شبــــ اون لاين ــــاب

البنــات دول حاجه تحير يا ناس
...........

لو مدحت فيها تبقى كداب ومنافق وبكاش وابن ستين فى سبعين

ولو ممدحتش تبقى ماعندكش ذوق وجلف وفلاح و و و و 000 الخ

...
ولو ماوافقتش على كل اللى تطلبه منك تبقى بخيل ومعفن وجلده

...
ولو ماغيرتش عليها تبقى مش بتحبها وتعملهالك محزنه

...
ضعيفات, لكنهن قويات

...
و من الاخر يعنى

.

استنو شويه اه

.

اهو

الموضوع

.

ليه جو المنافسه الى بين الشركات او الانديه بيخلق جو كره بين الناس

ليه كل لم الشعب ده يحاول يفوق ويقف على رجليه مش هقول بياخد خبطه توقعه تانى هو بياخد خبطه بتموته لقرون

بس كده كفايه هقول ايه تانى خلينا احنا كده مغمضين احسن لنا

ايه اللى بيقولوه الناس دى

...... باربــــى

كل سنه وحضرتكم طيبين رمضان خلاص وصل عايزة اعرف هتعملموا ايه فى رمضان؟ هتوصموا وهتصلوا وهتقروا قران صح؟؟؟؟؟؟؟؟؟؟ طيب هتصوم عن الاكل والشرب بس ولا هتصوم عن كل حاجة الصيام مش صيام عن الاكل والشرب بس لا عنيك تصوم وايديك تصوم ورجليك وبؤك يصوم عن الكلام اللى احنا كلنا عارفينه لما حد هيقولك حاجة هتقوله اللهم انى صائم؟ ياريت تكون الجمله دى نقولها على طول مهما اتعمل فينا حاول انك تكسب الشهر ده باى طريقة حاول تاخد كل الحسنات اغسل ذنوب السنه اللى فاتت كلها حاول وان شاء الله ربنا هيعينك بس اخلص فى التوبه وربنا هيستجيب منك احنا بنستنى الشهر ده علشان نتوب لله رب العالمين نفسى اطلب طلب منكم وتنفذوه طبعا انتم احرار بس انا بتمنى انكم تنفذوه كل واحد زعلان من حد يروح يصلحه حتى لو مش انت اللى غلطان ادخل الشهر ده وانت متسامح مع كل اللى تعرفهم انا عن نفسى هشوف انا مزعله مين وهكلمهم وهصالحهم انا عايزة حسنات وحتى لو مش انا اللى غلطانه هتصل وهصالحهم وهقولهم كل سنه وانتم طيبين وزى مابيقولوا المسامح كريم واحنا فى شهر كرم لازم كلنا نسامح وليا رجاء منكم ان اللى هيصوم ويقرا قران ميكنش فى رمضان بس ياريت بعد رمضان كمان ربك رب كل الشهور مش رمضان بس صدقونى مش هتخسوا حاجة لو فضلتم كدة بعد رمضان بالعكس هتكسبوا كتير اوى كل سنه وانتم طيبين

و ابقوا ادعولى بقى.....متنسوش

ثوانى اشرب حبه ميه ..... اصل موضوع النهارده مليان شويه و ع فكره الحكايه بجد فى شارع من الشوارع التجاريه اللى هيا بيبقى فيها ناس وقفين بيبيعوا و سوق يعنى ......فى ناس كتير بيعدوا كل يوم فى الاسواق اللى زى كده و بيشتروا ويمشوا ومحدش فكر انه يكتشف اد ايه الناس دى بتتعب وندخل فى الموضوع ع طول

الحكايه كان فى يوم ماشيين انا و صاحبى رايحين نشوف واحد صاحبنا بيشتغل فى الشارع التجارىلفظ ده احسن من السوق بالنسبالى ما علينا

و خير اللهم اجعله خير و كالعاده الشارع مليان بشر ... بس كان لازم نكافح انا وصاحبى لحد ما نوصل لصاحبنا اللى رايحين نشوفه ..ودخلنا ومش عارفين احنا حنوصل امتى بالتحديد ،زحمه بقى

وكنا اول مره نروحله ونشوفه وهو شغال و كنا كل اللى نعرفه انه شغال فى محل بتاع شنط الاطفال وحريمى و كده ، ووصلنا الحمد لله بعد مشوار طويل مع ان الشارع اصلا مش طويل اوى

المهم... روحنا وشفنا صاحبنا و طبعا النظره الاولى كانت غريبه الواد كان زى الفل و زى القشطه ايه اللى جراله و بهدله كده

و الحمد لله ربنا محرمنيش انى اشوف واعرف بنفسى هو ايه اللى بهدله

مره واحده لقينا حد بيقول """ ازاله ... ازاله"""، و فى ثانيه لقيت صاحبى بيشخط فيا وبيقولى لم بسرعه البضاعه احسن يخدوها... انا مش فاهم بالظبط؟؟؟ .. فسألت صاحبى اللى كان معايا من الاول فى الخباثه . فضحك وقالى لم وانت حتعرف بنفسك

و بالظبط دقيقه والشارع اللى مكناش عارفين نمشى فيه بقى فاضى طبعا لان الرصيف بقى فاضى و الناس طلعت تمشى ع الرصيف والعربيات مكنها الطبيعى ع الاسفلت فى الشارع

فسألت صاحبى وقولتله هما ليه شالوا الحاجه وعايزين ياخدوها ليه ...قالى بص وانت تعرف

فلقيت عربيه نص نقل صغيره اللى هيا البوكس بتاع البوليس الازرق ده ، ونازل منها من ورا جوز عساكر معصعاصين ، وقاعد قدام ظابط بس ايه عليه هيبه و عليه وش شبهه عشماوى عايش الدور بقى

ووراهم عربيه نص نقل كبيره بتلم البضاعه بتاعت البياعين و ايه كله ع بعضه وارمى يا معلم ... وطبعا كنت واقف اتفرج وانا مصدوم ومش قادر اعمل حاجه ... ولقيت صاحبنا اللى بيشتغل فى المكان بعد ما لم البضاعه وتواها

بيبصلى وبيضحك وبيقولى انت لسه شوفت حاجه دول بيعدوا فى اليوم بتاع خمس ست مرات كده وفى كل مره بنلم البضاعه زى ما انت شايف ونرجع نرجعها مكانها اول ما يمشوا

وفعلا اول ما الظابط واللى معاه مشوا ، لقيتهم بيرجعوا البضاعه زى ما كانت ، و الشارع رجع زحمه تانى كل ده فى دقيقه ... سبحان الله

و على كده صاحبنا ده طالب فى كليه الحقوق ... حقوق هئ هئ هئ هئ هئ

الخلاصه من الموضوع ده ان الحكومه مش موفره شغل للناس علشان يشتغلوه وكمان بتحاربهم فى اكل عيشهم وبتهدملهم مكان شغلهم المؤقت طبعا

طالما الحكومه خايفه اوى ع الشارع وعايزاه يبقى فاضى وجميل قال يعنى البلد كلها جميله ومفيش غير الشوارع التجاريه

توفر للبياعين دول اماكن يبيعوا ويشتروا براحتهم ويبقى مكان ثابت لهم ... ياله الحمد لله

الظاهر ان مصر حتفضل عمرها بلد البطاله و حتفضل المشكله موجوده طول ما المعامله دى موجوده

هنتكلم الاول على الملاك : وهى عباره عن شخصيه مسالمه طيبه بتظهر على الانسان فى معظم موقفه الانسانيه تعرفها من اول نظره



والحمد لله الشخصيه دى نادره اوى فى الايام دى وكمان اعتبر مشفتش الشخصيه دى عند حد قابلته



الشخصيه الثانيه وهى الشيطان: وهى عباره عن مخزون من الكره و الحقد والغيره من الاخرين ومش بتسيب حد فى حاله اله بعد لم تخلص عليه



ودى تعتبر هى المنتشره فى الايام دى وبنتعامل معاهم كل يوم والشخصيه دى يتنشا من الكره والحرمان والتربيه الخطا والغيره من الاخرين ولو شايف ان فى حد احسن منه بيحاول يدمره من جميع النواحى



نصيحه ليكم : كل البشر تولد ملائكه لكن ظروفه هى التى تتحكم فى تحوله الى ملاك او شيطان



الملائكه فى السماء واحيانا على الارض لاكن الشيطان فى عيون الناس



حاول ان تبحث عن ملاكك الذى تحلم بيه

انا هتكلم عن موضوع ممكن تقولوا عليا ان دمى تقيل بس لازم نتكلم فى الواقع اللى احنا فيه احنا بنضحك ونهرز بس ناسين الواقع المؤلم اللى احنا عايشين فيه رغم اننا بعيد عنه فى مصر بس عايشينوه مع العراقين والفلسطنين وكل الشعوب اللى فيها حرب ماما امريكا بتقدم مساعدات للعراق و بتجمع تبرعات وبتعمل حاجات كتير كويسه وفى نفس الوقت بيكونوا بيموتوا حد فى العراق طفل او طفله اوسيدة او رجل او شاب او عجوز انا بستغرب من اللى هما بيعملوه ليه بتجمعوا تبرعات ومساعدات ونفس الوقت بتموتوهم ليه التناقض الواضح للعالم كله ليه بتدوا اسرائيل فلوس علشان تجيب بيها سلاح وطائرات ودبابات علشان تموت الفلسطنين وفى نفس الوقت بتقدموا مساعدات ياااااااااااااااه تناقض مش طبيعى ازاى بتقولوا عايزين السلام وبتقتلوا فى البشر عايزة حد يقولى ايه السلام بالنسبة لامريكا واسرائيل انهم يقتلوا فى البشر ومحدش يجى جمب جنودهم بس لو واحد اتقتل من جنودهم يقولوا ان انتم مش عايزين السلام وهما قتلوا الملاين وعايزين السلام نفسى انام واقوم الاقى الحرب بين الشعوب انتهت نفسى افتح التليفزيون ملاقيش فى نشرة الاخبار قتل واستشهد نفسى اصحى على اخبار كويسه تفرحنى مش تديقنى ياترى انا بحلم ولا ممكن يوم حلمى يتحقق انا بدعى ربنا انه يتحقق حلمى واعيش فى سلام بمعنى الكلمه

و رجعنا بالجزء التانى من صور الاطفال .... اكيد حتعجبكم

اكيد غيبنا ع الكتابه ...بس كان لازم نرجع

اكيد كل واحد مننا عنده موهبه اى كانت هى ايه...رسم ،شعر ،كتابه

يعنى احنا عايزين نكون عندنا خطوه ايجابيه ونساعد بيها ، الشخص اللى عنده الموهبه

يمكن يكون احنا كان عندنا مواهب و علشان محدش ساعدنا فأختفت المواهب دى

احنا حنساعدك ... حتى لو انت شايف ان موهبتك تافهه بس هى اكيد عندنا حتساوى معانى كتير

شبــ اون لاين ــاب ... حتديلك مساحه من الراى و الحريه

لانك لازم تعبر عن رايك

راسلنا ع الايميل الخاص بالموقع... وعبر عن رايك بكل حريه

اصعب حاجه انك تاخد قرار صح الايام دى ,وكمان الاصعب هو تنفيذه بسبب تأثير اصحابك عليك بافكرهم التافهه واستغلالك لمصالحهم الشخصيه , وكمان مش عاوزينك تكون احسن منهم ولو كنت بتعمل حاجه صح بيحوله يخربوها باى طريقه وكل ده بسبب ثقتك فيهم

وبوحك لهم باسرارك الشخصيه

وانا نفسى مريت بنفس التجربه دى فى القرارات الخطأ فى الكليه كان اكتر قرار خطأفى حياتى انى اساعد واحد صحبى فى دراسته وكان

هو اقرب اصحابى وخليته يحفظ اسرارى والنتيجه انه كان بيحكيها لصحابه ولم كنت بطلوب منه حاجه مكنش بينفذها ولم كنت باخد رايه فى قرار مهم كان بيقولى القرار الخطأ

كل ده بسبب عدم رؤيتى للأمور الصحيحه واختيار اصحاب لا يعتمد عليهم

وانا قرارت اغير صورتى واسمى وشخصيتى بحيث محدش يفهمنى او يعرف شخصيتى الحقيقه المهم انى على طول بضحك لهم

كتب لكم/joker