زمن الفن الجميل اااااااااااااااامين


انا عارف ان فيه ناس ممكن تزعل منى من موضوع النهارده لكن معلش انا لازم اقول اللى فى قلبى
احنا ليه كل ما حد يقول ام كلثوم او عبد الحليم او عبد الوهاب بقينا نقول الله زمن الفن الجميل

ليه يا جماعه تعملوه فينا كده و تحسسونا ان احنا اوحش

انا بعلنها انا مش بحب اسمع ام كلثوم و مش بحب اسمع عبد الحليم عادى يعنى بالنسبالى مجرد ناس بتغنى

انا مش بعييب فيهم ولا بقول انهم وحشيين لا هما على راسى من فوق

هما زمن الفن الجميل احنا برضه عندنا ناس بتغنى و الحان عظيمه

ليه بقينا اول ما نسمع اسميهم نقول الله ... كل حاجه فيها الحلو و الوحش

انا ساعات بسمع اغانى قديمه و دانى بتوجعنى و بزهق و بحسس بملل فظيع

يعنى ايه اقعد اسمع اغنيه 3 ساعات يعنى ايه اقعد اسمع اغنيه رتمها بطيئ و ممل

ليه اعمل فى نفسى كده ... ممكن الناس الكبيرهتعمل كده دى ايامهم و حياتهم

لكن مش حياتى انا

دول مش جيلى ... اه انا ساعات بسمع ورده و ساعات بسمع فيروز

بس مش بقعد اقول الللللللللللللله يا ست ... ولا بقعد اهز راسى

و ليه الناس الكبار القديمه بتحسسننا اننا فاشلين فى كل حاجه

جيلنا بيعمل الحان جميله و اغانى جميله

اه فيهم الوحش و زمان برضه كان فيهم الوحش

انا نفسى نبطل بقى نقدس الناس القديمه دى و نعتبرهم انهم ناس عاديه بتغنى

و نفسى نبطل الناس تبطل احباط فى جيلنا و تعرف ان دى اجيال جاييه و اجيال بتروح

بذوقهم و حياتك و اغانيهم و موسيقاهم و كل حاجه بتتغير هى دى الدنيا

اسمعوا ام كلثوم اسمعوا عبد الحليم اسمعوا عبد الوهاب

لكن اعرفوا ان زمنهم فات و انهم مغنيين عاديين مش خارقيين

انا بسمع راب احمد مكى و بسمع رومانسيه شيرين و بسمع تراث منير

و بسمع موسيقى يانى و هدوءه

و اكتر من كده و افتخر انى من الجيل ده

كان لازم اقول الكلام ده... ده مش عيب فيهم ولا حاجه ده اعتراض على فكره اننا جيل فاشل

...........واحد مخه لاسع شويه
  • Digg
  • Del.icio.us
  • StumbleUpon
  • Reddit
  • Twitter
  • RSS

20 Response to "زمن الفن الجميل اااااااااااااااامين"

  1. king_somya says:
    ٢٩‏/٤‏/٢٠٠٩، ٢:٠١ ص

    اولا يشرفنى انى اول تعليق
    ثانيا ليه نعمل فرق بين جيل وجيل
    لكل جيل جماله وابداعاته
    مفيش قديم وجديد لكن الفن فن مهما كان الوقت والزمان
    والتذوق ليس قاعدة لجيل عن جيل
    التذوق موجود ولايزال عبر الاجيال
    احييك على موضوعك ويارب دايما اشوف جديدك

  2. king_somya says:
    ٢٩‏/٤‏/٢٠٠٩، ٢:٠٢ ص

    اولا يشرفنى انى اول تعليق
    ثانيا ليه نعمل فرق بين جيل وجيل
    لكل جيل جماله وابداعاته
    مفيش قديم وجديد لكن الفن فن مهما كان الوقت والزمان
    والتذوق ليس قاعدة لجيل عن جيل
    التذوق موجود ولايزال عبر الاجيال
    احييك على موضوعك ويارب دايما اشوف جديدك

  3. شبــ اون لاين ـــاب says:
    ٢٩‏/٤‏/٢٠٠٩، ٢:٠٩ ص

    king_somya

    انا اللى بتشرف بيكى

    الفرق بين الاجيال موجود بالفعل مش انا اللى عملته

    موجود فى كل كلمه تشكيك فى زوقنا و موسيقانا و حياتنا

    التذوق موجود لكن مش واحد

    كل واحد حسب ما اتعودت اذناه

    ان بس عايز نبطل الشتكيك فينا ككجيل
    اننا منقدرش نعمل و منقدرش نعمل و كذا و كذا

    ------------------
    واحد مخه لاسه شويه

  4. moory-mero says:
    ٢٩‏/٤‏/٢٠٠٩، ٢:٣٦ ص

    السلام عليكم ورحمة الله وبركاته

    اولا اسيك يا احمد حامل ايه يارب تتون تويث وبخير يااااااااارب وباربي ومحمد عاملين ايه سلم حليهم كتير

    ثانيا ندخل بقى للموضوع المهم ده واللي هرغي فيه كتير وبالدليل القاطع وبعيدا عن لغة ميرو هناقشك بموضوعيه واقناع ان شاء الله ويارب موش تزهق من طول ردي :)

    انت بتقول في البداية انك موش بتحبهم اولا كونك تحب حد او موش تحبه ده شيء يرجعلك انت وموش هلومك لان الحب موش بايدينا اصلا وزي ما قلت في مدونتي سبحانك ياربي فالحب من صنعك والكره من صنع البشر .. المهم عارف الجيل اللي فات ده محبوب ليه وعن نفسي بحبه جدا بحب كل ما فيه من ملحنين وشعراء من مغنيين لموزعين من آلات
    بحب الزمن ده في كل حاجه وصعب حد يعمل مقارنه بينهم اولا الزمن ده واخد شعبية لانه راعى كلمة حتى لو صعبه على الاذن والعقل فلها معنى ومعنى قوي ولو على الكلمات عندنا قرآننا الكريم مليء بلمات صعبه علينا ولكن حين دخولنا في عالم التفسير نجد لها معنا ونقول عليه الله .. نعم الله لانه كلام ربنا كلام رسايل جاية وموجهه للمسلمين رغم صعوبة كلماته علينا بس لو قريناه بالشكل السهل لينا بنفهمه
    بالنسبة للفن الخاص بالزمن الجميل لانه كان دقيق في كل شيء صوت يملك حنجره قوية رنان تعزف وحدها اللحن على الكلمات موسيقى تبدع في دخلاتها ومخارجها فهي اولا واخيرا قائمة على العود والربابه والناي وده زم الاسترسال وكم لتمنيت ان اعيش هذا الزمن لاشم رائحه المشاعر الصافية داخل كل قلب
    دلوقتي بقينا بنشوف الكثرة وزمان كان القلة هنا الكثرة بقت بتختار ديزاين كليب ديزاين لبس لحن يرقص ومع كل هزة وسط شباب تقول الله واتحدى اى حد يقول الله على اللحن او الكلام لا الله على الضياع والارف اللي بيشوه ديننا
    زمان كان قلة غير محسوبة ممكن موش نحب نسمعهم لكن دلوقتي صعب
    انا عن نفسي في الوقت ده موش بسمع غير الاصوات الطربية انت قلت بتسمع شيرين وموافقاك لاني بحبها جدا وشيرين لسه صغيره بس بعدها من الزمن الجميل لان الزمن ده موش بالسن لاء الزمن ده بينادي حنجرات وقلوب وعقول لسه عايشة وبتفكر كويس ومحدده هدفها اني عايزة اوصل رساله في فني موش اوصل جسمي للشباب شيرين فنانه تملك حنجرة ذهبيه وبتختار في اغانيها كلمات تحمل رسايل كتيره اوي وبتختار الحان حلوة كتير هادى وسريع وطربي
    وشيرين نفسها فنانه طربية ويسمعها الكبير والضغير اصاله مع جيل الوسط وعاصرت جيل الشباب ولكن بحنجرتها وصوتها وانتقائها للكلمات الجميلة وجنات ايضا وصابر
    تعرف اني سمعت اغنية صرخه لصابر الرباعي ولمدقمتها ولمعاني كلماتها اول مرة اسمعها شغلتها تاني وتالت ورابع وكل مرة والله بقول الله فعلا عبد الحليم موش مات وزمنه راجع تاني ولا عبد الوهاب الناس دي فاهمه الفن كويس وكان سهل ايامهم يقدموا فن رخيص او موش له معنى زي ماانا موش بحب منيرة المهديه كلمات في منتهى الانحدار واهو من ضمن القلة في الزمن الجميل عرفت قصدي ايه

    هقولك حاجه تانيه وانا بتفرج على مسلسل ورده ان الاوان مع خالد سليم لما كان بيعمل اختبار وسالوه بتغنى ايه طربي ولا شعبي ولا ايه قال شعبي بس لو فاهمين معنى شعبي اللي اقصده اللى هو زي ام كلثوم كانت بتغني للغني والفقير والشباب والكبير والصغير
    هو ده الشعبي رسالة لكل عامة الشعب المهم الكلمة واللحن والصوت موش مهم الفستان والصوت
    منير فنان موش غنى اي كلام واهو فنان من زمان وبرده من ضمن زمن الفن الجميل وغير في الباند بالات موسيقيه معاصرة لكن ده زود له ولذلك اسمه الملك لكن موش حاول يقول تعالى قوم لاعبني ولا يقول اغاني تثير الغرائز
    انا ضد هيفاء حتى لو بتختار اغنية لحنها كويس فالكلام كله اثارة غراز صوتا وشكلا ومعنى
    انا مع الزمن الجميل كل وقت حتى وقتنا هذا فلطالما اتوجدت اصوات مثل الزمن القديم فهنا قديم مع وسط مع جديد مع مستحدث يحمل صوت طربي حنجرة ذهبية ولحن تخفق له القلوب وكلمة تخترق العقول قبل القلوب وتفهمها جديا اذن فهنا تسدل الستاره على مكان يرحب بكل من له علاقة بالفن الجميل

    سوري على الاطاله بس بجد ده رايي ومقتنعه بيه جداااااا

    في رعاية الله

  5. شبــ اون لاين ـــاب says:
    ٢٩‏/٤‏/٢٠٠٩، ٣:٢٧ ص

    mero-moory


    انا عارف انى مش مشكله حد انى مش بحب اسمعهم

    و كل الكلام اللى انتى قولتيه ده كويس وكل حاجه

    و عارف ان دى اذواق و كل واحد حر

    و انا مقولتش انهم وحشيين انا قولت انهم عاديين

    مش لازم التقديس فيهم

    و انا مش بحب هيفاء و روبى و رولا و غيرهم

    زى كل الناس

    اه انا مع الطرب و الصوت الجميل

    لكن زوقى و دماغى مش رايحه لزمان

    انتى بتحبيهم و ماله يا ميرو انا مقولتش حاجه

    و انا مش بختلف معاكى

    لكن فكره التقديس و اننا فاشلين ده اللى بيضايقنى

    انا عارف ان فى عندنا ناس فنها بايظ و ميغنوش حتى فى الحمام

    و زمان برضه كان كده

    فكره الطرب انا معاها

    لكن التشكيك فينا وفى جيلنا انا مش معاه

    ياريت مبقاش انا كمان طولت عليكى


    --------------------
    واحد مخه لاسع شويه

  6. ”*°•.˜”*°•..سونه..•°*”˜.•°*”˜ says:
    ٢٩‏/٤‏/٢٠٠٩، ٣:٥٩ ص

    السلام عليكم .
    كلامك جميل عن موضوع الاجيال
    كل جيل وفى الكويس وفى الوحش
    انا عن نفسى مش بسمع اغانى بس سعات فى كلمات واغانى فعلا بتشد الواحد وده دليل ان فى كويس وفى الى مش كويس
    بس كمان فى اغانى فى الزمن القديم هديه بتتسمع فى اوقات معينه .
    شكرا على التاج واكيد هنزله قريبا ان شاء الله .
    تحياتى ((**سونه**)) .

  7. شبــ اون لاين ـــاب says:
    ٢٩‏/٤‏/٢٠٠٩، ٤:٤٧ ص

    ”*°•.˜”*°•..سونه..•°*”˜.•°*”˜


    انا بحييكى على اشتراكك معانا فى الموضوع


    و انا كمان بسمع ورده و فيروز

    بس عادى يعنى ناس بتغنى مش لازم التقديس

    و انا سعيد انك حتجاوبى على التاج

    ----------------
    واحد مخه لاسع شويه

  8. غير معرف Says:
    ٢٩‏/٤‏/٢٠٠٩، ١:٥٠ م

    انا مع لاسع فى كلامة انا عن نفسى لما بسمع ام كلثوم بتجيلى حاله ملل ليه انا افضل اسمع موسيقى بس من غير كلام نص ساعة او ساعة الا ربع بزهق وبخنق واقفل الاغنيه من قبل ماتبتدى اصلا انا بحب اسمع فيرووووووز ووردة بموت فيهم واغانى لنجاة وام كلثوم بس هى وعبد الحليم الموسيقى كتير اوى اللى تخلينى امل انا مش مجبرة على كدة احنا جيلنا فيه ناس كتير كويسه وكلامهم حلو اوى وفى طبعااا الوحش زى زمن ام كلثوم كان فى الكويس وفيه الوحش جدا كمان انا لما بسمع حد من الناس الكبيرة يقول انتوا جيلكم ده بتاع الاغانى الهابطة بتعفرت بصراحة سمعتوا فين الاغانى الهابطة دى ماانا بسمع ناس كويسة وكلامها جميييل ومأثر جدا عجبت لك يازمن لازم يعرفوا ان كل زمن وليه طريقتة وحياتة

    باربى

  9. شبــ اون لاين ـــاب says:
    ٢٩‏/٤‏/٢٠٠٩، ١:٥٧ م

    باربـــــــــى


    انتى كده قربتى من وجهه نظرى

    يا جماعه اللى عايز يسمعهم يسمعهم انا مقولتش حاجه


    انا عن نفسى بحب اسمع يا صباح الخير بتاعت ام كلثوم

    مش دى الفكره

    الفكره فى التقديس و انهم مايعملوش غلط

    انا بسمع ده

    و اننا جيل الاغانى الهابطه و جيل النت و الحوارت دى

    زمان برضه كان فيه اغانى هابطه و كلام فارغ بيتغنى

    و احنا عندنا ده

    ز مان كان فى ناس طربيه و صوتهم حلو

    احنا عندنا ده و احسن كمان

    انا بشكرك يا باربى على كلامك


    ----------------------
    واحد مخه لاسع شويه

  10. ماء تشرين says:
    ٢٩‏/٤‏/٢٠٠٩، ٨:١٨ م

    الصراحه انا كمان مبحبش ام كلثوم خالص ومش بحب اسمعها
    لا كن بحب حليم جدا وبحب اغانى لفريد مش كلها بس الشبهنا وبموت في فيروز جدا
    فهما مختلفين ياعنى مش زاى بعض وبعدين الناس مختلفين ياواحد ياعنى في ناس بتحب عمرو دياب وتخيل في ناس مش بتحبو هى غريبه بس في ناس مش بتحبه وده قيسه على كل الموجودين وفي يوم هيجي الجيل الورانا يقول ايه عمرو ده هو كان بيعرف ياغنى تخيل هيقولو على عمرو كده ياعنى عادى هى اجيال وكل جيل بتختلف ايقاعات حياته عن القبله
    موضوع جميل اووى

    تقبل مرورى

  11. شبــ اون لاين ـــاب says:
    ٢٩‏/٤‏/٢٠٠٩، ١٠:٢٣ م

    ماء تشرين

    انا بحييكى الاول على المشاركه معايا فى الحوار


    حكايه الحب و الكره لمطرب بعيينه حريه شخصيه زى ما قالت ميرو بالظبط


    و انا معاكى فى كتير من كلامك

    بس الحكايه اللى بتخنق فى اول ما حد او مجموعه من الناس و هى نسبه كبيره يقول الله زمن الفن الجميل من غير تمييز

    حتى لو كان الشخص ده مش بيسمعلهم

    ---------------------
    واحد مخه لاسع شويه

  12. Sweet Violet says:
    ٢٩‏/٤‏/٢٠٠٩، ١٠:٤٠ م

    اعتقد انه مش تقديس ولا حاجه

    لكن عموما الزمن اللى فات مش هننكر انه فعلا الزمن الجميل لان كل حاجه فيه تحس انها هاديه و جميلة من ضمنهم الاغانى ده حتى الاخلاق كانت لسه بخيرها

    موضوع رتم الاغنيه فده لان العصر نفسه كان كده

    انا مش هنكر ان زمنا فيه ناس كويسه سواء بشر او اغانى لكن الغالب وحش جدااا قليل قوووى لما تلاقى حد بيغنى اغنيه كويسه قليل قوووى لما تلاقى حد اخلاقه كويسه كل حاجه كويسه بقت فى الزمن ده قليل قووى عكس الزمن اللى فات الوحش هو اللى كان قليل

    و على فكرة الجيل اللى بعدنا هيقول بردو على الزمن بتعنا فين يوم من يومه لان من الواضح ان الحال بيسوء من جيل لجيل مش بيتحسن انا عارفه ان نظرتى سوداوية لكن فعلا هو ده الواقع

  13. شبــ اون لاين ـــاب says:
    ٢٩‏/٤‏/٢٠٠٩، ١٠:٤٧ م

    Sweet Violet


    اولا انا مش بعيب فيهم ولا حاجه و انا قولت كده كتير

    و انا عارف ان كل جيل فيه الوحش و الحلو


    ممكن يكون انا معذور لانى معرفهومش
    بس الحقيقه انا مش بسمعهم

    و فعلا الجيل اللى جاى حيقول علينا كده برضه

    يظهر العيب مش فى اللى قبلنا ولا فى اللى بعدنا

    العيب فى قله الثقه فى الاجيال القادمه انها تقدر تعمل

    و ممكن كمان اختلاف الازواق

    انتى نظرتك مش سوداويه بس ده الواقع فعلا


    ------------------
    واحد مخه لاسع شويه

  14. princess says:
    ٣٠‏/٤‏/٢٠٠٩، ٥:٢٣ م

    كل جيل وليه حاجاته اللى تناسب عصره والحاجات اللى بيحبها
    وياريت مننساش اتن عمرو دياب مثلا وحماقى كمان كام جيل هيبقوا زى عبد الحليم وام كلثوم للجيل الموجود ساعتها
    دى لعبة كراسى موسيقية
    واحنا جيل مش فاشل ولا حاجة
    احنا لينا دماغنا:)

  15. Kiara says:
    ٣٠‏/٤‏/٢٠٠٩، ٩:٠١ م

    ايوه ياست

    اممممممممممممم كلثوم

    ياااااااااااااه تسمعها بقي في قعده روقااااان ومعاك كوبايه النسكافيه وفي البلكونة وبتبص علي القمر سيدي ياسيدي

    دي مزاااااااااااااااااااج يبني

    بس برده بسمع شيرين وجنات وكووووووووول ما هو مسموع وواضح مش تك تك تكت دومدومدوم

  16. Unknown says:
    ١‏/٥‏/٢٠٠٩، ١:٢١ ص

    لكل وقت اذان

    ولكل زمن طريقة

    ورتم

    ولازم منقارنش

    وزي ما في اللي صوتة كويس في الوحش


    ياريت منعممش
    عندك حق


    سلام

  17. dalia says:
    ١‏/٥‏/٢٠٠٩، ١٠:٥٤ م

    السلام عليكم

    وحشتوني كلكم شوفوا بقه انا كمان بضايق من اعتبار ان أغاني أم كلثوم احلي أغاني وكنت في حوار مع أحد الصحفيين في باص راجع بينا من الجامعة الامريكية وفضل مشغل ام كلثوم لغاية ما راسى وجعتني وكان فاكر ان كل الصحفيين مبسوطين منه قوي بس انا كنت مضيقه للسببين اني مش بحب حد يفرض علي حاجه معينه ثانيا اني مبحبش كل اغاني ام كلثوم
    بس اخيرا عايزه اقول ان سبب حب الناس واطلاق الزمن الجميل على الاغاني القديمة هو انها بتفكرهم بحاجات جميلة زمان مش اكثر
    تحياتي

  18. Unknown says:
    ٤‏/٥‏/٢٠٠٩، ٨:١٥ م

    والله انا افتخر أني من الجيل ده
    بس في موضوع الفن
    لا ياعم الجيل الللي فات 100 100 عن جيل دلوقت
    مش كفاية علينا مطرش الجيل اللي فرحانلي بشعر صدره
    بلاش قلة أدب
    مفيش فن وده مستهدف وبجد

  19. انت تسال والكمبيوتر يجيب says:
    ١٠‏/٥‏/٢٠٠٩، ١٢:٤٠ م

    فكرة ان الماضى هو الزمن الجميل ...تورث الياس لأن ما نملكه هو اللحظه الحاضره والمستقبل وعلينا ان نجعلهما فى جمال الماضى ....بالصدفه سنناقش هذا الموضوع فى مدونتنا وبرنامجنا الأذاعى ...ندعوك للمشاركه وسوف تكون تدوينتك مدخلنا للموضوع
    اجمل تحيه
    دعوه
    /الأخ العزيز
    تحيه طيبه
    برنامجنا الأذاعى عن النت والمدونات من الأذاعه الرئيسيه لمصر اى اذاعة البرنامج العام يذاع يوميا التاسعه وعشر دقائق صباحا عدا الجمعه
    ندعوك لزيارة مدونتنا والتعليق على ما نطرحه من موضوعات وهذه التعليقات تذاع باسماء اصحابها فى حلقات برنامجنا

    وبموقعنا رابط بالضغط عليه والأتنتظار قليلا وقت أذاعة البرنامج يمكنك الأستماع الينا
    المدونه
    http://netonradio.blogspot.com
    الموقع
    http://stop.to/cairo

  20. غير معرف Says:
    ١٠‏/٥‏/٢٠٠٩، ١٢:٥٧ م

    انا بسمع راب احمد مكى و بسمع رومانسيه شيرين و بسمع تراث منير

    عجبتني اوي الجمله دي يا احمد

    انا معاك في كلامك ورأيك
    كل زمن وفيه الحلو والوحش
    هما كان عندهم اغاني جميله اوي اوي بس تلاقي فيها اعاده واطاله ممكن تحسسنا بملل ..
    اقولك
    انا بسمع ام كلثوم بس بنزلها تراكات مش بتكرر الكلام فيها عشان ما املش
    وبسمع عبد الحليم
    وفيروز دي عشقي
    بس بردو بسمع عمرو ومنير اللي اعتقد ان دول حاله خاصه جدا وبتعرفنا اننا فعلا جيلنا فيه فن اجمل من زمن الفن الجميل !

    بجد موضوع جامد جدا
    تسلم ايديك عليه