وحيــــــــــد


بســـ الله الذى نهتدى بيه ــــم






انا كنت ناوى اكتب لكم موضوع عن الاقنعه وتعددها بس انا لاقيت الموضوع ده
فى مدونه شيكو بجد من كتر ماهو عجبنى انا مش هكتبه او افكر فيه تاني علشان



انا مش هعرف اكتبه زى مهو مكتوب
مدونة شيكو متسجله عندنا ممكن تشوفه الموضوع اسمه مرايا ووجوه


وفى النهايه سلامى ودعايا الى شيماء شيكو
الى صديقه لم اتعرف عليها رحمها الله



لا تسألونى عن سبب كتم الأحزان ؟؟ بس اسألونى عن غيابى وحضورى



لا تسألونى عن سبب دمع الأعين ؟؟ بس اسألونى عن دواعى سرورى


لا لا تسألونى عن تصاريف الأزمان
أجامل احبابى واخوانى
جبر الخواطر صار معنى حضورى
أعطيهم الفرحه وأنا وسط الآحزان
وأجبر كسور الغير وأهمل كسورى


و نتكلم شويه بالعاميه





اكتر شعور بيغمرنى هو الوحده حتى لو كنت مع اصحابى او مع العائله
بضحك لاى حد بيكلمنى علشان متظهرش نظرت الوحده فى عينى



يا ترى كام واحد بيشعر بالوحده اكيد مش انا بس واكيد برضه فى حل بس لو فى حد عارفه يا ريت يقولى عليه






......... joker




  • Digg
  • Del.icio.us
  • StumbleUpon
  • Reddit
  • Twitter
  • RSS

17 Response to "وحيــــــــــد"

  1. joker Says:
    19‏/9‏/2007 3:28 ص

    الاول كل سنه وانتو طيبين معلش يا شباب انا مواضيعى كئيبه شويه بس انا من الناس الى بيحبو الضحك اوى
    وادعوا الله ان تكونو سالمين
    شبـــ اون لاين ـــاب

  2. dr.Roufy says:
    19‏/9‏/2007 4:56 ص

    لا يا جوكر مواضيعك مش كئيبة ولا حاجة

    انا عارفة الاحساس دا لما تكون وسط اهلك..واصحابك..حاسس بغربة
    لما تكون ضحكتك على وشك..وقلبك حزين..ويمكن كمان روحك مكسورة

    قد ايه صعب ومؤلم
    لما تحس انك بتتكلم لغة غير باقي البشر
    أو انك..وحيد في صحرا واسعة مالهاش آخر..حتى لو كان حواليك..ألوف

    احساس بارد..وفظيع
    لكن هاقول لك ايه..أنا نفسي مش عارفة له حل

  3. sahr says:
    19‏/9‏/2007 8:53 م

    السلام عليكم
    موضوعك مش كئيب ولا حاجة دا ممكن يكون نفس الحال لناس كتير
    بس اقولك ايه
    الوحدة عبادة
    تحياتي

  4. joker Says:
    19‏/9‏/2007 11:59 م

    انا بجد بشكركم على الردود الجميله دى
    طول مفى اصحاب مخلصين هيموت جوانا شبح الوحده

  5. بيجاسوس المصرى says:
    21‏/9‏/2007 12:55 ص

    السؤال الاهم
    هل الوحدة شعور ام صناعة و كيف ظهرت و لما؟
    و هل هو سلاح قاتل يفتك صاحبه؟
    سؤال يحتاج الى التدبير و التفكير

    رحم الله شيماء

  6. بيجاسوس المصرى says:
    21‏/9‏/2007 12:56 ص

    بالحق كل سنة و انتم طيبين و مدونتكم جميلة اتمنى لها المزيد من التقدم بأذن الله

  7. باربى Says:
    21‏/9‏/2007 2:41 ص

    الوحده اصعب حاجة فى حياة الانسان عايز تموت حد سيبه لوحده وهو هيموت من الوحده انا فعلا بحس بالوحدة وصحابى معايا عارفين اغنيه تامر حسنى محدش عارف حاجة محدش حاسس بيا ايوة ببقى فى وسط الناس ودموعى جوه عنيا الاغنيه دى بجد حاسه بيها اوى

  8. حياه الأحلام says:
    21‏/9‏/2007 4:32 ص

    السلام عليكم

    كل سنه وانت طيب وبخير
    والموضوع مش كئيب ولا حاجه
    بالعكس انت بتتكلم فى أحساس كلنا بنحس أنا عن نفسى بحس كده كتير

    وفعلا أكتر أحساس مؤلم لما تبقى جنبكم ناس كتير وتحس بالوحده

    بس أصل الوحده مش بعدد الناس اللى حواليك ولكن بعدد الناس اللى حاسه بيك واللى جواك

    بس صعب أوى تلاقى الناس دى علشان كده بنحس بالوحده

    بس حاول تدور على صديق ما تلاقيش معاه لوحده دى

    بوست كله أحساس

    تحياتى

  9. joker Says:
    24‏/9‏/2007 12:13 ص

    انا بجد بشكر كل واحد شارك معانا وانشاء الله مش هنخلى حد وحيد طول مهو معانا فى المدونه





    شبــــ اون لاين ــاب

  10. رموز الحياه says:
    24‏/9‏/2007 8:33 ص

    موضوع بجد راااائع...

    كل إنسان بيشعر بالوحده ..

    أنا برده كده مزيج غريب بحب الحزن كمعنى وفى نفس الوقت ظاهريا مرحه وبفرج هم ناس كثير بالضحك ..
    الوحده أيضا مزيج من المشاعر الحزينه والجروح المؤلمه ..

    احيانا الوحده تكون مطلوبه فى بعض الأوقات وفى أحيان كثيره بتكون مؤلمه صعبه
    الحل إن الإنسان يحاول يتأقلم مع وحدته ويسعى جاهدا فى سرقه بعض السويعات من الزمن ليعيشها بعيد عن وحدته ...
    وربنا يفك وحدتنا جميعا ...

    بشكرك يا جوكر على الموضوع التحفه ده ..

    وياريت تكثر من المواضيع الحزينه بجد رائعه

  11. DoMaLaYs says:
    25‏/9‏/2007 5:40 ص

    وحدة

    واء واء

    يا مان متقلبش المواجع

    و شكراً على موضوعك

  12. joker Says:
    26‏/9‏/2007 12:25 ص

    رموز الحياه
    بشكرك على التعليق الجميل
    وانشاء الله هيكون فيه مواضيع حزينه تانى
    وبشكر الشاب الكوووووول على زيارته لينا





    شبــــــ اون لاين ــــــاب

  13. حسام مراد says:
    26‏/9‏/2007 7:44 م

    هو ايه النظام كل ما ادخل مدونه احس اشوف كلام بنفس المعنى هو بقه حال المدونين كلهم كده عشان ادمانهم للنت ممكن خلاهم يحسوا بالوحده والملل ولا ايه

    ع العموم كلامك جامد وعجبنى اوى اوى الجزء ده
    جبر الخواطر صار معنى حضورى
    أعطيهم الفرحه وأنا وسط الآحزان
    وأجبر كسور الغير وأهمل كسورى

    ولما اعرف الحل اكيد هاجى اقولك بس لما تعرف انت بالله عليك يا تقولى

    يلا تقبل ارق تحياتى وسلاماتى
    تحياتى
    شغال

  14. حسام مراد says:
    26‏/9‏/2007 7:45 م

    بخصوص الاستطلاع
    كمل

    ماتكبتش حاجه جواك ياباشا
    سلامات

  15. mthlykaweyy says:
    27‏/9‏/2007 6:29 ص

    سورى انا نسيت اقولك حجه
    انت اسم مدونتك جميله اوى عجبتنى موت

    مرسيه
    باى

  16. شبــ اون لاين ـــاب says:
    30‏/9‏/2007 10:12 ص

    vb

  17. 文章 says:
    23‏/7‏/2015 8:30 ص

    餐飲設備 製冰機 洗碗機 咖啡機 冷凍冷藏冰箱 蒸烤箱 關島婚禮 巴里島機票 彈簧床 床墊 獨立筒床墊 乳膠床墊 床墊工廠 產後護理之家 月子中心 坐月子中心 坐月子 月子餐 銀行貸款 信用貸款 個人信貸 房屋貸款 房屋轉增貸 房貸二胎 房屋二胎 銀行二胎 土地貸款 農地貸款 情趣用品 情趣用品 腳臭 水晶 長灘島 長灘島旅遊 長灘島景點 長灘島必買 婚禮顧問 婚禮顧問 花蓮民宿 花蓮民宿