معنى الخوف لديهم

.
ده بوست غريب وعلى ما اظن محدش عمل واحد زيه قبل كده
علشان كده انا لم فكرت فيه فكرت انى اتشرف وادعوا
اكتر ناس بحبهم وقريبين منى من التدوين
وانا بعتذر ان فى ناس كتير بحبها مقدرتش ادعوها المره دى
بس فى مرات كتير جايه حضروا نفسكو انتو بس واقولكم فى رعايه الله
واسيبكم للاجابات
سؤال المره ده هو ....معنى كلمة خوف عندك

.
.

و اول حد معانا فكرت انى اكلمه هى محاسن صاحبه مدونه انا عايزه اتطلق و هى قالت
.
معنى كلمة خوف عندى انا بخاف من الوحده ولما ابنى يكبر
بخاف وجع القلب لما بحس انى نفسى احب واتحب
وبخاف كل لحظه ان اى واحده ست تتعامل وحش او تتهان
وبخـــاف ابنى لما يكبر يعـــامل مراته وحش او يفترى عليها
وبخاف على كل حد راجل او ست انه يتوجع او يبهدل
.

السلام عليكم ورحمة الله وبركاته معنى كلمة خوف عندي :-
انا الحمد لله موش بخاف من اي حاجه ولا اي حد الا ربنا عز وجل لكن خوفي كله بيتمحور في 3 حاجات
ألا وهي إني أكون مقصرة في حقوق ربنا والفروض فأخاف يزعل مني وربنا يرضى عني دايما ويبعد غضبه عني
والمحور الثاني أخاف يجي يوم وأفارق ناس بحبهم في بينا عشرة وحب سواء بالموت أو الهجرة وده بخاف منه بخاف الدنيا تبعدنا وتفرقنا
والمحور الثالث أحيانا بخاف من طموحي لأني دايما ببص لأبعد إمكانياتي موش غرورة بس ثقة في نفسي إن ربنا خلقلي مميزة بعقل دونا عن سائر الكائنات اللي هي الحيوانات يحني هههههه أم هند هههههههههههه
يعني بحب أسبق بطموحي اكتر من اماكنياتي الموجوده أدامي وده بيعكس جزء من شخصيتي إني بحب أبص لبعيد دايما عشان اتخيل النتيجة وأعرف لو تخطيت العواقب هتكون إيه بس ده كله بيكون بيني وبين ربنا يعني
موش بعرف أحكي طموحي لصديقة أو اهلي او اي حد بحس إن ده شيء برايفت بيني وبين ربنا وبخلي التمني بالمساعده منه وحده وهو عارف نيتي وزي ما بيقول اسعى يا عبد وانا اسعى معاك وانا بحاول ارضيه بأي شكلده الخوف عندي بس يمكن خوفي من طموحي
ده سببه لأني بعمل حساب للفشل وبخاف منه وموش بحب أقع كتير صحيح لازم نقع عشان نتعلم لكن حتى الوقوع بخاف منه فبحاول أتقن التركيز نوعا ما أو أتعلم من تجارب الآخرين عشان موش أقع في نفس فشلهم وربنا معايا إن شاء الله
.
تالت حد معانا هى كيارا صاحبه مدونه عالـــم مـــولان وهى قالت لنا
.
.
الخوف ...الخوف احساس فطري في اي انسان مهما كانت قوته وصلابته الا انه اكيد بيخاف
انا هتكلم عن الخوف جوايا انا
وانا صغننه مش كنت بخاف لان كان جدى موجود وكان حائط الامان بالنسبة ليا وعشان كدا لما اتوفي
حسيت اني وحيدة وبقيت معزولة عن الناس ودايما في اوضتي ومنكمشة وبترعب وبخاف من اي حاجه من الضلمه
من الناس من الغلط من اي حاجه والخوف فعلا حطني في مواقف كتير صعبه
المهم فضلت ماما تنيمني في حضنها لحد من سنتين كدا بقيت انام لوحدى لكن كانت دايما انام في حضنها ولما انام تروح اوضتها
وكان لازم الشقة كلها تكون منوره وطبعا في مواقف طريفه حصلتلي بسبب خوفي دا
وافتكر ان حد بعتلي لينك رومانسي خالث وفجاه طلع شكل بشع وصوت عالي بيصوت انا بجد اغمي عليا ساعتها
وكام يوم يوم يعني مش اي كلام
انا فعلا بتخض من اقل حاجه لو علي الميل وحد عمل تنبيه انا ممكن من الخضة اوقع كل اللي ادامي وعشان كدا لاغية صوت التنبيه انا بترعب من اقل حاجه
بجد الخوف شي اساسي في حياتي لكن بحاول ان مش في حد يحسه ودايما وانا ماشيه وخايفه اقرا قران
.
.
.
.
.
بسم الله الرحمن الرحيم
.
بخاف
كلما شعرت ان الساعة اقتربت
وانا في نفس المكان

.
بخاف
كلما تذكرت الحساب
وان الله رقيب علينا

.
بخاف
عندما اجلس في مكان مظلم
بقلب خالي
من الحب

.
بخاف
عندما اجد رب اسرة يموت
او يهاجر

.
بخاف
من المستقبل وعلم الغيب
وبعد الحبيب
.
بخاف
علي كل شئ غالي وبحبة
وحين اشعر بغياب الامان
.
واخيرا
عندما اشعر بفرحة غامرة
وتستمر لفترة

مني
my hope$


.
.
الخوف حاجه صعبه اوى و الخوف درجات انا شايفه انه كده
انا
خايف من بكره لما ييجى و الاقى نفسى عاجز عن التصرف فى امورى
خايف لما افقد حد عزيز عليا لسبب او لاخر
خايف انا خايف من الخوف نفسه حاجه بشعه لما قلبك يدق جامد و تترعش و انت مش عارف مصيرك ايه كمان خمس دقايق
بمعنى تانى الخوف من المستقبل
الخوف دايما بيقابلنا كل يوم بيستقبلنا اول ما نصحى فينا اللى بيقدر يتغلب عليه و فينا اللى بينصاع لآؤمره و بيفضل تحت رحمته
العلاج الوحيد للكائن ده هو القرأن اسهل طريقه لقتل الخوف

و معانا كمان صديقتنا هاجر زعبل صاحبه مدونه msha3r sna3t kalemat قالت هاجر ان
.
.
الخوف ..
احساس صعب اوي لما تحس ان في حاجه واخداك منك،
لما تحس انك مضطرب، قلقان ومش عارف تفكر..
لما تحس ان في عائق كبير بينك وبين النجاح ويندمج الاحساس ده مع الهرووووب..
احساس دايما بيجيبنا لورا.. ساعات بيضيعنا ويدمرنا.. بس ساعات الخوف ده بيكون ايجابي فـ البني آدم من خوفه ان يحصل كذا بيتحدي نفسه عشان ميحصلش.. بس ده مش عند كل الناس..
الخوف دايما بيجيلنا من انعدام ثقتنا في نفسنا، وساعات في اللي حوالينا.. وعدم ايماننا بقدرة ربنا، او يمكن لما الاحساس دا بيجي للبني آدم بيكون البني آدم ده في لحظه ضياع.. شارد دماغه واقفه عن
التفكير ومش عارف يعمل حاجه غير انه يشك في كل حاجه حواليه..
خايف يفوق يلاقي الحقيقه الجميله دي حلم.. خايف يكون موهوم وكل حاجه ملموسه في حياته تطلع سراااب..
لو الخوف ايجابي، هيدينا دفعه لقدام.. هيخلينا نتحدي نفسنا.. ياريت كلنا نخاف
بس لو زاد عن حده هنبقي بنضيع روحنا باءيدنا وبنودعها كمان..
والمفتاح هو الثقه بالنفس
.
.
.
ده كان راى مجموعه انا بعتز بيها من المدونين و ليا اجزاء تانيه ان شاء الله مع مجموعه اخرى اعتز بهم
.
ادار الحوار مع هذه المجموعه الرائعه
الجـــــــــــوكــــــر.
  • Digg
  • Del.icio.us
  • StumbleUpon
  • Reddit
  • Twitter
  • RSS

12 Response to "معنى الخوف لديهم"

  1. شبــ اون لاين ـــاب says:
    ١٣‏/٥‏/٢٠٠٩، ٥:٠٥ م

    السلام عليكم ورحمة الله وبركاته

    اول تعليق محجوووووووووز

    لميرو

  2. Kiara says:
    ١٣‏/٥‏/٢٠٠٩، ٥:١٠ م

    اوووووووووول تعليق

    محجوز

    لميرووووووو

  3. شبــ اون لاين ـــاب says:
    ١٣‏/٥‏/٢٠٠٩، ٥:١٥ م

    يبقى تالت تعليق



    محجوز لميروووووووووووو


    --------------
    واحد مخه لاسع شويه

  4. Kiara says:
    ١٣‏/٥‏/٢٠٠٩، ٥:١٦ م

    والرابع هه بس

  5. شبــ اون لاين ـــاب says:
    ١٣‏/٥‏/٢٠٠٩، ٥:٢٠ م

    من غير حلفان


    و الخامس كمان


    _________________
    واحد مخه لاسع شويه

  6. shoshta_ joker says:
    ١٣‏/٥‏/٢٠٠٩، ٧:٤١ م

    السلام عليكم.........
    الاول بسلم على التيم كله بجد وحشتنونى اوى يارررررب الامتحانات تخلص علشان ارجعلكوا تانى انا جيت بس اعلق واسلم عليكم وامشى على بال ما الامتحانات تخلص ان شاء الله.. ادعولى ........نيجى باه لللبوست الجامد دا.........بجد بشكر الجوكر اوى عليه الفكرة بتاعت البوست جنان تعرف يا جوكر لما قرئت راى كل واحد فى كلمة خوف لقيت معن مكنش جاى فى دماغى معنى الكلمة خالص فى وقتها معنى دايما خايفة من المستقبل بس باعد افكر والحمدلله بفكر نفسى دايما ان بكره بيد ربنا عز وجل وكل حاجة نصيب لقيت لما قرئت راى كل واحد انى بخاف من كل الحجات الى كل واحد بيخاف منها .............بخاف من ان يجى يوم ابقى لوحدى من غير الحد الى بحبه واو انى ابعد عنه لسبب او اخر .........بخاف من ان طموحى الكبير دا يتقتل فى يوم ومعرفش احقق حاجة من الى كنت بحلم احققه او يعنى بمعنى اصح انى احلامى تموت...........بخاف انى اقوم الصبح من النوم قلاقى حد من الناس الى بحبهم ومقدرش اعيش من غيره فرقنى وسيبنى ولوحدى.........بخاف لما اعمل حاجة تكون نتجت عن رد فعل سريع وارجع اندم انى عملتها من غير تفكير .......لو لما اعمل حاجة تغضب ربنا واخاف من عقابه..........بخاف لما افتكر ان حيجى يوم من الايام افرق الناس الى بحبهم ابقى قدام ربنا واتحاسب على كل حاجة عملتها فى حياتى.........بخاف لما اتخيل ان ممكن يجى يوم ويظهر حد كنت بحبه على حقيقته وميكونش قد الحب دا او اد الثقة الى وثقتها فيه ...........وخفففففففففت اكتر لما قرات البوست بتاعك يا جوكر.........بحبكم اوى شباب اون لاين .........فى رعاية الله .........سلاااااااام لحين انتهاء الامتحانات ........shemo.

  7. غير معرف Says:
    ١٤‏/٥‏/٢٠٠٩، ١:٢٧ ص

    يبيقي سادس تعليق محجوز

    لميرو

    ههههههههههه

  8. غير معرف Says:
    ١٤‏/٥‏/٢٠٠٩، ١:٢٨ ص

    طبعا انتم عارفين رأيي في البوست

    عايزين منه كتير بقي
    بس خلي السؤال اسهل من كدا يا محمد عشان ننجح في الامتحان :D

    عجبني اوي اجابة ميرو وكيارا

    :)

    يلا مش هطول بقي
    عشان يبقي 9 تعليق محجوز لميروووو :D

  9. أنترنتاوي says:
    ١٤‏/٥‏/٢٠٠٩، ٨:٥٦ م

    بالتوفيق

  10. Israa El-sakka says:
    ١٧‏/٥‏/٢٠٠٩، ٢:١٢ ص

    السلام عليكم
    صراحة أنا مش بخاف من حاجات ملموسة يعني مش من الدلمة يمكن أكتر رأي في البوست بأتفق معاه هو الدلمة و من غير حب ...لأن الدلمة دي بتبقى من جوايا
    أنا كنت متابعة لمدونتكم و بجد أنا كنت و لازلت معجبة بيكم مستنية جديكم و ياريت ديما تتحفونا :))
    سلاااام
    إسراء

  11. moory-mero says:
    ٢٨‏/٥‏/٢٠٠٩، ١١:٥٣ م

    السلام عليكم و رحمة الله وبركاته

    موش عارفه اقول ايه بجد
    ربنا يخليكم يارب ليا

    كل ده عشاني أنا موش لاقيه كلام اقوله خالث :(

    بموت فيكي يا كيتي وبحبكم يا شباب اونلاين
    ميرسي يا محمد انت وأحمد ربنا يخليكم ليا بجد يا أحسن اخوات

    ميرسي يا هاجر تسلميلي يارب يا حبيبتي

    موش عارفه اقول ايه بجد

    في رعاية الله

  12. لاسع افندى says:
    ٢٩‏/٥‏/٢٠٠٩، ٤:٥٧ ص

    بخاف والخوف بقى دنيا بنى ادمين عايشين حواليا
    بخاف على كل حبايبى اكتر من خوفى عليا


    تقريبا اغنيه لحماده هلال بس مش فاكر كلمات مين


    تحياتى