لحظه تفكير



كل هم الناس دلواتى انها تفكر فى مشكله او شئ يخصها وده بيستهلك كل امكانيات العقل
.
يعنى زى ما بسمع ان الانسان بيستخدم 10% من قوة العقل فا تخيلو لو استخدمنا40%منه

.
ده مش بعيد نطير ههههه
.
لا مش للدرجه دى بس مش هيكون ده حالنا كان زمنا احسن من اليابان ومش طلعنا القمر

.
لا كان زمنا اخدنا حته من الشمس

.
اكيد فى سبب للى احنا فى ده وانا بتفرج على فيلم اسمه

.
sicko
.
شد انتباهى جزء مهم تعالو نشوف بيقول ايه
.
أعتقد أن الديمقراطية هي أكثر الأشياء ثورية في العالم

.
أكثر ثورية من الأفكار الشيوعية أو أفكار أي شخص آخر

.
فإذا ملكت السلطة تستخدمها لملاقاة احتياجات مجتمعك

.
أما فكرة الخيار التي ترددهاالرأسمالية طيلة الوقت يجب أن يكون لديك خيار

.
الخيار يعتمد على الحريه و إذا كنت مقيدا بالديون فليس لديك حرية في الاختيار

.
يبدو أن هذا يفيد النظام إذا كان الشخص العامل العادي مقيدا و مديونا ؟

.
نعم , لان الأشخاص المديونين يصابون باليأس و اليائسون لا يصوتون

.
أترى دائما ما يقال لابد للجميع من التصويت لكن اعتقد لو أن الفقراء

.
في بريطانيا أو الولايات المتحدة خرجوا و صوتوا لأشخاص يمثلون مصالحهم

.
ستكون ثورة ديمقراطية حقيقية لذا فهم لا يريدون ذلك حقا لذا يبقون الناس يائسين و متشائمين

.
أترى , انني أعتقد أن هناك طريقتان لإخضاع الشعوب الأولى تخويف الناس و الثانية إفسادهم

.
الشعب المتعلم الصحي و الواثق أصعب في التحكم و أعتقد أنه هناك هذا العامل في تفكير بعض البشر

.
إننا لا نريد أن يكون الشعب متعلما صحي و واثق لأنهم سيخرجون عن السيطرة

.
امممممممم عرفتو ليه احنا مش بنفكر والبوست ده يعتبر عادى

.
علشان محدش يقول ان الجوكر اتجن وبيتكلم كلام كبير


.
joker
  • Digg
  • Del.icio.us
  • StumbleUpon
  • Reddit
  • Twitter
  • RSS

17 Response to "لحظه تفكير"

  1. EMMY BABY says:
    ٢٦‏/٩‏/٢٠٠٩، ٧:٤٣ ص

    هييييييييييييييه

    اول تعليق

  2. EMMY BABY says:
    ٢٦‏/٩‏/٢٠٠٩، ٧:٤٦ ص

    فعلا الانسان ممكن يعمل كتير اووووى لو فكر صح بس للاسف حوالينا حاجات كتير بتشتت تفكيرنا وتشغلنا عن الحاجات الاهم

    بس ارجع اقول اننا استسلمنا للغزو الفكرى اللى جاى علينا من برة يبقى لازم نستحمل اللى يجرالنا

    وهو ده مصلحتهم

    احتلال العقول اقوى بكتير من احتلال المكان او البلد

    تحياتى

    ايمى

  3. شبــ اون لاين ـــاب says:
    ٢٦‏/٩‏/٢٠٠٩، ١٠:٣٥ ص

    مبروك ليكى اول كومنت

    هو ايوه احنا ممكن نعمل كتير

    بس ده مش ينفع

    اما الغزو الفكرى مجاش لوحده

    واكيد ليه سبب

    وخلينى ساكت بقى علشان ميحصليش حاجه

    ههههههههههه

    فى رعايه الله

    joker

  4. ”*°•.˜”*°•..سونه..•°*”˜.•°*”˜ says:
    ٢٦‏/٩‏/٢٠٠٩، ٣:١٦ م

    السلام عليكم
    ازيك اولا
    لاء كلام كبير جدااا
    بس طبعا مش كبير عليك
    دكتور ياخواتى
    دانت كده بتتكلم فى افساد الهويه الثقافيه
    ودى من قضايه الاعلام الدولى
    يعنى نظام حكم وسيطره راس ماليه من البلاد الاخره
    ربنا ينصرنا عليهم
    احيك بشده
    اختك ((سونه)) .

  5. غير معرف Says:
    ٢٦‏/٩‏/٢٠٠٩، ٣:٥٥ م

    الشعب ده لو عايز يفكر حيفكر و لو عايز يقوم حيقوم..المشكلة بقت فى طبيعة الشعب و الكسل و الخمول و اليأس

  6. همس الارواح !! says:
    ٢٦‏/٩‏/٢٠٠٩، ٥:٠١ م

    اولا احب اقول حمد الله على السلامه

    المدونه نورت بيكوا من تانى

    وبالنسبه للبوست ... كلامك حلو جدا ومش مجنون ولا حاجه

    وكلامك صح التفكير صح والمناسب ممكن جدا يخلينا نعمل حاجات كتيره اوى بس مين بقى اللى يسمع

    الكل ملبوخ ومشغول فى حاجات خاصه والدنيا تلاهى

    ولكن اقدر اقولك ان فى ناس معينه برضه من مصلحتها اسكات الناس وجه ذى ما حضرتك قلت لاسباب تانيه

    وربنا يستر

    شكرا ليك على البوست

  7. moory-mero says:
    ٢٦‏/٩‏/٢٠٠٩، ٥:٣٠ م

    السلام عليكم و رحمة الله وبركاته

    اولا كل سنه وانت طيب
    ثانيا البوست رائع بجد وعاجبني جدااااا
    ثالثا رأيي المتواضع .. شايفه ان العقل ده اكبر نعمة من ربنا علينا وانه ميزة ميزنا بيها ربنا سبحانه وتعالى والعقل بالذات مفيش عليه سلطان الانسان السوي بيقدر يميز كويس بين آرائه وأفعاله ويختار منها اللي يتناسب معاه دينيا واجتماعيا كونا نستسلم لأفكار وعقول غيرنا متهيألي ده موش عيب فيهم لأنهم موش ضربونا علىايدينا ، بالإضافه ان طول عمري بسمع كلمة ديمقراطية وجملة الديمقراطية حق للجميع ملك للفرد طالما خلقه الله حرا ، طيب يبقى لما نتكلم ونقول رأينا بحرية يبقى كده احنا بنستخدم حق ربنا عاطيهولنا ونعمه ربنا ميزنا بيها لكن لما نتكلم ونعمل حاجه غير عقلنا يبقى احنا ماشيين بمزاجنا محدش يقولي ان كل واحد بيعمل ده مجبر لما مثلا امريكا تدفع معونة كل سنه ملايين تفتكروا هي بتعمل ده انسانيه وحب لمصر وشعبها بما انها دوله ناميه
    ولا عقلها قالها لاغراض اخرى وقت مااضرب جارتك تخرسي وتسكتي وكله عارف بس بيقول العقل بيقول مصلحتنا ثم مصلحتنا ثم يولع الاخرون

    للأسف احنا شعب موش غلبان خالص احنا شعب مرغوب دايما لأنه اسهل شعب القوى العليا تسيطر عليه رغم انه يملك قوة لا تقاس بمال الدنيا كله

    ساعات بقعد افكر واقول لو مصر كانت بتتكلم من الاول خالص تفتكروا كان بقى ده حالها مااظنش يمكن كانت مصر هي امريكا وامريكا هي مصر
    بس لما واحد واتنين وتلاته وعشرة ومية والف يقنعوك كشخص انك ضعيف ومحتاجلنا وموش هتقدر تعمل حاجه لوحدك لازم العقل يحصله جزء من التشويش ويبقى ملغبط يعني انا لو اتكلمت مين هيسمع ولو في حد سمع يعني انا هكون صح والالف اللي قالولي كده هما غلط طيب ليه موش نعمل العكس نتمسك مرة بمبدأ لينا نفكر نكمل طريقنا طالما شايفينه صح للنهاية ونشوف ايه النتيجه واحد خسر اتنين بس متاكده اننا هنكسب في الاخر

    كله الا العقل فمن سيطر عليه ملكك كلك وانت لست ملك لفرد ولا لحاكم ولا لدوله انت ملك للذي خلقك وصورك فقط

    سوري للاطاله طبعا ، بس كان لازم اقول رايي من منظوري الخاص :)

    سلم على احمد وباربي يا محمد وعيد عليهم

    في رعاية الله

  8. جمهورية شومبونجو العربية says:
    ٢٧‏/٩‏/٢٠٠٩، ٢:٥١ ص

    السلام عليكم
    مبروك على الشكل الجديد
    اولا العقل نعمة من عند الله
    ثانيا كيفية استخدام العقل ترجع لقدرة الانسان على التفكير او التصرف فى الامور
    وحجات تانية كتيرة
    وكل انسان لة قدرة على التفكير تختلف من شخص لاخر
    تحياتى
    ............
    رئيس الجمهورية

  9. طالبه اخوانيه says:
    ٢٧‏/٩‏/٢٠٠٩، ١١:١٦ ص

    يا جماعه المشكله اننا بنتكلم مش بينفكر

    والمشكله التانيه اللى بتوجهنا العقول المتحجره

    بجد احنا السبب لو عاوزين نفكر بنفكر

    وربنا سبحانه وتعالى ادانا عقولنا ليه علشان نستسلم لفكره ان عقوله بقيت محتله من ناس كتير ؟ لأ طبعا طيب ما أنت أهو فكرت لحد ما جبت ان عقولنا محتله

    فعلا والله لحظه تفكير ممكن بلادنا تتقدم

    بجد بوست رائع جدااااا

    تحياتى

  10. حـــلـــم كـــان says:
    ٢٧‏/٩‏/٢٠٠٩، ٤:٥٥ م

    هييييييييييييه

    اول تعليق

    انا انا بستهبال

    ازيك الاول عامل ايه

    اما بقا انا الموضوع فالناس من كتر معندها حجات تفكر فيها مبقتش يتفكر

  11. shoshta_ joker says:
    ٢٧‏/٩‏/٢٠٠٩، ٧:٥٥ م

    السلام عليكم.....
    انا جاية بس ابارك على التجديدات......وتحياتى لكل التيم وحشتونى اووووووى........معلش مقولتش رايى فى البوست يا جوكر عشان دخلت على السريع كده مقراتش......دومتم بخير......فى رعاية الله.
    shemo

  12. نـــــور says:
    ٢٨‏/٩‏/٢٠٠٩، ١٠:٢٦ م

    عارف
    فى ناس اوقات لازم نحمد ربنا على انها مابتفكرش
    وانا شخصيا اوقات كتير بتمنى انى ماافكرش كتير
    عارف ليه؟
    انا طبعا هستبعد التفكير العلمى وكده لكن هكلمك عن التفكير فى امور الحياة والدنيا والمعاملات وكده
    التفكير ده بيتعب الناس بجد بيخليهم بيلفوا فى دايره مفرغه لا كتر التفكير بيحل حاجه ولا هما مش بيفكروا ومرتاحين

    اما عن التفكير العلمى اللى بيأدى للتقدم ده فربنا يكفينا شره ياراجل احنا بعاد كل البعد عنه رغم ان اطفالنا بيمثلوا شريحه متقدمه من اذكى اطفال العالم لكن بيستخدموها فى الفساد بس !!

    حاول ماتقولش كلام كتير فى لاخر بيبقى يوزليس :)

  13. شبــ اون لاين ـــاب says:
    ٢٩‏/٩‏/٢٠٠٩، ١:١٩ م

    ”*°•.˜”*°•..سونه..•°*”˜.•°*”˜

    وعليكم السلام ورحمة الله وبركاته

    التحيه ليكى انتى علشان انتى

    اكتر واحد فهم انا عاوز اقول ايه

    فى رعايه الله

    joker

  14. شبــ اون لاين ـــاب says:
    ٢٩‏/٩‏/٢٠٠٩، ١:٢٣ م

    انا ودماغي

    والله اللى احنا فيه ده شئ

    مرغوم علينا

    فى رعايه الله

    joker

  15. شبــ اون لاين ـــاب says:
    ٣٠‏/٩‏/٢٠٠٩، ٧:٠٠ ص

    mero-moory

    اهلا اهلا اهلا بالاحباب

    انا مبسوط اوى انك معانا دلوقتى

    و متنسيناش بقى

    --------------------
    واحد مخه لاسع شويه

  16. غير معرف Says:
    ٣٠‏/٩‏/٢٠٠٩، ٦:١٣ م

    امممممممممممممممم
    هو فعلا كلام كبير اوي اوي :)))))
    بس انت جوكر برضو ;)

    بص
    انا مقتنعه اننا لو اقل واحد فينا عنده اراده هيعرف يستغلها ويكسر اي قيود قدامه ويعمل اللي هو عايزه ..
    بس
    هي فين ؟؟
    وهو مين اللي هيقدر مسين اللي هيواجه مين اللي هيفوق ؟!!


    نسيت اقولك حمدا لله علي سلامتكم

    البلوجايه بقت تجنن
    والميوزيك حلوه اوي خلتني جوايا افكار كتير بتتنطط جوايا عايزه اكتبهخا .. انتم الهمتوني من غير ما احس :))


    تحياتي

  17. غير معرف Says:
    ١٢‏/١٠‏/٢٠٠٩، ١٢:٠٣ ص

    السلام عليكم و رحمة الله و بركاته

    اهلا بيك يا احمد وكويس انك انت رحبت بيا وحد تاني لاء :(
    هو حرررررر :)
    يارب تكون بخير وسلم على باربي

    في رعاية الله

    مريم