حلم اعلم انــــه لن يتحقق



اولا كل سنة وانتوا طيبين طبعااااااااا متأخرة جدا
بس حقكم عليا والله غصب عنى نبتدى الموضوع.
.
.
وانا قاعدة كده سرحت شوية بخيالى بعيييييييييد وحلمت بمدينة حلوة اوى
مفيهاش اى نوع من انواع التكنولوجيا ولا موبايل ولا تليفزيون ولا حتى تليفون عادى ولا نت ولا كمبيوتر
ولا اى حاجة هى مدينة خضراااااااااا البيوت فيها عبارة عن دور من خشب وفوق شكل مثلث بالخشب بردو
مش ناطحات سحاب زى دلوقتى فيها وسيلة المواصلات الحصان بس ولا عربية بقى ولا عوادم سيارات
.
.
فيها راجل عجوز قاعد على كرسى قدام دفايه وبيقرا كتاب والنظارة فى وسط عنية
وكتابه عبارة عن السلاطين والامراء وسرح لحد ماشاف نفسه سلطان
وفيها ست عجوزة ماسكه زهور الفل والياسمين وبتعملهم عقد لحفيدتها
.
.
فيها اطفال لابسين جونلات مخططة وبلوزات بيضة
والاولاد بنطلونات زيهم وبيلعبوا وبيرشوا بعض بالمايه
ولما تعبوا راحوا يرتاحوا جوة الحديقة الخضرا اللى كلها زرع وفيها مكان يقعدوا يرتاحوا فيه
وفى السيدات بيبتسموا لبعض حتى لو ميعرفوش بعض وكل واحدة بتشتغل مع جوزها
وهى بتضحك ومبسوطة
.
.
مدينتى مدينة خالية من الدماااار والدم اللى بسببة كرهت اللون الاحمر
مدينتى كل الناس اللى فيها بيبحبوا بعض مش بيكرهوا بعض وبيتمنوا لبعض كل حاجة وحشه
مدينتى مفيهاش حسد ولا حقد ولا غل فيها حب واحترام
مدينتى مدينة فاضلة احب ان اعيش فيها كل عمرى
.
.
حلم اعلم انـــــــــــــــــــــــــــــــه لن يتحقق
.
.
باربــــــــى
  • Digg
  • Del.icio.us
  • StumbleUpon
  • Reddit
  • Twitter
  • RSS

27 Response to "حلم اعلم انــــه لن يتحقق"

  1. يــاء says:
    10‏/10‏/2009 3:50 ص

    ايوه كمان لو تكون المدينه دى على البحر ويكون فيها مركب بشراع ابيض كبير


    اه لو كان الحلم يبقى حقيقه اه

  2. باربى( شبـــ اون لاين ـــاب) Says:
    10‏/10‏/2009 3:53 ص

    يااااااااااااااء يسعدنى بجد بجد والله انك تكون اول تعليق عندى انا لو قولتلك بقيت مدينتى هنقعد لبكرة بس للاسف مش هيتحقق فامحولتش اتخيل اكتر احسن يجيلى احباااط :D
    بس الحلو اننا نحلم بردو اهو احسن من مفيش
    شرفتنى جدااااااااا والله تحياتى

  3. جمهورية شومبونجو العربية says:
    10‏/10‏/2009 9:00 ص

    التعليق التانى

    لرئيس الجمهورية

    حد عندة مانع

    ...............

  4. جمهورية شومبونجو العربية says:
    10‏/10‏/2009 9:04 ص

    السلام عليكم

    اخيراّّ وبعد غياب طويل

    مش مهم حمدله على السلامة

    بلنسبة للمدينة هى مش خيالية ولا حاجة
    ولا حتى حلم لن يتحقق
    المدينة موجودة
    بس فوق فى السماء مش فى الارض
    ......
    تحياتى

    رئيس الجمهورية

  5. smilyrose says:
    10‏/10‏/2009 11:36 ص

    باربى الجميلة

    وانتى طيبة يا قمر

    عارفه

    الحلم دا ممكن يتحقق ومش فى القمر

    ولا فى السحاب وممكن تحقيقه فى حياتك

    الانسان يقدر يصنع حلمه فى حياته

    مهما كانت بسيطة واى حلم نحلمه

    ومش يتحقق دا شئ مش صعب

    ولكن ممكن نحققه حتى فى احلامنا

    ليس كل ما يتمناه المرء يناله

    ولكن بيديه ان يحقق ما يتمنى

  6. smilyrose says:
    10‏/10‏/2009 11:37 ص

    ملحوظة

    ثالث تعليق لى

    حد عنده اعتراض بالعند فى رئيس

    الجمهورية بقى هههههههههه

    دمتى حبيبتى

  7. king_somya says:
    10‏/10‏/2009 11:38 ص

    حبيبتى ...
    الحلم فعلا انى فتحت لقيت موضوع ليكى أخيرا
    وحشانى مووووووووت
    ويارب يكون بيوصلك سلامى
    دام الله بيننا التواصل
    تحياتى لكى

  8. A.SAMIR says:
    10‏/10‏/2009 12:18 م

    زماااااااااااااااااان
    في واحد حلم قبلك بحاجة زي كدة و سماها المدينة الفاضلة و كان اسمه ارسطو
    بس لحد دلوقتي لم تتحقق

  9. شاب فقرى says:
    10‏/10‏/2009 2:07 م

    نقول بسم الله

    حلم المدينة الفاضلة

    كل البشر يحلمون به حتى صانعى الحروب

    برغم حلم الجميع بتلك المدينة لا يتحرك احد لتحقيق الحلم
    يكتفون بالدمار للآخر والحروب ونشر السلام فقط فى بلادهم

    يدهس الناس معانى الحرية للآخر فى سبيل إعلاء معانى الحرية لهم

    هذا التناقض لن ينتهى فى الحياة

    ينتهى بدخولنا الجنة

    وهناك أجمل ألف مرة من المدينة الفاضلة

    تحياتى

    شاب فقرى

  10. باربى( شبـــ اون لاين ـــاب) Says:
    10‏/10‏/2009 4:17 م

    جمهورية شومبونجو العربية
    اولا اكييييييييد محدش عنده مانع انك تكون تانى تعليق وبراحة علينا شوية مش علشان انت رئيس جمهورية يعنى تعمل كده فى شعبك فيييييييييين الديمقراطية :D
    يبقى علشان اشوف المدينه دى هستنى لما انتقل الى الرفيق الاعلى والله هوالعالم امتى هنتقل شكراااا لمرورك الكريم تحياتى

  11. باربى( شبـــ اون لاين ـــاب) Says:
    10‏/10‏/2009 4:19 م

    smilyrose

    نورتينى اولا بس انا حاسه ان حلمى بعييييييييييييييد ومش هعرف احققة وكل اللى هقدر اعمله ان اتخيل واعيش اللحظة تحياتى

  12. باربى( شبـــ اون لاين ـــاب) Says:
    10‏/10‏/2009 4:20 م

    king_somya

    حبيبتىىىىىىىىىىىىى والله ليكى وحشه وبسال عنك ولسه لاسع موصلى سلامك امبارح اتمنى ان اسمع عنك كل خير يارب دومتى بخير

  13. باربى( شبـــ اون لاين ـــاب) Says:
    10‏/10‏/2009 4:21 م

    A.SAMIR

    الله يطمنك يعنى الحلم بخ خلاص حتى الحلم ياربىىىىىىىىىىى اذا كان ارسطو معرفش انا هعرف شكرا لمرورك الكريم

  14. باربى( شبـــ اون لاين ـــاب) Says:
    10‏/10‏/2009 4:23 م

    شاب فقرى

    مش هقدر اضيف على كلامك كلام كل دولة او بلد بتحاول تصنع لنفسها كيان حتى لو على حساب الاخرين وتحول مدينتها الى مدينه فاضلة مهما كانت النتائج على حسابك على حساب غيرك مش مهم المهم انها تحقق اللى هى عايزاة انا عن نفسى مش عايزة المدينه دى لو على حساب اى حد نورتنى بمرورك

  15. همس الارواح !! says:
    10‏/10‏/2009 11:26 م

    باربى

    بجد تخيلك للمدينه جميل اوى بصراحه

    وياريت يكون فى مدينه بنفس الاسلوب ده بصراحه

    بس للاسف دلوقتى الحال اتغير كتير عن زمان

    وربنا يستر والله
    تحياتى على البوست الجميل ده

    دمتى بالف خير

  16. Just Smile says:
    12‏/10‏/2009 1:50 ص

    ياااااااااه فكرتيني باحلامي زمان بس انا مدينتي كان لونها بينك ف بينك وكل حاجة مصنوعة من الكيك وكل حاجة فيها مصنوعة من الشوكولا والاستروبيري :)

    بجد موضوع حلو اوي ابدعتي

    تحياتي

  17. كيــــــــــــارا says:
    12‏/10‏/2009 8:10 م

    فكرتيني باحلامي بس انا مش يئست من حلمي وهيتحقق باراده ربنا ان شاء الله

    حلم رقيق

  18. miroooo says:
    12‏/10‏/2009 10:08 م

    والله مدينه جميله اوى اللى فى خيالك دى بس ليه بتقولى انها مش هتتحقق ممكن تتحقق لو احنا عاوزينها تتحقق فى ناس كتير كويسه ممكن تاخديهم وتعملوا مدينه فاضله وانا هاجى معاكى ههههههههه دمتى بالف خير ابقى زورينى اوعى تنسى تزورينى

  19. mohamed ghalia says:
    13‏/10‏/2009 1:44 ص

    يكفينا أن نحلم

  20. shemo says:
    13‏/10‏/2009 6:33 م

    السلام عليكم.......
    وحشنى الاول اوووووووووووى يا باربى .......يارب دايما بخير ......حلمك حلو اوى معنه فعلا صعب اوى يتحقق.......بس لو بطلنا نحلم نموت .........دومتى بخير......فى رعاية الله....سلامى للاسع...ابقوا اسئلوا ......فى رعاية الله.
    shemo

  21. رابطة هويتي اسلامية says:
    17‏/10‏/2009 5:33 م

    فى إطار حملة مدونتى عنوانى تستضيف رابطة هويتى إسلامية المدون محمد غالية صاحب مدونة هل تبحث عن السعادة

    فى نقاش عام وحوار مفتوح حول موضوع الحملة .

    والدعوة مفتوحة للجميع للمشاركة معنا فى النقاش من أجل الإفادة والإستفادة

    نتمني منكم مشاركتنا من أجل تدوين أفضل

    تحياتنا

    أسرة رابطة هويتي إسلامية

  22. غير معرف Says:
    17‏/10‏/2009 10:37 م

    ahmedsas98@yahoo.com
    كلام جميل من شخص مبدع ربنا يوفقك
    ويحققلك أحلامك

  23. Sarah says:
    18‏/10‏/2009 9:02 م

    حلم جميييييل جداً
    مش راح يتحقق ولكن حلو الواحد يحلم :)
    موضوع شكرا لك والمدونة ما شاء الله حلوة الله يوفقك..

  24. lady girl says:
    21‏/10‏/2009 7:15 م

    t7777777777fh begd teslamy ya barby

  25. أميرة علي كوكب مهجور says:
    22‏/10‏/2009 11:14 م

    بصي يا باربي يا حبيبتي سيبك من الحلم ده خالص بدل ما انتي حاسه انه مش هيتحقق سيبك منه كوكوي يفتح ذراعيه ليكي :) يا ستي ادينا نسلي بعض بدل ما انا قاعدة اصطاد سردين لوحدي :)


    حلمك جميل اوي في زمن ماتت الاحلام فيه

  26. لاسع افندى says:
    24‏/11‏/2009 11:45 م

    انا عايز احجز كوخ فى اسكان الشباب فى قريتكم
    انا معايا المقدم واعرف موظف فى الوحده المحليه لمركز ومدينة شومبونجو ومظبطه ومريحه وراشش هناك

    ممكن اعرف بس التسليم امتى



    وتحيه لاسعه

  27. غير معرف Says:
    13‏/1‏/2010 5:38 ص

    topic68, [url=http://www.chop.edu/forum/user/profile/8207.page]buy klonopin[/url], :-) ujw, http://www.chop.edu/forum/user/profile/8207.page buy klonopin no prescription :-(, [url=http://www.chop.edu/forum/user/profile/8208.page]xanax 2mg online[/url], ;-( kqu, http://www.chop.edu/forum/user/profile/8208.page xanax 2mg online :-), [url=http://forum.cprs.ca/default.aspx?g=posts&m=6]order adipex[/url], :-) gsy, http://forum.cprs.ca/default.aspx?g=posts&m=6 order adipex online :-(, [url=http://forum.cprs.ca/default.aspx?g=posts&m=7]alprazolam no prescription[/url], ;-( jwq, http://forum.cprs.ca/default.aspx?g=posts&m=7 buy alprazolam no prescription :-(, [url=http://forum.cprs.ca/default.aspx?g=posts&m=8]ambien without prescription[/url], :-) wqp, http://forum.cprs.ca/default.aspx?g=posts&m=8 buy ambien without prescription :-)