااااااااااااااااا ناس



التاج الجميل ده وصلنى انا واحد مخه لاسع شويه من هاجر زعبل من شهر واحد اللى فات
هى اكيد حتقدر الظروف اللى خلته يتأخر كل ده
.
.
1- لو كان ينفع تختار عصر تعيش فيه هيبقي انهي؟ ومين الحاكم؟
.
- كنت عايز اعيش عصر بدايه الاسلام علشان اكون من اول المسلمين اللى دخلوه الحكم ده
الحاكم طبعا يكون الرسول صلى الله عليه و سلم
.
.
2- أول أولويه في حياتك؟
.
- اكيد عندى كتير بس متهيألى مينفعش اقوله هنا و دلوقتى ... عذرأ
.
.
3- أكتر حاجه بتحبها في رمضان؟
.
- احلى حاجه فى رمضان يا سلام رمضان كله بيبقى فيه روح كده جميله من اول ما بتصحى لحد ما بتفطر و و تتصلى التراويح و تتسحر و تنام
.
الشهر كله بيبقى له احساس تانى غير كل الشهور التانيه
.
.
4- أوصف أجمل فطار ممكن تفطره؟
.
- لو فطار يكون على الكورنيش بتاع البحر عندنا و يكون فيه كل اصحابى والناس اللى مقبلتهاش من فتره
و ممكن اى حد يقعد عادى ياكل يعنى الدعوه مفتوحه ... بس مين اللى حيعمل الاكل ده كله؟؟؟
.
.
5- لو انت حاكم هتكون عادل؟ وهتعرف ازاي؟
.
- سؤال غريب شويه لان مصر مفيهاش غير حاكم واحد
بس لو انا حاكم و عادل اكيد الناس حتبقى مبسوطه و مش بتعمل اعتصامات كل شويه
و الحياه لذيذه هى دى الطريقه اللى حعرف بيها ... ياما حتصل بــ 0900 علشان اعرف
.
.
6- مين أكتر اعلامي بتحبه؟
.
- يا فله شمعه منوره ... عمرو اديب
- و اجمل اعلاميه فى مصر ... منى الشاذلى
.
بس خلاص
.
.
7- لو ممكن شغلانه تانيه تختار ايه؟
.
- انا كنت بحلم انى اكون قرصان ... حاجه جميله بصراحه تروح كده بفلوكه و معاك سلاح على اى حدود و تهجم على سفينه كبيره
و تستعبط الحكومه و يدولك فلوس كتير و تفك و شوف مين حيجيبك فى عرض البحر
.
انا اختار قرصان ... حتى اسمها يخض كده
.
.
8- تاني بلد تحب تعيش فيه بعد مصر؟
.
- تانى بلد تانى بلد اعيش فيه صعب متهيالى انى اعيش بره مصر
بس ممكن اسافر اليابان اقعد فتره كده هناك و ارجع ع طول
.
ياله ادونى التأشيره و تذاكر السفر
.
.
9- اوصف ترتيبات أجمل فرح ممكن تحضره؟
.
- كنت بفكر كده لو يبقى داخل فيه نظام اللعب بالنور يعنى مثلا يجى وقت العريس و العروسه يدخلوه يقوموا يطفوا النور يخلوها عاتمه
و بعد شويه ينورا النور الناس تلاقى العريس و العروسه قدامهم .... ياااااااااااااع
.
انا قررت لما اتجوز انا حقعد ف البيت و العروسه تروح الفرح عادى و تبقى تحصلنى ع البيت ... بلا هــم
.
.
10- بتراعي كلام الناس والقيل والقال؟ وليه؟
.
- متشغلش بالك سيب اللى يقول يقول
انا حقعد اسمع بقى ده قال ايه و ده قال ايه
.
كل واحد يقول اللى هو عايزه و انا حعمل اللى انا عايزه
.
.
11- صحيت من النوم لا موبايل ولا كمبيوتر ولا كاميرا ديجيتال ورجعنا لعصر الاحصنه والحمام الزاجل؟
.
- نعم ياختى ... انتى اكيد بتهزرى بس لو ده حصل
حيبقى مممممممممممممممملل ايه للصبح
.
بس ممكن اروح اشترى حصانين ملاكى و حمامه زاجله و سيف اكيد مش حيعتبره سلاح ابيض و يتقبض عليا
.
.
12- السعاده هي ... ؟
.
- رضاه الله عنك
- امتلاك ما تريد
- وجود الحب
.
.
13- عندك أمل؟ وأسبابك؟
.
- طبعا لازم يكون فيه امل لان لو مات الامل اسودت الحياه امام صاحبها
.
الاسباب
.
علشان ربنا موجود
و انى بحب الحياه و مقتنع ان دائما فى جديد و فى طريقه للوصول للى انا عايزه
.
.
14- لما تحب تهرب من كل حاجه بتروح فين؟
.
- اكيد انتوا عرفين ... البحر موجود عندنا وانتوا لآ
.
اروح كده انزل ع البحر واقعد كده و اتفرج عليه و اشوف الافق و اتخيل انى واصل لاخرها
كده يعنى و ساعات مع صحابى نهزر و نهييس ولا اكنى فى حاجه ف الدنيا
.
.
15- امتي أخر مره أخدت فيها نفس وقلت ياااااه أنا كبرت؟
.
- ببساطه كل ما تظهر مشكله او حاجه مطلوب منى انى اعملها مكنتش بعملها انا و صغير
بس دى الدنيا لابد ان تستمر فى زياده العمر
.
.
16- بتشرب سجاير ولا لا؟ وايه رأيك في الستات والرجاله اللي بيشربوا؟
.
- انا مش بدخن و بشيل حديد من اول يناير
- طبعا اللى بيشرب السجاير دى اكيد دماغهم فيها حاجه يعنى ايه فكره انى بدخل جوايا دخان و اطلعه ... ايه الفكره فى كده
بس اكيد فى كتير نفسهم يتخلصوه منها و مش عارفين
.
.
17- بتعرف ايدك الشمال ازاي؟
.
- لا ايدى الشمال هى اللى تعرفنى انا مش بعرف حد
.
.
18- أكتر آله موسيقيه بتحبها؟
.
- الجيتار الاسبانى
- الكمان
- الفلوت بانواعه
.
.
19- ليه الزوق والنخوه اتعدموا؟
.
- الفقر و الحرمان احد الاسباب بس مش عند كل الناس
كل واحد بقى بيقول ياله نفسى ... و اللى بيلحق يعمل حاجه قبل غيره بيعملها
.
بس لاااااااااااااااااااااااااااااااا انا زوق زوق زوق الصراحه
.
.
20- ايه الحاجات اللي لو حصلت هتبقي سعيد؟
.
- انى اصحى كده من النوم الاقى الدنيا وقفت و الناس مش بتتحرك
انزل انا بقى اخد العربيات اللى عايزها و الفلوس اللى عايزها و الشقه اللى عايزها
و اخدهم و ارجع البيت انام تانى لانى اكيد حبقى صاحى من الصبح و تعبان من اللف طول اليوم
.
.
21- تحب أرض زراعيه ولا اجمد عربيات ولا كام عماره ولا فلوس في البنك؟
.
- فلوس فى البنك اكيد ليه بقى يا زكى انت
حاخد الفلوس اشترى ارض زراعيه و عربيه اللى عايزها والكام عماره اللى انتى بتقولى عليهم دول
.
.
22- تحب البحر ولا النيل؟
.
- البحر لانه ملوش حدود
.
اما النيل له حدين زى الموس و الاسبوع فيه حد واحد بس
.
.
23- مركب ولا طياره؟
.
- طياره تحسى بمتعه الطياران و تتفرجى ع السحاب و لو عصفوره طايره جنبك ولا حاجه تسليها ف السكه
و بعدين دى لو وقعت ولا حاجه حتلحقى تجرى و تنطى منها
.
لكن المركب يعنى بوء بوء بوء بوء ع طول مفيهاش كلام
.
.
24- شخص مجنون ولا عاقل؟
.
- شخص عاقل طبعا متهيالى هى مش ناقصه جنان
.
.
25- تقرا كتاب ولا تتفرج علي فيلم؟
.
- لا بصراحه انا مليش خلق للكتب و كده
.
فيلم كده حلو اتفرج عليه بس ياريت يكون فيلم اجنبى مش بتوع الاكشن ده
لان الافلام العربى معظمها زى الكتب بالظبط تقيله و رخمه
..
اهداء التاج


صاحبه مدونه The Girl in Wind
.

صاحبه مدونه بنوته لاسعه
.
و لاصحاب اول خمس تعليقات
يعنى اول خمس تعليقات حياخد التاج يا معلم
-------------------------
كان معكم من امام الكيبورد
واحد مخه لاسع شويه
شبــــ اون لاين ـــاب
الاسكندريه
--------------------------
  • Digg
  • Del.icio.us
  • StumbleUpon
  • Reddit
  • Twitter
  • RSS

39 Response to "تاج ياااااااااااااااااااااااا ناس"

  1. كيــــــــــــارا says:
    17‏/4‏/2009 4:27 ص

    اووووووووول تعليق


    مع اني مقموصه بس ماسي

    هقرا وارجع

  2. ماء تشرين says:
    17‏/4‏/2009 4:00 م

    لا انا مش بعلق انا بس بقولكم قريت البوست واحشنا يامخ لاسع والله وايه الجمال ده بس

  3. shemo says:
    17‏/4‏/2009 5:12 م

    السلام عليكم ملحقتش عندكم برده اول تعليق بس يلا نعلق وامرنا لله هههههههه......انا لسه مقراتش التاج كله نصه بس يعنى ........بس والله يا لاسع ليك وحشة بس اعمل ايه باه شكلك انت الى مش عاوز تسئل مكنش عيش وايميل ياراجل ابقى اسئل ......بس طبعا بدال انت الى منزل البوست والبوست فى شباب اون لاين يبقى اقبل ما اكمل اكيد جامد .......سلامى لبقيت التيم وعوزين نشوفك .......دومت بخير فى رعاية الله.

  4. smilyrose says:
    17‏/4‏/2009 5:37 م

    السلام عليكم

    اخبارك اخى الصغير

    اجابات جميلة جدا

    اتيت لاننى توحشت كلماتكم

    فجئت ابحث عنكم

    اختكم

    وردشان

    smilyrose

    روح الحب الصادق

  5. شبــ اون لاين ـــاب says:
    18‏/4‏/2009 3:01 م

    كيارا

    و ليه مقموصه و حد منا زعلك ولا ايه

    قول و انا اضربه



    -----------------
    واحد مخه لاسع شويه

  6. شبــ اون لاين ـــاب says:
    18‏/4‏/2009 3:02 م

    ماء تشرين


    متشوفيش وحش و انتى كمان وحشانى

    اى خدمه ده بس من زوق


    --------------------
    واحد مخه لاسع شويه

  7. شبــ اون لاين ـــاب says:
    18‏/4‏/2009 3:03 م

    شيمو


    انتى كمان وحشانى يا شيمو

    لاو الله انا عايز اسال بس محدش بقى عارف يجيبك


    سلامك حيوصل لباقى التيم

    مع انك دايما فى قلب
    شبــ اون لاين ــاب



    ---------------------
    واحد مخه لاسع شويه

  8. شبــ اون لاين ـــاب says:
    18‏/4‏/2009 3:05 م

    smilyrose


    اخى الكبيره انا بخير والحمد لله


    حتى
    لو
    لم تأتى
    فأنتى
    دائما
    معنا


    ------------------------
    واحد مخه لاسع شويه

  9. طلاب من أجل مصر says:
    19‏/4‏/2009 2:06 م

    بجد مدونتكم حلوه أوى


    دى اول مره ادخلها وان شاء الله مش الاخيرة


    تحياتى

  10. mero-moory says:
    19‏/4‏/2009 4:22 م

    السلام عليكم و رحمة الله و بركاته
    يا كاااااااااامد يا كاااااامد ايه يااحمد الاجابات العثل دي بجد روعه موت
    وتوقعتها اثلا ها نقدل نقول دوقتي الثلح خيل ولا لثه اهيء اهيء

    خلاوييييث بقى وثالحني بمثاثات وثوكولاتات تتيله خاااااالث

    منكن نقثم الفلوث بالنث يااحمد هههههههههههه او خدني ميدله احمالك هههههههه

    في رعاية الله يا قمر

  11. شبــ اون لاين ـــاب says:
    19‏/4‏/2009 6:11 م

    طلاب من مصر


    شكرا ليكم على زيارتكم الجميله دى

    ومنظرينكم تانى



    --------------------------
    واحد مخه لاسع شويه

  12. شبــ اون لاين ـــاب says:
    19‏/4‏/2009 6:12 م

    ميررررررررررررررو


    ايه التاج عجبك طيب كويس

    لا خلاص انا مش زعلان منك بس شايل حبه كده علشان اعاتبك بيهم



    خلينا نشوفك

    -----------------------
    واحد مخه لاسع شويه

  13. My Hope$ says:
    19‏/4‏/2009 8:19 م

    واحد مخة لاسع

    بجد عجبتني اجاباتك طبعا البحر جواب اكيد

    الطيارة بردة فكرة هايلة المركب بؤ بؤ لكن الطيارة بؤؤؤؤؤؤؤؤؤؤؤ مرة واحدة

    اما بالنسبة للناس اللي هتقف دي
    انت مش هتروح تنام انت هتصحي من النوم ان شاء الله
    هههههههههه


    يلا سلام

  14. يــاء says:
    20‏/4‏/2009 2:53 ص

    هيس براحتك يا صاحب المخ اللاسع شويه


    بقا برده انت عاقل دا انتا ابو الجنون


    وتصدق اول مره اعرف ان الاسبوع فيه حد واحد

    ههه هههههه ههههههه ههه هههههه

  15. mero-moory says:
    20‏/4‏/2009 4:41 ص

    السلام عليكم ورحمة الله وبركاته

    الواحد قلقان من العتاب والله غصب عني وانت عارف غني موش بكدب وصريحه

    موث تزحل بقى عثان خاطلي
    واكيد التاج عجبني

    والمفروض انك عالف لأيي تويث يااحمد ولا ايه

    بس الثؤال التاني نفثي تقول اجابته (وث بيغمز غمز كامده خالث ههههههههه)

    في رعاية الله

  16. shemo says:
    20‏/4‏/2009 9:24 ص

    السلام عليكم........
    والله انت الى وشحنى يا لاسع بجد عوزة اكلك اسئل الجوكر عليا هو حيعرف يجيبنى انا بكلمه على طوال بس انت مش بتفتح
    مش بشوفك على الميل قولى حفتفتح امته وانا حبقى موجوده على طول.........يلا سلاااااااااااااموز....... فى رعاية الله.

  17. كيــــــــــــارا says:
    20‏/4‏/2009 1:14 م

    الاجابات جميله مووووووووووووووووووت

    انا متنازله عن اول تعليق ياجدعان

    مش انا اللي كاتبه اول تعليق علي فكرا

  18. كيــــــــــــارا says:
    20‏/4‏/2009 1:14 م

    ومقمووووووووص ه ليه

    جوكر عارف :)

  19. ”*°•.˜”*°•..سونه..•°*”˜.•°*”˜ says:
    20‏/4‏/2009 6:36 م

    السلام عليكم .
    كان نفسى اجى بدرى شويه عشان اكون من الخمسه بس حصل خير تتعوض
    بجد اجابات زكيه جداااااااا
    عارف لو ده امتحان كنت اكيد هتاخد امتياز وممكن تدخل طب كمان هههههههه
    بجد اجبات نموزجيه.

    تحياتى وتقبل مرورى ((**سونه**)) .

  20. شبــ اون لاين ـــاب says:
    21‏/4‏/2009 4:42 م

    My Hope

    على رايك بؤ بؤ بؤ اصعب

    لكن الطياره بؤؤؤؤؤؤؤؤؤؤؤ على طول مت حتحسى بحاجه
    هههههههههههههههههههههههه


    بس لا الناس تقول علينا مجانين


    عندك حق شكلى حيبقى صحيان من النوم

    ------------------
    واحد مخه لاسع شويه

  21. شبــ اون لاين ـــاب says:
    21‏/4‏/2009 4:44 م

    يـــاء


    ابن خالتى الغاااااااااالى


    انا مجنون برده طيب لما اشوفك بس شكلك تقلان علينا و مش عايز تشوفنا


    --------------------
    واحد مخه لاسع شويه

  22. شبــ اون لاين ـــاب says:
    21‏/4‏/2009 4:46 م

    mero-moory


    لا متقلقيش من العتاب ولا حاجه


    انا عارف رايك كويس جدا

    و بالنسبه للسؤال التانى لا مش حجاوب عليه

    دلوقتى ع الاقل

    -----------------
    واحد مخه لاسع شويه

  23. شبــ اون لاين ـــاب says:
    21‏/4‏/2009 4:47 م

    shemo


    ان شاء الله يحصل النصيب ده و نقدر نشوفك

    و مبروك على اللى فى بوستك الجديد


    ----------------------
    واحد مخه لاسع شويه

  24. شبــ اون لاين ـــاب says:
    21‏/4‏/2009 4:49 م

    كيارا


    طبعا هروب جميل من التاج

    لكن ماشى

    و انا مش عارف انتى مقموصه ليه

    ---------------------
    واحد مخه لاسع شويه

  25. شبــ اون لاين ـــاب says:
    21‏/4‏/2009 4:50 م

    ”*°•.˜”*°•..سونه..•°*”˜.•°*”˜

    اهلا بيكى

    و اعتبرى نفسك من الخمسه الاوائل

    و كويس انى اخدت منك امتياز

    -----------------
    واحد مخه لاسع شويه

  26. معتز شاهين - باحث تربوي says:
    24‏/4‏/2009 5:40 م

    مدونة رائعة واجابات على التاج هادئة ومقنعة

    تحياتي وتقبل مروري
    وادعوك لزيارة مدونتي

    ويبقى التواصل

  27. بنت مصر says:
    26‏/4‏/2009 12:04 م

    مدونة ظريفة جدا

    وردودك على التاج جميلة

    تقبل مروري

  28. شبــ اون لاين ـــاب says:
    26‏/4‏/2009 2:12 م

    معتز شاهين - باحث تربوي

    شكرا على تعبيراتك تجاهى

    و اتمنى زيارتك الدائمه لى و فريق شبــ اون لاين ــاب


    ----------------------
    واحد مخه لاسع شويه

  29. شبــ اون لاين ـــاب says:
    26‏/4‏/2009 2:13 م

    بنت مصر

    زياره مشرفه لينا

    و تزيدنا شرف

    اتمنى تكرارها

    --------------------
    واحد مخه لاسع شويه

  30. محبة الرحمن says:
    27‏/4‏/2009 7:30 م

    ما شاء الله

    اجابات جميله

    مدونه رائعه

  31. سمو الأميرة سارة says:
    28‏/4‏/2009 11:45 ص

    انا جيييييييييييييييييييييييييت عجبني اوي سؤال الايد الشمال هههههههههههههههه اسفة اني اتاخرت كل دا سااااااااااااامحنى يا زميلى ف اللسعان :)

  32. سمو الأميرة سارة says:
    28‏/4‏/2009 11:46 ص

    هجاوب التاج حالا وميييييييييييييييرسي انك اخترتني ربنا يكرمك يارب

  33. سمو الأميرة سارة says:
    28‏/4‏/2009 12:12 م

    انا حلييييييييييته يا لاسع

    http://teabemilk.blogspot.com/2009/04/blog-post_28.html

    استفضل

  34. شبــ اون لاين ـــاب says:
    28‏/4‏/2009 2:49 م

    سمو الاميره ساره

    هههههههه

    ايه كل ده

    لاسع على لاسعه يعملوا مشكله

    لازم اختارك يا لاسعه اكيد علشان نعرفك كلنا


    انا جااااااااى اقراه حالا



    --------------------
    واحد مخه لاسع شويه

  35. زى الهوا says:
    28‏/4‏/2009 6:09 م

    ايه التاج القديم اوى دا


    بس اجاباتك عسولة وحمد لله على سلامتك

  36. Sweet Violet says:
    28‏/4‏/2009 7:14 م

    حلو الاجابات على فكرة

    بس ايه كمية الشر اللى عندك دى (:

    لالا و عجبنى قوووى اللى هتعمله يوم فرحك ههههههه طب تخيل هتبقى حاجه جديدة كده و مختلفة

    لازم تعملها انا بقول اهو و مش مهم العواقب بقى انت قدها و قدود ((:

  37. My Hope$ says:
    29‏/4‏/2009 12:27 ص

    جوكر فين المفجعة
    ؟؟

  38. hager za3bal says:
    10‏/5‏/2009 12:46 م
    أزال المؤلف هذا التعليق.
  39. 文章 says:
    23‏/7‏/2015 8:32 ص

    餐飲設備 製冰機 洗碗機 咖啡機 冷凍冷藏冰箱 蒸烤箱 關島婚禮 巴里島機票 彈簧床 床墊 獨立筒床墊 乳膠床墊 床墊工廠 產後護理之家 月子中心 坐月子中心 坐月子 月子餐 銀行貸款 信用貸款 個人信貸 房屋貸款 房屋轉增貸 房貸二胎 房屋二胎 銀行二胎 土地貸款 農地貸款 情趣用品 情趣用品 腳臭 水晶 長灘島 長灘島旅遊 長灘島景點 長灘島必買 婚禮顧問 婚禮顧問 花蓮民宿 花蓮民宿