احنا اللى بنعمل فى نفسنا كده

فى يوم عادى جدا زى بقيت الايام
.
كنت فى ابو العباس عند واحد صحابى و خلصنا اليوم و مروحيين
.
ف قررنا نغيير وسيله المواصلات المعتاده و نركب حاجه تانيه نوصل بيها نوع من التغيير
.
و فعلا اخترنا اننا نركب اكتر حاجه هدوء و مريحه و فى نفس الوقت مش اى حد ممكن يركبه
.
نظرأ لثمن الاجره المرتفع نسبيا اللى مش بيتيح لاى حد انه يركبه ....... يعنى اريح شويه من الدوشه و ووجع
.
الدماغ بتاعت السواقيين و الركاب نفسهم
.
ركبنا الاتوبيس الاحمر اللى هو دوريين و يعتبر الوسيله المميزه فى الاسكندريه دلوقتى
.


.
روحت ركبته انا و صاحبى و طبعا هدوووووء فعلا و راحه و الحياه حلوه بس نفهمها و كل الكلام الجميل ده
.
و فجــــــــــــــــــــــــــــــــــأه
.
سيد يا سيد سيد يا سيد
و العنب العنب العنب
و انا مش عارفنى انا مش شايفنى و كده
.
فبصيت لصاحبى حاجه كده زى بصه عادل امام المشهوره
.
لقينا عيله طالعه من الدور اللى تحت و معاهم عيال بالهبل
.
قولنا عادى ناس بتصييف و فرحانه و عادى يعنى شويه و يتكتمواااا
.
بعد شويه لقينا العيال واقفه فى نص الاتوبيس و بترقص و ابتدوا فى وصلات غنائيه راقصه
و دوشه ايه من اللى قلبك يحبها
.
قولنا عادى عيله متخلفه عقليا فكره نفسها فى بيتهم و ربنا يسهل و الوقت يمر بسرعه
.
شويه لقينا لب و سوادنى و نكت من الباااايخه بيقولوها لبعض ... تقريبا كان حيجييلى شلل رباعى بسببهم
.
و كل ده فى الاتوبيس عادى ولا فى دماغهم ... مفيش احترام ولا الهواااا
.
شويه و كانت الحاجه اللى خلاص كنت حمسك فى واحد فيهم
.
و هى انهم بيتخانقوا مين اللى يقعد تحت التكييف
.
انا اللى اقعد تحت التكييف ... لا انا اللى اقعد تحت التكييف مليش دعوه انت قعد امبارح
.
و كأنهم خلاص اشتروا طبعا الزرار بتاع التكييف اتكسر بسببهم
.
ده موقف حصل فى مكان المفروض انه لازم نحافظ عليه علشان هو ملكنا فى الاخر
.
مش نتعامل معاه بجهل و بداءيه و ف الاخر نقول المواصلات بايظه و غاليه و مش عارف ايه
.
اكيد مش كل الناس بتعمل كده لكن اللى متأكد منه ان 60% من شعبنا بيعمل كده ولا على باله اى حاجه
.
وكاله من غير بواب

واحد مخه لاسع شويه
  • Digg
  • Del.icio.us
  • StumbleUpon
  • Reddit
  • Twitter
  • RSS

31 Response to "احنا اللى بنعمل فى نفسنا كده"

  1. أميرة علي كوكب مهجور says:
    1‏/10‏/2009 7:21 ص

    زي ما عندكم باص بدورين في اليكس احنا عندنا الطفطف في راس البر و ربنا ما يكتب عليكم ركوبه انا والعذاب والطفطف ده بيكون في العنب و الحنطور و العسليه :) كل في متناول الايدي :)

  2. أميرة علي كوكب مهجور says:
    1‏/10‏/2009 7:22 ص

    ايه ده انا اول تعليق ع البركه والعنب العنب العنب :)بقالكم زمان مزورتنيش ماشي متجوش ايديكم فاضية :)

  3. شبــ اون لاين ـــاب says:
    1‏/10‏/2009 2:07 م

    اميره فى كوكب مهجور

    تصدقى انات عمرى ما روحت راس البر

    ان شاء الله اجى و اشوفها

    ما احنا كمان موجود الطفطف هنا بيبقى فى الصيف بس

    بس مش عايز اقولك بيبقى عامل ازاى
    سوووووووووووووووووواد

    معلش انى مقصر فى الزياره
    الكسل وحش اوى ع فكره انا جاى اهوه


    ------------------
    واحد مخه لاسع شويه

  4. يــاء says:
    1‏/10‏/2009 5:36 م

    اه معاكوا فلوس

    الاتوبيس ابو دورين يا مفترى

    اغنيا !!!!

  5. Just Smile says:
    1‏/10‏/2009 8:13 م

    هههههههههههههههههههه وهوا ده الشعب المصري ... سالبية رهيبة من سلبياته معظمه شعب مهمل مش بيحافظ على الحاجة بسبب قلة الجهل والسبهللة بتاعت الناس ديه

    وطبعا الشعب المصري باستثناء بسيط بيحب يهيص ف الزيطة ويعمل جو...ومش اي جو ده جو عنب وبلح وخيار وعيش D:

    بجد اهالي اسكندرية دول صعبانين عليا الله يكون ف عونكوا بحس ان بلدكوا والبحر محتلين ف الصيف ...انا شايفة انكوا تطالبوا بالجلاء وتمنعوا السفر للمصيف :)

  6. حـــلـــم كــــان says:
    1‏/10‏/2009 10:42 م

    مليش دعوه انا اللى هعد تحت التكيف

    ولا ده ولاده

    اى مكان مهما كان نظيف فى الوحش وفى الحلو

  7. بيطرية ومش بايدى says:
    1‏/10‏/2009 11:06 م

    والله عندك حق

    طب دى مواصلات والامور دى معتادة من اى حتة شعبية
    طب المفروض ان المدرسة دى مكان محترم والمفروض ان الطالبات هه خلى بالك من الطالبات دى المفروض يعنى انها تحترم المكان ده بس على مين
    وحياتك انت عارف كل المواويل والاغانى الشعبية من اول العنب والخيار وهيصة
    وكل اللى قلبك يحبه

    يلا ربنا يهدى الجميع

    تقبل مرورى

  8. جمهورية شومبونجو العربية says:
    2‏/10‏/2009 12:11 ص

    السلام عليكم
    ازاى يحصل كدة فى الاوتوبيس ابو دورين
    امال الاوتوبيس ابو دور واحد هيشغلو فى عمر دياب
    وبعدين العنب عرفين انة فاكهة
    مين سيد دة
    ههههههههههههههه

    تحياتى

    رئيس الجمهورية

  9. ريمان says:
    2‏/10‏/2009 3:10 ص

    لاء مش حضرتك اللى لاسع


    هما اللى لاسعين اوى


    ايه ده العيال دى


    اعوذ بالله


    لا بجد ربنا يكون فى العون

    بس بصراحه انا تخليت الموقف وضحكت جامد


    ههههههههههههههههه

  10. شبــ اون لاين ـــاب says:
    2‏/10‏/2009 8:26 ص

    يــــاء


    طب انا كنت عندك امبارح مقولتيش ليه ده بينى و بينك ولا لازم الفضايح دى قدام الناس

    لن انسى لك هذا الموقف


    --------------------------
    واحد مخه لاسع شويه

  11. شبــ اون لاين ـــاب says:
    2‏/10‏/2009 8:37 ص

    Just Smile


    انتى بتقولى فيها الواحد بيحس

    فى الصيف انه فى غواتيمالا

    مش فى اسكندريه الناس مش مقتنعه ان جمال اسكندريه فى الشتا

    بس حنقول ايه ناس و عايزه تصييف نمنعهم

    اكيد لا ... بس لازم يكون فيه تحضر

    -------------------
    واحد مخه لاسع شويه

  12. شبــ اون لاين ـــاب says:
    2‏/10‏/2009 8:38 ص

    حـــلـــم كــــان

    ايه رايك بقى انا لغيت التكييف

    لا انتى ولا هى


    كل مكان فى الحلو و الوحش اه

    بس مش بالطريقه دى


    ---------------------
    واحد مخه لاسع شويه

  13. شبــ اون لاين ـــاب says:
    2‏/10‏/2009 8:40 ص

    بيطرية ومش بايدى

    ما هو اللى يزعل

    انها مش حته شعبيه ... ياريتها كانت كده


    و مين قال ان المدرسه مكان مفهوش هيصه

    دى الهيصه ماتحلاش غير و انتى فى المدرسه

    و الاستاذ اللى بيشرح عمال يقطع فى قلبه

    ان حد يفهم مفييييييش

    ههههههههههههه


    تحياتى ليكى


    --------------------
    واحد مخه لاسع شويه

  14. شبــ اون لاين ـــاب says:
    2‏/10‏/2009 8:43 ص

    رئيس الجمهوريه


    لا الاتوبيس ابو دور واحد بيبقى زحمه

    فا محدش بيلحق يغنى او يرقص


    ---------------
    واحد مخه لاسع شويه

  15. شبــ اون لاين ـــاب says:
    2‏/10‏/2009 8:44 ص

    ريمان

    دول مش عيال

    دول شياطين ده فى واحد فيهم كان ماسك استك و بيلسع فى اللى قاعدين


    ههههههههههه


    --------------------
    واحد مخه لاسع شويه

  16. آيوشة says:
    2‏/10‏/2009 3:06 م

    هو ده الشعب المصرى بسلطاته باباغنوجكه مش بيعرف يحترم ابدا الملكية العامة ولا بيفهم ان حريته مش لازم تتضر غير انت اتكلمت فى كام مشكلة فى بوست واحد
    هنقول ايه غير ربنا يصلح الاحوال

  17. smilyrose says:
    2‏/10‏/2009 8:19 م

    كويس انك قولت كدا

    عشان لما اجى اسكندرية

    مركبش الاتوبيس ده

    وبعدين على رايهم ما هو دا شعبنا

    بلا مبالاه بلا مراعاه لشعور الغير

    ولا احترام للملكية العامة

    بس لازم نقول ان فيه ناس كويسة برده

  18. شبــ اون لاين ـــاب says:
    3‏/10‏/2009 7:01 ص

    ايوشه

    فعلا فى ناس بتاخد راحتها اوى فى الاماكن العامه و عادى خاااااالص

    ولا فى اهتمام ولا محافظه ع اللى فى ايديهم


    -------------------------
    واحد مخه لاسع شويه

  19. شبــ اون لاين ـــاب says:
    3‏/10‏/2009 7:07 ص

    smilyrose


    ع فكره الاتوبيس كويس

    لكن دماغنا هى اللى مش كويسه

    و ع فكره سيييييييييييبك من كل ده

    بلدنا فيها كتير جميل


    -----------------------
    واحد مخه لاسع شويه

  20. شاب فقرى says:
    3‏/10‏/2009 7:40 م

    انا مش بستحمل النوع دا

    ممكن اقوم اهزقهم وامسح بكرامتهم الارض

    وممكن اخدهم واروح للسواق واقوله انهم بيبوظوا فى الاتوبيس

    دا لو كنت فى اسكندرية

    لو مكانك كان لازم اتصرف ولو حتى القح عليهم بالكلام او استفز اللى فى الاتوبيس انهم يقوموا يعملوا اخدود ويولعوا فيهم :D

    ويا سلام بقى لو هزقت البت اللى معاهم وانته بتتكلم مع صحابك

    هتلاقى اثرها طلع عالشلة كلها وكلهم وشهم اتحرق

    سيبك من ان الحوار هيسبب خناقة

    بس هوا دا الصح

    تحياتى

    شاب فقرى

  21. نهر الحب says:
    4‏/10‏/2009 7:41 م

    هههههههههههههههههه
    كان الترام أحسن بكتير وأوفر من الباص


    تقبل مرورى

    نهر الحب

  22. with you says:
    4‏/10‏/2009 8:16 م

    السلام عليكم ورحمة الله وبركاته

    موضوع الحفاظ علي المال العام موضوع مهم جدا بل هو أكثر عقوبة عند الله من الإعتداء علي المال الخاص

    تحياتي لفكرك الراقي

    محمد حياتنا

  23. همس الارواح !! says:
    4‏/10‏/2009 9:31 م

    اولا ازيكوا كلكوا عاملين ايه ؟؟

    باعتذر على التاخير فى الرد النت وحش عندى معلش


    بالنسبه للبوست الاغانى ده من الاسفاف اللى بيعانى منه العصر الحالى

    وبالنسبه للناس وعدم الحفاظ على الممتلكات العامه فكل واحد بيقولك انا مالى هو من جيبى مليش دعوه


    ومفيش حد بيحافظ على حاجه

    وكمان محدش بيراعى شعور حد ولا بيراعى الادميه العامه بتاعه اى انسان للاضف الشديد

    مش عارفه اقول ايه اكتر من كده
    بس الحمد لله
    على كل حال

    تحياتى ... دمت مبدع

  24. شبــ اون لاين ـــاب says:
    6‏/10‏/2009 2:11 ص

    شاب فقرى


    المشكله انى معنديش الجراه الكافيه انى اقوم و اهزءهم واحد واحد لكن عندى القدره انى اعمل ده


    لكن بحب اكون هادئ لاقصى حد


    يمكن يكون عيب لكن اللى حصل بقى


    ---------------------
    واحد مخه لاسع شويه

  25. شبــ اون لاين ـــاب says:
    6‏/10‏/2009 2:13 ص

    نهر الحب


    ترام ترام

    لا لا بتهزرى


    ده تحفـــــــــــه


    ---------------------
    واحد مخه لاسع شويه

  26. شبــ اون لاين ـــاب says:
    6‏/10‏/2009 2:15 ص

    with you


    فعلا الناس مش بتقدر المال العام

    و اهداره عقابه كبير عند ربنا

    تحياتى ليك


    -----------------
    واحد مخه لاسع شويه

  27. شبــ اون لاين ـــاب says:
    6‏/10‏/2009 2:19 ص

    همس الارواح

    احنا كلنا كلنا كويسيين و
    و واحد واحد بعتلك السلام



    متتاخرييش علينا تانى

    ادينا قاعدين اهوه مستنيينك


    ---------------------
    واحد مخه لاسع شويه

  28. king_somya says:
    6‏/10‏/2009 10:31 ص

    حمد الله على السلامة
    ووحشتونا

  29. طوبه فضه وطوبه دهب says:
    6‏/10‏/2009 5:40 م

    فعلا هو موقف يضايق من ناس ماعندهاش اى تقدير لمسئوليه والله الشعب ده هو اللى ظالم نفسه وهو اللى مهمل فى كل واجباته ربنا يهدى لاننا لو علمنا الطفل يحافظ على الممتلكات العامه لانها بتاعته هيكبر يعرف ازاىيراعيها ويحافظ عليها لكن نقول ايه بقى

  30. miroooo says:
    12‏/10‏/2009 10:14 م

    بصراحه مش عارفه اقول ايه؟ احنا بجد شعب متسيب ومش عارفين نحافظ على بلدنا تلا بعض منا الناس الفاهمين المثقفين اللى قلما نجد واحد منهم بس احنا بنحاول نحافظ عليها ويكفينا شرف المحاوله ياريت تبقى تنورنى والله وحشتنى تعليقاتكم وتشجيعاتكم ليا بس انتوا نسيتونى ياريت تزورونى

  31. 文章 says:
    23‏/7‏/2015 8:31 ص

    餐飲設備 製冰機 洗碗機 咖啡機 冷凍冷藏冰箱 蒸烤箱 關島婚禮 巴里島機票 彈簧床 床墊 獨立筒床墊 乳膠床墊 床墊工廠 產後護理之家 月子中心 坐月子中心 坐月子 月子餐 銀行貸款 信用貸款 個人信貸 房屋貸款 房屋轉增貸 房貸二胎 房屋二胎 銀行二胎 土地貸款 農地貸款 情趣用品 情趣用品 腳臭 水晶 長灘島 長灘島旅遊 長灘島景點 長灘島必買 婚禮顧問 婚禮顧問 花蓮民宿 花蓮民宿